Dai Don Ya Restaurant

日本菜真的是久不久就會想吃，雖然剛在日本回來不久，吃晚餐的選擇還是不會抗拒日本菜。是晚在荃灣，想簡單吃個飯，來到附近發現有便宜的丼飯，商場門口一上扶手電梯便看見，就決定在這裡解決了。顧名思義，大丼屋賣的基本上都是丼飯，還有少許小食和飲料選擇。最便宜的丼飯只售$38，晚餐吃更為花算。環境也算不錯，乾淨企理，木枱和像是箱子的木椅都很新淨，坐得舒適。我們實在太肚餓的關係，所以點了三個丼飯和兩個小食。走進來時看見別桌的丼飯碗子不算大，還以為不會很飽，誰知真的不簡單，原來每碗都非常足料，米飯更是塞實了整個碗，一人一碗已經夠飽。點丼飯還會附湯，是麵豉湯配海帶和豆腐。麵豉香而不過鹹，漿粉製豆腐滑溜，海帶也很有咬口，暖過胃後我們便開動了！牛肉偏瘦但不會嚡口，牛肉汁味道濃郁得來剛剛好，加生雞蛋黃令牛肉更滑。最讚的是飯粒也有牛肉汁，所以不會單寡。 說起爆丼不得不比較旺角大排長龍的爆丼屋，牛肉明顯爆丼屋的較為生，帶粉嫩紅色；這裡雖是全熟但也不會韌口，最重要的是同樣差不多湧出來的份量，這裡的價錢便宜很多！性價比是更勝一籌。豬肉丼是整晚最出色的，半肥瘦叉燒燒過後的油甘香十分突出，咬下去齒頰留香。叉燒在醃的過程中已很入味，滷得惹味但不過鹹。同樣配生雞蛋和蔥花，令整個丼飯更香更濃稠。這是本店最昂貴的丼飯，也是我們最期待的，卻也可能因為這樣而與我們的預期有所出入。刺身分別有海膽、三文魚籽、鱈場蟹肉、牡丹蝦和吞拿魚腩蓉。海鮮豐富，份量也下得不少，不過味道只是一般，沒有腥味，但也不夠鮮甜。吞拿魚蓉不夠脂肪，剁得較實。下面的醋飯也較軟，黏成一團，糟蹋了本來很好拌飯的吞拿魚腩蓉和鱈場蟹肉。炸物反而不錯，炸粉不過厚，炸得酥脆。魷魚鬚彈牙有鮮味，簡單蘸沙律醬已很可口，價錢也恰當。玉子燒則比較韌，下了很多蛋，但做得不夠鬆化，也不夠layering。本來配蟹籽和芝士是相當豐富的，但上面的包裝車打芝士片若可再火炙得溶一點會更好。其實一人一個丼飯餐（跟湯）已經足夠，熟肉丼如燒牛肉和叉燒都是又便宜又高質的，最多加一份炸物小吃分享，點對食物的話還是高性價比的地方。…Read More

今晚阿仔話要食日本野，聽聞荃灣開咗間叫爆X丼嘅餐廳，所以一家三口搭車去荃灣啦，去到見到人山人海，等位起碼超過一個鐘以上😨所以再上OpenRice search吓睇下附近有冇其他選擇，點知就見到呢間叫＂大丼屋＂嘅餐廳，食評唔差，加上距離又近，所以一個箭步行過去攞籌啦，去到竟然即時有位喎，只有大概五六成食客，心諗：唔通有伏？🤔不過最後抱住一試無妨嘅心態，結果瀨晒嘢😩😩盛惠＄188 巨型富士山丼，其實一啲都唔巨型，相反比起其他丼飯仲要細碗啲添，好失望，完全唔值呢個價！經理解釋話，本身menu用嘅碗比洗碗d人打爛晒，撞崩晒，所以而家轉用哩隻碗，係比其他飯嘅碗細少少，同埋隻碗細d，d海鮮先容易營造到富士山巨型嘅效果喎⋯⋯結果係，隻碗細咗，你d海鮮又唔係特別多，咪一樣營造唔到爆丼嘅後果😡😡同menu比較，我老婆直頭話要去海關投訴佢違反咗商品及說明條例！隻碗細到可完全放入燒牛肉丼隻碗內燒牛肉爆丼，算係最OK嘅一個👍🏼鹽燒鯖魚丼，老婆話好淡，冇鹽燒味，似係求其燒完淋d豉油上去咁👎🏼大蝦天婦羅，因為當時向完經理投訴個富士山，嬲得滯冇影相，不過味道是OK的。埋單四百幾⋯⋯冇下次…Read More

