Hamsta Crown Coffee

觀塘工廈餐廳小店真係琳瑯滿目，要有返啲特色先可以突圍而出，今次食呢間小店係以和風為主題，無論裝備/擺設/餐點都充滿日式氛圍☺️🇯🇵🦀北海道3.7牛乳松葉蟹腳鍋 $156松葉蟹腳份量都幾多，肉質鮮甜，牛乳湯底味道純滑，有奶香但唔會太濃味搶左蟹腳既鮮味，鍋中既蔬菜亦都索晒湯汁，越食越鮮甜☺️🍚原條蒲燒鰻魚炒飯 $148呢個價錢食到原條鰻魚真係算唔錯，肉質厚身，冇骨唔腥，炒飯用蒲燒醬汁同洋蔥碎炒香，粒粒分明，配上椰菜絲一齊食更加清新，完全唔會感覺蒲燒汁甜膩👍🏻🐥燒明太子雞翼 $56新鮮熱辣上枱，雞翼脹卜卜，一咬啲肉汁爆晒出黎，明太子餡料既咸鮮同雞肉一齊食超惹味😋🗻富士山特飲 $58期待左好耐既特飲😍杯中既燈真係非常吸睛😍味道比較清新，心急想食雪糕當然可以食先，不過我覺得可以等雪糕慢慢溶化同藍柑橘氣泡飲品互相融合會更加好飲😆（溫馨小提示：就算心急都唔好一野將雪糕轟落飲品到，會即刻瀉晒🙈富士山都變活火山🌋😂）🍵Matcha Latter $36拉花好靚靚😍係可愛既龍貓💖味道都ok, 抹茶味適中，唔會過苦澀🍵…Read More

日式喫茶店，提供和風西式餐飲🍴食物種類選擇都幾多，有沙律、飯、小食、鍋物、串燒、燒物、一品料理等等😆除左係度食野飲野，仲可以買野😂呢度有個area放左唔少日本直送產品，化妝品、護膚品、公仔等等😁點完野食等上菜果陣可以去睇下😉----------原條蒲燒鰻魚炒飯 $148鰻魚好大條好厚肉，非常肥美😋而且連細骨都冇乜，啖啖都係肉，食得好爽😍鰻魚肉質帶微微Q彈口感，炒飯既濕潤程度控制得宜，每粒飯粒都沾上鰻魚汁仍然粒粒分明，仲加左紅椒粒昇華左味道同口感，令到個炒飯冇禁單調👍鹿兒島豬軟骨野菜鍋 $128侍應幫我地睇住個鍋幾時滾，然後主動幫我地收起個蓋，真係好😃呢個鍋都幾多料嫁，豬軟骨、豆腐、幾款菇類、幾款葉菜類、粉絲、紅蘿蔔等等，好豐富😁豬軟骨夠淋，啲骨係好似啫喱咁食得落肚😙粉絲又夠晒入味😊燒明太子雞翼 $56雞翼皮香脆，肉好嫩滑，去左骨，塞左滿滿既明太子餡😍要注意呢個係帶有非常微辣🌶💡和牛串 $39燒得幾香口，多汁又好腍，好輕易就可以係枝簽度甩出黎😉加埋檸檬汁更加好食，完全冇油膩感🤓榛子鮮牛奶朱古力 $36採用既係日本北海道富良野3.7牛乳，奶味香濃，入口順滑😚三樣主要材料既味道都平衡得好好，每啖都飲倒淡淡既榛子味😍----------*設加一服務費*餐廳位於15樓，但係電梯只係去到14樓，14樓出𨋢之後行樓梯上一層…Read More

