Siu Mei Lou Si (On Fat Building)

這一家「燒味滷師」大概一年多前已光顧過，都是居於附近的親友推介，而近來因為禁了晚市堂食，所以，都多了買外賣，正因今天路過此處，就索性不如「斬料」，煮點飯，灼點菜，又可以當一餐，叉燒就留來明天做炒飯。正值下班時間，鋪外已有不少街坊客光顧。燒味掛滿在櫥窗之上，琳瑯滿目，非常吸引，款式又多，定價亦相宜。店後是工場，食物都是現場即製，夠新鮮吧！上次試了客家鹽焗雞，今次改試「麻辣手撕雞」（$60 /半隻份量），不吃得辣的可以選原味，半隻份量其實也頗多，肉質嫩滑而不膩，曬上了大量芝麻，加上麻辣的味道不霸道，有辣勁，卻不嗆喉，最好的是已拆肉，吃得方便，一次過吃不完，也可以留起來用作配粉麵。雖然叉燒打算用作炒飯，但也先偷偷吃了幾片，要了半斤的「燒味佬叉燒」（$40），燒得賣相不錯，有少少燶邊，叉燒屬半肥瘦的，切得厚身，入口軟腍不死實，又有點油脂香，並帶微微蜜糖的甜蜜香味。至於燒鵝是家人至愛，怎可以錯過，半隻「至尊燒鵝」（$180）絕對滿足了大家，一打開盒蓋，那份鵝香立時湧出，更附了一大包鵝汁，翻熱加入燒鵝中，更芳香；鵝皮色澤亮麗，薄身脆口，肉質嫩滑細緻，又充滿肉汁，並富油香卻不油膩，可以說水準依舊。做生意是看長線，只要食物好自不然有口皆碑，今次再吃，就知是保持到高水準啊！…Read More

📍燒味滷師📮長沙灣長發街28號安發大廈地下D號舖.講到港式風味, 第一時間會諗起燒味😎近來少左返屋企食飯, 返去前決定斬料加餸, 燒味加餸無得輸.燒味佬叉燒 HKD40眾多燒味入面最愛叉燒, 貪佢無骨啖啖肉😋叉燒肥瘦均勻, 厚薄適中, 外層查滿麥芽糖, 燒完之後食落甜甜地又香口🙎🏽‍♂️偷偷地留起左幾舊叉燒第2日帶飯返公司食, 仲話一樣咁好味添, 打工仔不妨考慮買多少少第二日叮返熱就可以做埋lunch👍🏻胡麻海蜇手撕雞 HKD65嫌食淨手撕雞太單調既朋友可以試下呢個有埋海蜇既版本, 一個價錢兩種款式😙手撕雞份量好多, 海蜇爽口彈牙, 手撕雞用麻油調味曬上芝麻好香, 沾埋旁邊既胡麻醬好開胃至尊燒鵝 (半隻) HKD180要食梗係食好啲, 斬半隻燒鵝返屋企當然唔少得啦😏半隻都唔使$200, 性價比超高, 裝燒鵝個盒仲大過部iPad mini, 返到屋企係咁依整返熱佢就食得, 岩晒我呢啲上班一族🤫燒鵝皮香肉嫩, 有濃郁既鵝味, 只係稍為油分多咗少少, 間唔中一日半日無所謂啦.好耐無返屋企食飯既你仲唔快啲好似我咁斬大舊叉燒返去孝敬下你地既父母💖.食物味道：🤤🤤🤤🤤物超所值：💰💰💰💰.…Read More

每逢放工想買燒味，我都會揀燒味滷師。每次嚟到呢度都係人頭湧湧，因為實在太抵食。呢度嘅燒味比起其他燒臘店真係平好多，而最抵食嘅就係佢嘅燒味飯只係$22。除咗燒臘，仲有其他冷盤。今次仲特別睇中咗呢件乳豬，放工時間，最後一件，唔買就走寶！乳豬返到屋企稍稍翻熱，個皮即刻脆返晒。仲買咗半隻燒鵝，皮脆肉嫩，鵝肉又夠甘香。斬料又點可以冇叉燒，燒味滷師嘅叉燒味道調得啱啱好，我就鍾意食瘦叉燒，佢嘅瘦叉瘦得嚟又唔嚡口，真係幾正。阿姐推介我買埋麻辣手撕雞，麻辣味道唔會太嗆，返到屋企煮個米粉配呢個麻辣手撕雞真係夾到不得了。…Read More

