Siu Mei Lou Si (Sing Shing Building)

呢幾日天氣同心情都係一樣麻麻地，今日見天氣好D揸架車出去遊吓車河散吓心。今日揸車去咗城門郊遊吓，回程途經和宜合道，經過一間好開揚感覺好新派嘅燒味鋪頭＂燒味滷師＂外賣專門店。相片門口附近仲可以比我泊低架車添。相片老實講鋪頭門面裝修好光猛同埋乾淨係最吸引我既地方。食燒味來來去去都係果幾樣嘢，師傅見我左度右度，考慮咗好耐都未有決定，就好殷勤為我推介咗幾款撚手燒味，我今日買咗「至尊燒鵝」、「燒味佬叉燒」、「客家鹽焗雞」、仲有好少燒味鋪會有嘅「海蜇拼泰式鳯爪」。相片燒鵝層鵝皮有層薄薄肥膏，食落去好甘香，鵝肉都算入味。相片我個人就鍾意偏瘦嘅义燒，所以叫師傅斬咗嚿偏瘦义燒，估唔到呢嚿「燒味佬义燒」，肉質唔嚡又夠腍，蜜汁味又幾豐富(下次試吓半肥瘦先)。因為我之前去過D所謂名店，買過D外表橙色同D肉係白曬曬嘅义燒，諗起都一肚火！呢度嘅燒味佬义燒真係零舍唔同！相片而鹽焗雞就好入味，滿口咸香，肉質唔會嚡口， 物超所值。相片至於我覺得最驚喜係海蜇拼泰式鳯爪，我好鍾意食D脆口/爽口嘢，呢度嘅海蜇夠晒爽口，只係略嫌辣味唔夠，如果可以加辣，咁就過癮 !!地址：葵涌和宜合道90-114號成城大廈地下13號鋪…Read More

燒味店有時候會給人髒亂差的感覺，但這間完全不會給我有這感覺，所以東西都擺放得很整齊，而且除了燒味外，還有滷水和冷盤，選擇真的挺多，重要的是價錢還不貴！至尊燒鵝（下庄）（１２０元）作為燒鵝控的我覺得這裡的燒鵝真的挺不錯，而且性價比挺高的，１２０元就有下庄，１８０元就有半隻了，而且還是現場燒製的，不是跟人拿貨的，那就吃得更放心又新鮮了！燒鵝吃起來皮脆肉嫩，因為下庄的關係，所以吃起來會多了份油香，而且又有鵝腿，所以很滿足！另外，這裡的燒鵝不會太肥，所以不會吃起來太油膩！沙薑鹽焗雞（４０元／半隻）看價錢感覺應該不會用上太有質素的雞，但意想不到這個是家人最多讚賞的！這裡的雞吃起來肉質嫩滑緊寶，完全不鬆散，而且很有雞味，中間還能吃到淡淡的沙薑味，剛剛好引出雞味！燒味佬叉燒（４０元）這個買了４０元，但份量比想像中的要多，而且還是很多香港人最愛的燶邊叉燒，吃起來會帶點脆，但又肉質嫩滑鬆化，帶點油香，肥瘦剛剛好，又有蜜汁的香甜的味道。泰式鳳爪拼海蜇（４２元）想不到買半磅還可以雙拼，愛吃的人肯定想吃多款！這裡泰式鳳爪吃起來是酸甜中帶點辣，辣度不算高，酸甜味比較突出，無骨鳳爪爽脆！海蜇的調味一樣，吃起來嫩中帶點爽滑！…Read More

有數間分店的燒味滷師於屋企附近便有一間，價錢相對同區的燒味鋪比較划算，有很多街坊和上班族光顧，只做外賣自取生意。門口有些特價產品售賣至尊燒鵝(下庄) - $120門口的玻璃窗見到各色各樣的燒味令人垂涎三尺，掛著的原隻燒鵝色澤更是肥美，忍不著買了下庄部份；下庄比上庄貴$10，因為下庄的鵝腿更加誘人。燒鵝的外皮依然保持酥脆感，皮與肉之間充滿著飽滿油脂，入口細緻滑嫩帶有肉汁卻不膩。沙薑鹽焗雞 - $40/半隻半隻大肥雞這樣的價錢超抵，雞肉好鮮嫩滑美，鹽焗咸香十足，濃稠的沙薑汁另上。燒味佬叉燒 - $40/斤蜜味叉燒一斤的價錢也很划算，肉質好軟嫩，色澤又鮮明，香甜可口，卻又不膩。泰式鳳爪併舟山海蜇 - $42酸辣的泰式鳳爪無骨，只有爽口的軟骨和軟筋；海蜇皮口感較清爽、完全不含油脂。…Read More

