Duck Victoria

又係衝住片皮鴨而嚟嚟呢間食片皮鴨比起同一集團另外一間xx鴨子化算果間野收埋茶芥x2 + 花生埋單要貴$100但2間味道又差唔多.呢間食可以叫佢唔使上茶免收茶界$190/半隻天氣好果陣坐戶外，仲可以有維多利亞夜景/海景睇🌃🌅有其性價！！.講返隻片皮鴨外表賣相吸引金黃色的酥脆鴨皮誘人至極每一口下去,皮脆肉嫩,油香四溢絕佳的口感.不過食到最後都係難逃鴨皮的油分讓人有些許膩既命運所以食半隻都最少要兩個人😂…Read More

自從冇左海港城優惠券呢間都唔洗再大排長龍，基本上平日晚飯時間等一陣幾分鐘就入得！片皮鴨1隻 $380★★★☆☆北京填鴨需要時間整，最好一坐低就點，之後先慢慢點其他菜。呢到完全分開左淨鴨肉同淨皮，唔會有皮連肉。外皮烤得幾香脆，帶油脂，全皮冇帶肉，偏向油膩，一定要包埋肉食先得。鴨肉冇味亦冇鴨香，肉質鞋口，如果淨食佢唔掂。薄餅夠熱，厚薄適中，連埋蔥絲、青瓜、甜麵醬、鴨夾埋一齊食味道正常，唯一係個鴨肉出事。麻辣水煮魚片 $298★★★☆☆見每枱都叫，忍唔住又叫埋一份。用左魚柳而唔係魚片，急凍貨用哂生粉醃過所以食落係好滑口。魚柳份量多，夠麻同夠辣，食落入味之餘夠惹味，加上有少量配菜金針菇、萵荀、薯粉片，索哂個湯汁一流。味道唔差，但呢個價錢應該用番魚片。霸王雞丁 $128★★★★☆新鮮熱辣炸，夠哂香脆同麻辣，雞肉夠咸夠麻但又唔會炸到太乾爭爭。但雞肉份量太少，巨多辣椒，呢個價錢唔係幾抵食。小籠包6隻 $98★★★★☆小籠包皮算係薄身多汁，湯汁偏向清甜唔油膩，肉餡肥瘦肉各半，一啖一個啱啱好。生煎包5隻 $98★★★☆☆小籠包個包底煎得夠脆，但個人略廉個包厚實左少少，肉餡都比較少，肉汁唔多，做唔到爆汁。呢隻生煎包個包感會重少少，唔屬於皮薄個款。乾煸四季豆 $138★★★☆☆唔夠味道、火候同埋乾身，食落仲係帶濕，唔夠香。四季豆都唔算皺皮，不過不失。北京九黃肉絲炒拉麵 $138★★☆☆☆成個麵色水唔夠，食落冇咩味道，只有少少咸味。肉絲勁幼身同少，成個餸好寡。最後搞呂掂要問人拎辣椒醬撈勻佢先食到。雖然寫拉麵，但食落係上海麵質感，中伏。🌟總括：食物水平中等，份量較細份偏貴，如果衝住片皮鴨黎食，試過便好，未必會再ENCORE。…Read More

有海港城卷 200 減100 中午12 點去到 唔算多人片皮鴨 好食 值得再食蟹鉗 好食 雖然貴左小小 但值得一試燻魚 甜甜的 不錯 麵類 麻麻地 擔擔麵同嫩雞麵都一般蔥油餅 同牛肉餅 有驚喜小籠包 普通🙃…Read More

好幾次經過想食，但係都因為太多人排隊，食唔到，咁次早早過來排隊（5點到），居然人唔多，平時5點都排長龍啦。掃咗安心出行，店員會講明用餐時間個半鐘，人齊先可以入桌。一坐低員工就會俾水同問你有無yuu，用enjoy卡俾有4倍積分。我地食野講求速度同美味，服務態度，我地覺得好好，起碼會幫你加水，打包又唔收盒錢。因為有商場優惠券，所以可以扣4張，兩個人食咗893😄😄😄，➖400都抵既，下次會再幫襯，但水煮牛肉打死都唔會再叫。咕嚕肉會再叫，上面加咗青蘋果🍏絲，好食食過海港城幾間，得城中鴨子抵食同好食唔貴…Read More

