Yakiniku Gyukura (Closed)

是日娘親生日，小妹早一個禮拜訂左位一家人慶祝下。餐廳任食分兩個時段，我地揀左7:30既時段，入座起計2個鐘任食。一坐低，我地仲未嗌野食，餐廳就連續上3大盤野食，可以邊食邊寫野。另外提提大家，即場下載一個APP做會員就可以即刻享有8折優惠!!平成舊水一個人架~記得問店員點做會員啦 (入會唔洗錢)返返正題: 餐廳送既拼盤包括: 魚生拼盤、燒肉拼盤同海鮮拼盤。魚生拼盤好新鮮，好似係按人頭計咁分配分量，我地一共5個人。不得不說，D海膽好大隻好新鮮!!!!仲有紫菜配埋!!不過冇得任食..食完就冇嚕...不過其他果D都有得任食。甜蝦、三文魚腩都好鮮甜肥美。小妹娘親就比較中意油甘魚，Encore左好多轉燒肉拼盤: 唔好意思，由於屋企人太猴禽..我未影好盤野就已經GG左..D肉係好肥美既，個人最推薦既係和牛胸腹同美國穀飼牛，因為牛味夠濃~呢個係之後我地Encore既其中一碟牛，水準都Keep住同送果碟一樣架~第三個係海鮮拼盤: 有一夜干(2條半)、蝦、大貝(唔知真名係咪咁)、蠔、帆立貝。建議一夜干要燒到好乾好乾先食，唔係既話會腥同唔好食。好彩我地5個人可以坐一張大檯，有兩個爐，一邊燒海鮮，一邊燒肉。我見隔離4人檯得一個爐差好遠..蠔好大隻同新鮮，燒到收左水之後食，好味!不過都係冇得任食，一人一隻咁大把，所以如果隔離果個唔食既話...你識做架啦~ 大貝有沙，唔太中意，帆立貝同蝦就正正常常，中意既朋友可以後續再嗌~俾大家睇下任食有咩揀先~其實任食都唔算超多選擇，但其實食得燒肉放題，梗係食肉為主啦~至少我係~不過老老實實，食完果3個大拼盤，其實都飽左30%，再嗌多幾輪，我就已經陣亡左..值得讚既係，呢間野好岩D中意飲酒既朋友仔黎，因為佢個飲品區提供左好多唔同種類既酒任飲唔嬲，飲多幾杯都回本啦~不過可能食唔落肉咁解..自動斟日本啤酒: 放個杯落去，佢會自動打斜個杯，跟住斟。清酒、水果酒~想解滯既朋友仔可以沖茶飲~當然唔少得大路既各式飲品~仲有甜品區:雪糕區: 有好多牌子揀，個人最中意食Movenpick，今次揀呢隻味好creamy又唔會太甜，好味!!總括而言，呢間野D肉都高質，埋單8折左$457一個人 (細聲講: 記得申請做會員呀!!!抵好多架!!)，都算係咁。不過，對於我呢D好快食滯既人黎講，其實就圍唔到本既。有乜計，娘親生日佢喜歡就得啦~係度慶祝生日都係唔錯既選擇黎既~…Read More

最近出咗雙糧, 所以同男友睇完戲之後去食餐好, 目標本來鎖定 iSquare 的名家食韓燒, 但係, 我又八八卦卦咁想去睇吓有無其他野食, 結果, 行到7樓, 男友已經餓到 (成日無食過野呀) 要即刻搵地方落腳. 由於當時6點幾, 所以間間食店都無咩人, 好易搵位, 見牛藏餐牌上套餐包羅萬有, 啱哂我要咩有咩既喜好, 所以入去, 即刻點咗個叫 '梅' 的二人餐. 待應即時送上薯仔沙律, 原來係人人有份, 當然埋單會計埋數啦. 二人餐包括有櫻花蝦沙律, 個芝麻汁好好味, 加埋櫻花蝦, 咸咸地都幾好味. 跟住再黎刺身拼盤, 有隻白色魚 (唔知叫咩名) 爽爽地口感幾好, 另外有三文魚, 帶子, 蝦, 重有大粒三文魚子, 好新鮮! 之後有味噌湯, 雖然我對味噌湯無咩好感, 睇在加咗個蝦頭份上, 都飲哂, 又幾鮮甜噃, 個蝦頭. 跟住就到主菜燒肉拼盤, 其實另外有個套餐係全牛, 不過我地點咗呢個有雞, 豬, 牛舌, 牛肋骨加主角和牛的套餐, 樣樣試吓無咁悶嘛, 加上我係牛趙牡丹的人, 無謂浪費靚牛啦, 哈哈! 豬肉最肥美, 所以燒時要小心搶火, 我都差啲被火燒到, 記住較返細火燒. 食得肉多有啲膩, 不過個鰻魚飯實在太好味, 尤其搞爛隻蛋落啲飯度, 好滑好味! 我地竟然由頭食到落尾, 清哂. 最後, 唔少得我至愛的雪糕, 係紅豆雪糕呢, 唔~ 好有紅豆味呢~ 好滿足的一餐! …Read More