Twelve Flavors (Hart Avenue)

晚市都唔少人等位！嚟到呢到一定要食酸菜魚😍 大大碗勁多鱸魚 🐟魚肉大大塊又爽彈嫩滑💕 湯底濃濃魚湯味又勁多酸菜真係味道十足✨ 另外再叫左幾款小菜/小食一齊Share😋酸辣土豆絲超好食🤤 大大碟又夠惹味💕 可以揀辣或唔辣👍🏻 燒椒皮蛋涼菜勁多芝麻椒絲蔥，隻蛋勁滑有小小辣勁好食！叫埋炸串勁豐富好飽肚😍呢間真心唔錯，座位坐得舒服👍🏻…Read More

同朋友去咗尖沙咀赫德道十二味川菜館, 環境裝修同設計都好中式化, 就好似返左上大陸食野咁, 好有旅遊feel。今次食咗幾樣川菜。人見人愛酸菜魚(粉條)  $276齋見到個名都好易吸引到人order, 當送到面前見到咁大碟都當堂呆左一下,二人份量都足夠四個人食!!呢間店選用咗鱸魚做酸菜魚, 湯底味濃, 香辣味美, 仲有大量酸菜,其他配料有杏鮑菇、萵苣、酸蘿蔔等等…..加埋粉條, 真係大滿足!!極品麻婆豆腐   $73食過唔少麻婆豆腐, 依間D豆腐真係超滑, 輕輕一夾就散開, 夠辣又好食, 加上足份量肉碎, 如果配埋白飯就最適合。燒椒皮蛋   $53一般皮蛋金黃、晶瑩通透, 賣相好吸引, 彈滑香辣, 好幾件嘅黃仲係流心, 口感更軟滑。…Read More

其實我不嬲覺得香港嘅十二味真係唔差一去到就好似返咗大陸咁😂今次已經係我第N次去食😋食咗咁多次，佢啲水準都係不變仲要間間分店都咁好食👍🏻除咗酸菜魚，香鍋都好好食不過今次就冇叫到 下次可以淨係食香鍋🤤…Read More

🏮終於可以食晚巿，終於可以熊妹全家齊腳出外食飯。熊妹家族好食得辣🌶，卡肥大大就提議食《十二味》，比阿豬媽試吓正宗嘅酸菜魚🐟，過一過鋪辣隱。📌裝潢好特別㗎，周圍都掛滿住紅噹噹燈籠，仲有功夫熊貓🐼做招牌，成件事好中華風味。📌等到阿豬媽放工過嚟，‪7:00‬入座，晚市好多人，任何時段都係限時一個半鐘，所以要快快手揀定好食咩就用手機落菜啦。人見人愛酸菜魚，配粉條，$256首先上枱嘅梗係招牌菜-人見人愛酸菜魚啦！哇！個碟真係大得震撼！仲要有深度喎！絕對唔欺場。介紹返，酸菜夠酸，份量夠多；魚肉夠滑，夠淋，冇腥味，冇骨，但又保持到魚味；酸菜魚湯底夠酸夠麻夠辣，有花椒八角調味，辣得真係好過癮，忍唔住連湯都飲埋。仲有啲萵筍片同埋水晶薯粉條🍜，非常之粗嘅一片，索晒啲酸菜魚湯汁，食一兩條已經好飽肚。燒椒皮蛋，$48卡肥誠意再推介，麻辣小食皮蛋，一碟有八件，係糖心皮蛋，中間嘅心係流心嘅，麻辣汁味道好特別，麻得黎之餘又帶少少甜，伴碟仲有少少辣椒皮，真係想撈晒啲汁食落肚。宮保雞丁，$98卡肥提議食宮保雞丁🐥，因為佢都未試過。哇！估唔到號大一碟喎！份量非常之多，雞肉粒好嫩滑，腰果好脆口，阿豬媽最鍾意食。大辣🌶真係好辣，辣到最後竟然連卡肥大大都食唔晒啲雞肉粒，不過呢個辣味幾啱熊妹家族口味，相信下次依然會再嗌大辣。羊肉串，$42辣到未夠喉，仲要再試吓啲串燒先。羊肉串一碟有五串，一串大概有五六粒，一粒肥膏肉，一粒瘦羊肉，唔騷之餘又好有羊肉味，面頭灑上好多辣味調味料🧂，食落好惹味。紅糖糍粑，$48📌食左咁多辣野，真係要食返啲甜野中和一下麻痺左的舌頭👅同孖潤腸咀👄。一碟有八件🍡，長條型，係米漿糊做成，表皮煎得有啲脆皮，再灑上一堆黃糖粒粒，咬落去軟軟糯糯又有粒粒脆脆，多重口感，仲可以點埋跟上的紅糖漿，濕濕地又無咁乾身，幾特別的甜點。📌加埋啲汽水茶飲🥤買單六百幾蚊，香港地，仲要位於尖沙咀物價騰貴🔝嘅地段，食到飽頂住個肚返去，呢個價錢呢個味道，差唔多啦！…Read More

