Ton Kun Ramen

前陣子得知銅鑼灣廣場附近的一條小街開了幾間新的日式餐廳，打算一一試勻，上次試過海鮮丼，這次試的是拉麵。豚燻拉麵店前掛著大大個醒目的燈籠，不論門面或店內均以木為主做裝修。大約容得到12個食客左右，以BAR枱形式，讓客人看得清楚廚師的動作。拉麵選擇不多，只有4款再多加1款季節限定。不過跟一般拉麵店不同的是，這裡的拉麵都是以海鮮為主，還要是非一般海鮮。常規既有海膽，也有原隻松葉蟹以供選擇。而季節限定則有北海道松葉蟹腳拉麵。還有幾種小食可以點。北海道松葉蟹腳拉麵($178)配料有木耳絲﹑紫菜﹑菠菜，而湯底是用蜆煮成的，所以都有好幾隻蜆在湯底內。而且還有很足料的松葉腳腳，足足有5條，而且每條都是真材實料的松葉蟹腳，很肥大鮮甜。廚師還把蟹腳的大半邊蟹殼都去掉了，只需簡單一挾，便能輕鬆地挾起肥美的蟹肉。寶寶點的是硬度適中的粗麵，即一般圓身的拉麵，咬落挺彈牙的。雲丹満開海の幸拉麵($198)完整一板海膽放在拉麵上，我還真的是第一次看到，喜歡海膽的我不能不試。海膽份量很多，不過不算太鮮味，可能用上了雲丹(!?即醃製過的海膽)，所以味道不夠濃。我點的是偏硬的幼麵。幼麵原來是扁身的，個人都幾喜歡這種口感，不過我覺得可以再硬一點，因為幼麵很薄很扁身，食起來寶寶點的粗麵好像還要硬身一點。我們2碗湯用的湯底都是用蜆煮成的，2碗麵下都有幾隻連殼的蜆，而且蜆肉都幾肥美。所以湯底超級濃郁海鮮味，不過可能蜆真的用得太多，我倆都同樣覺得湯底都幾咸，2個人幾乎將整壺清水都飲光。蒜香牛舌($68)非常好食的一道小食，與一般薄切燒牛舌不同，這裡的牛舌超厚身，但一點都不韌，簡單地能把牛舌咬開。牛舌本身好香牛味，加上用了蒜的香味，牛舌本身又燒到很爽口，我和寶寶都很食得很滋味，很喜歡這個小食。燒餃子(4件)($38)餃子表面煎至金黃色，咬落很香脆可口，而裡面的餡料很滿，完全可以用「皮薄足料」去形容這個燒餃子。雖然比起其他拉麵店，豚燻價錢不算便宜，不過其用料之豪華，的確可以一試。…Read More

雲丹滿開海の幸拉麵 - HKD198#拉麵控 朋友話銅鑼灣有間拉麵店勁多創意, 提供雲丹海膽 / 北海道松葉蟹腳 / 原匹松葉蟹拉麵一講完就心思思想去食雲丹海膽 VS 松葉蟹最終我決定 - 雲丹滿開海の幸拉麵...因為可以獨自鯨吞一板海膽, 呢個舉動好瘋狂同時要求了"粗 + 硬"麵Yeah! 勁多海膽 + 粗, 硬麵...我超愛呀! 😍一片片完整的海膽, 顏色好靚, 仲好軟棉棉咁呀! 先飲一啖湯先再正式開動, 估唔到湯底都已經好有驚喜 ~ 用豚骨湯底再加上蜆煮成呢個充滿海鮮甜味的湯底正當打算開始食麵呀! 用筷子將麵拉出時...咦! 點解有啲石頭收埋咗喺拉麵下, 原來有6隻蜆埋藏咗呀! 有驚喜呀! 即時滿足感大增, 又海膽又蜆我的食法係將拉麵放在湯匙上, 浸湯再加幾片海膽, 之後就一啖放入口, 海膽會慢慢喺口中同拉麵一齊溶化, 海膽好新鮮, 唔會有唔新鮮的腥味食得拉麵當然唔少得燒餃子 - HKD38我好鍾意食餃子, 亦試過喺屋企自己煎餃子, 但真係煎10次, 10次塊皮都係會穿咗😞...其實出街食都有試過....4隻餃子隻隻都漲卜卜, 塊皮無穿窿, 餃子底煎得又脆又甘香😘豬肉饀料肉汁好多餃子醬汁唔係平日常用的醬汁, 應該係自家調配過, 味道唔會太濃, 將餃子反轉再反轉蘸醬汁, 十分惹味…Read More

