Nanhai No.1

多年以來環境及服務不變，仍然保持得很好，值得一讚。食物是有誠意的，但一向不算極致出眾。多做優惠，相信仍能屹立不倒，當然如果連出品也認真去與時並進，估計能重穫更多擁戴。…查看更多

同事生日，老闆請食飯一行5個人，叫咗生日套餐，每位$5804個人就可以有一位免費•睇個menu覺得野食份量都正常，點知食到每個人都勁飽！•冰鎮鮑魚已經切好1條條，配咗個蒜蓉醬幾夾•陳皮話梅萵筍萵筍食落幾爽口，不過其他味唔算好突出•避風塘肉蟹都幾大隻wor，5個人每日起碼有2件食落都有d辣，個好野味•金榜醬煮大蝦大蝦已經開介開咗，食既時候都比較方便個汁好好食，配咗個炸饅頭點醬食👍🏼•片皮鴨兩食5個人食成隻鴨真係好多！好可惜佢個皮唔脆，令到成件事失色咗🙈•冶味鴨崧生菜盞加咗d菇同有d菜炒得好香好好食•龍蝦湯泡貴妃飯呢個好食，仲有d蝦肉定龍蝦肉，增加咗口感•香芒布甸好大碗，好香好多芒果！•同事生日仲有壽包食，細細粒，好可愛☺️•佢個bar位都好靚好多人上黎飲野，都幾chill…查看更多

今個月都嚟左呢間餐廳食左兩次晚餐，第一次散叫，第二次就預訂左生日套餐每位$580，除左因為餐廳可以望到海景之外，室內環境都好舒服，再加上職員都好熱情同埋服務好貼心，淨係幫手影相都非常專業，當然唔少得食物嘅質素都高水準，所以先會二訪。 冰鎮鮑魚 - 每人一客，已經切條，方便食用，最怕鮑魚會太韌，但佢完全係爽口，配上佢嘅蒜辣汁更加好食。陳皮話梅萵筍 - 呢個筍嘅感覺都爽口，但個味道個人認為一般。川芎天麻燉魚皇 - 個湯係幾濃郁，睇得出好足料嘅感覺。避風塘肉蟹 - 成碟蟹好少肉，不過炒得好香。金榜醬煮大蝦 - 醬汁有少少似喇沙辣辣地，完全係成晚最印象深刻嘅味道，再配以小饅頭食估唔到係咁出色，而大蝦亦都鮮味十足。片皮鴨<兩食> - 皮脆而且唔會太油膩，要留意10個人以上先會有兩隻鴨，另外一食係鴨崧生菜盞，鴨崧加左冬菇材料落去炒，好野味。龍蝦湯泡貴妃飯 - 個龍蝦湯好香濃，作為主食，完全係驚豔，神來之筆係再加左啲脆脆落泡飯到，食落成件事嘅感覺再昇華左。香芒布甸 - 個人認為冇得加煉奶嘅布甸係失色左啲。最後職員再加送左壽桃包比我地慶祝生日。 值得一提如果早食飯，仲可以欣賞到日落時份嘅天色。…查看更多

餐廳位於商場30及31樓頂層，全是落地玻璃，高樓底，隔離有酒吧，也有室外座位，能夠觀看海景及尖沙咀以及港島區一覽無遺，非常的正！餐廳以中菜為主，亦有點心放題。為好姊妹慶祝生日，我們點了生日套餐，重點片皮鴨即燒即整。😍頭盤 - 冰鎮鮑魚，原隻已切條，方面大家食用，唔使再切，好方便好貼心👍🏻小吃 - 陳皮話梅萵筍，開胃前菜，但個人覺得味道怪怪避風塘肉蟹 - 好大碟，無乜肉，每人試啲，可選擇辣度，雖然好多辣椒，睇落好辣，但其實只係微辣即燒片皮鴨（兩食) 原隻片皮和惹味鴨崧生菜盞 - 原隻上，俾大家影相打卡後職員會切片碟上，好食，皮和肉各佔一半，皮脆，唔會好油膩金榜醬煮大蝦 - 大蝦一隻，醬汁濃郁惹味牛尾煲 - 好香好腍，煲上，蘿蔔都炆得好腍好入味職員很貼心，待我們吃完每一道菜再上下一道菜，也很有耐心幫我們拍照。…查看更多