放工後，同事介紹一間日式餐廳位於宏業工業大廈裡，入到去原來餐廳的旁邊是連埋日本美妝店，裡面的產品好多都是在日本美妝店熱賣產品，食客順便可以在這個小天地購物，忙碌的打工仔又可以爭取購物時間。另外，餐廳的牆邊位置也掛了不少日本雜誌，也可以邊食邊睇。餐廳有塌塌米的座位或梳化的位置供客人選擇。紫番薯串（$36），一串五粒，是紫心迷你紫心甜薯，燒到剛剛好，甘甜美味。燒明太子雞翼（$56），雞翼釀入了大量明太子也可以加上粒粒蟹籽一齊食，令雞翼的外表更飽滿，咬落去會有卜卜聲。燒羊架（$42），燒得肉質鮮嫰多汁，加上檸檬汁調味，更好食，羊架亦不帶有羊羶味。原條蒲燒鰻魚炒飯（$148），原條鰻魚好大條、厚身，而且底層起骨起得很乾淨，鰻魚塗上了大量燒汁，味道不會覺得寡，是送飯的良伴，炒飯底質地較為濕潤，整體都不錯。神戶野菜牛肉鍋（$118）加白飯（$15），白飯用上了珍珠米，飯質較為飽滿，牛肉鍋的牛肉不會覺得肥，內有冬菇、菜、腐皮、豆腐、粉絲，當煲熟後，就倒上已攪拌的雞蛋，令牛肉的肉質更滑、鬆軟，可點上芝麻醬一齊食更美味。…Read More

呢間工廈日式cafe令我地覺得好有驚喜🤤首先，冇諗過佢地既環境係坐得咁舒服，而且安靜既環境播住輕鬆愉快既音樂，加哂分呀♥️坐lift到左之後再行多幾級樓梯就黎到嫁喇，唔會覺得難搵之餘仲有d隱世既感覺😁空間就算幾開揚，都唔會吵，好relax。佢地既坐椅，有厚厚既坐墊坐得特別舒服，簡潔既顏色，有木材色，白色同綠色。令人睇得好舒服😯而且佢地仲有個area 係專賣日本既野！！等野食時侯都可以黎買下野，打發下時間，什至可能俾你執到寶tim😗😗而呢個area主要賣skin care既產品，之後係一d雜貨/擺設，睇到眼花撩亂😏😏講返小小要求先♥️做個好食客。佢地唔同時段都設有最低消費。重點係 唔係繁忙時間，你想坐幾耐都得嫁！🎉係呢個密度高，生活急速既香港到生活。有個唔會主動限你時，又舒服既地方，真係小有🐒🐒呢個准山好爽口，有d似黃瓜既口感同味道，作為小食，佢真係好開胃嫁，而且味道好濃郁，所以一碗有多幾個人些牙就更滿足❤️鮮 鮮 鮮！ 蝦有成三大隻，沙律菜好爽口，而且落左小小沙律醬油，再落沙律醬，加上少少嘅蟹*子*，層次爆燈😋😋第一次食茶漬飯，真係好特別，份量小小，配料多多，魚，蝦，青口，帶子等配料都係齊哂😗😗 撈埋嚟食，有啲似細個最鍾意湯撈飯嘅感覺😋佢哋呢個淡淡既茶香＋新鮮嘅食材，而且飯粒吸收咗茶嘅味道，非常之好味😎😎要幾多，就自己落，自己動手，自己食😁😁雞翼炸得好香脆，粒粒漲卜卜既明太子，唔會好油膩。 雖然雞翼唔係好大隻，入面包住厚厚嘅明太子，雞肉亦都好嫩滑，調味適中好啱我地口味😗魷魚筒好大條，肉質唔算好實，幾有咬口❤️夾埋佢地既醬汁，甜甜咸咸好好味😋而且店員既服務，廚師用料既配搭都好用心，所以呢餐飯真係好有驚喜呀🤩🤩🤩…Read More