近年拉麵店越開越多，但是有特色的拉麵店真是可遇不可求，這晚在銅鑼灣逛街後經過謝斐道，被門口有個巨型燈籠吸引，發現這間小店有不少特色海鮮拉麵，一於試試！小店坐位不多，裝修簡約和諧，因為時間尚早所以不用等位，牆壁掛上一些日本掛布及手寫日文黑板，頗有日本風情。季節限定的“松葉蟹腳拉麵”主角松葉蟹腳鮮味無比，再加上份量十足的蜆肉，令湯底鮮甜美味， 濃郁香惹， 提升不少鮮香味道。拉麵選了幼麵，較為扁身，不失軟彈滋味！“海膽拉麵” 嘩！整碗拉麵鋪滿鮮美海膽及紫菜， 用料毫不吝嗇，確是物有所值。啖啖海膽的鮮味洋溢於口中， 熱食海膽還是第一次，風味清新。配料同樣有份量十足的蜆肉，所以湯底同樣清鮮甜美！燒餃子 餃子外脆內嫩， 肉質鬆軟而豐腴，肉汁豐腴芳香入味。…Read More

餐牌有點似曾相識，跟隔離的豊勝手丼是同一個設計。和一般的拉麵店一樣，有一張拉麵紙可以選擇麵條的粗幼及硬度，要不要走蔥等等。豚燻與其他拉麵店不同的是，有其他比較霸氣一點的選擇。平常吃拉麵都是叉燒作配料，豚燻有蟹腳又有海膽，比較創新一點。*松葉蟹腳拉麵($178)拉麵的配料就是四條已經半開殼的蟹腳；蟹腳新鮮有蟹味。兩個麵都是選了幼的硬質麵底；麵是扁身的，雖然選了硬身，但個人覺得不太夠硬，煮得軟了一點。*雲丹拉麵($198)「雲丹拉麵」一個很有意景的名字，其實是海膽拉麵。一片一片的海膽，又頗似一片一片的雲朵。不過個人不太愛海膽沽到湯汁，如果可以隔一隔會更理想。海膽一片片完整的，可見尚算新鮮；但是沾了湯汁後，不太吃到海膽的原味。兩碗的湯底和外面的很不同，用上了海鮮湯底，加入了很多隻蜆；每一粒都很有肉，沒有沙。*燒餃子($38)一客四隻的燒餃子，肥肥滿滿的。餃子皮薄，外皮煎得金黃不焦，外脆內軟；中間的豬肉餡很多肉汁，不會乾。*蒜片牛舌($68)炸過的蒜片，配上一舊舊煎過的牛舌。牛舌約煮得八成熟，爽口不UN；厚切令其更有口感。…Read More

