Garden Cafe

十二月聖誕自助餐第二擊就來到位於金鐘太古廣場香港港麗酒店的Garden Cafe咖啡園，老實說以前都和同事吃過好幾次buffet，對這裡早已不陌生。餐廳面積不算很大，但勝在樓底特高，提升空間感，環境開揚，落地大玻璃將日光引進室內，採光充沛。今次於Openrice訂座國際美食自助午餐亦可享有8折預付優惠，星期五至日成人每位連加一只需$448.2，自助午餐於下午12:00-14:30供應，可以不追不趕地食足2.5小時。如果你是追求大包圍甚麼款式都有的buffet，貴精不貴多的Garden Cafe應該未能投其所好，但吃得出製作認真和新鮮高質食材。冰鎮海鮮源源不絕地供應，refill 速度亦夠快，款式包括龍蝦鉗、鱈場蟹腳、青口和海蝦。即切肉類有兩款，包括即切燒牛肉和烤三文魚扒。以酒店buffet任食燒西冷來說，這裡的燒牛肉算是超水準，肉質鬆軟，牛味濃厚。熱盤包括香煎鱸魚、日式炸豬扒、印度咖喱雞、印度飯、芝士焗蔬菜千層麵、芝士焗薯、紅菜頭、意式燴牛肚、青口等等。中式熱葷有豉油雞、叉燒、燒鴨、蒸魚、魚香茄子、豉椒涼瓜炒牛肉、點心、上湯浸時蔬、燴伊麵、揚州炒飯，平時吃buffet總會略過燒味部，但這裡的叉燒竟有意外驚喜，色澤鮮亮，帶有焦香燶邊，肥瘦度適中。酒店自助餐中老是常出現的湯粉麵不見了，換成即煮手工意粉檔反而更能挑起我的興趣，備有多款手工意粉和三款醬汁自由選配。新鮮手工意粉與乾意粉最大的分別就是彈性中帶點煙韌的麵質，挺身富有Al dente咬口嚼勁，加上吸水力極強，因此極易掛汁。熱湯有中式排骨老火湯和南瓜忌廉湯，南瓜湯入口濃滑又滿有甘甜的南瓜味。魚生刺身有四款，即叫即切。壽司亦有六款。凍肉提供黑森林火腿、谷巴火腿、煙三文魚和刁草三文魚，三文魚脂肪條紋清楚利落，魚肉鮮嫩而有彈性。沙律吧有多款已經拌好的沙律：日式豆腐、茄子沙律、蝦沙律、藜麥沙律、薯仔沙律配脆煙肉、意粉沙律、南瓜沙律...加上新鮮沙律菜和醬汁，可隨個人喜好自行混搭。甜品大多是迷你size， 一口一件賣相精緻小巧，也可以盡情淺嚐多個款式。這天供應栗子撻、朱古力合桃布朗尼、芝士蛋糕、焙茶慕絲蛋糕、綠茶紅豆蛋糕、雜錦泡芙、焦糖燉蛋、提拉米蘇、椰香意式奶凍、意大利奶凍、烤肉桂梨脆餅和牛油麵包布甸。個人心水推介為焦糖燉蛋，燉蛋與熱糖衣呈現溫差的對比，用匙羹輕輕敲碎香脆金黃的外殼，裏面配上滑嫩的綿柔燉蛋，形成強烈對比。訂位時表明慶祝生日或週年紀念，就會送上蛋糕，是日款式為朱古力慕絲蛋糕，還會點上蠟燭，讓節日添上滿滿儀式感。吃到最後店員會送上Movenpick雪糕，總共有四款口味可選。飲品有橙汁和蘋果汁無限供應，可以隨時自斟自飲。除了果汁之外，每位附送一杯餐飲。…Read More

