London Restaurant

拿拿食評系列 #倫敦大酒樓星期五放假，約左朋友食早餐，朋友就問有冇興趣去倫敦大酒樓飲早茶，於是我地2個後生仔就上左去喇~一上到去，大部份客人都系年長既一輩，顯得我地2個有啲奇奇怪怪~ 我地上左3樓，3樓是自由搵位既，基本上就系你見到有吉位，就可以坐埋去，但系倫敦大酒樓生意好，都系滿坐既！服務員見到我地2個系到搵位，都好好人，帶左我地去一張已經埋左單就快走既枱旁邊等，於是我地15分鐘內就成功入座~坐低開好位後，就拎住張卡，出去拎野食，因為2個人，唔敢叫太多，驚食唔哂，就叫左3樣最想食既。蝦餃、燒賣飲茶必食就唔使講啦！重頭戲系煎腸粉，岩岩煎起既腸粉，超級香！真系會因為想食煎腸粉再上黎幫襯，一啲都唔誇張！你食緊既時候，重會有經典既點心車經過，好有舊式酒樓既氣氛，岩食既可以叫一籠~蝦餃燒賣煎腸粉不過就建議大家多啲朋友一齊約埋食早餐，錦就可以試多啲唔同既點心~…查看更多

呢間酒樓都係旺角開左幾十年，有時買完高達都會去食幾籠點心。成間鋪都充滿情懷，仲有點心車同搭台，次次食都覺得返左細個咁。次次都食燒賣，算細細粒咁，有少少肉粒同蝦粒，幾好咬口，同埋好香菇味。雪白蝦餃，有啲荀絲咁，普普通通。牛肉球就好彈口，而且好香茜味，牛肉味少左啲。鳳爪好好食，啲汁個味好濃，而且全部鳳爪，無花生，好抵食。啲排骨真係好多骨，咁先好，有骨嘅位肉味最香。下面啲芋頭好多次都好粉，好好食。雞札，入面舊魚肚好好，好彈口，好入味，超好食。鮮竹卷，普普通通。牛腸，係幾種腸最抵食，因為入面好多牛肉。至於個皮唔算好滑，但都正常嘅，架車焗住。炒粉面炒飯係半賣份量，兩個人以上先好叫，如果唔係食唔晒。其實好抵食咖，附近啲茶仔好細碟都幾十蚊啦。不過酒樓有時都會失手嘅。…查看更多