朋友本月生日，正好可以來試試這個生日四人套餐（壽星免費）。總體來說都很棒，尤其是避風塘炒蟹帶點微微的辣，很好吃，而很多人都推薦的醬煮大蝦和龍蝦貴妃湯，也都不錯！其他諸如湯，鮑魚和甜品，則是正常的水準，不會讓人失望。我唯一不太喜歡的就是片皮鴨，餐廳提供的餅皮有點太黏（其他餐廳的餅皮要比這個好），鴨肉的肉質也有點老（但其他餐廳其實也差不多）。不過，套餐分量對於我們四個女的來說有點太多，最後片皮鴨剩下好多…查看更多

話咁快又到2022年嘅最後一晚啦，我哋決定食中菜，好耐冇食片皮鴨了，所以今次專登揀咗米芝蓮一星餐廳南海一號食飯。我哋準時7:00就到咗餐廳，可能時間尚早，餐廳只有一半枱有人坐。餐廳職員安排我哋坐近窗邊位。望出去個環境真係好靚首先登場就係片皮鴨，職員會比完整一隻我哋影相先之後先再切件，餐廳只提供鴨一食，不過呢一食已經夠晒滿足我哋。鴨皮酥脆，鴨肉嫩滑，味道飄香。冰鎮鮑魚已經切好一片片好易入口，少少辣好爽口。沙茶魚蝦蟹粉絲煲呢個餸就比較普通，食唔到有蟹肉，配料好少，粉絲太辣。 總括嚟講，餐廳景觀真係靚，望住維港景色食晚飯係好享受。片皮鴨真係好食值得一試。…查看更多

有特別節目慶祝就揀咗間環境唔錯嘅餐廳，如果大家想坐窗邊位就最低消費$1️⃣5️⃣0️⃣0️⃣，但係其實就算唔坐窗邊位都可以睇得好清楚個view🌆，仲有露天嘅位置可以比客人飲酒傾偈影吓相，夜晚嘅時間去到景色優美，可以飽覽成個維港-講返嘢食先😋，主食當然要講咗個片皮鴨先啦，個人就認為一般般冇乜特別，但係間餐廳好貼心，無論餡料定係皮，都會用紙隔住，方便客人去拎，而且員工都非常貼心❣️，好用心去講解點樣去整好啲食材，而且餐廳員工知道好多都好鍾意「相機食先📸」所以都會比客人影完相先會再去切片皮鴨。而小籠包反而出奇地好食👍🏻，亦都冇諗過喺呢個地方嘅小籠包價錢可以咁平🤩，唔使$50嘅價錢就可以食到，同出面普通餐廳嘅價錢差唔多都唔錯嘅👍🏻-另外仲叫咗沙茶魚蝦蟹海鮮煲🍲，好啱重口味人士食，整體所有食物賣相都唔錯食物都正常發揮💪🏻#最低消費每位$500…查看更多

早前趁母親大人生日，到訪星級中菜——南海一號，曾連續兩年入選米芝蓮星級推薦 ⭐️ 近年餐廳人氣稍微下降，十年人事幾番新，何況生在以嘴刁著稱的香港，是次透過 OpenRice 訂座，以 $350 享用原價值兩倍的套餐，另加 $200 就可加點葡萄酒一枝，不容錯過 😛 此優惠限期至 10 月 31 日，但餐廳不時進行推廣優惠，同期推出的買 3 送 1 生日套餐同樣超值 🎂甫步入餐廳，已被窗外景色牢牢抓住目光，採用全落地玻璃設計，上下兩層打通設計空間感巨大，近距離俯瞰維港夜景，讓人瞬間放鬆 🌃 菜品非一般行貨，在美味的基礎上發揮適量創意，當中不乏鮑魚、和牛等矜貴食材 ✨ 10 道菜中片皮鴨及古法蒸虎杉斑略為遜色，其餘表現不俗，仍非常值得一試！🍽 菜式推薦‣ 九層塔鮮鮑魚煲｜𝐎𝐫𝐢𝐠𝐢𝐧𝐚𝐥 $𝟒𝟑𝟖超高質五星推薦 🌟🌟🌟🌟🌟 材料只有寥寥數項，味道卻異常複雜富層次，白胡椒嗆辣、鮑魚彈牙鮮美，配上九層塔獨特的香氣 🌿 濃郁惹味中滲出一絲東南亞風情，完全無可挑剔，單一道菜已值回票價！💯‣ 金盞和牛菘｜𝐎𝐫𝐢𝐠𝐢𝐧𝐚𝐥 $𝟐𝟔𝟖坊間生菜包多使用免治豬肉，此菜式聰明之處在於廚師將牛肉切成約 1 厘米丁狀，肉質好壞一試便知 😌 和牛粒軟腍富油香，加入杏鮑菇和甜椒丁同炒，西生菜只取葉片最爽脆部分，大口咬下肉汁四溢 👅💦 多吃有膩感，但也阻止不了清盤的衝動 🤪‣ 薏米杏仁茶｜𝐎𝐫𝐢𝐠𝐢𝐧𝐚𝐥 $-身邊友人大多對杏仁茶敬而遠之，而家人則一向喜愛，印證甲之蜜糖、乙之砒霜的道理。在狂吞九道菜後，本已飽得失去一切動力 😴 舀起一羮杏仁茶送到嘴邊，馬上睏意全無，太好吃了吧！！！幼滑細膩、杏香醇厚，濃稠度又恰到好處，伴以煙韌的薏米更令人滿足。不難想像廚師需花費多少時間心思慢慢熬煮，才有機會一嚐如此動人的甜點，是大吃一頓後的撫慰 🤍…查看更多