通番關，好多人外遊，報復式消費，小弟一向自覺甚為理性，就算消費都唔會報復式，至多都只喺使多少少而已。亦唔會晌啲大節日外遊，成本貴嘛，寧願留港消費，支持吓本地商戶，趁復活節就食得豪少少，一於自助餐啦，夠盡興嘛！所以，是夜到訪「港麗酒店」嘅「咖啡園」，一次過品嚐多國滋味。貴為五星級酒店，環境當然好好啦，雖然餐廳晌地庫層，但跟大堂天花連成一體，所以，空間感超強大，裝修簡約得嚟好雅致，感覺非常舒服。而且，啲枱亦特別大張，擺滿成枱嘢都唔覺逼，招呼又熨貼，食物補充又足，可能今晚客唔算多，所以，唔會似有啲自助餐又要排長龍，又要搶咁款，晌度真喺食得自在。此外，餐廳有另一邊通道出去戶外區，其實出面喺酒店泳池加露天酒吧區，環境非常有氣氛，坐晌度令人覺得好悠閒寫意。當然，客人都可以揀坐出嚟，但天氣開始有啲悶熱，坐番入去爽啲。今次自助餐以「海陸美饌尋味之旅」為主題， 顧名思義，「海」就梗係指各種環球海鮮啦，「陸」就以多種即烤燒肉為主打，一陣先再慢慢介紹戶外區嘅烤肉。星期一至四晚計，成人收$798，星期五至日及公眾假期成人收$838，另收10%服務費。聽經理講，官網最近推出「Hungry Tuesday」快閃優惠，逢星期二12:00pm上線，其中嘅自助餐優惠可以最高去到7折。所有食物都集中喺入門口右手邊嘅區域，之前提過嘅即烤燒肉，就由另一條通道出去、近泳池嘅戶外區。飲品區冰鎮住橙汁、蘋果汁、西柚汁，仲有汽水及啤酒都喺無限暢飲，飲得盡興；而另外加$120更可以無限添飲指定紅白餐酒及氣泡酒添。 此外，餐後仲包一杯啡茶、檸茶、檸水，到臨尾食甜品時，襯番杯咖啡就最好喇。 沙律吧有多款新鮮沙律菜，有別平常啲一大盤，啲沙律菜排列得好整齊，配以法式、千島、意大利沙律汁、油醋；晌冷盤嗰邊仲放有數款沙律配料，整體嚟講唔算多，但都叫夠精。此外，仲有7款預製好沙律，款式包括雞肉菠蘿沙律、泰式茄子配小魷魚沙律、燒吞拿魚沙律、柚子大蝦沙律、日式豆腐、泰式海鮮沙律、藜麥沙律，睇起嚟都幾吸引。冷盤再順便講講幾款冷盤，不過，3款都喺三文魚，但做法各有不同，分別喺煙三文魚、刁草三文魚、焗三文魚，口感同味道都各有特色。將幾款新鮮沙律菜，加啲酸青瓜、蕃茄乾、紫洋蔥……等等配料，再淋上法式及意大利沙律汁，配上少少三文魚及雜錦生果，造就小弟呢碟色彩繽紛、開胃嘅頭盤，樣樣都有啲，夠晒多元化，越食越開胃。而另一碟就喺將所有預製好沙律放埋一齊，又變咗一道特色頭盤，食得出用料夠精，配搭非常好。無論吞拿魚、小魷魚、大蝦，都好好味，菠蘿夠鮮甜，柚子夠清爽，藜麥更加夠晒健康。刺身、壽司、卷物 雖然刺身、壽司、卷物無食到，但都稍稍介紹一吓，尤其啲刺身，除咗三文魚、吞拿魚、油甘魚，更提供拖囉，朋友食咗就大讚啲拖羅正到不得了，甘香油潤；另一邊仲有8款壽司、4款壽司卷，仲有少少味咐八爪魚仔，應該滿足到大部分人嘅喜好。加拿大生蠔每位客人會另外送上即開生蠔（兩隻），蠔肉質感嫩滑，入口好有蠔鮮味，淡淡嘅海水味，極富海洋氣息，卻唔會太鹹，唧少少檸檬汁，唔單止更突出蠔鮮味，食落更加清爽。花雕醉鮑魚除咗生蠔，仲會另外每位客人送上一客鮑魚，雖然無講幾多頭，但睇相都見好大隻，事後侍應講，每週都會有唔同款式，例如魚子醬、煎鵝肝。至於呢件鮑魚，口感柔韌有咬口，食落確喺有少少酒香，真係幾好食。海鮮吧食自助餐最回本嘅一定喺啲冰鎮海鮮，餐廳供應5款海鮮，包括：加拿大鱈場蟹腳、大蜆、新鮮波士頓龍蝦、大海蝦、澳洲青口，佐以幾款醬汁，如雞尾汁、檸檬牛油醬、紅酒醋，都幾特別。就目測所見，呢啲回本嘢好搶手，但成晚都見補貨甚快，完全無間斷供應。 啲冰鎮海鮮真喺好有質素，蟹腳好鮮甜，極有蟹味，大蜆、青口肉質嫩，唔會韌到似擦子膠咁。