丼控的我知道荃灣有一間日本餐廳專門製丼，而且大大份非常吸引，必定抽空品嚐品嚐大丼屋位於百悅坊2樓，百悅坊大門上電梯到2樓便會看到上圖大丼屋正門。當晚大約6時到達，餐廳有充足位置供我與友人選擇。餐牌簡單直接，丼大概可以分為5類及小食：共有5款魚生丼供選擇，價錢由$188-78不等爆丼為肉類丼，牛肉、豬肉、雞肉和叉燒都包括在內，款款肉類都幾乎滿瀉，非常吸引！價錢由$88-58不等天婦羅丼一共有3款，而燒魚亦有鰻魚與鯖魚2款供應，價錢由$98-58不等最後一頁則有12款小食提供，除了一人一碗丼外還可以order小食一起品嚐。可看出餐牌簡而精，想品嚐的丼款都應有盡有，總有一款岩你！最後與友人order了一人一碗丼：我選擇了北海道海鮮丼，珍珠米上鋪著3片肥美的三文魚刺身、4片晶凝通透的帶子刺身、不吝嗇的蟹子和入口溶化的吞拿魚他他，款款刺身都非常新鮮美味，而且適合伴飯，記得吃前將豉油撈芥末並例進丼內增添味道。但略嫌丼的實物跟圖片有不符，圖片中的北海道海鮮丼的刺身堆至山高，感覺高至差不多滿瀉，但實物沒有快滿瀉的感覺，只有刺身鋪在珍珠米上的感覺。丼奉送一碗面豉湯，面豉湯亦足料，有日本豆卜、海帶、豆腐粒和蔥花，而且咸味剛好。友人選擇了燒牛肉爆丼，牛肉鋪滿在珍珠米上，而且非常腍身但同時肥膏比例小，證明牛肉的脂肪分佈頗平均。牛肉沒有因燒過而變得乾身，反而鎖實肉汁在內，咬時亦有肉汁流出。但同樣實物與圖片不太一樣，牛肉片沒有呈花等形狀，只覺得牛肉鋪在珍珠米上，而且沒有滿瀉的情況。丼同樣附送面豉湯一碗。—————整體評語：味道-2碗丼的食材都頗新鮮，魚生並沒有雪味，而牛肉的煮法亦值得加許，能夠鎖著肉汁.服務-店員亦非常因勤，不時會添水，而且頗留意客人舉動並提供最快捷的服務，同時令客人覺得不會被忽視.環境-店鋪寬敞整潔，座位與座位之間不會太擠迫，光線亦充足除卡位比較暗外.衛生-所有餐具、枱及椅子都非常整潔企理乾爽，椅子下還可以放個人物品添.抵食-以我所點的2碗丼作論，本人覺得燒牛肉爆丼頗抵食，雖然與圖中不太一樣，但$88可以食到質素不俗的牛肉也可以接受。但略嫌北海道海鮮丼偏貴，因為實物發現魚生其實數量沒有圖中或預期中的多，沒有滿至山高的效果，所以有點失望…Read More

又到星期三搵食夜 今晚同媽媽近近地荃灣搵好西食 見到網上介紹呢間丼飯即刻去試下 餐廳都都幾多人幫襯喎 先叫左個蟹籽沙律作為前菜 大量蟹籽配上青瓜蟹柳 醒醒胃㨂左佢地嘅推介 燒牛肉爆丼 見到哇左一聲一層又一層嘅薄牛肉 加上燒汁 香䓤同芝麻再配上一粒蛋黃 齋睇樣已經好吸引牛肉燒得岩岩好 套餐重有一碗麵豉湯另外叫左鰻魚丼 勁大塊鰻魚 配埋燒汁。勁好食叫左客什錦天婦羅 即叫即炸 熱辣辣炸粉好薄 食落唔會好膩 有南瓜 矮瓜 冬菇重有三隻蝦 其實都幾抵食…Read More

今日表妹甩難了，因為佢終於考完DSE，佢之前閉關左幾個月，我都好耐冇見佢了，今日終於考晒，可以鬆一口氣了佢話之前怕考試會肚痛，一直唔敢食生冷野，今日點名話要食魚生喎，我醒起之前係雜誌見到荃灣有間大丼屋，一於黎試下。呢度係近荃新天地果邊，係百悅坊一上電梯就到了，我地六點半左右黎到，未係好多人，店員客氣有禮，服務算不錯Menu上選擇唔算好多，但有齊魚生丼、熟食丼同埋咖哩飯，小食樣樣都好吸引，搞到我同表妹都諗左好耐先落order呢度好有效率啊，落左order唔夠10分鐘就有得食，我表妹揀左個巨形富士山丼，係全場最豪啊，雖然冇menu張想疊得咁高，但都唔少野，有齊海膽、魚子、蟹肉、吞拿魚茸同埋兩隻大蝦，淨係食餸都飽了，分量真係唔野少，一個字，扺！而我揀咗個同樣係招牌嘅燒牛肉丼，牛肉夠厚身，啖啖肉，撈勻埋粒蛋黃，好好味，不過兩個丼啲白飯都真係好多，我諗我同表妹share一個丼都已經夠了我哋仲帶咗兩個小食，雜錦天婦羅同埋炸魷魚酥，炸魷魚鬚香口惹味，天婦羅用料新鮮，估唔到呢度啲炸物不錯啊我表妹對呢餐飯十分滿意，見到佢食得開心，我都好滿足，兩個人食咁多野再加枝波子汽水都係＄400 ,真係唔錯架…Read More

