金華美食

睇YouTube 介紹，順道行過嚟試下。鋪頭位置唔係旺街但都好多熟客，7點都要排隊等一下。叫了燒賣同魚蛋（各10蚊一串）魚蛋係細粒實哋有咬口少少彈果種，唔係發到大一大果種，如果再重啲陳皮味更好。不過己比好多大又鬆靠淋汁加味嘅魚蛋嚟得好至於燒賣，係傾向似金龍燒賣嘅咬口，都有少少魚味唔係完全食粉團。至於最大優點係由於貨如輪轉，唔會蒸過頭放太耐，而且添貨落蒸架前有先用蒸籠蒸透唔會有唔夠熟唔夠熱嘅問題，而且老闆調嘅甜鼓油同辣鼓油都好唔錯。我唔認為係網上堆「必食客」講到一定要專登嚟試不吃後悔果種誇張程度，不過經開真係可以幫襯下，尤其呢排天冷，又凍又餓果陣篤一串熱辣辣係好過癮，此為簡單的一樂也。…查看更多

金華美食系一間專賣港式街頭小食嘅小店，由伯伯同佢老婆兩個打理。鋪頭有魚蛋、燒賣、牛肉球同腸粉等等小食，雖然最出名嘅系佢地燒賣，重點系伯伯自家調配嘅鼓油同辣椒油。燒賣口感偏煙煙韌韌，所以粉感味唔重，而伯伯每次都淋上自家調配鼓油，令每粒燒賣都有獨特香味嘅鼓油，非常之惹味。另外，伯伯嘅辣椒油好辣，我加左3、4滴，辣到我標晒汗，要即刻買野飲解辣。如果鐘意食辣野，可以黎挑戰下。見食完唔夠喉，再叫多左一串腸仔，腸仔系廚師牌，不過烚得太耐太腍，不過加左鼓油，即刻覺得好好食。究竟伯伯系樽鼓油落左d咩？鼓油味道系偏甜，但又唔會過甜，帶一股獨特嘅香味。雖然金華美食嘅鼓油味道獨特，加添各小食嘅味道，價錢方面比較貴，而且加價加得好密。不過，大家路過都可以試試伯伯自家調配嘅鼓油同辣椒油！…查看更多

🇭🇰金華美食·燒賣$10同場加映附近呢間好多人推薦嘅燒賣 其實我哋食完個米線已經好飽㗎喇 不過因為我哋真係比較少嚟呢邊 所以都專登行咗過嚟食埋佢個燒賣😙😙不過佢個燒賣就無我想像中好食啦 佢質感係偏粉嘅 所以口感麻麻 反而佢個辣椒油就好香 食落好惹味 不過就真係好辣 最後我地係辣到要即刻買嘢飲🌶️😂·📍深水埗昌華街20號金華閣地下1號舖·#rbyeat#rby港式#rby荔枝角 #rby九龍灣 #rby長沙灣…查看更多

又真系估唔到咁多人2點幾去到，等完前面一個靚女，剛剛想叫，又比一個男人爬頭,我買完又有兩母女，果然系長沙灣名物，厲害啊。地方吾覺得好似有D 食評話咁邋遢，整整齊齊，小店算吾錯啦！睇佢打開個蓋，見其他客人叫的都食物，都出曬煙熱氣騰騰 買左一個燒賣比印尼姐姐，開頭佢話吾辣，食到最後佢都話辣得過癮；另外自己叫左兩串吾辣燒賣，鼓油味吾算出色。燒賣質感吾算有彈力，亦吾算有魚肉味，10蚊5粒算系長沙灣比較貴小小。…查看更多

$8一串五粒燒賣有辣有唔辣伯伯會加勁重手豉油/ 辣油秘製辣油都幾辣架～由五年前讀書幫襯到依家燒賣勁q彈牙好好食！係我食過最好食既街邊檔唔係講笑除左燒賣，牛肉球都好好食！…查看更多