知道左呢度既雲丹拉麵好一陣子，今天終於有時間來銅鑼灣食拉麵收工後9秒9就來銅鑼灣食好野--豚臐拉麵豚臐位於一蘭拉麵旁邊，很容易找到！店面沒有很大，像日本那些小店！坐位也不算多，只有大約十個位置，但師傅卻有4個確保有好既招呼我地到既時候大概6點半，時間尚早！唔想同人爭位食食下就開始有客人！餐牌好簡單！ 連小食也只有幾款選擇！名符其實：貴精不貴多於是，我地叫左好出名既雲丹拉麵同埋招牌豚臐拉麵，口痕既我地當然追加兩個小食首先係雲丹拉麵！ 淨係張相已經可以呃好多Like一個字：料很足既拉麵淨係紫菜有6塊、海膽份量十足！值得一提既係食食下，會好有驚喜食食下，發現有十多隻蜆真意想不到！所以個湯好甜，蜆既精華都在湯底內海膽好鮮甜，完全沒有那陣味道再一次食到新鮮海膽麵既質地偏幼，彈牙非常整個麵既感覺係驚喜！雖然價錢偏貴，但個人認為值得一試豚臐拉麵！店既招牌麵！是橫濱派既拉麵！湯底都係醬油去烹調，但比起平常的淡一點岩哂我！ 麵質比雲丹的粗！個人比較欣賞這一個麵的質地兩塊厚切既叉燒味道也很足小食方面，我地選擇了一個燒餃子和一個蒜香和牛煎餃子比起平時吃口感有少許分別，就係呢個食落係比較淋身的，似乎係無咁熱氣一客有4隻，味道唔錯但沒有太大驚喜！可能剛才既拉麵比既驚喜太大炸香蒜片，放係煎香左既牛肉上面份量唔算好大，但材料好！略略煎香，牛既濃香撲鼻唔會太熟，因此口感唔錯！值得一試整體黎講，材料新鮮！雲丹拉麵有驚喜…Read More

途經大型出名拉麵店既時候，見呢間拉麵小店排曬隊，好受歡迎咁喎，即轉軚一試究竟店內牆上仲有日文menu，裝潢充滿日系風格，全店滿座，等左10分鐘左右就入得，上餐速度都算幾快！蒜片牛小排香味十足肉質細嫩，醃得夠入味，薄薄一片夾雜經爆香既蒜片及蔥粒夠可口燒餃子以豬肉同白菜做餡，皮夠薄燒得岩岩好唔會過燶，算抵食！朋友order左豬骨湯拉麵，薄切叉燒片較瘦且不肥膩，湯底較淺色，咸度適中，岩曬食得清淡既朋友。由於唔似平時食開重口味湯底既咁油及濃郁，所以唔太岩我口味，後來才知原來係橫濱派系拉麵既特色新品雲丹拉麵上場，嘩！未免太浮誇啦吧勁多海膽鋪面，入口即溶帶點甘，食食下先發現有好多白沙蜆墊底，雖然湯底比豬骨湯更淡，但就嚐到淡淡鮮味勝在夠足料…Read More