疫情無堂食，放工斬料返屋企快靚正又一餐。呢間燒味成日大排長龍，師傅斬料刀工無咩碎骨。必叫上庄至尊燒鵝，上庄肉質瘦d，肉味香d；燒鵝皮夠哂油香，點一點梅醬正到暈。再要多半隻客家鹽焗雞同半斤燒味佬叉燒，唔係好咸嘅雞，雞肉較實淨，半隻無偷雞，有翼有髀。半斤叉燒夠淋夠香，同平時蜜糖叉燒味唔一樣，少了一分甜多了一分咸香，送飯一流。見佢有賣d冷盤，叫左半磅海蜇拼泰式鳳爪泰式鳳爪，味道又唔錯喎，唔算辣酸酸地夠哂醒胃，咁又一餐快靚正。…Read More

葵涌站📍燒味滷師-之前食過長沙灣店，覺得質素唔錯，今日放工去開葵涌都見到好多街坊排隊，唔想煮嘅女朋友又叫我買燒味😋🤟🏻至尊燒鵝下庄（$120）一打開蓋已經聞到燒鵝好香，食落皮脆肉嫩，燒鵝有油香😋客家鹽焗雞半隻（$35）$35半隻雞都幾ok，雞皮滑捋捋，雞肉唔會好散，都夠實淨，雞味濃👍🏻燒味佬叉燒一斤（$40）好鬼大盒，食唔晒😹😹😹😹肥瘦均勻，啖啖叉燒都有蜜汁，送飯一流😍海蜇拼泰式鳳爪（$42）女朋友最中意食鳳爪，佢冇叫我買我都醒水，獲得稱讚😜佢話鳳爪好爽口，不過海蜇就唔算濃味，再濃味d仲正。環境方面，店面企理，有兩個師傅一齊斬，好鬼旺🔥…Read More

今晚我姨一家會黎我地屋企食飯，人多又唔想媽媽辛苦煮咁多餸。咁啱我今日經開葵涌做嘢，經過呢間「燒味滷師」，見到都唔少人排隊買嘢，又見d燒味望落去都好吸引，地方環境都好乾淨，諗住應該幾好味又衛生😋，所以一於買返去加餸！🦢至尊燒鵝 (上庄)打開個盒見到好大份！大大舊肉，唔會只係得皮。而d皮唔會好多肥膏，所以唔會食到成口肥膏。食落口充滿油香丶皮脆丶肉質嫩滑又juicy。配搭埋酸梅醬，簡直係perfect match😍🐷燒味佬叉燒(半斤)叉燒望落去好似好廋咁，但係一d都唔乾柴！好軟嫩！每舊叉燒都好入味，充滿蜜汁，加埋燶邊好正😋！送飯一流😆諗住如果食唔晒，可以留返第二日叉燒炒蛋，點知大家食哂🤣🐔客家鹽焗雞(半隻)份量都算多！望落去充滿光澤，入口咸香咸香但唔會過咸😋雞肉好嫩滑，一d都唔鞋口👍🏻店鋪仲比埋沙薑醬點埋黎食，點埋沙薑醬食又有另一番滋味😋👍🏻正！🐤海蜇拼泰式鳯爪(半磅)海蜇爽口彈牙，充滿麻油香味，加埋洋蔥好清爽。而鳯爪酸酸甜甜，好有泰式風味，好開胃呀😋…Read More

