Pavia

餐廳離宋皇臺站不遠，主打意大利菜，牆上有彩繪和掛左唔少畫，食物高質呀😚。1. 燒西班牙黑毛豬🐖 $388 呢碟非常推介呀！暫時係我食過數一數二好食嘅黑毛豬扒🐷。黑毛豬食橡木果長大，食落有獨特既堅果香味，也因為飼料乾淨衞生，唔洗煮到well done 都食得😍，所以肉汁特別嫩滑和juicy🤤。而餐廳的秘製醬汁，更令味道昇華。2. 白酒煮新鮮紐西蘭青口 $208 名符其實，呢碟紐西蘭青口真係超級新鮮，好鮮味和爽口，白酒味也很香🥰。3. 意式風味pizza (Small $148) 材料有好好食既parma ham🐖、蕃茄🍅、火箭菜和兩款芝士🧀，pizza 餅底夠薄和脆口，幾好食呀。…Read More

九龍城最岀名應該係佢嘅泰國菜同潮州菜，兩樣我都好鍾意食，不過九龍城將會大規模重建，咁就趁佢重建之前試多幾間餐廳，今日呢一站就係呢間叫Pavia嘅意大利餐廳。唔知食咩好問咗職員有咩推薦，佢介紹我哋每人叫個Set Lunch，套餐包餐湯或沙律同埋一份主菜，咁我哋叫咗一人一份套餐，另外再加多份意大利雲呑。餐湯同沙律我哋一人要咗一樣，沙律係蜜桃鴨胸沙律，沙律同醬汁分開上，個醋汁酸酸哋食落相當開胃。餐湯係薑汁甘荀湯，我咁大個人未飲過薑汁湯，味道又岀奇地夾。另外前菜會跟埋四片蒜蓉包，冇乜咩特別不過勝在夠熱。成餐最貴嘅就係呢碟雲呑，仲貴過主菜，個雲呑比較特別之處係佢隻餡，一般意大利雲呑都會用肉類或者蔬菜加芝士做餡，餐廳用咗帶子同菇做餡，而且都相當足料，醬汁亦都非常香濃，唯一缺點就係真係有啲貴。主菜叫咗西冷扒同豬扒，兩款嘅配菜一樣，牛肉跟黑椒汁豬扒跟醋汁，兩款肉都唔會好硬，雖然我平時鍾意食牛扒多啲不過今次我會投豬扒一票，佢隻醋汁唔係成日見到，我覺得同豬扒非常夾。可以加錢要埋個甜品不過太飽冇叫到，總結而言水準都幾好，如果經過九龍城又唔想食泰國潮州菜可以考慮一下呢間。…Read More

自己係九龍城工作左一段時間，都無發現原來有一間意大利餐廳係九龍城。一次巧合朋友約我去九龍城食呢間餐廳，第一次去意大利餐廳食飯有啲期待。餐廳門口裝潢簡單，但係餐廳內裝修好有異國風情，店內服務員主動有禮，特別係老闆娘。每次所點既菜式上台，老闆娘都會介紹菜式特點，非一般嘅體驗。我同朋友分別點左前菜牛油果大蝦沙律🥗 配有特色醬汁👍🏻 ，牛油果份量好多好。 餐包配有牛油🧈，值得推介嘅菜式係燒西班牙黑毛豬，第一次食7成熟嘅豬肉，味道比得上食上好牛扒，加上酸酸甜甜嘅醬汁非常野味之後再點左份清炒蒜片辣椒意粉🍝，意粉炒得非常乾身，又唔油膩👍🏻 值得下次再去幫襯…Read More

間唔中都會去九龍城食泰國野，今晚想轉下口味，食意大利菜。之前聽朋友介紹呢間餐廳，大家都讚口不絕，所以我就揀左食呢間啦💕紐西蘭新鮮大蜆（$208)用白酒煮，證明蜆係好新鮮！而且好大粒！四個字：鮮甜美味，原汁原味無得彈😝精選pizza ($138)有少少芝士拉絲，係薄底既pizza, 材料有火箭菜、蘑菇，再配埋黑松露醬，唔錯！😋皮都係人手做架！手工野l like燒西班牙黑毛豬（$338)呢個菜令我最驚喜，因為黑毛豬煮得好juicy，再點上師傅秘製既醋，簡直可以用一流黎形容。店主話第一口可以唔點醬食先，食左個原味口感，再點醋，會有唔同既層次同口感。蒜蓉炒青蘆筍（$58）晚餐要食少少蔬菜先至會健康嘅😝出嚟梗係食啲平時喺屋企好少食嘅蘆筍哈哈😄其他圖片：…Read More

