鴻啤啤串燒 (Closed)

餐廳：鴻啤啤串燒地點：尖沙咀金巴利道菜式：串燒餐牌：肉類，海鮮類，蔬菜類，錫紙類，開胃小食，麵食，飲料，酒類招牌風味烤豬手 $58一隻 另加一招牌風味烤豬手 一大隻切開兩份容易食，燒得皮脆而入面好淋，骨膠原重，面頭灑上香口孜然粉同蔥花，味道好惹味。燒特級牛舌芯 $69一份 另加一燒特級牛舌芯一份十二條，切得呈長條形，口感外脆內彈牙。味道頗濃，燒汁味鹹香。燒鮮白鱔 $76一串 另加一燒鮮白鱔一串三件，燒得皮非常脆，而肉非常嫩又多汁，魚肉味道調得好好，少少甜帶少少孜然味，伴少少椰菜絲沙律可解膩。燒日本廣島蠔 $28一隻 另加一燒日本廣島蠔兩隻起。連殼上，殼都燒得熱辣辣。蠔好大隻又厚肉，又嫩又多汁，個蒜蓉蔥花芫荽汁好好味，下底墊有椰菜絲沙律。秘製蒜蓉烤蟶子皇 $68 另加一蟶子皇果然好大隻，連殼上，面頭加上充足蒜蓉同蔥花。蟶子非常鮮甜，好爽口彈牙，正。下底伴有椰菜絲沙律，撈蒜蓉汁一齊食都好好味。以上都係推薦菜式，呢度採用生燒燒法，需時等候，不過食材新鮮可口。總括而言，今餐食物質素唔錯，價錢唔算貴，小店座位環境都唔差。…Read More

發現金巴利道有間唔太起眼嘅串燒店，喺著名嘅「三角公廁」附近😆 望一望入去店內嘅裝修氣氛都唔錯bor～ 就試一試吓佢啦！ 店內嘅裝修明顯用心設計過，幽暗嘅燈光配合一系列嘅霓虹燈裝飾，牆身嘅香港風景油畫，水吧位置悉心排列嘅酒品，幾好feel👍🏻飲品種類都好多，酒品有啤酒、生啤、紅白酒同埋Sake選擇👍🏻 啱曬同friend子嚟飲杯酒chill住食燒烤🤩============ヽ(○´∀`)ﾉ♪🐮燒特級牛舌芯 $69/份 ⭐️推薦🫶🏻🐟一夜干馬友（時價）$238/條 ⭐️推薦🫶🏻🍆秘製黄金香蒜茄子皇 $48/份 ⭐️推薦🫶🏻🥬燒蒜芯 $25/串 ⭐️推薦🫶🏻🐷秘製燒豬頸肉 $68/份🍝蟹柳麻醬手打烏冬 $32/碗🥓煙肉荔枝卷 $35/串🍺Suntory-The premium Malts $68/500ml============ヽ(○´∀`)ﾉ♪呢度嘅燒烤寫明係生燒燒法，燒烤嘅時間比較長，落完Order就同friend子飲住啤酒🍻慢慢等～杯生啤 500ml巨大杯😂 都只係$68，又係好抵飲🤩============ヽ(○´∀`)ﾉ♪特別介紹吓推薦嘅嘢食先🤩燒特級牛舌芯 - 必食！勁好食，厚切嘅牛舌芯，咬落去爽彈軟嫩，好Juicy～一夜干馬友 - 最近愛上食一夜干，呢度條魚好大條🤩 略嫌好多細骨要小心啲慢慢食，魚肉質地都軟嫩亦唔會好鹹，側邊魚骨位燒得脆可以食埋😋 餸酒一流👍🏻秘製黄金香蒜茄子皇 - 必食！巨大條茄子皇😂 $48好抵食！ 黃金香蒜非常之香，茄子亦燒到好淋好多汁，正👍🏻燒蒜芯 - 加咗子孜粉，蒜芯好嫩又甜～ 好好味😋另外如果必定要食主食嘅朋友不仿試吓🍝蟹柳麻醬手打烏冬，手打烏冬好滑，加咗蟹柳麻醬嘅呢個凍食法，唔錯👍🏻…Read More

