Skyzone Deck & Lounge (Closed)

在3月份，我租住大角咀九龍珀麗酒店半個月；Check in 時，送上位於酒店頂層 30樓的 <星域酒廊 Skyzone Deck & Lounge> 歡迎飲品劵兩張及酒店住客指定美食7折！加上，上網睇到餐廳環境多角度開揚，設有室內室外用餐區！黃昏及夜景份外吸引！有見及此！我一定要找機會幫襯！MenuWelcome snack 爆谷香脆甜美，簡單美味的小食！燒烤拼盤 原價 $568 (酒店住客享餐飲優惠7折)二人份量包括：蝦、三文魚、雞肉串燒、豬肉串燒、牛肉串燒、法蘭克福腸...等，配上3款口味汁醬！每款美食廚師也悉心烹調！椰林飄香 (酒店住客免費飲品) 未嚐已傳來椰子香， 入口是菠蘿的香甜及椰汁的味道，清涼消暑不錯喝！…Read More

有時工作壓力大，放工後都想跟朋友飲酒輕鬆一下，不過尖沙咀的酒吧地方比較狹窄，想找一個寬敞的地方真的有點難，不過原來在市區都有一個好地方，可以欣賞到香港的夜景，而且地方開揚，坐得舒服，適合和三五知己談天。位處酒店30/F的星域酒廊，室內的餐廳以黑白為主要色調，感覺非常型格時尚，而室外用餐的地方更是喜出望外，半身的落地玻璃讓食客可以一邊欣賞香港的夜景，一邊享用美食，而且地方非常開揚寬敞，桌與桌之間有足夠空間，既適合和三五知己談天，又適合和情侶來享用一個浪漫晚餐。Apple Mojito最近天氣悶熱，所以我點了一杯以蘋果糖漿、鮮青檸汁及梳打水打成的Apple Mojito，新鮮薄荷葉味道特出，感覺非常清新，而鮮青檸汁配上蘋果糖漿，酸酸甜甜的，非常醒神，夏天飲用一流。炸魚薯條脆漿很薄，沒有油膩感，魚肉肉質嫩滑，不會炸得乾身，配上清新帶酸的他他醬，炸魚絕對可以代替炸雞，配上啤酒，一樣可以變成千頌伊。西班牙小食一共有3款小食，西班牙辣肉腸、蒜片虎蝦、風乾火腿卷露筍。虎蝦爽口彈牙，西班牙辣肉腸辣肉腸鹹中帶點辣味，而且夠油潤，風乾火腿鹹香十足，口感柔軟，配上清新爽脆的露筍，一剛一柔，非常合襯。燒烤拼盤可能是露天的關係，燒烤拼盤的下面用火保持著溫度，即使天氣寒冷也不怕。拼盤份量非常豐富，有珍寶帶子、大蝦、燒豬脾、牛柳、台灣腸、雞翼及薯角，雞翼外層香脆，牛柳吃下時感到肉汁豐富，而且肉質鬆軟，大蝦則爽口彈牙，份量十足的燒烤拼盤一定可以滿足男士們的食量。又到令人興奮的甜品時間榛子心太軟配香草雪糕把這個心太軟切開，見到有些朱古力漿緩緩流出，不過略嫌流心不夠，朱古力味道亦算濃烈，不過榛子味不太特出，最喜歡反而是雲呢嗱汁和雪糕，雲呢嗱籽比一般的多，雲呢嗱味非常濃厚。法式芒果班戟班戟皮也夠煙靭，班戟皮中包著厚厚芒果肉再淋上芒果汁，整個班戟充滿著芒果的香和甜，喜歡芒果的朋友一定不可以錯過。火焰雪山配新鮮水果火焰雪山一出場即成為焦點所在，因為店長即場為大家點火，用火槍將蛋白霜表面烤焦，火光就像漆黑中的星星一樣發出光芒，入面有海綿蛋糕，朱古力和士多啤梨味雪糕，再整個蛋糕充滿酒香和焦糖味，推介。整體對環境和食物都非常滿意，環境非常開揚寬敞，還可以一邊欣賞香港的夜景，而食物方面水準都很高，當中最喜歡燒烤拼盤和甜品，絕對適合和三五知己談天，又適合和情侶來享用一個浪漫晚餐。這兒浪漫的氣氛令我想了陳慧琳的星夢情真「星像眼睛　於天國見証着這點溫馨這段情　幾千億雙眼做証翻飛的星屑是醉倒的反應」…Read More