相約一班舊同事聚聚, 其中有人提議去九龍城食飯, 但又想可以坐得舒服, 於是去了朋友推介這間意大利餐廳. 來餐前先送上熱辣辣面包, 附上牛油,黑醋和橄欖油, 細心既侍應們見我地食完面包, 就開始上第一道菜, ~牛油果大蝦沙律-    蔬菜是新鮮, 配上大蝦, 先開胃口~忌廉汁帶子牛肝菌雲吞 - 強力推介,    餡料充足, 一咬落去, 滿滿既帶子配上忌廉汁, 一流!!~白酒紐西蘭新鮮青口-   每隻青口都好大隻, 肉感鮮味一流, 個湯都有青口既鮮味~燒西班牙黑毛豬 -   女侍應先介紹一下這款黑毛豬, 好JUICY , 配菜亦做得好好~ 茄汁海鮮闊條面    海鮮分量很足, 闊條面軟來硬適中 ~ Pavia Pizza      芝士蘑菇火箭菜餡料, 熱辣辣 , 烤得好香整體很滿意, 價錢合理, 餐廳環境氣氛不錯…Read More

經過漫長的Weekday 工作後, 終於黎到Weekend 了, 應該搵間好餐廳食返餐好, 好好慰勞下自己!最終找到這間在九龍城的意大利餐廳, 食完之後重可以去其他餐廳食糖水這餐廳不難找, 在富豪東方酒店一眾巴士站走來只是大約5-7分鐘這是一間很橘子的餐廳, 座位不多但與其他食客仍保持一定距離, 方便談心每將桌上都有一個蠟燭擺設, 加上快將聖誕, 餐廳內都佈滿聖誕裝飾, 增添不少浪漫感而且餐廳會播放一些很出名的浪漫意大利流行曲, 例如Andrea Bocelli 的 Vivo per lei牆上又掛了很多藝術油畫, 各樣配合, 增加不少身處意大利藝術小鎮Pavia之感先來一個Starter, 風乾48個月西班牙黑毛豬火腿沙律, 火腿味道非常有層次而豐富, 有甜而帶咸, 因這是吃橡果的黑毛豬, 所以也會帶一點橡果味, 配多汁爽口哈蜜瓜, 中和一點咸味, 非常好的前菜龍蝦濃湯, 湯的密度很濃, 咸度適中, 內有2-3舊龍蝦肉, 有一點彈牙當晚的Special Recommendation, 白酒煮新鮮紐西蘭大蜆, 蜆肉很大隻, 而家多汁, 有鮮味, 有清新的白酒味, 相信餐廳對食材清洗工夫做得很足, 沒有一隻能吃到一粒沙黑松露菌忌廉汁意大利帶子牛肝菌雲吞, 非常正的一個菜式, 黑松露味濃, 雲吞的皮薄而且煙韌, 餡料非常多, 牛肝菌彈牙, 而帶子也是新鮮彈牙, 配上香濃黑松露菌忌廉汁, 香和味俱全黑松露菌忌廉汁雜菌意大利飯, 跟雲吞一樣黑松露味濃, 黏度適中, 不會很水, 飯軟中帶點煙韌, 配一點菜能中和一下, 帶來點清新最後的主角, 燒西班牙黑毛豬配新鮮薯蓉, 也是橡果黑毛豬, 肉質非常幼嫩, 而且燒得外脆, 配合大廳自製的醬汁非常好味, 本來偏淡的肉豬, 即時提升味道薯蓉是新鮮薯仔製成的, 每吃一口都能食出那種薯仔鮮味, 而且非常幼滑, 可以加一點茄醬或自製醬汁都有不同的感覺…Read More