有時屋企人諗煮咩餸諗到頭痕時，斬返幾盒燒味就最啱，燒味一年四季都啱食﹗長沙灣呢間顯眼黃色燒味舖—燒味滷師，而家分店越開越多，有時仲會排長龍，看來保質有一定保證，於是放心地斬料返屋企食！至尊燒鵝(半隻)$180：剛拎上手時熱辣辣，燒鵝汁貼心地分開袋裝，食前先淋上去。燒鵝肥瘦適中，皮澤光亮，皮脆夠油香，鵝肉嫰滑入味。自己最鐘意食燒鵝脾麻辣手撕雞(半隻) $60：表面有芝麻粒，份量都頗多，冷盤雞肉麻辣開胃惹味，雞皮脆口不肥膩。燒味佬叉燒(約半斤)$40：切得厚薄適中，香甜蜜芽糖燒得入味，叉燒肉淋口易咬。阿媽都讚呢個先係真實好食蜜汁叉燒，不會似前幾日阿爸買既難食乾柴硬口叉燒。呢間燒味滷師出品不錯，價錢公道，難怪咁多街坊幫襯！…Read More

返外家食飯所以係附近揾間似樣啲嘅外賣店斬料，四點零鐘左右黎到店舖，唔算太多人，但keep 住有客人幫襯。🦢至尊燒鵝（半隻）$180必點之選👍剩係賣相都已經好吸引，色澤均勻亮澤，肉質嫩滑，肥瘦厚度適中，啖啖肉得黎亦唔會食到成口油，有淡淡嘅炭燒香味，好食😋。🐖燒味佬叉燒 $40自己鍾意食半肥瘦叉燒，但和家人分享所以order 時無向店員特別提出要求，最後師傅斬了全瘦叉燒，卻比想像中好，一啲都唔硬，醃製得幾入味。🐔原味手撕雞（半隻）$60起晒嘅雞骨放係底層，啖啖肉嘅肉絲放面層，正明真材實料。手撕雞肉質嫩滑，一啲都唔嚡口，灑上少許芝麻，個人認為雪凍少少更好食。…Read More

食得住家飯多有時都會想加餸食下燒味～朋友介紹燒味滷師乾淨企理質素有保證，開咗唔夠一年已經越開越多分店，今日嚟開長沙灣就幫襯下試試佢。燒味滷水種類五花八門，經過嘅伯伯都話啲掛爐燒鵝幾正。做緊新張優惠益街坊，燒味飯都只係22蚊盒，而家真係唔知喺邊度搵。跟下伯伯眼光嗌咗半隻至尊燒鵝，滷水汁另外袋上好貼心，可以返屋企先淋上，保持番燒鵝嘅脆皮。半隻燒鵝份量都唔可以睇少，燒鵝幾厚肉唔會太乾，鍾意食皮食肉嘅都可以滿足到。要咗50蚊燒味佬叉燒，叉燒肥瘦均勻，我自己偏好燒到帶啲燶邊嘅叉燒，搽麥芽糖燒過特別香，撈飯一流。天氣熱辣辣食手撕雞就啱晒，依度分別有原味、麻辣、胡麻海蜇手撕雞，今次就揀咗原味－手撕雞雞皮脆口，雞肉亦幾嫩唔怕嚡，屋企人話食到有少少沙薑味，唔會太濃味，如果麻油香重啲更正～…Read More

