Thai Som Tum

抗疫中，尋找「泰國」真味。泰爽甜是位於街市二樓，舖位細細個。泰國人煮理，非常有風味！提提大家，一定要訂位。一坐低，就嚟碟蝦剌身。嘩！好爽甜！🦐身再凍啲就仲perfect!再嚟多碟燒豬頸肉。有冇攪錯呀！咁鬼嫩滑架！點停口呀！燒燒吓，連碟雞都上枱嘞！炭燒味好濃！非常、非常之好食😋 Highly recommend!三味脆魚，師傅起魚肉&骨去炸。我朋友連魚骨都清埋！可想美味之程度！食食吓，老板娘放低碟好似狗史的物體係我枱面。喜愛食辣的人，可以試吓。生菜包住舊狗史，把辣味提升不少！唔用生菜，原來係冇咁辣架！鹽燒魚，雖然魚味比較淡，但真係好滑！燒牛肉沙律🥗⋯⋯朋友叫了半生熟牛，但我唔鍾意食太生的牛肉。下次我會叫佢燒熟啲俾我😅到呢一刻，我已經好飽,但食物仲上緊！努力食啦！蝦膠包皮旦，原來都幾夾喎！粉絲扇貝，呢個真係停唔到口！粉絲炒得dry & 辣辣哋，又嘢味，底下的扇貝居然勁鮮甜甜品....泰國名菜一定是芒果糯米飯！超好食，點解？因為佢哋糯米飯唔係死實實囉！一定要試吓！…Read More

已前要食地道正宗泰國菜九龍城係不二之選，近依幾年感覺那兒的食物慢慢變得地道化，唔辣唔香問過幾間的負責人，聽說為配合香港人口味所以他們都要改變一下。慢慢我對泰國菜都無乜要求。無意中黎到依間小店本來普住一試但原來係依度可以搵返失去的味道。老闆Aee很友善，我會再來的！ 紫貝天葵 + 青檸梳打 - 一般無乜特別 生菜包 - 豬肉炒得乾身，夠辣重有好香既香草味。必食！ 炒金邊粉 - 食過好多都唔夠乾身炒到一餅野。依個夠乾身d粉唔會太林重係一條條，酸甜剛剛好。好耐未食過咁好味既Pad thai！很正宗 燒豬頸肉 - 真係用豬頸肉，因為好多鋪頭都用第d部位以為d客人食唔出。燒得幾香唔會太乾，個辣汁用左好多唔同香料同辣椒調制。…Read More

2月23日（星期二）晚，是晚去接女友收工並一起去晚飯，我們都不約而同有共識想去北角，我又突然想起幾位知名食家曾經介紹的隱世泰菜，一於就趁今晚去試試。因為坐電車前來的途中，已經上網做了功課，其實地方不難找，不過由市政大廈地下乘升降機到二樓，在沒有指示下幾乎行到盡頭才能找到這個泰菜小天地，有點像尋幽探蔽。單看牆上的推介，幾乎不用看餐牌已經有很多食物想試，奈何二人胃納有限，祇有得個“想”字。雖然如此，兩個人點食物還可以有很多的選擇，女友想吃咖哩雜菜和雞油飯，我就點了我最愛吃的燒豬頸肉，原本我還想點糯米釀雞翼和炸檸檬葉，無奈前者已經售罄，後者因不合季節而沒有供應。咖哩雜菜可以選擇是紅咖哩還是青咖哩，店員說後者較辣，所以女友要了紅咖哩雜菜，可能這裡口味很正宗，紅咖哩的辣度對於不嗜辣的我們已經夠辣了，女友甚至乎有點吃不消，蔬菜煮很軟腍，略嫌份量較少；雞油飯飯粒顏色夠深，可惜沒有雞油的香味，祇是一碗有色飯而已，還好可以用咖哩汁送飯；燒豬頸肉是即叫即燒的，要等上超過十分鐘也是值得的，因為這兒的燒豬頸肉嫩滑多汁，外層刻意燒得帶點焦黑，食落更覺焦香，相信在香港很難找到可以和這裡媲美的豬頸肉。難得我們吃完所有食物還未覺得飽，所以再追加一碟泰式炒金邊粉，以往我吃過的炒金邊粉大多是炒得一塌糊塗，但這裡的炒金邊粉卻沒有黏著一團，每條金邊粉也很“獨立”，味道帶點微酸，有點像廈門炒米，口感爽滑軟綿，吃完碟上更沒有多餘的油，盡顯大廚功架。這裡的食物委實不錯，奈何這室內的熟食中心卻容許食客吸煙，特別是鄰檯的兩男一女，用膳期間不斷地吞雲吐霧，強迫我和女友食二手煙，就算食物多美味也令我們吃得很難受，惟有趕快吃完後儘速逃離這煙霧彌漫之地，離開是還見到很顯眼的禁煙橫額。它，有作用嗎？…Read More