Shiawase Yakitori (K11 Art Mall)

雖然覺得串燒未及和食吸引，但幸福鳥的串燒也非常好食。記得要用一張C記信用卡有八五折，會慳唔少。拉絲芝士玉子燒- 蛋滑，芝士及紫菜也多。蒜香一口牛- ok啦，肉唔韌。甘醋三色冷蕃茄- 很驚喜的沙律，也像甜品，清新可口，多色蕃茄及容具都很鮮艷美觀。銀杏串燒- ok啦免治軟骨雞肉串燒- 很美味的串燒，應該是因為調味、材料、配搭、燒烤加起來的功勞。燒飯團- 香口但沒特別。幸福吉列豬扒- 肉質不錯，但外皮好像少少過龍。醬燒日本魷魚筒- Size不細，燒得不錯，肉質彈牙。炒雜菜- 其他餐廳日式炒雜菜只係用大阪燒醬汁都已經好好味，幸福鳥居然用黑松露醬(因為更高級？)，結果搞到好難食，一加一等於負二:(。…Read More

環境上坐得舒適，食完唔會成身一陣味🤣整體燒得唔錯，唔會燒到乾晒，保留住獨有既肉汁同味道😋推介‼️沖繩菠蘿豚肉卷($48)有驚喜！菠蘿既甜酸味配合豚肉既油香 Best combo!😋雞肝$38 好香份量亦夠 唔係細細粒和牛串$88 油花分布平均 燒得岩岩好😋炙燒明太子$78 青瓜配搭中和返個咸味雞脾肉燒$68/2pcs (四款口味，圖中係鹽燒&山葵醬)免治軟骨雞肉棒$68/2pcs (四款口味，圖中係鹽燒&山葵醬)雞腎$38汁燒大腸$38白燒活鱔$88 燒飯團$45…Read More

久未重訪，掛念着非常型格的吧台及多款醬汁的免治雞骨肉串，當年啟業，有如此競爭力者少，可惜現在已非優勢，燒功依然保持，但…好似啲雞肉冇以前咁好食！  餐前小吃    好味指數:2.5/5非常大路的貨式。京都特濃男前豆腐 $48   好味指數:3.5/5先來一客男前豆腐，豆味特濃，質感棉密醇厚，無需任何調味醬汁，味道已佳。 幸福鳥（免治軟骨雞肉串燒） $68*2    好味指數:4/5鹽燒、汁燒、芝士、激辛急不及待，先來四式四串，賣相吸引。 其實亦只是噱頭，除了汁燒之外，其餘三款基本上都是鹽燒再額外加芝士或辣醬，但能一次過嚐多款口味的感覺是開心的。雞肉與雞軟骨混合，口感既軟既有嚼勁，向來都是我至愛。華味鳥雞脾肉燒 $76*2   好味指數:3.0/5鹽燒、汁燒、紫蘇梅醬、山葵同様是四款醬汁，各有特色，紫蘇梅醬少少酸、山葵輕輕的辣，分別不大，沒什麼所謂，只可惜、重點在雞髀肉失色，並非預期中滑，口感似不嚡的雞胸肉！秘製牛肋串 $88   好味指數:4/5香嫩有點嚼勁，味道豐富無過鹹。 豉汁活鰻 $78   好味指數:3.5/5招牌之一，輕度適量的鼓汁，存在感沒有過高，相比中菜好得多，活鰻新鮮肉質有彈性，值得一試。 福岡豚肉野菜卷 （沖繩菠蘿） $38    好味指數:4.0/5非常清甜的沖繩菠蘿被包圍在中央，對比惹味的豚肉，口感一流，亦鹹亦甜，沒有什麼可以最好，個人認為，相比其他餡料選擇，菠蘿的果香最特出。 燒飯團 $45*2   好味指數:3.5/5燒得非常好，四周焦脆度恰到好處，裏面綿綿飽滿飯粒，鹹鹹地，沒有亦無需要添加任何餡料已經可以。 芝士年糕 $48   好味指數:3.5/5無失準，外脆內軟，不過，年糕偏軟，不夠煙韌。 水準可以，服務尚好，價錢亦合理，不過作為一間燒鳥店，沒有特色令人專誠而來。 黃色燈光下，相機先食不理想！手機仔，冇辦法。  …Read More

串燒可揀鹽燒或汁燒等方法，但其實食落都係差唔多味😅，燒得比較乾身同調味較淡，來居酒屋比較喜歡食重口味小小，太淡唔係好岩送酒，有好多居酒屋都有多種調味粉揀，但呢到只提供7味粉同豉油，如果有鹽或者山椒粉會開心d，唔夠咸可以自己加。唯一令我驚喜係燒芝士年糕很香口，幾好味！另外menu有細字寫明，局住一定要收茶錢同前菜$20，之後仲要加一服務費，所以如果要試最好揀7點半前離座，有8折就好似抵d，折左埋單500幾蚊，但完全唔飽…Read More

