Siu Mei Lou Si (Hip Pont Building) (Closed)

今日入屯門探朋友梗係買啲嘢上去一齊食買咗幾款燒味，望住個玻璃已經流哂口水啦至尊燒鵝皮香脂肪分佈好平均，肉質口感少少結實，啱啱好，最正係外皮我買到上去朋友屋企焗咗陣都仲食到個口感燒味佬叉燒叉燒最愛就梗係食焦焦哋嘅位，夠香口🤤叉燒蜜味適中，入口鬆化香甜入哂味，配個熱焫焫嘅白飯真係好好味老師傅燒腩仔燒腩仔皮，脂，肉分明，外皮粒粒脆卜卜咁，燒腩肉唔會過份咸，每一啖多層口感客家鹽焗雞呢個主人家都狂讚㗎，鹽焗雞嗰種咸香係會令你忍唔住再食多幾件，雞肉又嫩肉汁鎖哂喺肉度，唔老唔乾身…Read More

天時咁熱，唔想屋企人焗喺廚房煮咁多餸，所以過咗去燒味滷師嗰度買啲燒味返嚟試吓。至尊燒鵝(上庄) $110燒鵝個皮，好香口，濃濃嘅燒鵝香味。而肉質亦都夠林，燒味最怕就係乾爭爭，佢就唔會有呢個問題😋。係師傅嘅刀工需要改善，有一舊接着一夠冇切斷嘅狀況😅燒味佬叉燒 $50叉燒唔太肥但都夠哂林，每舊叉燒都痴滿蜜糖汁，夠哂味道，亦都唔會乾爭爭，老人家都食完一舊接着一舊，仲話要介紹番。👍🏻👍🏻👍🏻老師傳燒腩仔 $64佢做到燒腩仔必要嘅特質，個皮夠脆身，亦做到一層肥一層瘦嘅燒腩仔效果。🥳👏🏻客家鹽焗雞(半隻) $30而家佢嘅三款雞都做緊特價，屯門嘅街坊如果想加餸，呢個一定係不二之選。$30有半隻雞，啱晒我哋呢啲慳家嘅家庭。鹽焗雞做得好夠鹹香味，唔使再點蔥油，都已經好好送飯。整體來講，依間燒味舖性價比十分高，價錢相宜，但整到燒味肉質要夠林，夠入味，皮夠脆身既效果。另外，佢有自取外賣優惠價$22一個單雙拼飯盒，真係經濟之選。…Read More

當唔想煮飯或者唔知煮咩好嘅時候，斬料就可以解決一切問題🤣今次喺上朋友屋企之前喺附近斬料加餸～見到呢間燒臘舖好多人幫襯，就行埋去睇吓。見到掛喺櫥窗嘅燒味都幾靚，而且價錢仲好平，所以就買咗四款燒味去朋友度。燒味佬叉燒蜜汁味好重，香甜惹味。叉燒肉唔會好多肥膏，肥瘦適中，但肉質唔會乾，仲幾軟幾腍添👍🏼拎到返去仲喺暖暖地🔥仲比足夠嘅汁可以點嚟食同捞飯😂客家鹽焗雞 (半隻) 只係$30，真係幾抵食🤩鹽焗調味夠鹹香，雞肉同皮都幾滑，又唔會好肥。老師傅燒腩仔腩肉唔會過肥，鹹香味好夠。至尊燒鵝(上庄) 肉嫩甘香，又夠入味。皮薄唔肥膩之餘仲啖啖肉😚…Read More

好少食燒味都打食評，但呢間燒味店慶祝新分店開張有優惠，勁勁勁抵，6個大人食飯，斬咗4盒燒味，乜都有，居然$200唔洗 lol，CP值高到驚人！環境平時其實真係唔會嚟新墟呢邊，咁啱嚟搵朋友經過見到優惠，好多人排隊。明爐燒鴨(下庄) $38燒鴨仲要有脾嘅下庄$40唔洗有交易😍肉厚，皮下脂肪少，食落油香幾重，而肉厚而不韌，$38絕對扺食。脆皮燒腩骨 $60燒腩就一向都貴啲，呢到嘅燒腩相對上瘦啲，如果食慣肥美嘅同師傅講軟肥啲，但我自己不嬲唔食肥肉，瘦嘅反而啱我😂。 客家鹽焗雞(半隻) $30呢個必嗌！食完有驚喜，皆因整得好滑，雞肉一啲都唔老唔嚡，仲要半隻雞只係賣$30，美中不足係做得未夠似鹽焗味。 燒味佬叉燒 $50 咁大盒賣$50，又係抵到爛，蜜汁好足夠，半肥瘦不太膩。總括而言，住附近嘅朋友仔有福，難怪大排長龍，仲要有分店！…Read More