依家無得一大班出去食🍴最中意就係買熟食燒味翻去、再煮⼀兩個菜吾洗煩💯.今次見到人排我又排下！點知呢間燒味「滷師」選擇多，有驚喜😋見到佢新開優惠！買咗半隻燒鵝嘆下！外皮燒得香口、油香十足！大大盒肉質吾老～偏甜口味啱我心意💯仲要酸梅醬絕對吾吝嗇，勁多包！👍🏻👍🏻見到佢有燶邊叉燒😋要咗偏瘦既，但入口都幾鬆化又無渣！醃得都幾入味！下次試下半肥瘦先😋😋要多個冷盤麻辣手撕雞🐔估佢吾到咁高水準！大大盒不在話下💯雞肉嫩口，調味啱好、勁開胃、吾會太麻太辣👍🏻灑上芝麻好香😋下次買多盒海蜇撈埋不得了！買咁多300都吾洗！食到大家勁滿足💯…Read More

位於長沙灣的燒味店燒味滷師開業大約半年，至今已經擴展至屯門及黃大仙皆有分店，除了網上好評如潮之外，當日到訪亦可見其人氣旺盛，雖然是平日但客人仍絡繹不絕。透過玻璃可見掛滿琳琅滿目的燒味，色澤油亮，下單後便可按號碼等待取餐。燒鵝、燒鴨、乳豬、叉燒、燒排骨、雞翼等應有盡有，燒味飯優惠價更只需$22，但看過評論似乎單點燒味質素較好，所以就選擇了叉燒及燒鵝這兩款正進行推廣的燒味。燒味佬叉燒 ($118/斤) 看似較瘦但入口肉質爽嫩毫不乾韌，而且色澤自然不如坊間大部分叉燒一樣用上太多化學添加色素。至尊燒鵝 ($210/隻) 可選一隻$420、半隻$210、上莊$110或下莊$120，燒鵝雖稍欠炭燒香氣但外皮香脆，鵝肉厚實而油脂豐腴，特價只需$180半隻實在比坊間大部分燒味店便宜，以此價錢而言已是無可挑剔。麻辣手撕雞 ($120/隻) 拌入大量辣油及芝麻相當惹味，半隻已經滿滿一大盒份量相當充裕，而且並沒有以大量雞骨濫竽充數，另外更有原味及胡麻海蜇手撕雞選擇。…Read More

今日同屋企人家庭日出嚟行下經過長沙灣呢間燒味店决定斬料返屋企當加餸😋未到6點已經有條小長龍排隊買燒味可見都幾受街坊歡迎～見店面有唔少新開將優惠 都幾平幾戈算50幾蚊就有一隻鹽焗雞 豉油雞 或者貴妃雞係今次就買咗半隻燒鵝 半隻麻辣手撕雞 同 半斤叉燒😋-至尊燒鵝 (半隻)燒鵝賣相相當吸引未打開外賣盒陣燒鵝嘅香味已經撲鼻而來😻最特別嘅係 佢嘅燒鵝汁會另上所以就算外賣 燒鵝嘅皮都可以keep住咁脆卜卜燒鵝需要唔係太肥 但勝在多汁同埋燒鵝味濃郁完全就係皮脆肉嫩！！-麻辣手撕雞 (半隻)手撕雞份量十足 面頭有好多芝麻粒芝麻味好香～佢嘅辣度大概係小辣 唔會太辣微微嘅香辣味 令味道變得更惹味！雞肉肉質方面好嫩滑 唔會鞋颯颯！下次想試吓佢嘅海蜇手撕雞 相信送飯一流！😋-燒味佬叉燒 (半斤)講到斬料點會唔食叉燒🥰今次嘅叉燒偏瘦～不過好在唔會太硬身 食落幾嫩滑叉燒滷得幾入味 甜甜鹹鹹的$290買到三樣都真係好抵好平😻😻…Read More

