Full Taste

🙋🏻‍♂️餓底探員今晚去咗天后調查呢間粥麵店，小店走白色純樸風，環境舒適，食物份量多，價錢親民，店員態度友善，CP值好高，味美滿足👍🏻🍜柱侯牛筋腩撈麵 $52🙋🏻‍♂️表示撈粗麵配上牛筋腩，份量好多，牛筋口感軟腍，牛腩香濃有咬口，白蘿蔔鮮甜入味，粗麵爽口彈牙，撈埋個柱侯汁一齊食，味道更惹味🥟上湯淨雲吞 $40🙋🏻‍♂️表示個淨雲吞一碗有8粒，食落蝦肉鮮甜，口感爽彈，上湯入面放咗韭黃，飲落清新又充滿鮮味🦑艇仔粥 $45🙋🏻‍♂️表示個艇仔粥有瘦肉，水魷，豬皮，生菜等配料，個粥口感軟綿，加上鹹香嘅瘦肉，有咬口嘅水魷，爽彈嘅豬皮等多款配料，令個粥食落層次好豐富🥩香荽牛肉腸粉 $31🙋🏻‍♂️表示個腸粉口感軟滑，食落香荽味濃，牛肉充滿鮮味🐟爽脆灼鯇魚皮 $52🙋🏻‍♂️表示個灼鯇魚皮配上薑蔥絲，辣椒，花生粒等，魚皮食落爽脆有咬口，味道鮮甜🐟酥炸鯪魚球 $36🙋🏻‍♂️表示個鯪魚球炸到金黃色，每粒都好大粒，配上蜆蚧醬，食落香脆，口感彈牙，加入香蔥，陳皮等配料，味道香口又有鮮味，點埋個蜆蚧醬，惹味得嚟又帶鹹香📈吃貨指數😋好味度 8.5/10🔙返啅度 8.5/10…Read More

今次係天后又搵到間平民餐廳， 餐廳明亮乾淨，全日套餐都係$78， 有飯有菜仲包飲品， 加配小食仲有優惠， 小食都好吸引🤩叫到成枱放滿都係2百幾蚊～♡柱候牛筋腩飯配蠔油芥蘭&豆漿牛筋腩好入味，蘿蔔清甜，芥蘭好鮮嫩翠綠，有菜有肉營養均衡。♡爽脆灼鯇魚皮 $52懷舊小菜唔係周圍都食到， 雖然貴， 但跟餐平$10， 魚皮爽脆唔會太辣， 花生香脆。♡香茅雞翼 $33推！炸得好香好入味，而且好多肉， 咬落juicy 唔會乾柴。♡酥炸鯪魚球 $42真係手打魚球，炸到皮酥脆，配蜆介醬，咸咸香香。♡脆脆炸兩 $37粥鋪除左粥， 仲有多款腸粉， 最鐘意食炸兩， 標配豉油、甜醬、花生醬，夜晚都仲有內脆外軟嘅炸兩食， 開心～…Read More

見到呢間喺OpenRice有二百幾個笑哈哈重點系零負評😳加上又聽到幾個人都話呢間唔錯 咁一於去試下啦😆-♡ 全日套餐湯麵 $68嗌呢個set包一碟菜同嘢飲 仲可以用優惠價加配小食我哋就嗌咗兩個set~.👍🏿鮮蝦雲吞湯幼麵 (單點價$38)湯底夠清👍🏿而且飲得出大地魚味 唔系死鹹嗰種雲吞有成6粒咁多皮滑得嚟唔會淋bla bla餡料蝦肉飽滿 而且爽口彈牙加咗少少豬肉令雲吞味道更豐富😆食落惹味但唔會過分調味👍🏿幼麵一開頭食有啲煙韌嘅口感😳即使浸咗喺個湯耐咗食到最後都依然彈牙有咬口最值得一讚嘅系佢冇鹼水味😆枱面上面有罐醬料本身以為系豆板醬後來問咗店員先知原來系雞醬嚟嘅加咗落出辣辣地咁更好食!媽媽👩🏻極力推介😎味道: 8.5/10性價比: 8/10.👍🏿麻辣牛筋湯米粉 牛筋份量十足😳齋睇樣都知佢炆得好夠淋基本上唔使點咬就可以吞🤣不過如果要求有爽口彈牙嘅口感佢就滿足唔到你史努比就幾鐘意呢種淋嘅牛筋軟糯有啲漿口 充滿骨膠原嘅感覺🤭食落惹味 帶少少麻辣又唔會辣到嗆喉米粉幼滑 配搭湯底夠味得嚟唔會太鹹以麻辣湯嚟講佢唔算好油另外仲有兩舊蘿蔔淋得嚟夾得起唔會散晒👍🏿清甜而且冇渣 好食!整體成碗麵唔錯😆味道: 8/10性價比: 8/10～跟餐～👍🏿生菜 走油其實就唔會有咩特別 都系白灼架姐爽脆清甜蠔油落得太多所以偏鹹下次會嗌全走🤪味道: 7/10餐飲揀咗熱檸水同凍檸茶 凍飲+$2不過凍檸茶唔系好夠凍 普通🙌🏿.跟餐嘅小食會平啲～👍🏿香脆炸雲吞 $35唔怪得個名叫香脆炸雲吞咬落去真系 “咔咔” 聲架🤣真系超級脆口😳就算到最後擺耐咗都依然香脆中間嘅蝦肉亦好飽滿而且夠彈牙🤪本身已經有充分嘅調味點埋個甜辣醬就更惹味🤭味道: 8/10性價比: 7/10.👍🏿爽脆灼鯇魚皮 $52鯇魚片好爽脆 唔會滑潺潺😚食到麻油嘅香加上適量嘅豉油 調味適中上面鋪滿大量嘅生蔥 花生同辣椒粒撈埋一齊食清新開胃🤤媽媽👩🏻超鐘意!!味道: 7/10(媽媽👩🏻系比滿分嘅🤣🤣)性價比: 7/10-唔嗌套餐散嗌麵食其實三四十蚊就有交易價錢親民 又有質素啲姐姐都好nice問佢啲醬汁嘅時候佢好快好清楚咁答咗我哋值得回頭嘅一間小店😚.整體評分：味道: 8/10環境: 7/10服務: 8/10衛生: 7.5/10抵食: 8/10回頭率: 8/10-…Read More