有邊個會估到喺一棟平平無奇，甚至有啲簡陋嘅工廈頂樓，會有間好寬敞、裝潢可愛又日式嘅cafe？行入呢間冠力工業大廈時，心裡面其實都冇咩好大嘅期望間cafe喺 15樓，但搭𨋢搭到14樓係要行一層樓梯。不過都開始感受到呢間cafe嘅氣氛一上到去，嘩！完全係兩個世界！簡直有世外桃園嘅感覺。入到去發現地方都算幾大，重點係每張檯同坐位嘅空間都夠大夠闊，啲櫈又係梳化櫈，係坐得超自在超舒服。加上呢度係暖色調嘅裝修，成個感覺好似喺屋企咁。食物款式方面其實好多，有飯有鍋物、有串燒有前菜小食，都唔難揀到想食嘅嘢。咁我哋而家開始講嘢食啦！首先打頭陣真係要講吓我覺得嘅必食推介－－《左口魚裙邊芥末忌廉沙律》＄148我好鍾意食左口魚裙邊，但其實坊間都唔太常見，多數都係壽司又貴一貴，但呢度真係出乎曬我意料地驚喜⋯係原條架！原條！仲要有兩大條！（呢張圖已經係進入忘我境界後食到最尾先醒起要影，大概剩番半條）我夾上手真係一陣嘅震撼，平時我淨係食到一小塊，今日竟然有幸可以成條大啖大啖咁咬😭😭又厚肉又肥美，每一口都係感動嘅味道😭 食完真係滿足到覺得死而無憾😂雖然佢係鹹咗啲，但絕對瑕不掩瑜，可以送沙律菜食嘛～沙律嘅汁係wasabi汁嚟，所以係會有少少微辣，不過食落幾夾幾特別。菜嘅份量其實都可以多番啲，因為魚鹹可以送，但係我發現好多小食其實都有跟一樣嘅沙律菜伴碟。之後講講呢個本身期望好高嘅《原條蒲燒鰻魚炒飯》＄148其實望圖見到原條鰻魚真係好吸引，但食落會有啲失望因為條鰻魚微韌，略乾，唔夠鬆軟，唔夠肥美。所以其實未能滿足到鰻魚控嘅心癮😔個飯係有味飯嚟，有三色椒粒，又有甜嘅日式醬炒成。《牛油雜菌帶子》＄158其實一望到只諗到一個字：貴！但係佢都唔差，難得熟帶子係好軟腍一啲都唔韌，又濕潤、帶甜味。片間有菇，同樣係濕潤唔韌～ 但成個嘅牛油味唔出，唔香。《七味軟殻蟹》＄82另一個字：都係貴！$82 得一隻蟹係真係好貴💔不過佢都好誇張⋯食落去係爆汁！爆！個炸皮係鬆化個種，七味粉其實只係喺前面pat醬上面有，不過隻味好似唔太夾軟殻蟹。《燒明太子雞翼》＄56呢個時候，我已經冇力再講貴，但係given個環境幾好，而且佢仲有一點特別之處（之後會講），計番可能都有道理嘅⋯雞翼外略脆，內嫰滑有油～ 餡有啲似ravioli嗰啲餡，啫係鬆鬆散散軟綿咁。帶有bb辣《蜜桃沙冰》 ＄42講到呢個蜜桃沙冰就好笑，唔知點解佢飲落有陣乳酸味，但偏偏就係冇蜜桃味。唔係唔好飲，但都唔會特別推薦。你以為睇到呢度已經介紹曬成間cafe? 你錯啦～因為講咗咁耐，佢嘅特別之處就係⋯呢度竟然有售日本美妝產品！而且款式都唔少下，由爽膚水去到蜜粉都有，仲有啲瘦而嘅gadgets、可愛小公仔賣咁，都真係幾多元化下！總結，整體嘢食係好食嘅！但係價錢上會偏貴⋯不過睇在小店份上（？），裝修擺賣又咁有心思，空間又闊坐得舒服，約個朋友嚟傾下偈試下佢，其實都可以！…Read More

今日去了觀塘工作，放工就同拍檔去了巧明街其中一棟工廠大廈的樓上cafe食晚餐。餐廳非常明亮而且座位寬闊，坐得舒適。食物款式不算多，主要是小食及串燒，主食比較少。因為午餐太晚進食，所以不太肚餓，我們二人點了一個主菜及一些小食。串燒要了和牛串，每串有約五粒，表面燒得焦香，裏面比較熟，和牛粒比較有咬口，但亦不算鞋。最好食就十係這個燒明太子雞翼，雞翼不算大隻，但裏面釀滿了明太子，咸鮮味十足，雞翼外皮亦燒得微脆，裏面有肉汁。主菜是原條蒲燒鰻魚炒飯，鰻魚比我手掌還要長，帶有甜的燒汁味，鰻魚肉滑唔腥，下面的炒飯普普通通，不算特別。最後要了一個法式果醬檸檬撻，應該是冰櫃拿出來焗返熱，外面撻皮不夠脆，中間是凍的，檸檬味酸酸地幾開胃。…Read More