最近因為「支那」一詞，弄得滿城風雨，原來由中國傳至日本的拉麵最初也叫作「支那そば」，但因為後來日本政府禁止使用「支那」一詞，才改稱作「中華そば」。本身對拉麵興趣不是太大，但由少玩到大的表弟最近榮升理髮師傅，所以婚後就特意到他工作的髮廊支持一下，剪髮後趁他未有客人就一齊食個午飯，他對拉麵情有獨鐘，提議到附近新開的拉麵店試試。＊＊＊＊＊＊＊＊＊＊＊＊＊＊＊＊＊豚燻位於謝斐道和波斯富街交界，距離港鐵站僅兩分鐘路程，門面雖然較為窄少，但因門外掛著大大個寫住店名的燈籠，所以都算方便易找。推開木門，但見店內就如一般日本拉麵店般，店面都是比較窄少，食客都被安排坐在長形的吧枱上。餐牌就貼在牆上，選擇不算多，拉麵和小食各只有兩三款選擇。點餐可以用桌上的點菜紙，上面可以選拉麵的軟硬度和配料。桌上有數瓶佐料，如炸蒜片、蒜蓉和辣芽菜，可以讓食客任意添在拉麵上。來到時適逢中午食飯時間，拉麵店幾乎滿座，廚房內雖然只有兩位師傅，不過下單後不到五分鐘，拉麵已經奉上。味噌湯麵($108)我點的是味噌湯麵，拉麵上鋪上一塊比掌心還要大一點的叉燒，旁邊還有紫菜、青蔥、木耳絲、紅椒絲和菠菜。日本拉麵分成多個派別，而豚燻以橫濱家系作招徠，橫濱家系拉麵雖然歷史不及札幌或博多拉麵老，但特點是醬油味較輕。味噌湯色澤呈淺啡色，湯底不會過於濃稠，油量也適中，空口喝入口偏鹹，不過如果只吃拉麵，其實鹹度是可接受的。拉麵硬度我讓師傅決定，軟硬度都適中，不會有過腍之感，麵條吸收了味噌湯，入口多了一股鹹香味。叉燒雖然只有薄薄一片，但也比掌心還要大，據說這裡的叉燒都是經煙燻過，雖然不太能嚐到煙燻味，但入口卻沒有平時的叉燒般油膩，不過肉質亦不會過乾過鞋。雲丹拉麵($198)雲丹拉麵應該是豚燻新推出的拉麵，因為點菜紙上是沒有的，只有貼在牆上的餐牌有介紹。初看還不知道是甚麼，經侍應解釋，原來雲丹就是海膽，所以雲丹拉麵就是海膽拉麵。但見海膽Ｘ拉麵這個配搭都頗新鮮，就點來試試。海膽拉麵一上枱，真心嘩了一聲，因為拉麵上鋪上比掌心還要多的海膽，相信份量足有一板。仔細一看，海膽呈深黃色，雖然每一瓣都比較細小，但沒有溶化跡像，可見其新鮮呈度。海膽由於放在拉麵上，所以入口不冷不熱，個人就覺得啅頭為主，還是偏好平時當作魚生般冷食。除了海膽，原來拉麵內還夾雜了數隻蜆，蜆肉雖然不大，但勝在沒有沙也不黏牙。由於加了蜆，湯底除了醬油味還多了一股海鮮鮮味，味道不錯。蒜片牛小排($98)牛小排上鋪上蒜片和青蔥。牛小排薄薄一被，入口非常軟腍，也醃得入味，味道不錯。燒餃子($38)燒餃子一客有四色，旁邊還伴有醬油以調味。燒餃子雖然沒有炸餃子般香脆，但勝在油量不會太多，餃皮厚薄適中，中間除了豬肉還加了一些香菜，是頗為抵食的一味小吃。總結，個人頗欣賞拉麵湯底沒有一般的重口味和濃稠，但叉燒湯麵和雲丹湯麵兩者之間，我還是喜歡傳統的叉燒湯麵多一點，但相信海膽控見到後者滿滿一板的海膽沒有多少人可以抗拒。…Read More

朋友想食拉麵, 路經豚燻時剛巧有客人出來, 望到入面間格係吧枱式, 可以坐住係度睇住師傅煮麵, 非常有日本拉麵店風格, 我同跟朋友兩人就二話不說入左去了, 哈哈! 的確, 店格局差不多全是坐吧枱, 旁邊只有一張細細圓枱仔. 坐底後, 我不斷找枱下的位置掛背囊之際, 店員溫馨提示可掛在走廊位, 咁就唔怕頂住腳或踩污糟, 讚!雲丹拉麵 $198: 雲丹即係馬糞海膽, 每日新鮮運到, 所以是限量發售, 每日只係賣十幾碗. 海膽份量好多, 估計足一大板. 選擇了幼麵, 麵質幼彈鬆軟, 一啖海膽夾著麵咁食, 海膽跟麵融合在一起, 每條麵條都沾上海膽, 啖啖都感受鮮甜甘香. 另亦有好多紫菜伴上, 可紫菜夾海膽食, 鬆口軟綿又有另一番滋味. 食到中段先發現原來好多蜆收埋係底, 估計超過十隻蜆, 仲要唔係細細粒果D, 唔怪得個湯底都咁鮮甜啦.味噌拉麵 $108: 店名叫豚燻, 果然豚肉帶有煙薰香, 豚肉乾而不鞋. 湯底濃而不油, 幼麵幼彈鬆軟燒餃子 $38: 包得飽满, 幾大隻, 皮薄有肉汁 掦梅鳥唐 $38: 即梅子醬燒炸雞件, 味道酸甜開胃又清新, 雞肉嫩滑有肉汁兩人埋單$382 (連加一), 雲丹拉麵令人好深刻, 無論味道, 份量及賣相都值得满分!…Read More