今晚去了天后一間叫「味滿」的粥店，品嘗一頓粵式粥麵晚餐。我們點了兩個全日套餐，分別為薑蔥豬潤撈粗麵配熱檸茶，以及鯇魚片粥餐，配有包腩汁蘿蔔和油炸鬼。首先，講下薑蔥豬潤撈粗麵。這道面食係以粗麵為基礎，麵上配了七八塊鮮嫩的豬潤片，並且加入了切碎的薑蔥絲做配菜，營造出濃郁而清新的香味。豬潤彈牙可口不腥，粗麵的嚼勁和豬潤的鮮嫩麵條爽口，兩者相得益彰。讓人一口接一口，吃過不停。搭配上熱騰騰的檸檬茶，更為這頓晚餐增添了一份清爽。接下來是鯇魚片粥餐，這是一道令人滿意的粥食。粥中鯇魚片鮮嫩可口，入口即化，給人一種溫暖和舒適的感覺。粥的口感非常順滑，細膩而不粘稠。此外，套餐配上腩汁蘿蔔和油炸鬼更是絕佳配搭。蘿蔔的自然甜味與腩汁的醇厚味道渾然天成，而脆香口感的油炸鬼是粥食的靈魂伴侶，是粵式粥食的精髓所在。我們還額外點了一碟爽脆灼鯇魚皮。自從復活節到廣州旅行時候吃過涼拌魚皮之後，就愛上吃這道菜，在香港賣涼拌魚皮的餐廳應該不算很多，碰巧在味滿可以叫到這道小吃。鯇魚皮炙烤得恰到好處，內裡卻保持著韌性。每一口都帶來令人愉悅的脆脆QQ彈牙口感，搭配醬汁、蔥絲更是清新醒胃。魚皮的鮮美和脆爽讓我難以忘懷，讓我大快朵頤。…Read More