老友逃離魔掌轉新工，話要賀一賀喎，當然要高興吓啦 ，去邊度食好？既然賀老友，梗喺由佢作主，佢想去邊度咪就邊度囉。估唔到，揀咗大角咀九龍珀麗酒店嘅星域酒廊Skyzone，話開揚通爽、景觀壯闊 ，小弟都甚少出入酒廊，仲要喺酒店嘅酒廊添，今次又可開開眼界 。其實銅鑼灣香港珀麗酒店嘅星域都幫襯過，睇番食評，原來已經喺2010年中嘅事，當日所食嘅精選晚餐，真喺有水準，唔知依間星域又如何？不過，環境方面就絕對好過港島嘅星域。位處酒店30/F嘅星域酒廊，一步出電梯就喺酒廊範圍，樓底頗高，佈局則跟一般酒廊無異，但燈光就比較光猛啲；主色以黑白配襯，大部份都喺高腳枱櫈，而全黑波浪紋天花令環境破格一啲，唔會太沉閒。店內亦設有大電視，可欣賞足球直播 :) 。然而，酒廊最大賣點，莫過於室外嘅露天用餐區。由於大角咀都喺處於逐步再發展階段，高樓大廈並未喺好多，所以，正如老友所言：開揚通爽、景觀壯闊。而且，一邊對外「牆身」喺半身落地玻璃，更讓人有種居高臨下嘅感覺 。雖然周遭主要都喺住宅，以及一些矮小嘅舊樓，唔及中環好似曼哈頓商廈林立夜景咁養眼，但新舊對立，有份見證轉變嘅惰懷，喺另一番情趣。唯一唔好喺全部露天位置都喺可吸煙區域，對一啲非吸煙人士會有啲不便。 爆谷 $10食得多花生、果仁，來一客爆谷亦唔錯，難得咬落脆卜卜。當然，小食仍然有薯片或花生可揀！餐牌以真皮硬面製作，印有店舖名字，有種格調感。既然喺酒廊，酒類飲品必不可少，有唔同國家出產嘅白酒、紅酒，其他烈酒、啤酒都一應俱全，為顧及唔能夠飲酒人士，汽水、果汁、咖啡茶亦有供應。此外，喜歡飲得特別嘅客人，雞尾酒應該喺你嘅心水，想試又唔飲得酒點算，放心，無酒精雞尾酒Mocktail一樣有得揀 ！店員話，假若餐牌無列出想飲嘅嘢，都可以提出，要是做得到，酒保都會盡量滿足客人。 Apple Mojito $52（Happy Hour）/ $78（Regular）主要以蘋果糖漿、鮮青檸汁及梳打水溝成，再加塊新鮮薄荷葉做裝飾，外觀非常清爽。朋友話入口極之涼快，飲落感覺爽朗，可謂悶氣全消。不過，歡樂時光只喺5:00-7:00pm，對我依啲寫字樓打工族，實在太短。 Virgin Night $48（Happy Hour）/ $72（Regular）外型較似一杯精雞尾，不過，就絕無酒精，只喺包含新鮮士多啤梨、番石榴汁及石榴糖漿，朋友形容，入口清甜帶少少微酸。 Chocolate Kiss $58（Happy Hour）/ $75（Regular）我哋幾杯當中，唯一一杯含酒精飲品。其實，星域嘅精雞尾都分兩大類，一種喺常見嘅，如Long Island、Pina Colada，另一種喺所謂Skyzone Special Cocktails，依杯Chocolate Kiss就喺其一。百利咖啡甜酒加可可甜酒，酒精度唔算高，撞入鮮奶，唧上忌廉裝飾，朋友覺得幾有趣嘅味道。 Golden Delight $48（Happy Hour）/ $72（Regular）有芒果汁及菠蘿汁兩款心水果汁，成為小弟不二之選，Golden Delight喺以芒果汁、橙汁、菠蘿汁溝成，鮮甜濃郁，以芒果味較突出 :) 。翻翻餐牌睇睇有咩選擇，其實始終喺酒廊，食物選擇唔算多，有好幾款美食配酒嘅「套餐」組合，睇落定價唔貴。如果想食得飽肚啲，有個二人用嘅燒烤拼盤；純粹送吓酒，食吓小食，一系列燒烤小食都喺唔錯嘅選擇 。不過，最有趣喺，竟然有甜品提供，仲要唔喺一、兩款，認真意料之外，啱啱我哋幾個都喺嗜甜之人，點可以唔強攻一下 。 