呢間日式串燒店真係好好味，可惜佢嘅燒乳豬賣晒，不過呢幾樣都好好食，當中No. 1係燒鰻魚，另外燒魷魚同燒飯蜀都好味，值得試試。如果可以揀，建議坐燒爐前面的Bar檯，見住D廚師燒串燒，好精彩。…Read More

近2個多月香港的確變得很緊張，每逢週未假日都有遊行。對於尖沙咀的確少了很多人流。現在相約吃飯我都會選擇平日，起碼都會安全一點吧。今日來到K11商場人流少了，行走都覺得好鬆動，不知道好事定壞事吧！日本我深信好多香港人都喜歡，全因食物及服務都以高質以及夠精緻。是夜到訪 「幸福鳥」的確有一種感動的感覺，門外已經有日本風的角落，牆身寫上不少的祝福語。「香港人加油」，睇落是有一點心酸的感覺。究竟香港何時走回安定繁華的景象？餐廳內部既裝潢都全走日本風格，吧檯位置可以近距離可以目睹師傅為我們製作的食物，的確有一番滋味。Suntory Premium Malt Black $58吃燒物又點少得飲啤酒，才會有所盡興。黑啤是生啤，不會有苦澀的味道，我深信女仕們都會喜歡。幸福鳥 （免治雞肉串） $118/4串幸福鳥應該是此店的招牌菜，以免治雞肉串利用不同的配搭吃出不同味道。首先有鹽燒味道帶有脆身並少許鹽味不錯，汁燒味道超過多汁而且惹味；芝士味頂層流心芝味超香濃富層次分明，最後激辛的辣度帶有刺激感與黑啤同吃非常匹配。華味鳥雞脾肉燒 $128/4串四款的華味鳥雞脾肉，以鹽燒我深信與平常雞肉串最大分別是相當嫩滑。汁燒的味道燒得恰到好處而且醬汁濃郁，紫蘇梅醬帶動雞肉串香濃而且肉汁滲出相當惹味，最後山葵即是大家相當熟悉wasabi，少許辣度刺激味蕾。牛脷串 $88$88的牛脷串的確貴得物有所值，以厚身的牛脷串仍舊保存鎖著肉汁，而且不帶點煙韌出色。豉汁活鰻 $78燒鰻魚相信每次到訪串燒店必食之作，鰻魚外層燒得香脆無比，其肉身相當嫩身連同鰻魚汁，令人回味無窮。喜之次一夜干 $128燒物中驚見喜之次一夜干的出現，對於日本的居酒屋下完全是熱門之一。喜之次本身浸在鹽水之中，再吊起來吹一夜成為魚乾。燒過的魚肉富有彈性，多了一份鹹香而且一夜干讓魚的鮮味更濃縮飽和，十分美味 燒飯團 $38最後來到一客燒飯團，從前到過銅鑼灣一間居酒屋吃過後，每次到訪居酒屋必定點下。全因燒得外脆內軟，令我一試傾心。…Read More

繼續商場搵食既節奏，今次發現係K11開左間新餐廳，叫做幸福鳥，大門口有個鳥居既入口，偷望下原來係食串燒既，仲使問？緊係入去試啦入到去就見到一幅掛滿許願牌既牆，好似去左日本既神社咁丫餐廳座位分咗兩款，可以選擇坐吧枱或者其他方枱，但係識揀就梗係坐吧枱，因為可以睇到師傅燒串燒同埋可以同師傅傾下計坐係燒爐隔離係咪會好熱？唔會，餐廳通風同冷氣系統都好好，所以唔需要擔心首先黎到既係日本青椒仔$22平時我好怕食青椒，因為佢有陣苦味，但日本呢隻青椒仔唔會，仲帶點甜味，食到最後果隻竟然有辣味呀，配埋木魚絲都幾好食之後就到第一樣主打菜，阿波尾雞串$28阿波尾雞既特點係紅肉比較少，脂肪比例低，含有豐富嘅蛋白質，肉質嫩滑彈牙總共有四個口味可以揀，而我就試左山葵同鹽燒，的確唔錯另一樣主打就係幸福鳥（免治軟骨雞肉串燒）$30同樣地都有4款口味可以揀，我好鍾意呢一款，因為食落個軟骨好爽脆，口感好好，配左甜甜地既燒汁好好味，芝士味都唔錯另外想推介既係馬碲魷魚燒肉串$28特別之處係佢配埋生蛋黃同醬油一齊食，個味道有啲似我哋平時食開嘅土䰹肉餅，但點埋個蛋黃醬油味道特別又好食西班牙黑毛豬長蔥燒 $38用既係腩肉既部位，但唔會好油，燒到個皮有少少脆，唔會覺得膩，個長蔥都好甜西班牙黑毛豬露荀$38露荀去除左肉既油膩，露荀新鮮好好味燒飯團 $22最後又點少得燒飯糰， 外面燒到脆卜卜嘅飯焦好好味以後又多個食野既地方啦…Read More