Cats' eye

燴牛肉汁+和牛漢堡蛋包飯 $106燴牛肉好食到洋蔥甜味，量都唔少，因為係薄片牛肉，所以食落比較少咬嘅口感，但食落都有肉汁，因為洋蔥嘅甜味，所以配肉好唔錯。和牛漢堡嘅醬汁比較濃，更適合配飯，手製和牛漢堡好厚身，但入面唔算老，肉汁豐富，但胡椒咪略重左些少，但可以接受。蛋包飯通常係配蕃茄雞肉炒飯，但呢個係白飯。我覺得比較好，因為醬汁濃郁，所以用白飯比較適合，飯粒珍珠米唔錯，上面嘅炒蛋都算嫩滑，雖然唔平，但感受到醬汁製作雖要功夫，價錢算合理。…Read More

貓之眼Cats’ Eye係一間專做日式滑蛋蛋包飯+醬汁飯嘅小店～ 佢哋嘅蛋包飯係滑蛋蓋住白飯，再配上2-3款自選醬汁。滑蛋嘅蛋味同牛油味都好香，生熟度都啱啱好，所以真係好滑🤤 而各個汁嘅整體味道都比較濃，配白飯真係啱啱好～醬汁都係預先煮好，所以上菜速度好快～佢哋總共有5款汁，今次我哋就食咗以下4款～•🥢 咖喱豬肉+濃茄牛肉蛋包飯 $82茄味真係好濃，有好多茄蓉，味道酸酸地好開胃 🤤牛筋肉煮得好淋好入味😋成個配搭超夾！咖喱係日式甜蔥豬肉咖喱汁，味道偏甜但帶微辣，咖喱味都好出，但豬肉有啲碎～整體嚟講，呢兩款汁都好啱胃口😛•🥢燴牛肉汁+和牛漢堡蛋包飯 $99燴牛肉汁好濃牛味，啲牛肉係肥牛薄片咁，用慢火燉煮，所以一啲都唔韌👍🏼和牛漢堡 juicy 有牛味，亦都有幾濃嘅紅酒味，但牛肉口感好淋，有少少入口即溶嘅感覺，同平時食開嘅西式漢堡扒好唔同😬 而個汁就係用上大量牛肉、蔬菜、蕃茄汁同紅酒煮，食落甜甜地，酒味都幾濃，唔太啱我口味🙈…Read More

又去左試新野啊哈哈😂🐷🐽聽聞係灣仔都幾出名又多人幫襯架啵😁😁我地11:45前到達 順利入店舖坐低👍🏽👍🏽之後我見門口已經好多人在排隊了小妹點了這個燴牛肉汁+和牛漢堡蛋包飯 牛肉質感🉐️👍🏽份量都很多 醬汁都好正 蛋包飯 飯粒軟熟 蛋都好滑下🥚和牛漢堡都幾好食 唔會好實好硬😋不過我唔歡個燴牛肉汁 🉑️能太濃味了 覺🉐️有少少苦😅🤏🏽不過哩個餐又無飲品跟 要另外單點就爭啲 同埋價錢都唔平…Read More

貓之眼主打蛋包飯，而佢哋嘅醬汁主要有四款，分別係咖哩豬肉、燴牛肉汁、濃茄牛肉同埋忌廉雞肉，另外可以同和牛漢堡配搭。今次就除咗忌廉雞肉之外嘅醬汁都試哂啦！首先係CATS’ EYE 特選1，咖哩豬好香甜豬肉胸嫩，就咁食都非常惹味！更加適合送飯嘅濃茄牛肉唔會酸，而牛筋肉係經過八小時烹煮後已經變到非常軟嫩！而牛肉汁＋和牛漢堡蛋包飯嘅燴牛肉汁的確重牛味，牛肉片口感一流！醬汁之外嘅和牛漢堡成個拳頭咁大，入口即化又重牛肉味，加埋用紅酒煮嘅濃汁真係好正！其實本身想試埋佢哋好出名嘅雞蛋布丁，但原來中午無嘅就下次再試啦！…Read More

今日出黎搵朋友食飯 專登上網睇下附近有咩好食見到尼間貓之眼蛋包飯食評唔錯決定一試🥚🍚🤤中午12點左右到咗，係出面望入去面積唔大，尼個時間已經坐滿哂人所以我地都要等15分鐘左右先有位。入到去見到有好貓貓嘅插畫，佈置好靚。叫得上貓之眼餐廳，係因為尼間餐廳連上蛋包飯嘅碟都用心諗過，雙色蛋包飯望落係咪好似貓眼呢🐱👀今次我嗌咗燴牛肉汁+和牛漢堡蛋包飯牛肉汁食落同之前食吉記嘅味道不一樣，我自己覺得尼款牛肉汁麻麻地，食落無咁香牛肉味。相反，和牛漢堡好食好多，和牛漢堡唔會太淋又唔會太實，醬汁甜甜地餸飯一流，蛋炒得岩岩好，食落好滑又有蛋汁。如果下次再去食應該會試下其他醬汁，但和牛漢堡就係要試下唔好錯過！！…Read More

最近食飯都要諗過度過，除咗好唔好食，仲要諗住黃色經濟圈但另一方面諗就係方便左好多，跟住個黃list揀今日就係個list到睇中依間咖喱蛋包飯，我嚟啦小店得十幾二十個位，lunchtime未夠十二點三嚟到已經開始排緊隊最後都排左成25分鐘左右先入到:(排緊隊嗰陣會派定menu比大家揀糾結左好耐，樣樣都好似好吸引漢堡扒又吸引，又想試下其他汁最後揀咗燴牛肉汁+和牛漢堡蛋包飯一上枱已經流晒口水個樣好吸引，聞落又好香先試個蛋好滑溜又有蛋香兩款個汁好好味一邊類似日式燒汁咁甜甜地，另一個牛肉汁就好重肉味肉方面，牛肉同漢堡都好入味最後撈埋啲蛋同飯真係超級一流好彩嗌左多飯，食到好滿足…Read More