當然啲龍蝦喺最正，大大嚿蝦肉一啖放入口，真喺無得彈，廚師更話佢哋啲龍蝦喺活生生嘅新鮮貨，唔係冰鮮嘢，所以，啲蝦肉極之爽口彈牙，蝦味強。麵包籃、熱湯一口氣食咗好多生冷嘢，所以，飲番個湯嚟暖暖胃，再配個麵包。自助餐嘅麵包一向都唔會點有牌仔介紹，睇樣就喺啲小型歐陸包仔。而餐湯方面，一款喺中式老火排骨湯，另一款喺檸檬雞薏米湯，鍾意佢哋用啲保溫煲座住啲湯，嘅時間啲湯夠熱焫。小弟就揀咗後者，個湯有少少檸檬清香，裏面有啲雞肉粒，又有啲薏米，感覺幾特別，都喺比較少飲到嘅款式。麵包軟熟得嚟有咬口，裏面有啲紅梅乾，搽啲牛油已經好好食。燒味燒味喺酒店嘅中餐廳出品，所以，質素有返咁上下，有燒鴨、叉燒同海南雞，仲配咗好多醬汁，例如黑豉油、海南雞飯辣醬……等我。小弟就無食燒味，呢個部分就由老友嚟評論啦。佢試咗海南雞同叉燒，佢話啲叉燒做得出色，入口好鬆化，有少少玫瑰露香氣，最正喺有燶邊位嘛，海南雞都覺得唔錯，但又未算話好食到飛起。熱盤、即切烤肉熱盤類分咗兩個區域，相信喺刻意安排，因為一邊喺中式，另一邊喺西式，前者有煎鱸魚、蘑菇扒時蔬、炒大蝦、咕嚕肉、海鮮炒飯同韭黃炒麵；後者就有煎鱸魚、煎雞薄片、燴牛肉、法式雜菜、炒西蘭花、蕃茄汁海鮮長通粉同黑松露薯蓉，全部均有電磁爐熱住，令到啲食物時刻保持一定熱度。即切烤肉方面，就提供咗威靈頓牛柳同鹽焗原條盲鰽，呢兩款菜式晌自助餐都算比較少有。仲提供咗黑椒汁、燒汁、辣根奶油、蜜糖芥末醬……等等。老實講，咁多熱盤嘢，試就試唔晒架啦，亦好難話點食到回本，加上一陣仲要食埋戶外區嘅即烤燒肉，所以，熱盤嘢就喺咁二揀幾款。威靈頓牛柳、煎鱸魚、炒大蝦、燴牛肉呢幾款真喺好食，尤其個牛柳，裏面包咗鵝肝醬，味道層次豐厚，但喺鹽焗盲曹個人就覺得有啲鹹。即煮粉麵 晌自助餐嘅即煮粉麵、即煮意大利麵……等等，都一律少試，因為太易飽肚，但都要介紹一下，陣容就唔算好多。麵底有上海面同米線供選擇，餸料就大概約有十款，而湯底有清雞湯、擔擔麵湯同酸辣湯。見餸料唔太吸引，小弟就無試，留返俾老友嚟評一評。佢就試咗豆卜、素鮑魚、韭菜配上海麵搭清雞湯，佢話整體不過不失，可能要試擔擔麵湯或酸辣湯先見到真章。即烤燒肉 出到去戶外區，見到個巨型燒烤爐，以及插住兩大嚿脆皮豬腩，加埋側邊放有好多配菜、醬汁，非常有陣勢。其實除咗豬腩，仲有斧頭豬扒、香燒和牛、澳洲羊架、雞槌，以及多種烤野菜。師傅不斷烤肉，發出火光熊熊，煙燻香氣四溢，唔吸引人都幾難。呢部分點都留咗肚嚟試試，師傅好有心，樣樣都切啲俾我，再配上多款燒野菜，仲要擺到靚靚仔仔一碟咁，睇見都開心。呢份即燒雜扒，食落和牛真喺一流，軟腍富由香，而羊架亦喺小弟最心水，同樣羶香好食，豬腩亦都正，沾芥辣一流。即煮甜品表演去到甜品環節，先介紹每晚8:30pm會有即煮甜品表演，是晚就喺士多啤梨羅曼諾夫，即喺乜？就喺橙酒燴士多啤梨，睇住女師傅煮溶砂糖之後，放入大量士多啤梨果肉，煮腍後再加上橙酒，發出微微火光，成品會再唧上鮮忌廉。個人覺得有少少似生果杯，不過士多啤梨甜甜哋，又有少少酒香，撞一撞啲忌廉，味道酸酸甜甜好唔錯。士多啤梨乳酪慕絲此外，臨尾侍應仲會額外每人送上一款特色甜品 ，是夜就喺呢款乳酪慕斯，加上少少雜莓，灑點 開心果仁碎，賣相非常之靚。