吃泰國菜當然要來九龍城才夠地道, 夠味道但原來好戲在後頭, 近九龍城廣埸那邊有很多各式小店, 也具有獨特風味今晚4個黑松露愛好者, 來到九龍城一間遠離大馬路的意大利餐廳決定遠離一下煩囂都市, 靜靜地細味一下意大利菜從街尾走入打鼓嶺道, 過了藥房就到, 一間外國裝潢的餐廳餐廳裏已經準備好聖誕節來臨而牆上都放滿意大利'肥佬'的畫及一邊播放著意大利音樂光線較暗, 整間店都充滿情調而且大門是非常隔音, 每次開門都聽到外面非常嘈吵, 但一關門就只有音樂我們是專程為黑松露意大利雲吞而來而其他選擇實在太多, 所以我們請店員為我們推薦一下菜式結果我們點了三道前菜, 兩道主菜。風乾48小時西班牙黑毛豬火腿沙律黑毛豬是用橡果餵飼, 微咸濃香細膩, 淡淡橡果味道由風乾黑毛豬色澤可見, 肉質亦保持油潤, 而不油膩密瓜鮮甜多汁, 配火腿食, 大家互相配合沙律菜亦爽甜, 非常新鮮及充分水份, 用小量黑醋汁吊味, 很開胃黑松露菌忌廉汁意大利帶子牛肝菌雲吞說好了我們專程來吃這一道菜, 當然要每人兩隻才試真味道店員介紹說一定要跟大量醬汁共嚐, 結果真的差點連碟都用去舌頭清潔乾淨黑松露味相當濃郁, 混入忌廉煮醬汁, 令醬汁更香濃, 而質地不杰也不稀一般意大利雲吞是皮厚餡小, 但這個剛好相反皮薄得有點晶瑩剔透感覺, 就像高檔酒樓的魚翅餃的皮, 面質感煙煙靭的內裏包著牛肝菌及帶子粒, 帶子粒肉質很淋, 煮得剛剛好認真, 這個真的 非 吃 不 可!!白酒煮大蜆只是用白酒加羅勒葉將大蜆煮至剛開口就上碟肉質爽彈, 沒有沙之餘亦非常飽滿, 能食出大蜆鮮味雖然這道菜做法用料都比其他簡單, 但必需要廚師拿揑時間所以$228價錢也值得一試龍蝦湯我是龍蝦湯的終實fans但其他湯底的做法, 不是每個國家都一樣意式湯風格一向都是比較稀, 所以這碗龍蝦湯也不例外 湯底很濃, 蝦味很重而龍蝦肉很新鮮, 肉質爽彈, 有龍蝦肉味滲出黑松露菌忌廉汁雜菌意大利飯意大利飯飯質軟硬度適中, 軟稔亦帶點煙靭加入了忌廉及芝士, 變得非常creamy四人吃的份量剛好, 如果可以更多人分享就更完美燒西班牙黑毛豬這個也是跟風腿一樣, 是用橡果餵飼的黑毛豬肉質很鬆軟, 兩邊燒得香脆, 配秘製黑醋汁, 甜多過酸讓我們驚喜的還有伴碟的薯蓉, 是新鮮用薯仔打出來的, 不是薯粉開水其實一下就食得出來, 新鮮打出來的味道是很香濃而且非常幼滑另外, 翠玉瓜吸入了番茄的香味, 將本來有的草腥味掩蓋這道主菜可說是用心良苦了我們都很滿意店員推薦的每一道菜亦滿意這裏的服務, 每道菜之間都會換碟, 亦注意到顧客的進食速度, 為保持食物質素會提醒客人要襯熱食有一點不得不提的是店員除了份內事做得周全, 連外面有警察抄牌也立即留意到及通知食客這份熱誠真是買少見買了, 希望繼續保持各水準…Read More

九龍城人人認為是小泰國, 其實當你漫步此地區, 你會發現好多隱世小店今晚約左幾位九龍朋友食西餐, 踏入12月, Pavia 餐廳內及門外Menu已經佈置了聖誕裝飾, 餐廳內燈光陰暗, 有情調, 每張檯上放了一個小蠟台,播住意大利音樂入座後, 侍應先為我地加水, 同時推薦餐廳菜式, 餐廳有set dinner有 a la carte,最後我地決定散點第一道菜主角是48個月黑毛豬火腿沙律, 黑毛豬主要食糧要橡果, 所以火腿脂肪有獨特既方香, 黑毛豬火腿肉連油脂, 品嚐到火腿既甘香味美, 呢份濃郁既肉味停留在口腔一陣子, 再配上蜜瓜, 清甜多汁, 底層沙律配上油醋汁, 挺開胃呢款雲吞一客6件, 下單時侍應會先說明亦問我地需唔需要加份量, 相當細心.先講雲吞餡料有帶子牛肝菌, 切開雲吞, 內裡流出原汁原味既汁, 帶子唔會煮到過熟, 入面材料豐富, 所謂的皮薄餡靚, 再配上廚師特別調教過既黑松露忌廉汁, 味道完全是非筆墨所能形容此道菜, 侍應再三強調一定要趁熱食!第三道頭盤是大蜆, 用了白酒洋蔥及羅勒葉, 簡單材料已經帶出大蜆既鮮味, 大蜆熟度剛好, 仍然保留蜆汁在蜆肉內, 咬一口, 蜆肉有大量鮮味十足既汁湧出龍蝦濃湯果然濃味帶少少咸, 有3-4舊龍蝦肉在內,新鮮龍蝦肉, 相信餐廳是用了大量海鮮多日煮製, 熱呼呼的黑松露意大利飯份量足, 加了芝士, 有拉絲既感覺, 好creamy, 當中海鮮同牛肝菌份量都好多, 每一粒意大利飯完完全全地混上黑松露醬, 廚師控制熟度剛好, 意大利飯有口感, 始終有芝士在內會有少少溜, 但是可以接受燒黑毛豬扒, 肉質鮮嫩, 有juicy感覺 , 第一啖當然原汁原味咁食, 第二啖沾上廚師特製黑醋汁, 酸酸甜甜又是另一返風味, side dish 薯蓉, 侍應提到味道一定比外面的濃味, 原來廚師是用新鮮薯仔製, 果然好多heart其實小店比起集團式餐廳更有親切感及更加照顧到每檯客人既需要該晚侍應好nice, 亦會主動同客人溝通, 廚師周不時出樓面會主動送菜給客人, 上菜方面是一道一道菜上, 侍應會按照每檯客人既速度上, 而不是廚師煮好就出菜的心態呢種人情味又浪漫情調餐廳, 不是每間餐廳可做到, 很值得同另一半再去浪漫一次…Read More