Ning Po

朋友仔相約一齊團拜. 佢剛食過呢間寧波同鄉會話幾好食,咁一齊食吓睇吓係咪掂先☺️餐廳係中環,好就腳. 侍應們態度良好,笑容滿面👍叫咗茶,放低餐牌,睇吓要D咩前菜.之前預訂咗涼拌腰花,咁就叫燻蛋,炸臭豆腐同脆鱔啦.今日將佢同雪園一號做比較：燻蛋,脆鱔,絕對係雪園完勝. 臭豆腐,都無富臨飯店好食,但性價比就寧波高. 拌腰花好食👍火瞳翅：又係雪園完勝骨香桂魚球：雪園嘅骨香筍殼魚更佳油淋雞,皮脆嘅千層肉都唔錯鮮筍豆苗,好好味👍葱油家常餅完勝雪園😁湯丸都正常發揮但我唔會再去幫襯佢.因為收我$150一枝嘅開瓶費,提供差嘅杯. 雪園免我開瓶費,有合格酒杯.甜品,雪園送比我食,呢度收足錢😓以價錢,服務都係去返雪園算啦😅…Read More

母親家族來自江浙一帶，我自幼對上海菜系就情有獨鍾，而呢間餐廳，就真係每次食都能嚐到家鄉味，更是外婆家嘅回憶之味。是日又同班同事來食，依然保持水準，幾乎道道出色。香港嘅京滬菜餐館眾多，而呢一間，雖說裝修唔係富麗堂皇，但菜品質素絕對正宗上乘。期待下次再返！…Read More

今次有朋友搭路，終於有機會試下呢間寧波同鄉會。先黎幾個前菜，最鍾意係脆鱔。做得夠乾身夠脆，送酒一流！再黎客燻蛋，蛋黃煮得恰到好處。飲啖紅酒，煙薰味出晒黎。又係必食。至於呢味好似肴肉？中靚中矩，幾好。之後係戲肉啦！我最愛既黃金蝦！蝦肉夠爽，蝦殻脆到可以一齊食。不過重點係d咸蛋醬。真係肥都唔怕，食唔停。當然有肉要有菜啦，一味津白，另一味唔記得名，但都係水準之作。整體黎講係無得彈，可惜只係會員。如果有機會真係值得一試。…Read More

過開中環搵朋友，咁順道食埋晚飯先歸家啦 ~ 雖然話明係同鄉會啫，但唔寧波鄉里都黎得食飯架，我鄉下都唔無寧波。原來依間食肆都幾出名架喎 ~前菜兩小碟，咸菜加左啲麻油，香香甜甜，好開胃。鹽水花生，林得黎有趙口，咸咸地又充滿水份，由細到大都好鍾意食，因我唔多喜歡食乾花生既。燻蛋，必食 ﹗食到停唔到口，食左整整一隻仲想繼續食，真係可以連吞半打，實在太好味，但要留肚試其他菜式，所以都要為大局著想，忍。蛋黃糖心勁香蛋黃味，天然蛋黃甜味，加少敨椒鹽同吃，更提升燻蛋既味道 ﹗朋友仲意為係日本溫泉蛋，哈哈，咁遠飛黎咪好貴？三色併盤配芫西豉油，自選冷盤。白肉，無咩特別，五花腩一片，但嚥嚥靭靭，完全無肥膩感或食緊煙肉既感覺。海蜇，完全無調味，如果落啲麻油會更香口，得個爽字，無味囉，可以點啲芫西豉油同吃。怪味雞，真係唔知咩味，好普通囉，無特別。火腿津白，如果淨食金華火腿又實在太咸、如果淨食上湯津白又單調又寡，必須要一齊食，味道方可以得到平衡，咸香加鮮甜。如果用津白卷住金華火腿同吃更好。小籠包，放左一段時間，所以包形已塌下，皮變硬、汁收乾，完全唔燙口，可以直接整隻放入口。肉鮮味濃，仍有少量肉汁，有幾滴。味道唔錯，算係好食，最衰唔係灌湯小籠包囉。但依度比其他食肆既餡多好多，大大份。如果即叫即蒸即上枱，應該會有返正常水準 ﹗紅燒獅子頭，先炸後炆，香濃豬肉味既肉丸，炆得入味，好食 ﹗但一定要趁熱食，凍左就唔好食，啲芡會琼到一舊舊。寧波炒飯，有咸肉、蝦米、菜粒，係咁多，好普通好普通既炒飯，而且我一向最憎就係炒飯會落菜，搞到啲飯濕笠笠。味道一般，食兩啖已唔想再食，好想又搞啲救命辣椒油渣撈黎食，唉。楊州炒飯係 NO.1 ~蘿蔔絲鰂魚湯，好清甜既湯，可能因為差不多食晒濃味既送菜之後個湯先到，覺得個湯特別淡，但仲飲到有魚味既。鰂魚太多骨食唔到，但都咬左幾啖，味道都算鮮啦。酒香湯丸，因該係甜米酒來的，十足十細個阿媽釀嗰啲客家甜米酒味。高力豆沙，點解叫高力呢？人名黎架？點解唔叫大力呢？熱辣辣，裡面係豆沙餡，少少甜，比我依啲唔多愛食甜野既人最啱。…Read More