不經不覺又到立春， 在古時立春其實已經代表進入新一年年頭當然是要食好啲，於是決定今晚斬料加餸！ 相信屯門牛對BYOB Coffee Roaster這間cafe都不陌生 燒味店就exactly在它對面，相當易找肉的光澤感好吸引嫁呢除了燒味還有其他涼拌小菜、滷味和燒味飯之類一應俱全登燈登凳，太貪心一次過召了燒味四天王回家看來可以食幾餐客家鹽焗雞 $59／隻 買隻冰鮮雞都要這個價錢吧隻雞也不小，一整盒，性價比很高 雞肉沒有騷味， 肉質嫩滑， 點薑蓉送飯很正燒味佬叉燒 $50雖然叉燒瘦肉的部分比較多 但肉汁食落完全不柴 瘦肉而言是頗柔嫩的，蜜汁也很香的 不過如果家中有長輩喜歡食油油的話 最好都是落單時註明要半肥瘦或是全肥老師傅燒腩仔 $64拿到回家外皮還有少脆 脂肪和瘦肉層次分明，沒有肉騷味 本人最愛這個！至尊燒鵝 $110／（上庄） 半價覺得吸引便買來試試 上庄都一大盒，四人食都足夠鵝肉酥香，每塊都是啖啖肉 配上酸梅醬和啤酒，一流…Read More

團年飯除咗食盆菜之外，斬料都係一個好選擇。今日同娘家團年，本來已經訂咗盆菜不過人太多，驚唔夠食，所以又買咗幾盒燒味。呢間燒味店係紅橋，原來仲要新開張。十分難得既係燒鵝係鋪頭燒（我偷睇到個爐），而家好多都係工場大量製作，現場燒真係買少見少。燒鵝係上庄，鵝肉好入味，皮都香脆又唔乾，下次試埋個下庄先。我平時好少食燒腩仔，因為都貴，不過見新開又唔貴就買黎同家人分享下。初初睇以為好肥（我少食見識少），原來白色既唔係肥肉，而係嫩口既豬肉，加埋脆卜卜既脆皮，又唔會好似一般燒肉咁又實又咸，真係幾好食，怪不得燒腩仔比一般燒肉貴啦！不過都貴得有道理。自己都成日整叉燒，不過就好乾。呢間嘅叉燒就好多汁，而且半肥瘦啱啱好。$50半斤都幾抵食，就咁食又得，叉燒炒蛋又得。最抵食喺客家鹹雞。幫你煮埋斬埋都係$59隻，真係平過自己買隻雞嚟整呀！雞都煮得火候剛剛好，肉嫩骨有少少紅又唔會太熟。放工買隻客家鹹雞，煮條菜就可以開飯，真係抵食好食又方便。…Read More

放工後附近見到呢間新開燒味滷師，見到人頭湧湧，一睇發現新開張價錢幾優惠，於是買幾盒外賣燒味返屋企，等父親大人唔洗煮餸煮得咁辛苦﹗顧客可以清楚見到師傅現場斬料，職員會溫馨地提示燒鵝返屋企打開蓋仲熱﹗至尊燒鵝:盒上面開左個細洞，汁醬體貼地分開裝，點了下庄部份。燒鵝皮香口，肉質嫰滑帶油香，最鐘意個汁醬，真係好香濃入味，聽日撈面食都得﹗客家鹽焗雞:$59一隻真係好抵，幾大隻，兩老都讚雞肉鮮嫰，有彈性，厚薄剛好，點上少許蔥油來吃，特別滋味﹗燒味佬叉燒:叉燒半肥瘦，香厚潤澤，厚薄適中，蜜汁香甜，送飯一流﹗老師傅燒腩仔:鹹度剛好，肉質紮實彈牙，點上少許芥未醬，別有風味﹗新開張價格優惠，食物質素不錯，確係斬料加餸好選擇﹗…Read More