成都美食 (Closed)

喺長沙灣附近搵野食經過左呢間望望門面，好大陸感覺喎！之後再望一望係平時大陸燒烤既味道！就入左去！以前上大陸揼骨，宜家封關突然想食大陸串燒！試試佢！我決定一次過寫！完全係大陸既味道！孜然粉既燒烤！雖然好多串燒都係知道落孜然，但完全做唔到呢種味！茄子，冇記錯係廿幾蚊，抵食！好食！多肉！然後最驚喜係牛肉羊肉雖然好似十二十四蚊串但係份量起碼係大陸既三倍仲要係有肉汁好食！唔錯！題外話叫左個麻辣燙，果個一般好淡。最後埋單都係百幾蚊！抵食😝

鑱咀萬萬歲!🙌🏻ChamZeoiLongLongLife🙌🏻🐭成都美食萬歲！....🐭餐廳走平民大排檔風格。食物種類有好多：水煮魚/肉類、辣炒肉類/海鮮、麻辣燙、串燒丶粉麵、滷水、小吃.........🐭串燒：茄子$30、雞翼$18、豬頸肉$13睇住老闆娘即刻係個火爐度生燒，好有心機!落大量孜然粉及調味，味道較濃，真係好有成都風味！豬頸肉口感軟滑，入口溶化。雞翼外脆內嫩，非常Juicy。茄子上面嘅蒜蓉超級超級多，燒得好靚，香氣四溢，不過食完個口會臭🙈賣相👅👅👅👅味道👅👅👅👅👅口感👅👅👅👅👅份量👅👅👅👅性價比👅👅👅👅👅....🐭水煮魚 $198真係好好奇咩人會食得晒，就算幾個人share份量都超多！裏面有好多魚片、青瓜片、芽菜、薯粉。上次叫中辣，辣味同湯底味非常香濃。今次要咗小辣，相對冇咁惹味。賣相👅👅👅👅味道👅👅👅口感👅👅👅👅份量👅👅👅👅👅性價比👅👅👅👅....🐭清炒萵筍 $58食咗咁多濃味嘅嘢，要食返一道清淡嘅作為調劑及中和。 非常清香爽脆，能夠食到萵筍本身嘅清甜味道。賣相👅👅👅👅味道👅👅👅👅👅口感👅👅👅👅👅份量👅👅👅👅👅性價比👅👅👅👅👅....🐭食神鼠到成都一遊，拜～....