疫情關係已經好少出去食飯，今日一行8人出去食餐好環境好靚嘅地方食晚飯🥣！一入到去已經被超靚嘅景觀吸引住，好快我哋就攞到位！坐低就有個蝦片小食，唔知係咪肚餓關係已經好好味😋開始有嘢食啦！金蒜拍青瓜，陳醋雲耳，爽口又清甜非常好食！再嚟一個脆皮BB豬，好食、南海燉鍋翅，嘩！非常濃郁嘅湯再嚟片皮鴨，好味！ 我最愛😝一條魚蒸虎杉班，我已經好飽了！在黎個鹿兒島和牛生菜包、珍珠鮑魚糯米飯，樣樣嘢都咁好食已經飽到上心口！再嚟多一個冰花南瓜西米露、紅棗糕、紅豆糯米糍， 超滿足🎉有機會一定試埋佢個午市點心🥧…查看更多

第二次來南海一號，貴是意料中事，哥是來吃環境和氣氛的。😎至於食物味道算是中上，不過不失，偶有一兩道菜比較好的。第一道菜是冰鎮鮑魚，煮法比較清淡，適合不喜歡濃味道的食客。口感方面，受到鮑魚被切條影響，咬感不及原隻鮑魚放入口。辣酒煮花螺，酒味不重，有辣味但不會太辣，是走大眾路線吧，應該大部分人都可接受到，味道不錯。主角片皮鴨鵝肝牛柳粒 - 份量偏小，味道還可以軟殼蟹 - 餐牌上寫一份兩隻，這裡是兩份的量甜品 - 生磨杏仁茶，杏仁味不太夠以下兩個甜品忘了名字，味道都是比較普通。…查看更多