朋友搬屋後邀約我去佢屋企食飯，人地咁客氣我都唔可以兩手空空，於是我就去斬料先上佢到。我唔係好熟依區，上網一搵就決定拜訪燒味滷師。我諗緊食乜期間都有唔少街坊幫襯，好多人都係買燒味飯，因為好平。計埋我有成六條友，所以都要買多幾款想去食，唔係唔好睇。最終我就買咗三款野上去！1️⃣禾田滷水鴨，半隻，$60滷水鴨半隻好足秤，鴨肉好大隻，一啲都唔老，所以肉質夠嫩。滷水亦好入味，但唔會鹹。基本上唔使再點汁都已經好食。有時斬半隻會好怕或多或少會偷少少，但呢到無咁的情況。2️⃣燒味佬叉燒，半斤，$503️⃣燒雞翼，四隻，$20叉燒係半肥瘦，油脂均匀，蜜汁味道甜甜的，亦唔會漏。肉質好嫩，燒得唔乾身，整體係好高質，早知要咗一斤。大人就食雞翼晦骨，師傅會將雞翼一分為二。雞翼就比較普通，正常水平。4️⃣麻辣手撕雞，半隻，$60本身我猶豫緊要麻辣定係麻醬海蜇嗰款，後者好似仲抵食因為有海蜇，但我又好想食麻辣。經姐姐介紹後佢話呢度嘅麻辣老少咸宜，於是我就試試佢。姐姐冇呃我，麻辣味香多過辣，連朋友個細仔都食到，好好味道，食到上癮。手撕雞白雪雪，無乜瘀血，原來底部墊左舊胸骨，不過整體份量都算好多，正。…Read More

燒味滷師 上次試過佢啲燒味好好味，今次慶祝仔女考完試，專程出去長沙灣買幾款燒味慶祝吓。小朋友指明想食叉燒及紅腸，其他就由我話事，我另外再加咗滷水鴨及冷盤海蜇手撕雞。食飯期間我只係傾咗2分鐘電話，全部餸已經冇咗半碟，連相都差d影唔切。和田滷水鴨半隻$60鴨肉好嫩滑又入味，一向食肉唔「噒」骨嘅小朋友都食到嘴舐舐，連骨都「噒」埋。配埋個白醋好有打冷風味。胡麻海蜇手撕雞半隻$65食過好多間都落咗好多調味料，呢間手撕雞冇味精，而且好有雞味，另外配上胡麻醬，似日式芝麻醬，配上這個醬更開胃。海蜇都好爽口，師傅還加了一些芝麻，食落更香。燒味佬叉燒  $50小朋友最愛，指定要買這個叉燒，飯都食多咗。禾味紅腸  $20紅腸配滷水汁都好好味，食到停唔到口。…Read More

星期日想斬料同屋企人食，見到呢間幾抵食同幾「市正」，所以叫咗幾款燒味。至尊燒鵝 下莊 $120燒鵝幾好賣，我五點去嘅時候話冇晒燒鵝，等到五點半先有。燒鵝份量都幾多，好有鵝香味。新鮮出爐，拎返屋企仲暖身。食落都幾多肉汁，加上外皮脆身，燒得幾好。加埋啲酸梅醬，食落味道就更加豐富。下莊有燒鵝髀食🤓老師傅燒腩仔 $64/半斤燒腩仔唔韌，肥瘦適中，一層肥一層瘦，幾靚。至於味道唔會好鹹，脆皮脆卜卜，好香脆，夠晒新鮮。另外會配芥末醬。客家鹽焗雞 $59/隻鹽焗雞做特價，所以唔使$60就買到成隻雞，抵。鹽焗雞肉質白身，有陣陣咸香味，可以再配啲薑蔥一齊食，會更惹味。燒味佬叉燒 $50/半斤叉燒半斤都幾多，食落都幾冧身，甜味比較重。如果邊位可以燒得燶啲就更加香口啦。…Read More