呢個甜品超好食，原來裏面喺打碎咗嘅士多啤梨果肉，外層包住軟滑而微微酸香嘅乳酪慕斯，正呀！甜品區試咗以上兩款甜品都未夠喉，無問題，甜品區仲有4 款甜品，雖然唔多，但都喺高質素出品，包括黑森林蛋糕、法式焦糖燉蛋、意大利芝士餅、抹茶撻，以及可以隨時向侍應攞嘅Häagen-Dazs雪糕。由於款式唔多，所以一次過試晒4款，果然喺酒店級出品，絕對唔會叫人失望。上文都講過，會包一杯餐飲，嚟到甜品時段，咁就梗喺要配杯即磨咖啡啦，食甜品，幾時都喺配杯咖啡最合襯。今餐自助餐又再食得滿載而歸，雖然自助餐去到9:30pm，但同朋友都傾到10:00pm先走。侍應都好好招呼，一來臨尾都提一提我哋需唔需要再攞多少少食物，二來亦都無催我哋走，而且成晚收碟、補充食物都做得好足，佢哋亦好好禮貌，讓客人都食得稱心:)。更話呢度有生日禮遇，凡問生日月份內預訂自助晚餐，餐廳都會奉送迷你生日糕點乙件。…Read More

今日試左Conrad Buffet Staycation package, 包2人早餐，happy hour, tea set架，8:15pm仲食埋buffet,價錢2189，早餐質素不及以前那麼好，tea set 架就算做得幾多，happy hour都不錯，夜晚buffet 嘢食就見人見智，好食嘅有Lobsters,長腳蟹、movenpick ice cream,露天燒烤有蝦，雞翼，牛，羊架等，刺身就一般，得最普通三文魚、吞拿魚、八爪魚食落去有渣、希靈魚。油金魚都無就真係差啲。但我都會嚟，原因是我是Diamond member,無論executive lounge staff和餐廳員工都好nice,大家都好熟悉，值得一讚✌🏻👍🏻👍🏻👍🏻…Read More

大約有2年無去港麗嘅咖啡園食自助餐，因為今年有張2-10人嘅半價優惠劵，所以生日同屋企人再次嚟呢度慶祝。環境依然，無咩變化。習慣早早入坐，可以慢慢嘆，自助餐優點就係可以食住等，選擇種類多，照顧各人口味。趁人不多，兜個圈睇吓有咩食先，有熱辣辣嘅蒸海鮮時令新鮮白露筍第一次見喎......薄餅多種熱食落雨關係，戶外燒烤檔仔暫停，改由廚房烤完，再擺出來供應。海南雞飯都有壽司、刺身唔少得，湯粉麵一樣有......依然沒有生蠔冷盤海鮮最重要其他冷盤新鮮水果各種沙律菜及配菜、果仁，更有軟芝士、藍芝士甜品櫃有各式糕、餅、慕絲、雪糕，最特別係有雞蛋仔每位客人有一份煎鵝肝，甘香豐腴，入口即溶，美味今次無食凍龍蝦、蟹腳，反而食熱嘢多啲，蒜蓉蒸龍蝦幾彈牙，有鮮味，蝦頭好多膏，不過就細隻啲。蒸螺都唔錯，好食過凍食。最驚喜係有新鮮白露筍，以牛油忌廉煮得腍滑，據說係鬼佬主廚指示，話咁樣至好食，又幾好味，個人就喜歡唔好咁腍嘞。即切魚生劍魚、希靈魚都OK。沙律菜有苜蓿芽、鮮磨菇，新鮮好味烤豬架就柴皮咗啲烤魚OK啦甜品以焦糖燉蛋最好食中間放咗粒紅莓，中和咗甜味，斑蘭蛋糕夠鬆軟每晚都有劏魚表演，今晚係黃鰭吞拿魚，雖然放响度好大條，師傅話佢係條BB嚟，所以腩位無拖羅嘅油脂。整體食物都幾好，服務都殷勤嘅，如果以正價的話，可以有其他選擇。唔知係咪落雨關係戶外植物滋生蚊蟲呢，雖然在室內，都有蚊和小昆蟲飛舞。…Read More