炸魚薯條（Fish and Chips）+兩杯大生啤 $198 :) :) :) 對飲得啤酒嘅人嚟講，真喺好抵，兩杯大生啤（500ml）單售正價都要成$70-$85，個炸魚薯條差唔多半送半賣 ，如果唔好啤酒都OK，可以轉汽水或果汁，果汁正價都要成五十幾蚊杯架。話佢抵，都唔喺單講因為配兩杯大生啤，仲有就喺份炸魚薯條一啲都無交行貨，3大件炸魚甚有睇頭，脆漿做得夠薄，入口甘香鬆脆，魚柳食落唔似平價貨，嫩滑鮮美，入口有質感，蘸點個自家製嘅他他汁，變得再輕怡啲 :) ；墊底嘅直身薯條，新鮮炸起，熱辣香口，沾茄醬或他他汁都好食；最得意喺用一個疑似印度薄餅包Naan bread嚟載住啲炸魚薯條，個薄餅包少少脆，食落似餅乾多啲。 西班牙小食（Tapas）+ 西班牙葡萄紅酒或白酒 $148 :) :) 同樣，唔要紅白酒，亦可改汽水或果汁。一客共有3樣小食：西班牙辣肉腸、蒜片虎蝦、風乾火腿卷露筍，除咗蝦得3件，其餘兩樣都有4件。西班牙辣肉腸霎眼望埋去，有少少似中式嘅紅腸，不過，較為油潤，而且，味道鹹辣；而虎蝦有別一向所見嘅大大隻，依家眼前嘅虎蝦就細一個碼，但肉質幾爽彈，好香蒜味；風乾火腿卷露筍，火腿雖唔知幾多個月熟成，但入口油香，露筍又爽脆，兩者甚匹配 。伴碟仲有少少青橄欖同黑橄欖，淨食當然頗鹹啦，一粒一啖酒，相信會幾過癮。 燒烤拼盤（Mixed Grill Set）$388 :) :) 燒烤拼盤以圓形鐵板燒形式呈送，下面仲加添火酒膏熱住嚟食。拼盤份量十足，但因為拼盤為二人份，所以多以兩件為單位，有珍寶帶子2隻、燒大蝦2隻、燒豬脾2枝、牛柳2件、台灣腸2條、雞翼4隻及烤薯角同少少配菜。整體嚟講用料不賴，帶子大隻鮮甜，燒大蝦爽口有蝦味，燒豬脾鹹香惹味，牛柳軟腍富肉汁，台灣腸皮脆肉質挺身，雞翼亦燒得甘香焦脆，薯角也粉腍薯味濃 。其實，個拼盤仲跟個三色醬：法式芥辣、英式芥辣、泰式酸辣醬，無特別點襯法，可按個人喜好想點就點，唔使拘束。最後，輪到甜品登場，實在無諗過晌酒廊會狂掃咁多甜品。其實，餐牌所示一共有6款甜品供應，但我哋雖然只得4個人，但已叫咗其中3款，都咪話唔犀利，因為，其中一款火焰雪山更喺二人份量嘅甜品嚟 。 榛子心太軟配香草雪糕 $88心太軟外型做得麻麻哋，雖然個蛋糕有榛子香，又有濃濃朱古力味，可惜流心效果一般 :( ，對整髒味道無話太大影響，但欠缺視覺效果就總喺若有所失；碟底仲加咗好多雲呢嗱汁，見有雲呢嗱籽，就知用料有心，個汁幾有雲呢嗱香，至於個香草雪糕（即喺雲呢嗱），好唔好食都只不過喺其次。 法式芒果班戟 $88 :) :) 一客兩件芒果班戟，加埋士多啤梨、芒果、紅桑子作為裝飾，一紅一黃，賣相的確幾靚幾搶眼。個班戟做得好薄，邊位仲有少少焦脆，一切開已見到厚厚芒果肉，些少吉士，香滑滋味 。 火焰雪山配新鮮水果 $128 :) :) 今晚嘅重點甜品，就喺依道懷舊「火焰雪山」，大大隻長碟感覺已夠晒大陣仗，再由店長倒酒點火，一時間火光熊熊，尤其晌咁幽暗環境，效果更突出，自然反應就喺即時影唔停 。外層嘅蛋白本身已輕烤過，再經過火燒洗禮，既脆而帶點焦香味，咬萵又有種煙韌口感；中間嘅雪糕喺朱古力同士多啤梨味，又夾咗兩層蛋糕，冰凍挺實，好好味唔算得，但感覺喺食一種情懷 。溫馨提示，店方設最低消費，每位$88 + 10% ，但環境開揚，感覺舒適，而定價相宜（若果我哋唔喺因為好想試佢啲雞尾酒，以及點咗咁多甜品，平均消費應該唔使咁高），同幾個朋友坐低，飲吓嘢，傾吓偈，又確實幾爽幾唔錯喎！在此，祝願老友轉咗新工，晌新環境可大展拳腳，一展所長 ！…Read More