超抵食海鮮餐🤩話說之前團購左富臨酒家嘅一人海鮮餐大概$300左右 就可以食到10道菜8款海鮮 真係超級抵！所以爸爸就車晒我哋一家四口去食海鮮啦🙈第一樣要讚嘅係店員嘅服務 好有禮貌 招呼很好👍🏻第二係上菜速度也很快 基本上食完一碟 第二碟就會上 唔會等好耐👍🏻🔸 燒鵝半隻燒鵝唔係跟餐 係我哋自己再額外嗌話明燒鵝大王點都要試吓佢嘅燒鵝燒鵝皮燒得好香脆 而且鵝肉仲充滿肉汁火候控制得好好 果然係燒鵝大王🥰🔸 芝士開邊焗龍蝦每人半隻嘅龍蝦仔 可以揀上湯或者芝士喜歡濃味一點 所以呢就揀咗芝士龍蝦只要用叉就可以好快咁起到去啲肉出嚟 非常方便而且龍蝦肉質爽 配埋芝士就頂呱呱😝🔸 白灼生蝦蝦嘅size都幾大 最簡單嘅做法往往就係將鮮味帶到出嚟只要點少少辣椒豉油已經非常好食🔸 冰鎮鮑魚沙律估唔到酒樓都有好好味嘅沙律 將鮑魚用冰鎮嘅方式去整 令鮑魚keep住好爽而且調味係酸酸甜甜 好新穎沙律菜配胡麻醬 仲有麵包粒同埋煙肉碎 好開胃🔸 椒鹽賴尿蝦一直都好怕食賴尿蝦 因為好怕𠝹到手同埋難將肉拎出嚟🙈呢度用椒鹽嘅方法將賴尿蝦殼炸得好脆基本上一啪成條蝦肉就可以拎到出嚟🙈🔸 蒜蓉粉絲蒸帶子呢個想法麻麻哋比較油同埋帶子蒸得過熟了之後都有同店員反映 樂意接受意見👍🏻🔸 清蒸龍躉件龍躉件嘅size都幾大 龍躉好厚嘅魚皮充滿膠質真係好正🔸 豉椒炒花甲花甲無沙 豉椒炒非常惹味喔🔸 薑蔥炒海蟹海蟹都好大隻而且有膏嘅 薑蔥份量都好多所以味道好足 好味道！🔸迷你珍珠雞估唔到食珍珠雞都好有驚喜 裏面有鹹蛋同豬肉碎開頭怕一個會食唔晒 點知越食越多😂🔸蒜蓉炒時菜最後有一個簡簡單單嘅蒜蓉炒菜心 完結豐富嘅海鮮宴🔸 一人海鮮餐原價呢就368而家團購優惠二百零蚊再加埋其他雜費$300有找就有得食 性價比真係好高去開鯉魚門又唔想食太貴嘅海鮮 富臨係一個好選擇！🍽 富臨酒家 (燒鵝大王)🔎 鯉魚門祟信街8號鯉灣天下地下5-6號舖及一樓8號…Read More
