Star Palace

最近明星做晚市優惠，京式片皮鴨$88，上湯焗龍蝦伊麵$168😋原本早一日打咗電話去book位，職員叫我唔駛book，walkin就得，點知去到勁多人，結果等咗一個鐘先有位😑，建議大家預先book位！特價片皮鴨$88，雖然唔係一隻係一份，但都算抵食。片皮鴨部位偏瘦，唔會太油膩，好啱我哋😝上湯焗龍蝦伊麵$168，如果鐘意芝士焗，要另加$40，龍蝦肉好新鮮爽口，可惜伊麵勁碎濕濕，下次嚟應該唔會再叫。…Read More

為咗响應財爺提議嘅香港夜繽紛，今日同老婆講唔好煮，出去食。揸車去元朗，行過阜財街間明星皇宮(即以前明星海鮮酒家)，見到佢有一個全港首創嘅菜式，一於入去試吓。呢個菜叫蒸氣糯米雞，喺湯煲上面有一個穿窿嘅圓碟，上面放咗糯米同埋雞喺度蒸，湯底用咗蘿蔔、蟲草花、雞同埋五指毛桃熬嘅，蒸雞嘅汁滲咗落去啲湯度，飲落好鮮甜。跟住叫咗半隻片皮鴨同埋上湯龍蝦伊麵，味道不過不失。原來呢度8:30後入座，仲有全單八折添，非常之抵。…Read More

其實都數吾到係第幾次幫襯啦，飲茶又有，晚飯又有，不嬲都食得過。所以母親節都揀左黎呢度食，皆因~佢有長腳蟹！阿媽真係好鍾意食佢 同 "打卡"😂另外仲有二寶真係必叫，冬瓜盅&片皮鴨呢日就食吾到冬瓜盅啦...每次都可遇不可求，是日7點未夠已經話冇哂。連隻蟹吖，帶位之前已經得番二隻係個缸，差D冇蟹俾阿媽食。而片皮鴨真係冇得輸，啖啖肉又好抵食。(當然就吾好同名店比， 熱辣辣脆卜卜油香呢D...係做唔到嘅😂 )其他菜式就吾細講，正常野，經濟既。仲有個咕嚕肉冇影相，廚房失手炸得黑左D，平日好好多整體來說: 是晚8位8碟菜消費共$2706，合理食物方面 7.5/10都預左過時過節，質素會下降。餐牌款式少左，但都算keep到水準服務方面 6/10樓面OK架，係帶位有d誤會減左分。其實以前一路都冇得訂位要等飛仔，但吾知係咪疫情又有得訂。甘早幾日就book左8位啦，點知屋企人早左去拎位先，但reception話冇我地資料喎 what!? 即刻俾d打電話既證據佢理論。我去到既時候，都已經肯畀位我哋。 最搞笑嘅係，我哋食到一半途中收咗個電話，就係明星打嚟問我訂左位仲嚟唔嚟架？ 我咪話我係度食緊囉 😓真係~p.s. 呢日飯後嘅橙意外地好甜, 特別想食多幾舊😂…Read More

2020年11月25日(三)晚餐第四波疫情，來勢洶洶，提前來慶祝，食餐豐盛海鮮餐，蔡氏四口子，共聚一枱，慶祝維仔二十一歲生日、預祝聖誕、做冬兼團年，開心歡聚清蒸長腳蟹5.5斤 $218/斤 新鮮生猛清蒸大連鮮鮑魚6隻$58個豉油好正沙巴龍躉兩味$148味道正常，略嫌多油-金菰枝竹蒸頭腩-翡翠龍躉球薑蔥焗桶蠔$108賣相唔討好，黑孖孖，得三粒蠔京式片皮鴨$108做得唔錯，好吃紅燒BB鴿$28x4隻一般般，炸得唔夠脆，上枱嗰時已經琳琳泡泡咁芥介$13x4位呢一餐四位用，埋單$1,964…Read More

明星集團係一間會再三幫襯既酒樓集團，元朗間明星皇宮去完又再去，基本上唔會令人失望！首選一定一定一定要嗌芝士開邊加拿大龍蝦（伊麵底），物超所值，百幾蚊一隻，係超級好食！真係食極都唔厭！食完即刻想再食！重點係暫時搵唔到有一間酒樓整得好食過元朗間明星皇宮！仲有一定一定一定要嗌片皮鴨，唔洗一百蚊，又係好好食，又係食極唔厭！食完即刻想再食！其實兩個人食呢個份量已經好夠飽，不過好多時忍唔著叫多個餸，務求食到捧著個肚先捨得走！有時會嗌薑蔥焗桶蠔，同樣物超所值，百幾蚊，桶蠔既口感真係有驚喜，真係唔會令人失望！有時就會嗌生炒骨，雖則呢個餸係周圍都有得食，只係呢度整得又係好食，食過又係會想再食！…Read More

呢度裝修完都係第一次嚟, 屋企人話試過佢晚飯都抵食, 於是今日同家人再嚟食下, 食佢地上次想食, 但人少食唔到的菜式~裝修完果然係光猛同感覺上寬敝d, 雖然呢晚係星期一, 但都好多人幫襯, 可能真係抵食掛?  薑蔥焗桶蠔記得好似有6只, 而且只只都好大只, 煮完之後都有成3吋幾, 算係咁啦~ 而且又夠肥美, 最正係佢個脆漿皮都係脆, 又唔太厚粉,但汁又唔太杰, 唔會一pet pet汁吊住, 再用薑蔥爆香個煲, 然後原煲上, 一打開蓋時真係超香~  片皮鴨做緊特價, 但只限一食, 可能佢個殼同d肉留返整火鴨絲炆米~ 全部都係响廚房片好哂先拎出嚟, 唔似以前咁, 响你面前慢慢片, 廢事你地又要佢片深d, 又呢樣果樣? 不過佢都片得好深, 圍邊的全部啖啖肉, 中間果d雖然大大塊片, 但都連住d肉, 所以都覺得幾抵食, 唔會淨係得層片, 但如果鍾意食正宗淨食皮的, 咁就唔係太啱, 但我怕肥唔鍾意食皮, 呢個就啱哂我, 有少少皮得嚟又唔係好肥, 佢只鴨應該都幾瘦下~用嚟夾片皮鴨的叫做"麼麼", 我見張單係咁寫, 有好多塊蒲餅皮, 可能個蒸籠唔夠大, 將佢開半, 由於皮實在太薄, 而且見佢有咁多塊, 所以我地都幾塊幾塊片夾一塊肉, 再加青瓜包好一齊食~  炒龍躉球炒球通常唔係配西芹就係西蘭花, 而呢度係配西蘭花, 佢炒得唔算好油, 雖然都有少少油油地, 再加上佢又啖啖肉, 所以都幾飽下, 味道都唔差, 唔會話好濃味~  清蒸龍躉頭腩真係好清蒸, 但清蒸得嚟都要打返層油, 咁樣先靚d, 個汁都係一般响酒樓食蒸魚咁樣果d甜豉油汁, 仲有炸支竹墊底, 雖然吸哂d汁好正, 但吸埋油呢~雖然食到好飽, 但依然要問今日有咩糖水送, 不過好失望, 今日冇糖水, 轉咗送橙, 好彩d橙都好甜, 用嚟消下濟都唔錯丫~…Read More