適逢中秋佳節，今日經過葵涌這間燒味店，決定買幾種不同種類的燒味回家和家人一起慶中秋！店舖位於道路的轉角位，店舖雖小但五臟俱全。店內掛滿各式各樣的燒味，也有雪櫃存放凍食。在店外看了看各款燒味推介，決定買鳳爪拼海蜇、鹽焗雞、燒鵝、叉燒回家！從店家手上接過外賣，濃烈的燒味香味從袋子內散發出來，令人急不及待想回家打開品嚐。泰式鳳爪拼海蜇(半磅)($42)。無骨的泰式鳳爪微微酸辣，配上新鮮爽口的海蜇，非常清爽，是一道很好的開胃菜！開飯後不久就被全家人一掃而空。客家鹽焗雞(半隻)($30)。鹽焗雞是中國廣東特色的客家菜餚，是在早年間客家人遷徙中流傳下來醃製雞的方法，家人們一向很喜歡。這盒客家鹽焗雞，雞皮軟滑，肉質鮮嫩，滿滿雞油香，鹹淡恰好。至尊燒鵝(上莊)($110)。燒鵝實在非常香，外皮煙煙韌韌，肉質新鮮不嚡口，多肉而且肉汁滿滿。再配上用袋子另外裝載的燒汁和酸梅醬，十分惹味，滋味無窮，推薦！燒味佬叉燒(半斤)($40)。半肥瘦叉燒外層甜甜的，微微烤焦的部分又脆又香口，令人垂涎欲滴，一口接一口，是家中小朋友的至愛。以上份量配着白飯和蔬菜吃，已經足夠滿足六個人，豐富又美味的一餐！…Read More

放工想買d燒味番屋企做餸，經過呢間新開的燒味店，見到有不少人幫襯，就買了試燒味回家試一試。至尊燒鵝1/4隻（$120）都幾多肉，有隻大大燒鵝髀！燒鵝都幾有味，連骨都入味。泰式鳳爪加海蜇（$42）泰式鳳爪已經去了骨，帶點醋味。鳳爪爽脆之餘，又不硬。個人十分推介，很少吃到那麼爽脆的鳳爪。海蜇都是偏爽脆，並非外面那麼煙韌。客家鹽焗雞半隻（$25）荃灣新開張特價$25，十分抵。雖然是特價菜式，份量都不少足半隻。隻鹽焗雞都幾香滑👍🏻叉燒半斤（$40）有d部位比較瘦，有d部位半肥瘦。屋企人都覺得這間新開燒味店不錯又抵食～下次都會再買！…Read More

長期多人既燒味滷師，今日終於有機會買到返屋企加餸啦。呢度有好多選擇，有燒烤類，滷水類，雞類同埋涼拌小食。淨係雞類都有7款咁多俾你揀，日日加唔同餸都可以試成個星期，涼拌小食仲有麻辣味添。另外仲有燒味飯，雙拼飯都係廿幾蚊！真係好抵食！至尊燒鵝-皮脆肉嫩，腌尖既阿爸都話好味，唔怪之得改個名叫至尊啦！燒味佬叉燒-叉燒肥瘦適中，肉一啲都唔鞋唔乾，好好味。客家鹽焗雞-鹽焗夠香夠雞味。海蜇拼泰式鳳爪-海蜇爽脆，鳳爪冇骨啖啖肉。…Read More