北上深圳尋辣已經成為唔少香港人嘅周末指定動作。越辣就越過癮，越麻就越興奮🌶如果嫌路途太遙遠，大可以嚟呢間正宗四川菜館，米芝蓮大廚係四川人，所以用料同手法都好正宗。每款菜式都辣得各有特色，而且有唔同辣度選擇，照顧番BB級嘅悲傷小姐同越級挑戰嘅客人👧🏻➡️👩🏻💗燒椒皮蛋 ($48)溏心皮蛋浸係滿江紅嘅辣油上，賣相超吸引😍不過蛋黃食落唔香又唔羶，淨係食到彈牙嘅蛋白，冇咗皮蛋特有嘅味道好失望☹️剁椒加咗蒜蓉所以食落香咗，味道屬微辣冇乜麻味，望落去感覺仲辣d！💗人見人愛酸菜魚 配粉條($248)湯底用咗豬骨、鰂魚同鱸魚骨熬成，加入指天椒、花椒 、 原串青花椒等，味道鮮甜且酸辣麻香，最值得讚係唔算油膩🍲餐廳特意用咗二十個月雲南老埕酸菜、四川酸菜同廣東鹹酸菜炮製，既有掛湯一流嘅菜葉，亦有爽脆嘅莖部，不過唔夠酸甜味，但口感就幾好🤔鱸魚片帶住魚皮，嫩滑得嚟依然保留魚肉嘅紋理，完全冇糊爛。勝在冇魚骨，份量又多， 冇腥酸味，不過魚嘅鮮甜味就俾辣味蓋哂🐟墊料亦都好足料，寬大嘅薯粉口感滑溜煙韌，吸湯度十足，好味又飽肚。仲有萵筍做配料，口感爽脆，充滿蔬菜嘅鮮甜味， 厚薄均一致，好刀工👍🏼💗紅糖糍粑($48)糯米糍外層炸得香脆熱辣辣，裡面就非常軟滑，堅系外脆內軟，啱哂悲傷小姐呢個煙韌控🍡食落亦吾會好油膩，點上甜絲絲且濃郁嘅黑糖汁，非常適合解辣，作為甜品一流🤤…Read More

今晚約左個喜歡食川菜的朋友去左尖沙嘴新開的十二味食晚飯。餐廳雖然枱同枱之間密質質，但坐落其實都幾舒服，同時餐廳用網上餐牌落單，都幾方便。餐牌選擇唔算多，我同朋友都選擇左幾款比較傳統的川菜。小食係燒椒皮蛋，而主食係酸辣土豆絲同酸辣魚配粉條。個人認為全部菜式都唔算好辣（我地分別有叫中辣同大辣，不過分別不大），反而著重係味道上的香同濃。我自己最欣賞個酸菜魚，個湯底係可以當湯咁飲，又唔會太油膩。甜品我地點左糍粑，係即製的，所以食落好香，又好煙韌，個皮又夠脆，個人認為係必食。…Read More

怕辣人士也可以一試的川菜餐廳，因為菜式的辣度任君選擇。感覺辣度有按照香港人口味調整了一下，但是並没有減少川菜的惹味香濃！人見人愛酸菜魚• 點的是小辣，對於本時嗜辣的我而言是小兒科，建議喜辣的朋友可以點大辣。• 魚肉非常嫩滑爽口，用魚肉夾著酸菜一齊食口感更加豐富✨• 粉絲可以浸泡久一點，令充滿魚鮮味的湯底可以均勻吸收。川式口水雞• 十分惹味的一道川菜，雞肉偏紥實有嚼口，沾滿辣油配飯一流。燒椒皮蛋• 很少吃到黃皮蛋做的涼拌，雖然味道不及黑皮蛋濃郁，但是口感比起來多了一份煙韌。幺妹兒冰粉• 本人非常喜歡的一道甜點，味道十分清新帶點桂花香，口感像啫喱。飯後來一碗可解除油膩感。…Read More

晚上被朋友邀請去食四川菜，因為大家都喜歡食辣的！去到後餐廳要上一層，整個裝潢格調都像酒吧！而且還有一個LIVE BAND STAGE！但當天沒有SHOW只是在PROJECTOR播放流行曲！點菜形式是掃QR CODE自助點菜，點好後過一會兒就有服務員過來對單！服務員過來後我們問她點香鍋比較好還是酸菜魚！她說香鍋最好就點麻辣，但她比較推薦酸菜魚！所以我們最後就點了酸菜魚再加幾碟小菜酸菜魚很大碟，我們已經點了中辣，但食後發覺一點都不辣偏酸魚質還不錯但不夠鮮味！口水雞是冷盤，份量很多！味道是不錯的！推薦這個皮蛋，感覺下飯下酒一流！…Read More