之前收到傳單，說新開張優惠買一送一！看著圖片吸引，便跟老公約定放工立即趕回荃灣試試。由於此店地點在楊屋道街市附近，距離地鐵店很遠⋯ 我們差不多8點才到達。當時門外站著差不多廿多人⋯ 我問職員取票時，她竟說已籌滿 我當然非常失望，這麼辛苦的來到⋯也驚訝於這麼多人來吃。第二天，我剛巧有事請了半天假，於是我6點就出發去排隊⋯ 等到快7點才有位。由於是買一送一，當然點價值相若的⋯⋯我點的三文魚親子，份量一般，看那wasabi 就知道這不是一間正宗日本餐廳幸好三文魚入口尚算新鮮。老公食鎮店的爆牛丼，外表滿分。但牛肉完全不是那會事。份量對男人來說有點小。不過以這個價錢來看；就變成ok! 但如果要用原價來吃⋯ 我不會再來了～…Read More

很幸運在3月26日趕上3月份買一放一優惠，場內7點開始排,但不用等太久.地點比較難找，我們跟據openrice地圖，在街市走了一圈才發現商場。來到1/F,門面以木色為主，日本風格，只有2人枱和4人枱。價錢收費會以最平價錢的丼，為送出。 即如果2人吃$188丼和$88丼，就會$88為免費，每人平均 $94。 問題如果2人不是共同吃，是各自食自己的，對選$88的，就不公平，而且還貴了我們6人，先分開2張枱，4人一張2人 另一張分別點了1個富士山丼$188賣相還可, 份量比想像中細, 男士應該不夠, $188不值.只有2隻牡丹蝦是最大隻, 海膽普通, 蟹肉沒鮮甜味道, 論味道只有蔥吞拿魚蓉最好, 又綿又滑, 有驚喜燒牛肉爆丼$88 不能少看88元, 牛肉約7成熟, 不薄有咬口肉汁濃郁, 口感豐富, 生蛋黃, 層層疊玫瑰花形, 男女都大讚, 堅大碗.我們點了2個, 即平均$44 一豌超便宜蔥吞拿魚腩蓉丼$88 好綿好滑吞拿魚蓉, 蔥碎紫菜絲芝麻, 小生蛋配上芥辣豉油, 完美配搭沒有選錯~YEAH小食芝士厚燒玉子 $28芝士咸咸和玉子甜互相角力, 口感軟綿而香氣噗鼻.炸豆腐$22略遜一籌, 豆腐下半被浸淋, 外皮都變樣,豆腐嫩滑.芝士蟹子厚燒玉子$28芝士蟹子惹味, 鑲位置很好, 沒有散落…Read More

店內環境寬敞，而且店員既熱情招待令我感到十分滿意。先黎一個前菜開一開個胃先，蟹籽沙律，重重新鮮既蟹籽，配上新鮮既菜，適中沙律醬酸酸的，令人迅間胃口大增。芝士蟹籽厚燒玉子，厚厚既玉子燒再上蟹籽，令到玉子依樣普通不過既食物生色不少。而且厚厚既玉子咬落口感有一百分。什錦天婦羅，有不同種類既食物，東菇，南瓜等等，當然唔少得必定既配搭，蝦。用料新鮮，而且無出現太厚粉既情況，配上天婦羅專用醬汁，有人會中意將蘿蔔泥或生薑泥放入醬汁一齊食。滿意。芝士年糕，重口味芝士控不二之選。咬落有濃濃既芝士係口入面爆發。外脆內軟正正係形容得貼切。三文魚親子蟹子丼，三文魚入口即溶勁肥美，三文魚籽及蟹籽依一個大小既配合，又係口入面爆開，再配合日本珍珠米既配搭，簡直係絕。而且用料新鮮你係食到唔會想停口黎到重頭戲，燒牛肉爆丼，顧名思義係爆丼，當然十分分量。滿滿既燒牛肉放在飯上，再加隻蛋黎點睛。牛肉既滿度係你唔會見到飯，而且好似一座山，十分誇張，牛肉配上日本燒汁從而提就牛肉鮮味大大提升味覺。但份量太多，需要兩人食一碗先食得曬。讚。日本麒麟啤酒唔會有苦澀味入口之後有種回甘嘅味道。…Read More