假期特別想飲番杯，行到三角公廁附近，見到依間都幾多人幾熱鬧，即本行入去試一試！店家寬敞、叫多幾個三朋知己黎都冇問題！食物款式眾多，最後請店員推介給我們~❤️燒脆魚肉鯇魚腩 ($55)店家利用自家製醬料烹調、濃味掛上啖啖肉、非常吸引及香口。店家燒得剛剛好，肉質脆滑！❤️香辣肉碎焗娃娃菜 ($58)依道菜既精髓係配料夠唔夠多！店家準備大量的配料鋪滿娃娃菜之上，慢焗出香噴噴的香辣味及香蔥味！味道一流！好食！❤️秘製黃金香蒜茄子王 ($48) & 燒秋葵 ($28)香蒜茄子王同樣要夠多配料！配到滿滿就好美味！一啖蒜蓉一啖茄子！味道衝擊味蕾，超級開胃，完全食上癮，停唔到口！燒秋葵，師傅慢燒得好乾爽，食落脆口入味！❤️燒特級牛舌芯 ($68)估唔到依到係採用厚切牛舌芯、配上自家製醬料，保留牛舌芯的彈性、食落唔會覺得硬、反而係保留左牛舌的軟熟；經過慢熱、掛上濃烈醬汁，超級美味！上面幾款都係店員必食推介，我覺得都冇介紹錯，的確幾好味，CP值都幾高！…Read More

尖沙咀食飯傾計，唔想落酒吧，唯有揀一間可以慢慢食下串燒，又可以吹水嘅地方。睇評語好似呢間唔錯，同朋友決定入去睇下環境。氣氛唔錯，最緊要油煙味唔勁！有地方可以飲酒hea住食串燒嘅地方。食串燒當然唔少得要啤一啤，兩個人每人叫左一支藍妹$30，除左啤酒，仲有日本清酒，紅白酒選擇！開胃小食：雞泡魚乾 $48呢個去飲嘢必叫，飲酒唔會口寡寡，同埋份量都唔少，仲要$48咋，出面食都唔平鹽燒鯖魚 $48都係抵食之選，鯖魚一開二，燒得乾身，而且充滿魚油香，加D檸檬汁感覺更能帶出鮮味！燒特級牛舌芯 $68係我最鍾意嘅燒物，用左牛舌最嫩部份，所以燒出嚟肉質嫩滑，外面香脆，內裏依然保持咬口因為店鋪所有食物，即叫即燒，都要耐心等候。不過好味嘅野食，當然比耐性更重要！…Read More

呢期天氣開始凍，都想食啲熱辣辣嘅嘢，呢日又黎食串燒🌝串燒店都有個好靚嘅bar枱，有好多酒可以揀嚟配串燒食👌🏻可惜要揸車，所以冇叫酒飲😌🍆麻辣川香肉碎茄子皇 $58 🌟必試一上菜時我哋就比佢哋的份量嚇親，係平時份量嘅兩三倍，十分抵食👍🏻茄子表面鋪滿肉碎同用左麻辣花椒油調味，非常惹味😍👍🏻好邪惡呀，但好食👍🏻🍗燒豬頸肉 $65 🌟必試比想像中大份，燒得好惹味，表面有少少脆脆地，啖啖肉好正👍🏻🐟燒白鱔 $68肉質鮮嫩，咬落去有少少爆汁，好juicy!🍖燒牛舌芯 $68份量都幾多，味道香口，但有少少韌，有幾塊咬唔開。🐓雞心、雞軟骨、雞皮雞皮燒得脆脆地，好香口；內臟方面都正常發揮，唔會食到唔新鮮嘅味道👌🏻🥦蒜蓉焗西蘭花 $58蒜蓉都焗得好入味👍🏻合格整體來講，依間串燒單價來講都唔算平，但份量偏大，都算抵食。環境裝修就有少少港式風格的bar咁，都算坐得舒服。上菜速度偏慢，但如果係約朋友一路傾偈一路食應該都還好👍🏻…Read More