最近成日有少少唔舒服，放工諗住去一間小店食碗粥，好多住附近嘅朋友話佢哋嘅粥品好綿滑好正，佢就係位於天后嘅《味滿》嚟到《味滿》，7點鐘都未夠已經滿座！唔通真係咁好味？🤔 佢哋除咗出名生滾粥之外，原來仲有好多美食🤤 好多款式嘅湯麵、撈麵、湯飯、小食、麻辣牛腩等等… 好多選擇🤤🤤為食嘅蕃薯妹最後都係抵受唔住誘惑，無叫到粥，叫咗其他嘢食😂佢哋有一個全日套餐，叫主食一款，就可以以優惠價加配一至兩款油菜小食類🫶🏻🐷手打肉丸湯飯 $52⭐️推薦👍🏻 唔食粥都食個湯飯暖吓胃先🫣湯底鮮甜清香，無味精，手打肉丸爽口彈牙，好鬼好味🤤肉丸份量多，抵食👍🏻🍜手打鯪魚球撈麵 $52麵類有分大小份量，$52係大嘅份量，果然真係好多鯪魚球😱 手打鯪魚球一樣彈牙，如果係酥炸嘅應該更加好味！（店內有售酥炸鯪魚球🤣）幼麵用鼓油撈咗先上碟，清清哋，另外仲有一小碗湯隨餐奉上。🥚紫薑溏心皮蛋 $38（跟餐+$30）⭐️推薦👍🏻 紫薑甜甜哋但係好有薑味，個粉紅色好鬼靚🤣 溏心皮蛋晶瑩剔透，個蛋黃真係流心～ 仲見倒起曬雪花❄️ 就咁食都已經有紫薑嘅甜辣味道，好好味🤤 好味到連啲蔥都食埋🤤 份量一樣好足料好多👍🏻🐟爽脆灼鯇魚皮 $62（跟餐+$48）⭐️推薦👍🏻 唔多地方有得食呢種鮮魚皮。鯇魚皮非常爽脆唔會滑潺潺，好香嘅麻油味，個汁有少少似微辣嘅蒸魚豉油，夾埋鮮蔥絲一齊食，好正🤤 份量都係好多！🦐蝦籽芥蘭 $28（跟餐+$22）一般粥粉店都只有蠔油/腐乳油菜，好少見可以揀蝦籽😆 味道都唔錯可以一試～ 🍯蜂蜜菊花露 $20想滋潤一下喉嚨，可以揀呢一個蜂蜜菊花露👍🏻 不過佢係純正蜂蜜嘅味道，略甜，等啲冰融融哋就啱啱好🫶🏻後記：難得一間粥粉麵店食完之後會念念不忘🤤 好想食佢嘅手打肉丸，同埋想試吓炸鯪魚球🤣 我覺得今次佢哋全部出品都好好味～ 難怪咁多食客捧場，去開天后嗰邊嘅話都可以再試🥰…Read More

適逢花展開鑼，喺天后站附近覓食，搵到呢間大受好評嘅粥麵店，平日下午過咗lunch hour仍然坐滿客人，樣樣都好味，性價比亦高，果然無嚟錯！鮮蝦雲吞湯麵 $38熱豆漿 +$8每碗有5粒雲吞，約乒乓波大小，蝦肉爽口彈牙，麵質適中，飲到係有大地魚味嘅湯底豬潤粥 $45 凍檸茶 +$10粥底夠綿，厚切豬潤大大件，又爽又嫩，較少食到，好滿足呀爽脆灼鯇魚皮 +$48平時好少見嘅食品，八卦問店長，先知原來工序都唔少㗎，魚皮需要先用綱絲刷洗乾淨(見到每塊魚皮都透光)，再灼熟，待乾身，加上麻油丶鮮蔥絲丶紅椒粒調味，無諗過個質感係咁爽脆！！食材可以物盡其用之餘，仲要係好味，絕對值得試試！酥炸鯪魚球 +$32即炸鯪魚球，配上蜆介，風味小食蝦籽芥蘭 +$22加咗鹹香嘅蝦籽，芥蘭都特別惹味…Read More

朋友即將要去到加拿大🇨🇦工作，約佢之前我都唔知道佢有咁嘅計劃⋯ 只係突然間腦海諗起佢，就打算約佢出嚟見吓面⋯ 出到嚟，先知道原來即將要講再見⋯⋯·魚蓉湯飯🥣🍚滿滿嘅魚蓉喺湯到，多到唔係好見到啲飯～😂😂 食落彈牙又有鮮味，唔腥係幾好喎～👍🏻👍🏻 飯嘅量多又唔太冧，真係食湯飯就唔係食粥。至於湯底，係陣陣嘅魚鮮味熬出嚟～～😆·爽脆灼鯇魚皮作為一款冷盤，本身會有啲擔心係會好腥⋯ 不過食咗就知唔係啦～ 本身先灼熟咗啲鯇魚皮，再整凍成冷盤⋯ 質感做到爽脆又唔腥，點少少甜豉油加辣椒粒🌶️，就做到提鮮嘅效果。·南乳豬手撈粗超入味喎～ 南乳味好重嘅豬手，真係搞到我哋食指大動，多肉多骨膠原嘅情況下，大家都爭啲食唔晒啲撈粗⋯⋯🤭 不過加埋啲好清好順口嘅上湯飲住食，又食得晒喎～·粥灼新鮮手打肉丸食得出係新鮮手打出嚟嘅肉丸，唔係嗰啲死實實嘅雪藏嘢⋯🧐 同埋每粒都用綿滑鮮味十足嘅粥底去灼⋯ 成件事既有趣又好味，因為我哋得到一種好特別嘅口感！！😜·之後喺海傍食住「甜水」咁傾偈💬，講咗好多好多⋯ 感謝你俾我知道自己有「勸慰」嘅力量！💪🏻💪🏻💪🏻…Read More