荃灣西開左一間話係某名氣BURGER店既分支，以平民價錢食到高質漢堡，本身都好想試，奈何佢只限外賣……..😫當日烈日當空、氣溫高達32度既中午，我真係無辦法企係條街度食😖，又唔想買完拎番屋企食淋薯條，只好等秋冬先試。想食BURGER既我，結果去左附近一間餐廳，因為有印象之前見過呢間小店既BURGER都幾吸引。當日LUNCH MENU 無漢堡，所以要另外點，包薯條同沙律菜，只係無餐飲同餐湯。小店應該係小家庭式經營，只有一對男女負責哂廚房同樓面，等食物既時間相對較長，當日我等左半個鐘，係於假既情況下半個鐘可以接受。
沙律菜好新鮮爽脆，配埋個甜甜地既醋汁，好味。燒烤風味牛肉漢堡 $76除左厚漢堡扒外，仲有蕃茄、兩塊車打芝士、酸青瓜，最特別係有兩個炸洋蔥圈!!😲炸洋蔥圈好大舊，外脆內軟!! 餐廳用紫洋蔥，不過差左D甜味。麵包係我中意既芝麻包，而且芝麻分量相當多🤤。底面麵包都烘得好脆，望落有好多空孔，應該幾鬆軟，可惜烘過龍，變成多士口感，個人覺得漢堡既麵包應該要外脆入軟先好味🤔。睇相都知道漢堡扒SIZE未夠大，覆蓋唔到全個包，其實唔係因為扒太細，而係因為麵包太大，所以造成呢個錯覺姐😆。漢堡扒好厚，有近吋半厚，估計大口仔都未必可以一啖咬哂咁多層!!😏 漢堡扒內有洋蔥粒，黑椒調味，口感偏乾偏實😐。估唔到餐廳唔係用普通薯條，而係用薯圈!! 😲某快餐店要加錢先肯換，仲要換到好少量，呢度唔駛加錢就食到，有驚喜!! 不過店家可能太忙?! 薯圈炸到有D過火，內外都好硬，而且好油。😟蜜糖芥末吉豬漢堡 $78朋友既BURGER比我果個更大，而且仲大過佢手掌添，大胃王既佢食完表示好飽!! 🤣吉列豬扒大塊過麵包，賣相唔差，不過見到友人要用點力扯塊豬扒，我估豬扒應該帶點韌度，友人表示味道唔差，但如果換上雞扒會更好。整體味道同我相像有落差，上枱果陣賣相真係好靚，份量亦算多，但需改善既地方有唔少。本身友人落柯打果陣話要走青瓜，可能隔太長時間，職員已經唔記得左，結果無走到。不過，男職員細心、有禮貌、有熱誠都值得一讚。…Read More
沙律菜好新鮮爽脆，配埋個甜甜地既醋汁，好味。燒烤風味牛肉漢堡 $76除左厚漢堡扒外，仲有蕃茄、兩塊車打芝士、酸青瓜，最特別係有兩個炸洋蔥圈!!😲炸洋蔥圈好大舊，外脆內軟!! 餐廳用紫洋蔥，不過差左D甜味。麵包係我中意既芝麻包，而且芝麻分量相當多🤤。底面麵包都烘得好脆，望落有好多空孔，應該幾鬆軟，可惜烘過龍，變成多士口感，個人覺得漢堡既麵包應該要外脆入軟先好味🤔。睇相都知道漢堡扒SIZE未夠大，覆蓋唔到全個包，其實唔係因為扒太細，而係因為麵包太大，所以造成呢個錯覺姐😆。漢堡扒好厚，有近吋半厚，估計大口仔都未必可以一啖咬哂咁多層!!😏 漢堡扒內有洋蔥粒，黑椒調味，口感偏乾偏實😐。估唔到餐廳唔係用普通薯條，而係用薯圈!! 😲某快餐店要加錢先肯換，仲要換到好少量，呢度唔駛加錢就食到，有驚喜!! 不過店家可能太忙?! 薯圈炸到有D過火，內外都好硬，而且好油。😟蜜糖芥末吉豬漢堡 $78朋友既BURGER比我果個更大，而且仲大過佢手掌添，大胃王既佢食完表示好飽!! 🤣吉列豬扒大塊過麵包，賣相唔差，不過見到友人要用點力扯塊豬扒，我估豬扒應該帶點韌度，友人表示味道唔差，但如果換上雞扒會更好。整體味道同我相像有落差，上枱果陣賣相真係好靚，份量亦算多，但需改善既地方有唔少。本身友人落柯打果陣話要走青瓜，可能隔太長時間，職員已經唔記得左，結果無走到。不過，男職員細心、有禮貌、有熱誠都值得一讚。…Read More