豚燻拉麵，橫濱風味，豚骨湯頭相比其他吃慣的清淡不膩，中秋節大魚大肉一番後，又想吃拉麵，正是今日心水選擇。長型店子細小，大家都是坐麵吧，面向廚師看著他們做麵。湯頭只有兩款，豚骨及味噌，我倆皆喜歡前者。配搭方面有特色，這兒的豚肉是煙燻製的，小食方面供應少有的燒牛舌，而昇級配菜竟然有雲丹，即是海膽！蒜片牛舌未想到在一家拉麵店內，燒功竟然有水準，厚切牛舌，意料之外的燒得香口，香嫩爽滑有口感，味道亦好，蒜片炸至非常脆口，蒜味不霸氣，配搭匹配。美味指數：3.5/5雲丹拉麵整板雲丹份量足，半浸在麵之面頭，但被湯灼過，蓋了甘香之味，但又真的豐富了吃拉麵的奢華感。白淨大片的豚肉確富煙燻之味，中央全瘦但肉嫩不，四周連皮有脂肪，吃的是煙燻香，口感味道不過不失。湯頭油光不多並不膩，富大量香蔥，配菜方面有黑木耳、菠菜及四大片紫菜，紫菜是香脆的。加了一支煙燻半熟玉子，流心滑溜富少許煙燻香。幼麵不俗，柔韌掛汁，口感佳。這個拉麵，有些新意，風味及配搭有所不同，整體感覺不差亦不特別好，沒有急於回味之感。美味指數：3/5燒餃子大路水準，一般拉麵的出品也許皆差不多。美味指數：2.5/5一試無妨，若然喜歡湯頭不膩的豚骨拉麵，是可以考慮的選擇，如果亦喜歡煙燻風味就更加適合，但對我來說，還是邪惡香膩的濃郁豚骨拉麵更能令我回味。…Read More

本來想去一蘭食拉麵，但係去到要排隊再加埋落雨，真係唔想排。但係又好想食拉麵，所以決定係附近睇下有冇其他，朋友就繼續排隊行左幾步，睇落好似幾有特色，又唔冼排隊所以就入左去。呢碗係味噌湯麵。湯底比較濃味同重味d，有好重味噌味，我自己鍾意食味噌味多d。麵方面我選擇既係幼麵，麵嘅質地爽滑彈牙，加埋牛蒡絲好爽口。豚肉方面真係同我哋平時食拉麵嘅豬肉好唔同，真係有種煙熏味，肉質係偏瘦，同平時食既比較有咬口同肉香。呢碗係豚骨湯麵，湯底都係偏濃味d，係重既豬肉湯底，我覺得淡味d會好d，麵方面都係選擇幼麵。小食方面：燒牛舌。一送到上嚟，我聞到好香嘅蒜片味。牛舌爽口有咬口，肉質好juicy多汁, 加埋蒜片，好香口。另外，我好鍾意牛舌切到咁細粒，一啖一粒，仲有d黑椒味，好惹味小食：餃子。煎得好香，餃子外脆內軟，入面有好香豬肉味，肉質鮮甜，點埋醬汁，味道酸酸甜甜，更加開胃…Read More