時隔一年多都沒有跟親友飯聚，是日就趁着還是新正頭，與親友家庭聚一聚，帶來燒味作「賀禮」，哈哈！這當然是說笑，只是「斬料」就可以不用勞師動眾弄太多餸菜。在親友家附近看到這家「燒味滷師」，有不少街坊光顧，應該差不了哪裡，就買數款店家推介的燒味上去吧！驟眼看看，燒味掛滿在櫥窗之上，琳瑯滿目，非常吸引，感覺款式甚多，定價看來亦相宜，有些更有優惠價。心思思很多燒味也想試，結果，買了一款又一款，有些是想吃的，有些是衝着優惠價而來！打開這一盒「至尊燒鵝」（$110/上莊），那份鵝香立時湧出。燒鵝真的燒得很不錯，外皮色澤亮麗，咬下去非常甘脆，充滿油香，而肉質嫩滑細緻。沾一些冰梅醬，可說是油膩感大減，吃來更清爽。經典的燒味怎可以沒有叉燒，「燒味佬叉燒」（$98/斤）究竟質素又如何呢！有少少燶邊，故份外好看。叉燒屬半肥瘦的，入口軟腍，燒得不會太乾身，又有點油脂香，並帶微微蜜糖的甜蜜味。吃剩的，還可以明天弄個叉燒炒蛋。現在好像很少客家菜館，所以，見到店家供應「客家鹽焗雞」（$59/隻），加上定價超便宜，又怎可以錯過，又來一隻試試。雞肉吃下時肉質鮮嫰，因為鹽焗，有陣陣鹹香味滲出，雖然有配上蔥油及特製醬油，但不沾任何醬料都已經好好吃。剛剛遇着師傅燒好一批新鮮熱辣的燒腩仔，故才追加多一份「老師傅燒腩仔」（$128/斤）。燒腩仔切得大大件，厚身卻是脆皮，脆得卜卜聲，而肥瘦雙間的腩肉吃來鬆化又不會感到太膩，鹹度亦剛剛好，讚！大家都讚賞這小店的燒味不俗，原來，親友也說他們不時也會光顧啊！…Read More

食團年飯點少得斬料加餸呢？平時經過這間燒味店都見到大排長龍，今次一於試一試這間燒味滷師。望落價錢經濟實惠，於是買了客家鹽焗雞（$59），蜜汁燒排骨（$50），燒味佬叉燒（$50）同埋脆皮燒肉（$50）。宜家做緊新張優惠，試食價益街坊，瑤柱貴妃雞/玫瑰豉油雞/客家鹽焗雞都只是$59一隻。職員推薦我買客家鹽焗雞，好受歡迎，只賣剩兩三隻，有買趁手。職員無介紹錯，客家鹽焗雞夠晒入味，咸香可口，肉質鮮嫩。蜜汁燒排骨（$50）燒得外脆內軟，外層微焦香口，香噴噴，蜜汁撈飯一流，家人最愛。斬料點少得斬大件叉燒，大人細佬都岩食。燒味佬叉燒（$50）肥瘦適中，少少燶邊更添美味，Juicy，小朋友食唔停口。脆皮燒肉（$50）外皮脆卜卜，皮脆肉嫩，食落啖啖肉好味道，點埋芥末夠晒惹味。除了味道佳，份量亦十足，二百蚊就可以加到咁多餸，一家大細聚首一堂食餐飯，樂也融融。…Read More

今天與友人到長沙灣吃餃子，回程時途經保安道遊樂場，看到燒味店【燒味滷師】人頭湧湧，便來八卦一下。原來店舖只開業三數月，正進行新張優惠，豉油雞／鹽焗雞只需$59一隻，非常超值。有別於傳統燒味店，【燒味滷師】以鮮黃色為主，店面鮮明整潔，乾淨衞生。 Google一下，原來老闆曾任職酒店，並在世界粵菜比賽（燒味及滷水組別）中獲得金獎殊榮，當然要斬料加餸試試其手勢。燒鵝、油雞及燒味飯盒都在做特價，價錢實惠。"至尊燒鵝"色澤光鮮，油光誘人，豈能錯過。選了下莊，鵝腿啖啖肉，油香四溢。鵝肉質地軟腍，蘸些甜酸醬同吃，可中和肥膩感。油雞有貴妃雞、豉油雞及鹽焗雞3款可選。"玫瑰豉油雞"顏色紅亮，口感嫩滑，醃得入味卻不會過鹹，亦不會蓋過雞的原味。店家還貼心地附上2包豉油汁，醬汁入口帶香甜，用來拌飯吃2大碗也沒問題。另外買了"燒味佬叉燒"及"老師傅燒腩仔"各半斤，叉燒肥瘦適中，沾滿了甜香的麥芽糖，邊位帶焦香最為美味。燒腩仔瘦肉較多，雖然回到家已不帶脆，不過鹹香得宜，也算不俗。…Read More