好耐無黎食喇，咁都訂到我最喜歡張枱，係最入既一張，遠離酒吧同入口，夠靜又坐得舒服。今晚天氣非常好，維港夜景盡收眼底，真係好靚 ﹗一陣仲可以睇埋維港既幻彩詠香江添呢。 今晚八人飯局，諗左好耐決定叫個六人餐再散叫幾碟小菜啦，因為個六人餐有南海一號既招牌菜金榜大蝦同貴妃湯飯囉 ﹗最低消費每位 HKD500，所以仲有空間叫多幾個送。炸蝦片，似薯片囉，味道一般。燒腩仔，不過不失，合格。肥瘦適中，肉質軟墊帶咸香，幾好味 ﹗層皮都脆既，但口感假左啲，一咬就碎，似係翻煎或翻燒過，青葵陳醋雲耳，有陣清香青葵味好醒神。雲耳爽口，辣辣地又酸酸地好開胃。南海 XO 醬鴨舌，一直都以為係麻辣鴨舌，所以感到奇怪點解半點麻辣味道都無呢？原來只係辣 XO 醬，味道只屬微辣，鴨舌肉質滑溜又彈牙，滷水入味帶點清香，好味呢 ﹗椒鹽龍鬚，椒鹽？依個真係無味喎，又食唔到魷魚味，可唔可以比個喼汁我點呢？口感就幾好既，外層鬆脆，魷魚鬚嚥嚥靭靭。燉響螺雞湯，超級香濃呀 ﹗好味到不得了 ﹗未放上枱，響螺味已經撲面而黎喇 ﹗飲落又膠又濃，熱辣辣大啖大啖咁飲，實在停不了 ﹗但每人只得一碗乍 ﹗金榜大蝦，招牌名菜，一定要食 ﹗自家得奬金榜汁，香滑甜美帶微辣，唔好話淨係攞黎配蝦，其實撈飯撈麵配海鮮都一樣咁正 ﹗大蝦炸到香脆非常，蝦肉爽滑彈甜，無得頂呀 ﹗色香味美齊晒 ﹗金榜汁配炸曼頭份外精采，甜甜地既曼頭配上香滑又辣辣地既金榜汁，味道突出，好正喎 ﹗天麻魚皇，斑球肉好有味道，魚味濃，海魚同養魚真係天壤之別 ﹗質感滑彈而結實，配上蠔汁非常鮮味 ﹗有幾位朋友仔唔食魚，真係唔識貨，好好味架。下面仲有超白滑豆腐底，同樣好食。水煮特級肥牛，雖然顏色紅成咁，不過只屬微辣，又唔麻喎，我覺得辣中帶酸甜味添呢，原來加左酸蘿蔔。味道一般，牛肉都好腍唔會靭，但無驚喜，份量又少，又無薯粉或大豆芽底，好采唔係個個都食啫。美極煎黑豚，肉質軟棉帶肉汁，豬肉味香而濃，簡單既烹調，但非常好味 ﹗海鮮醬、京蔥、青瓜條，一見到就知片皮鴨就到喇 ﹗記得要訂先有得食架 ﹗原來只得一食，仲諗住起碼有兩味架麻 ﹗依家得一食咪好浪費，片完仲有好多肉架喎 ﹗攞黎煲湯、炒飯、整生菜包都好麻。片皮鴨，南海係皮連肉一齊片架，片完都唔見得有幾多乍喎，不過每人都應該可以分到兩至三件既。由樓面姐姐負責片，我硬係覺得唔係由廚師操刀點都差?囉 ﹗食落鴨肉鴨皮還可以啦，味道唔係特別出眾，而且肉汁欠奉，所以有點 dry dry 地。不過大致上都滿意既，用薄餅卷住兩片鴨加青瓜條再加海鮮醬同吃，都十分冶味 ﹗好滿足。上湯浸腐竹銀杏涼瓜，唔知涼瓜係咩品種呢，從未見過可以片到咁薄，最初都估唔到係咩黎架，要放到入口先知係涼瓜乍。味道帶甘而不苦，令人越食越想食，夠晒諗又索夠上浸，好食。炸乳鴿，炸得金黃香脆，米芝連即係米芝連。肉嫩汁多，香氣撲鼻 ﹗不油又不膩，一舊未食完已經想食第二舊喇 ﹗我當然唔客氣啦，哈哈。個個都唔食頭唔食頸，咁又益左我喇 ﹗一野咬落個鴿腦度，裡面濕潤軟棉而甘香，其實鴿腦味道同質感跟鵝肝差不多啫。龍蝦湯泡貴妃飯，又一味招牌名菜，限量每人一碗架乍 ﹗米係炸過架喎，口感似米通卜卜脆好過癮 ﹗龍蝦湯香而不濁，清得黎帶點忌廉味道。燈影煎堆，同事見到隔離有煎堆，自己又想食囉。無問題，齊齊試試啦。即叫即炸熱辣辣，外層舖滿芝麻，十分香脆，咬落嚥嚥??，口感一流 ﹗但係味道偏淡，再甜少少會好味啲。蝦片、燒腩仔、陳醋雲耳、椒鹽龍鬚、南海 XO 醬鴨舌、天麻魚皇、龍蝦湯泡貴妃飯、美極煎黑豚、水煮特級肥牛、上湯腐竹浸涼瓜、金榜煮大蝦、片版鴨、燈影煎堆 ﹗我地都唔係食好多野啫 ﹗ …查看更多

