Star Restaurant

我哋平日晏晝入到去大尾督基上都唔洗等位，店裏面又有分坐外面或者裏面，環境寧靜舒適，好有空間、好寫意，👍🏻。值得一提嘅係，室外有場吧枱，相信夜晚喺呢度飲酒一流，室內四周圍貼滿日式海報和酒樽，好希望如果有晚市嘅話都可以嚟多次。兩個定食都連埋麵豉湯，配合新鮮滑豆腐，而配菜有黃瓜同沙律，真消滯🤩1. 豚肉生姜燒豚肉肥瘦均勻，肉質軟腍，所以入口都好爽。2. 照燒美國牛小排  Keep到牛嘅肉汁味，肉質一啲都唔韌。而且你見到飯嘅份量都好多，簡直送飯之選！去居酒屋，當然唔少得燒物。3. 燒明太子雞翼估唔到呢個配搭嘅感覺好夾，皮脆而且明太子好多，整體好入味，又好香口。4. 燒雞軟骨串雞軟骨好香口，又唔會食到好乾，加埋檸檬汁更食到雞嘅鮮味。食物質素好唔錯，啖濃味道啱啱好。加上餐廳服務都好貼心，店員一直都又好親切咁為我哋斟茶，係一個好好嘅體驗🌞。…Read More

這日放假我哋去大埔行吓，去吓新沙灘龍尾灘。去沙灘之前，嚟到再租單車店附近嘅名料理食午餐😊餐廳分開室內及室外位置，我哋今次坐咗喺室內地方，充滿日式溫馨居酒屋感覺餐廳有午市套餐，亦有唔同嘅單點食品選擇我哋叫咗兩客午市定食以及一些小食烤雞泡魚乾好好味，熱食時超香牛舌爽口，加上一啲檸檬汁調味更加感覺清新明太子雞翼去左骨啖啖肉，充滿明太子嘅鹹香定食包括一碗飯、湯、沙律、以及主食。豆腐麵豉湯都幾好飲，沙律菜清新，比目魚西京燒好入味，魚肉好滑，魚皮燒得好香口，點埋沙律醬食同埋送白飯好正。豚肉洋蔥生姜燒嘅調味做得好好，洋蔥炒得好香口，豬肉都偏向爽口結實。最後　我哋嘅飲品點左果味梳打。白桃梳打感覺香甜，巨峰提子梳打味道濃郁。…Read More

近排揸車去過大尾篤，見到多左唔少新餐廳，呢幾日大尾篤泳灘開放，揸車去行左一轉，泊好車就去大尾篤搵野食。一到龍尾村，就見到名料理個發光招牌。咁多年都未試過喺大尾督食日本嘢，就即刻入去試吓。 首先講下個環境，有室外有室內，夏天都係坐室內吧🙊 一入去，好有日本d 居酒屋既感覺。環境都非常乾淨，同隔離枱又隔得遠，又有提供酒精搓手液，非常安心。唯一美中不足既係有隻蚊係枱底，針左我一下，大家帶定蚊怕水就冇問題了！餐牌：今日女朋友講明想食大餐，所以叫得有d 瘋狂，叫左： 和風雜菜沙律、燒原隻帆立貝、磯燒鮑魚、燒雞軟骨串、燒明太子雞翼、川味燒茄子、自家制吉列黑豚肉、炸餃子、蒲燒鰻魚飯、豚肉生薑燒定食，再加兩杯野飲 haha。 不過最瘋狂係我地食得曬😂😂😂不得不表揚既係海鮮類既食物，意想不到既新鮮，本人屋企成日食d 新鮮既海鮮，所以一食就知。燒原隻帆立貝同磯燒鮑魚都係新鮮既！味道都好好，帆立貝加左d 牛油燒，好香口。鮑魚就好簡單咁加左d 醬油上去，都非常足夠，因為本來既鮮味已經贏左。四十幾蚊一隻，直頭抵食到癲。另外好回味既就係燒明太子雞翼，燒得好香口，加埋塞到脹卜卜既明太子，口感好豐富。川味燒茄子都係超級好食！d 蒜蓉多到好似唔洗錢咁，蒜迷必試！最後想推薦既就係蒲燒鰻魚飯，比大家睇下塊鰻魚，大過我女友隻手掌，仲要係超厚身既。飲品方面，其實佢提供既茶都幾好飲，不過天氣熱，都係想飲凍野所以叫左兩杯梳打，都係巨杯裝。成餐d 野食都係大件夾抵食，同埋好想表揚一下店員都極度有禮貌。總括而言，值得再黎！…Read More

今日係同男友既紀念日，計劃左去大尾篤踩家庭單車，於是喺大尾篤搵下有咩餐廳。竟然比我地發掘到呢個餐廳！食物好好味！我地係比餐廳既環境吸引先既，門口有大大既招牌，又一大片既流水，行到入餐廳入面係日式既裝修，好似去左旅行咁！😆我地叫左幾款刺身，估唔到會砌到咁靚送到我地面前！好suprised!! D刺身好有鮮味，又厚切！好正！🥳🥳仲有甲羅燒！都係好好味！又多膏！超正！市區食一定唔止呢個價！我地仲叫左燒雞泡魚乾同海膽炒飯。燒雞泡魚乾係我認為黎到呢度一定要食的！因為好有鮮味，仲保持到濕潤，愈咬d鮮味就愈出！😋😋😋最後我地仲試埋燒牛脷、燒川味茄子、燒明太子雞翼😋😋燒牛脷都好正！爽口，又有牛乳香！正！侍應、老闆都好nice🥳呢餐好圓滿☺️☺️☺️香港小旅行🥳當去左日本😆…Read More