我自問又唔算非常喜歡食片皮鴨嘅，但今日下午又唔洗等位，直接入得，就試下呢間長龍店啦！當然片皮鴨係必叫，午餐就有比較細份的size可以叫，都算細心！我自己叫咗個龍蝦湯，朋友叫豆腐羹，亦有小朋友最愛的炸物-炸蝦球🍤，最後怕唔夠食叫多個嫩雞煨麵，仲有橙汁。首先個龍蝦湯有啲失望，有陣苦澀味，本人平時食海鮮唔會覺得腥，都覺得個湯真係送的都飲唔落 朋友的豆腐羹就普普通通啦不過不失！炸蝦球有驚喜，好有鮮味，亦非常爽口彈牙，絕對值得一試！ 至於亂雞會面就比我平時食的另一間質素差啲，唔知係咪食飽咗的關係，個麵真係唔需要試都得！我都知道嫩雞煨麵的味道比較淡，但未至於淡到水一樣…Read More

最近海港城都多咗好多人出沒揾食😷 食肆都要排隊，城中鴨子🦆都唔例外，如果嚟食lunch嘅朋友不妨訂定枱，冇訂枱可能都要等10至15分鐘🕒我一向都鍾意食辣🌶，又鍾意食特色菜🦆，所以城中鴨子完全係一次過滿足我兩個願望先嚟一個水煮系列：水煮肥牛🌶上菜時覺得顏色好吸引，但係食落覺得有啲失色，佢嘅辣度只媲美到米線鋪嘅10小辣🧐 如果你淨係鍾意食麻香，而對辣冇乜興趣嘅朋友，就會好啱你🤣 而且牛肉份量較少，三人行，每人得幾塊之後再嚟一個特色系列：城中鴨子片皮鴨！呢個菜就真係好正，你見到每一塊既脂肪分布都好平均👍🏼，人人都食到正野，唔使揀嚟夾，一大班人食嘢最緊要開心🤣🤣 而且佢片皮鴨好厚皮，烤得好脆，皮係乾身，鴨肉又keep到肉汁，唔係間間都做到呢個效果 個片皮鴨真係令到我個lunch回味無窮👍🏼…Read More

今晚食飯，見到城中鴨子好耐，於是就入去一試，點了小籠包（6件）、蟲草花炒翡翠苗和半隻北京填鴨！片皮鴨的皮唔太油，幾好食，桂圓紅棗茶味道比較淡。雞湯小雲吞都幾好味，不過冇影相！…Read More

城中鴨子最出名就緊係片皮鴨啦，因為係星期六所以特別多人，我地兩個人大概要等30張枱，係出面等位果陣可以係玻璃窗出邊見到一位員工係到切緊啲超級肥美嘅鴨，真係睇見到流晒口水。首先，我哋嗌左半隻片皮鴨，上到嚟先發現原來份量都唔少。佢同一般嘅片皮鴨好唔同，因為佢係一塊塊好肥嘅鴨皮下面擺咗啲厚切嘅鴨肉，鴨肉好香，再用佢嗰塊好煙韌嘅皮去包住肥美嘅鴨皮同埋鴨肉，仲可以包埋青瓜、蔥同埋點佢哋嘅醬汁，真係好好味。另外我哋仲嗌咗土雞湯小雲吞，大概有十粒雲吞，個雞湯底超級香，雲吞皮薄餡靚，唔使5分鐘就已經全部食晒。金華火腿扒津白嘅芡汁好稠，鋪喺上面嘅金華火腿好香口，如果怕食片皮鴨太肥膩，就可以嗌碟菜黎中和一下。最後因為佢本身冇主動提供茶水，所以我哋就嗌咗玫瑰普洱茶。佢根據人數黎放茶包，用茶壺沖好之後，就擺喺蠟燭上面一直加熱，所以可以一邊飲到熱辣辣嘅茶，一邊食好嘢。希望下次可以試吓佢其他出名嘅菜式啦。…Read More

除咗個水煮魚之後其他都唔錯ge,, 不過個價錢係食地段lo,, 味道其實覺得好一般 (((服務都一般la)))個炒飯幾香ge,, 有蝦同鴨肉絲,, 唔錯個燻魚其實都幾好味,, 不過真係好細舊... 偏油,, 不過如果出街食,, 又係係le d地段ge餐廳,, 我會expect特別d ge煮法。errr... 或者擺碟令d lo.....片皮鴨烤得唔錯ge,, 不過都係唔係話好出色 一講到片皮鴨就諗起佢個d lo。師傅刀功麻麻, 切到d肉好似磚仔唔係薄片同埋好細塊 (((個人喜好薄切同大塊,, 水煮魚真係好唔得似係撈出嚟多過煮,, 得個麻味,, 唔係香辣 水油又係分開ge魚就滑ge,, 不過咁煮法真唔好味 唔會再嗌佢係配粉,, 不過真係齋粉 咩都無 好”掛”,, 如果有返d芽菜呀,, 其他配菜都好呀 .... 算la,, le碟真心唔得…Read More