不是魯芬、不是朱薰、也不是岑建勳，這間近期讓人大排長龍也要一試的銅鑼灣拉麵店名叫豚燻拉麵。門口掛著一個醒目亮白的大燈籠，上面印著『豚燻』二字，亦即是這裡的殺手鐧 - 煙燻黑豚肉。店內環境不大，大約有十個bar檯位置，食客全都面向開放式廚房，能夠一邊聞到香噴噴濃湯，一邊欣賞師傅煮拉麵時的認真模樣。拉麵有兩款湯底可選，經店員推介後我最終選擇了味噌汁，另外也點了兩個小食跟男友開心share!豚燻味噌橫濱拉麵 $108先喝一口湯，湯底黏口而且味道帶甜，原來是用了筒骨、雞腳、昆布及魚乾等淆製12小時，難怪黏性極強，而且當中必定有大量女人最愛的骨膠原。而且我加了點炸蒜片，湯底額外多了份甘甜味。麵質爽口有韌性，掛湯程度不俗，不會一咬就斷。叉燒是鹿兒島黑豚肉，先用櫻花木煙熏後，再用鹽滷熟3天，再經過4小時慢煮，所以肉質不過因為過度加熱而失去肉汁跟油份，反而能食出陣陣木香，口感亦比一般叉燒要稔滑得多。蒜片牛舌 $68牛舌體積不算厚切，不過火喉控制上盛，每片都軟中帶韌，牛味濃郁之餘入口亦感受到肉汁從四方溢出。燒餃子 $38皮薄卻足以包裹著肉汁，餡料比較細碎易咬，肉料沒有筋。蘋果梳打 $36日產的信州蘋果汁，口味清甜，蘋果味突出又有汽。香港拉麵店越開越多，要保持著迄立不倒絕非易事，且看豚燻能否憑著超班的黑豚叉燒傲視群雄。…Read More

舖頭雖然好細，但乾淨企理。點解叫'豚燻'呢？醬汁煮嘅叉燒就食得多喇，但係用煙燻嘅就真係未試過喎！呢度嘅叉燒原來係鬆軟嫩滑嘅鹿兒道黑豚肉眼嚟㗎，首先將黑豚肉眼定型，之後用沖繩海鹽醃，再放入雪櫃熟成三日後，肉質就會更加鬆軟，跟住再慢焗4個鐘至大約八成熟，第二日先用櫻花木煙燻30分鐘，當日就會keep住放喺熱爐入面保溫保煙燻味，有客人落單先會切片，咁就可以保持到juicy啦！咁複雜嘅做法，怪不得舖名要叫做'豚燻'啦！軟幼麵豚骨湯+菠菜 ($112)奶白色嘅湯非常清甜，唔重口味，原來係用咗筒骨、雞腳、昆布、魚乾等煲12個鐘，啱晒鍾意淡味啲嘅媽咪啦！原來啲麵係香港廠用日本麵粉製造，仲專登係少鹼水㗎！硬粗麵味噌湯+蔥+燒粟米 ($122)配料有菠菜、木耳、紫菜，當然最重要嘅兩片叉燒。呢個湯底係用豚骨湯加味噌及調味料製成，味噌味好天然又香濃，而且唔鹹，會好有衝動想飲晒佢；叉燒果然名不虛傳，肥瘦適中不特止，肥膏仲晶瑩剔透，肉質紋路仲非常清晰，一啲都唔鞋唔乾身，啖啖都有豬肉嘅鮮味，食到咁上吓先有煙燻味道，但係唔會覺得太濃郁而蓋過豬肉嘅味道，連我唔鍾意煙燻嘅都覺得好好味，得兩片叉燒真係唔夠呀，食到最尾唔捨得食😥 粗身拉麵煙韌，但如果再硬啲就最好喇！再加啲牛油燒粟米、好多好多炸蒜及生蒜，天呀真係幾重口感一齊湧入喉嚨😋 自家製炸蒜又薄又脆蒜味又激濃，對唔住啊，你哋啱啱refill完我又差唔多食咗9成...... 太好味喇！！！！燒餃子 ($38)餃子入面包滿洋蔥、椰菜、豬肉碎，煎到好香口燒蒜牛舌 ($68)牛舌厚度適中，冇渣但有咬口感，煎過後嘅肉汁豐富，加咗鹽之後更能帶出濃郁嘅肉味，加好多塊炸蒜一齊食，好味到喊！！！！！好想叫多一碟不過＄68.... 食一碟好喇，下次再食啦！服務好好，一坐低店員就好有禮貌咁介紹佢哋嘅食物；亦都睇得出餐廳負責人好緊張食物嘅質素，食咁耐睇住佢督促住啲店員點樣處理食物，又好詳細咁解釋各種食材來自邊度呀咁樣... 一間好有誠意嘅拉麵店，衷心希望你會越做越好…Read More