住在港島的我們，甚少來到這區覓食。網上看到這裡有很抵吃的丼飯，與家人閒逛後，便來試試!時間尚早，但人客亦不少，相信大家都是聞(抵)風而至! 全因慶祝新開張，3月份所有丼飯都是買一送一，當然是送價低者! 叫兩碗飯只需給一碗飯的價錢，真的相當抵吃! 最後我們三叫了兩碗丼飯和數款小食來吃。先有巨型富士山丼 ($188)，食材包括牡丹蝦，海膽，吞拿魚蓉，三文魚籽，蟹肉，青瓜絲等! 食材堆得滿滿的，相當吸引! 不吃刺身的我沒有吃到刺身部份，但家人均表示好吃! 飽滿的三文魚籽充滿魚油，爆炸力十足! 蟹肉鮮甜，青瓜絲清爽，拌入珍珠醋飯口感更清新! 雖說份量已屬不少，但如以巨型二字起題，感覺份量應該再多一點才更貼題呢!再來是燒牛肉爆丼($88)! 一片片燒至半生熟的牛肉堆滿得像花朵，相當誘人! 牛肉燒得香口，厚度適中，肉味尚算濃郁，重點是肉質軟腍不過韌，加上熱辣辣的豉油肉汁醋飯，一口牛一口飯，令人滿足! 看著兩老這樣吃著已知道! 不過要趁熱吃呢，放得越久越熟肉質相對較韌身!小食方面，先有芝士厚燒玉子($28)。愛吃燒玉子的我，看到當然不錯過! 這家做得不錯，玉子有厚度，面層有鹹香的芝士燒得香口，呈半溶狀態，加上偏甜的玉子，味道層次豐富，可以一試!蟹籽沙律($16)以這個價錢來說不會期望過高，味道恰如其分，蟹籽份閉比想像中多，是清新之選。南瓜蕃薯天婦羅($58)各有四片，份量比我預期多。粉漿不會過厚，炸得香脆，最怕炸物過份油膩，但店家炸的油感不重，亦吃到原料的味道。兩者比較，蕃薯明顯較甜，亦夠粉，很不錯，南瓜稍嫌薄身了點。趁這個月做的優惠，真的值得一試呢!…Read More

<大丼屋>是新開張的日式丼飯店，3月期間有"買一賞一"的優惠，較低價錢的丼飯免費。我們都被極賞吸引著，滿心期待巨型海鮮丼的來襲。巨型富士山丼 $188富士山丼大大碗，海鮮材料滿瀉，有牡丹蝦、吞拿魚蓉、海膽、三文魚籽、蟹絲等，一次過滿足多個願望。蝦肉鮮味誘人，口感彈牙。海膽creamy柔滑，配合脆卜卜的三文魚籽，魚油在口腔滾動，是雙倍的情迷。吞拿魚蓉魚脂豐盛，在舌尖慢慢化開，拌勻醋飯，油脂密佈，黏糯口感令人回味。蟹絲的點綴，使整個丼飯的鮮味加倍升華! 芝士蟹籽厚燒玉子 $28厚燒玉子口感脹卜卜，蛋味濃郁，味道軟綿、香甜，把蟹籽混合芝士，鮮中帶咸香，是不可錯過的小食。炸豆腐 $22炸豆腐外脆內軟，即使浸泡在醬汁，外層也不會軟塌。滑溜的豆腐舖滿木魚絲、蔥粒和蘿蔔蓉，令純樸的豆香加上香口的滋味。燒牛肉爆丼 $88燒牛肉爆丼的賣相十分吸引，牛肉份量不容忽視。牛肉燒至半生熟，微微焦脆、口感軟腍，拌勻蛋黃，牛肉變得更嫰滑。每口飯都夾合啖啖牛肉、蔥粒及芝麻，十分滿足。雜錦天婦羅 $78雜錦天婦羅有大蝦、茄子、冬菇、南瓜及蕃薯，十分豐富。薄薄的粉漿包裹著彈牙大蝦，脆卜卜的感覺，令人意猶未盡。茄子內裡仍然濕潤、一絲絲；南瓜及蕃薯綿密、細膩，真想再來一碟。總括而言，食物性價比高，丼飯款式眾多，海鮮丼鮮味吸引，的確值得一試。…Read More