川魔 (Closed)

今晚和太太在荃灣廣場買完東西，最近無胃口口淡淡，想起有好一陣子沒有吃辣，發現這家川魔，於是來試試水準。餐廳以中式清新為主題，位置空間感足夠，裝潢高雅環境有品味，正好可以舒舒服服地邊食邊傾計。餐牌有不同的川式菜品，有各式水煮、干鍋、各式四川小炒等。燒生蠔 $10新鮮的生蠔，燒至生熟程度剛好，一咬蠔味鮮冶而肉質嫩滑，味道清甜可喜，加上恰量的蒜蓉，非常惹味，特價$10一隻超值。紅燒獅子頭 $88一上枱就知道十分對辦，一咬肉質鬆軟可口，滿口盡是脂香肉香，加上濃油赤醬的紅燒醬汁，一流。香辣跳跳蛙干鍋 $98一股香辣氣味撲鼻而來，一嚐田雞件，舌尖立馬發麻，夠香夠辣，醬汁特別惹味，滲透骨肉，味道令人上癮，田雞件份量多，肉質嫩滑飽滿。北方菜肉水餃 $48水餃皮薄而餡料紮實豐富，味道自然鮮美，入口層次豐富，清甜不膩口，配上的特製的醬汁，微辣帶甜，絕對有驚喜。四季春 $26四季春份量十足，有別一般茶飲店的出品，真材實料製作，能品嚐到真正的茶香。

呢一間川魔喺社交媒體以$10 一隻燒蠔做推廣，咁抵食，緊係嚟試試啦。 點知⋯⋯ 5舊水買來失望的一餐。最後仲要因為啲嘢太咸，啲吃飲唔好味點多咗個上湯菜 開開心心嚟食，見到0負評諗住實好正，結果非常失望！首先，門口接待員不停講電話，完全望都唔望吓啲街客。仲有呢度啲員工唔知點解請工人姐姐？ 水吧係由遮遮去做，令人不禁懷疑係咪非法出嚟做嘢？食物真係好伏，完全唔Ok! 連飲品都係！個菜實在太普通，我自己喺屋企都煮得好過佢希望呢間嘢會有所改善啦⋯⋯ 食評如下：門面係好靚㗎，坐位又闊絡⋯⋯真係唔會再幫襯

荃灣廣場內嘅川菜寥寥可數，行入商場內見到一間叫川魔，好有型嘅名字😆我仲以為食日本嘢🤣原來食川菜，剛剛新開無耐，仲有卡位可以面對落地玻璃，空氣間感超好。食川菜唔少得食辣嘢！兩個人叫咗一碟前菜，主菜加主食，兩杯飲品。燒蠔做緊特價：$10隻，點左試下。🔻燒蠔（原價$28，優惠價$10 不設上限）即叫即燒好大隻，大量蒜蓉燒製，好juicy!! 🔻麻辣口水雞 雞肉主要係雞胸，依然保持嫩滑，麻辣口水汁以麻香為主，唔會死辣！🔻肉末水晶粉味道有啲似上海粗炒，配以肉末及雞蛋，炒得乾身入味，簡單滋味，一個人絕對可以K.O.一碟。🔻鮑魚乾鍋 （加錢配三款餸：安格斯肥牛、蓮藕片、牛肚絲）叫咗微辣，鮑魚勁多，煮得夠軟熟。其餘三款配料都好入味，蓮藕片爽脆，牛肚絲有咬口，肥牛嫩滑。🔻紅糖糍粑熱辣辣上枱，即叫即炸，外脆內軟，咬開好煙靭，食唔停口，可以做到拉絲效果。🔸叫咗兩杯特飲白雪公主：荔枝沙冰特飲，好清新，食辣嘢飲一流👍奶蓋芝士伯爵茶：濃厚芝士奶蓋，鹹鹹甜甜，伯爵茶味好香濃，口感豐富。當晚即場做會員，送咗價值$48紅糖糍粑，下次嚟食嘢仲可以有九折。