年初曾光顧過「燒味滷師」在長沙灣的店子，當日「斬料」與一眾親友共享，大家都讚賞這小店的燒味不俗。近日，經過葵涌一帶，發現這家燒味店己俏俏在葵涌開了新分店，而且，店子位處上葵涌舊區一帶，附近有不少舊樓、屋苑，真是不愁沒有客源。就像這次，才兩時左右，已見不少街坊光顧。鋪面吸引之處，就是櫥窗之內，掛滿了不同的燒味，琳瑯滿目，鋪內深入之處，就是工場，不時看到新鮮燒味出爐，好不吸引。而所有燒味的價錢，已全貼了出來，一目了然，定價亦很相宜。定價相宜，就自不然多人光顧，在這勢頭下，很多基層生活都很艱苦，所以，店家的燒味單雙拼飯非常有吸引力，更可以幫到不少基層「有啖好食」，因為，無論單拼，還是雙拼，都只是$22盒，絕對是基層恩物。而另一邊，有不少涼拌小食，如手撕雞、大墨魚、麻辣醬蹄、五香牛展………等等十多款，單買又得，雙拼又得，配飯都得。左揀右揀，心多多，一下手就買多了，不過，才只是二百多元，性價比十分高。今晚在親友定的晚飯，灼一份菜、蒸一尾魚，加上這些「斬料」，已變得十分豐富。先介紹「至尊燒鵝」（$120/下莊），雖然燒鵝只是一份下莊，但份量十分之多，滿滿的填滿一整盒。將奉送的燒鵝汁翻熱，熱辣辣的淋下去，那份鵝香更加立時湧出。而燒鵝真的燒得很不錯，外皮色澤亮麗，咬下去非常甘脆，充滿油香，肉質嫩滑。沾一些冰梅醬，可說是油膩感大減。上次試過「客家鹽焗雞」（$30/半隻），不單質素好，更是十分便宜，故今次也要了半隻，真是差不多成本定價。雞肉吃下時肉質鮮嫰，因為鹽焗，有陣陣鹹香味滲出來，雖然有配上蔥油及特製醬油，但不沾任何醬料都已經好吃到不得了。斬料，斬料，斬大嚿叉燒，是上一輩人人盡皆知的廣告語，「燒味佬叉燒」（$50/半斤）也要了半斤，為是應應境。最喜歡是叉燒有少許燶邊位，份外香口好吃，而叉燒屬半肥瘦的，入口軟腍，燒得不會太乾身，又有點油脂香，並帶微微蜜糖的甜蜜味。上次沒有試其涼拌小食，這次就試一試「海蜇拼泰式鳳爪」（$42/半磅），阿姐磅得十分認真，一點都沒有少給。而海蜇厚度適中，柔軟有韌性，口感帶爽，最喜歡加了大量白芝麻，香脆多一點；而泰式鳳爪特色是去了骨，方便食用，其味道酸酸香香，真是叫人越吃越開胃。再細看鋪面的介紹，原來，分店已不只葵涌這一家，在屯門及慈雲山也有分店了，估不到短短半年不夠，已發展了多家分店。…Read More

門口勁多人，原來做緊新張優惠，單雙拼飯盒一律都係$22🤗忍唔住走去睇下有咩岩我胃口😃----------燒味佬叉燒 $50呢度有半斤，全部都好瘦，意外地好腍👍叉燒汁香甜得黎又唔膩😍燒得好均勻，冇燶邊，所以完全唔鞋😜至尊燒鵝(下庄) $120打開個盒就大大隻燒鵝脾進入眼球，真心吸引💕啲皮好脆，燒鵝肉好軟腍，juicy又甘香🤓點埋酸梅醬仲正😁客家鹽焗雞 $30依家做緊新張優惠：$30半隻 $59全隻堅抵食，仲要估佢唔到裝滿成盒😀雞皮色澤油潤，少少鹹香😋海蜇拼泰式鳳爪 $42海蜇爽口彈牙，泰式鳳爪酸酸辣辣，好開胃，可以balance燒味既油脂😗 …Read More

屋企附近最近新開咗間燒味舖，有唔少街坊幫襯，今日懶得煮，索性斬幾味加餸，返去焯碟菜心就開得飯。燒味價錢合理，新開張仲有唔少優惠，特別係燒味飯盒，無論單雙拼都係一口價廿二蚊，非常抵食。大熱天時見到海蜇拼泰式鳳爪零舍吸引，海蜇口感清爽彈牙，鳳爪亦同樣爽口，去咗骨一啖一隻剛剛好，酸辣開胃。先生至愛食燒鵝，見咁耐冇食，揀咗下莊，果然冇令人失望，鵝髀大大隻，夠哂肥美，肉質非常嫩滑，連皮咬落去，滿口鵝油香氣，令人回味！除咗酸梅醬之外，仲有一袋仔燒鵝汁，原汁原味，無論淋上燒鵝到食抑或係撈飯都一流！客家鹽焗雞大件夾抵食，肉質滑溜而且夠哂鹹香，絕對係白飯殺手。叉燒半肥瘦，一打開外賣盒已經香氣四溢，色澤鮮明，入口肉質軟腍，蜜汁亦夠香夠入味，水準唔錯。燒味店食物水準唔錯，特別係燒鵝，隻燒鵝髀簡直令人回味，鍾意食燒鵝嘅絕對唔能夠錯過，而且燒味價錢夠晒親民，最值得一讚嘅係店面乾淨整潔，俾人嘅感覺非常衛生，難怪咁多街坊客捧場，希望能夠一直保持水準，等我哋可以繼續食到優質嘅燒味。…Read More