又一米芝蓮食府 ﹗出品好滿意，但服務真係麻麻地，樓底高不過環境較嘈吵，食景一流，30 樓無敵海景。隔黎就係 eye bar 喇，食飽飯仲可以嘆支酒，嘆個迷人夜境，傾吓計，爽 ﹗預先 book 左張靚枱，坐最入面大單邊，遠離人煙，正 ﹗張枱對正落地巨玻璃，無敵海景送飯，梗開心又開胃啦 ﹗剛好睇到幻彩詠香江喎 ﹗如果睇煙花就一流喇 ﹗仲未齊人開飯，唯有影吓相，欣賞吓幻彩詠香江啦 ﹗樓底好高，好有空間感。枱正中間有個類似地動儀既裝飾，不過開飯既時候就會攞走喇。我地 6 個人坐 10 人枱，真係有點疏離感覺，所以我地都坐埋少少，容易傾到計麻，但如果張枱唔夠大就唔夠攞送啊 ﹗研究左個 menu 好耐，決定散叫唔 order dinner set，散叫自由度較大 ﹗拍青瓜，好新鮮又清新既味道，淡淡咸香又爽口，好食。先黎幾個前菜小食先，君姐同男友還未到，人齊先點主菜啦，最低消費每位 USD500，一定好豐富 ﹗麻辣海蜇，非常爽口，又夠凍，微辣帶麻油香，好開胃。女友唔鍾意食冷盤，無口福。 脆皮燒腩仔，比兩星米芝蓮名閣做得更好 ﹗肉質軟墊，淡淡咸香不太嗆，脆皮乾爽香口 ﹗多重口感，層次分明，脆滑棉實有齊 ﹗而且不油不膩，肥瘦比例剛好，Good ﹗配甜芥辣更添鮮味，一分錢一分貨，推介 ﹗ 麻辣鴨舌，好美味 ﹗係我食過最惹味、最好食既 ﹗大讚 ﹗夠麻又夠辣 ﹗肉質彈牙滑溜，第一次食到咁高質既鴨舌 ﹗大家食到津津有味，要叫多兩碟添呀 ﹗鮮糊椒麻辣雞，雞肉嫩滑，味道微辣帶麻，平均大路，滿意，無咩特別。響螺燉雞湯，賣完即止 ﹗從未飲過咁濃郁既響螺味，超清甜可口，得一碗真係唔夠喉，下次要每人一鍋先得 ﹗就算燉完湯既響螺肉依然鮮甜，口感棉棉的，不錯。 金榜醬大蝦，其中一味招牌菜 ﹗個汁真係好味到不得了 ﹗淡淡甜味帶點微辣，香口又滑溜溜，只配一個炸曼頭點夠喉 ﹗如果汁多配麵包一定食到唔停口呀 ﹗蝦肉爽甜、煎得惹味、蝦殼炸得卜卜脆 ﹗推介必食之選。桃園三杯雞，還未攞到埋黎已聞到好香既氣味 ﹗但係份量真係太少啊 ﹗我地六個人，每人只分得一小件，而且骨多肉少，唔夠盡興囉 ﹗又試唔真啲質感。香氣就一流喇，味道較普通，一試無妨。鴨肉碎生菜包，依個反而有驚喜喎 ﹗生菜鮮嫩多汁又爽甜非常，而鴨肉碎炒得香口、肉汁又豐富，卷住生菜一齊食，可去油膩感，味道更清新，口感又更加豐富。雖然賣相平平，但味道十分吸引 ﹗由於餡料份量幾多，又因為生菜份量少，上枱先要自己先分配好，否則到完後就唔夠生菜用喇 ﹗發現每個生菜包都要卷得滿滿才可以剛剛好啊 ﹗鴨肉碎生菜包，炒得香濃味美，有鑊氣 ﹗包埋新鮮生菜同吃，美味無窮 ﹗轉個頭已經全部食晒。奶油津白，君妹推介，必食之選 ﹗津白真係非常清甜 ﹗餵得軟棉又多汁，滑溜非常，沒半點渣，加埋香滑奶油十分可口，好好味 ﹗加上本菇既菌香，真係雙得益章呀 ﹗ 露筍炒雞髀菇，真係估佢唔到 ﹗一碟咁普通既小菜都可以炒得咁好味 ﹗雞髀菇切成方粒，口感彈牙爽脆，好似食緊肉一樣呀 ﹗露筍又鮮又嫩又多汁，半點渣也沒有，炒得夠鑊氣，又香又好味 ﹗片皮鴨，期待已久 ﹗今晚既主角出場喇 ﹗要預訂先有得食架。發現米芝蓮 1 星南海比起米芝蓮 2 星明閣更好味 ﹗而且價錢平一半有多。鴨肉嫩滑多汁，肉質幼嫩，鴨皮薄而乾爽香脆，配上清瓜鴨醬可以減去肥賸感覺，Good ﹗龍蝦湯泡貴紀飯，大受好平既招牌菜，亦係我咁大年紀食過既泡飯最好食既一個，必食 ﹗濃濃清香龍蝦湯，味道甜美，飯粒脆卜卜，口感特別，好好味 ﹗如果能夠再熱一點就更好喇。什菌炒帶子，家常小菜，普普通通，不過不失啦，可能之前幾道菜實在太利害喇 ﹗帶子味道鮮甜，質感軟棉，配什菌不錯。…查看更多

有親戚喺外國返黎, 特登一早揀定間可以睇到維港夜景嘅廣東菜館, 食物方面款式創新之外, 水準亦非法之高!真係好大粒, 好有鮮味!standard 水準D鵝肝極肥美!standard 水準個汁好特別, 汁同雞分開上保持到脆身嘅口感好正, 勁多料好特別…查看更多