OOTOYA

等七點半去大會堂聽音樂會，就自己一個黎左大戶屋食晚飯。大約六點去到，有好多位可以選，正～。鯖魚定食108元加一我平時就好憎食魚，但每次黎到大戶屋都會迫自己叫魚，一來吸收下啲營養，二來大戶屋整的魚真係幾好味～鯖魚賣相好得，骨好少，基本上啖啖肉，我食晒碗飯都未食完啲魚～皮又煎得好香，唔似家母煮果啲咁腥～。會員優惠食大戶屋一定要用會員優惠，尤其係中環呢間。有張優惠券係平日夜晚可以用架，我今次就要了炒雜菜，非常大碗～一個人食有點太飽～。服務中環可能人比較少，上菜快，店員態度都ok，好快會幫你斟茶，又唔會趕你走。。改善之處我就覺得細檯之間太近，隔離男人un腳un到我心都煩，如果隔開少少就好喇～…Read More

喺中環食飯都係一個好頭痛嘅問題，因為係中環返工，幾年好多都食厭晒。朋友介紹食呢間大戶屋，之前未食過。12點半嚟到，都好多人，等咗大概20分鐘。叫咗個燒鯖魚定食，大概$100，超豐富！有飯、面豉湯，前菜，蒸蛋，鯖魚好大條！皮剪得好香。我都食唔哂，好抵食！…Read More

又到聖誕🎅🎄☃️聖誕讓人最快樂的，莫過於有個請一放五的假期。在這個假期，第一頓飯局相約在大戶屋吃。大戶屋給我的感覺是總有一間在附近，不過真正食就係第一次。由於是周末，所以人流頗多，好不容易才有位。餐牌內不少食物也很吸引，最終我們點了人氣菜式燒鹽麴熟成五花腩定食，還有炸雞翼和燒鯖魚定食。特別推介五花腩，看上去以為會很膩，沒想到五花腩吸盡醬汁的精華，咬下去嫩滑無比，入口即化，肥而不膩，用來拌飯特別美味。平時不太喜歡吃米飯的好友也吃了一大碗呢！至於燒鯖魚定食，鯖魚肥美，魚香濃郁，也是水準之作。相較之下雞翼沒有大驚喜，不過熱辣辣也挺美味。…Read More