Lantern Lomei (Metroplaza)

行開葵芳等朋友，試咗呢間餐廳，好有台灣風味❤️✨小食-甘梅香脆地瓜條/台式香蒜腸味道不過不失，地瓜條唔夠脆，香蒜腸都係平時台灣腸，同埋唔夠熱～✨燈籠黑糖珍珠奶茶奶茶唔算好甜，配飯唔錯，茶底係苿茶，幾有趣😂✨排骨滷肉飯排骨好酥脆，滷肉飯好足料，仲要係半肥瘦既肉，啖啖油脂最啱配飯👍🏻✨雞翅膀滷肉飯雞翼滷得好入味，喜歡滷味既人可以試下Lunch set性價比高，份量好多，仲可以用優惠價配飲品，而且唔洗排隊，座位都舒適❤️…Read More

除日本外，台灣可算是第三故鄉，濶別了三年，好掛住台菜；台式火鍋就唔難揾，街頭小食就極罕見！同事話新都會有間台式滷味，一於尋味葵芳！店面是開放式，格局極像台灣夜市，好感動呀！睇埋菜牌，原來搬咗個滷水檔過嚟，一於食個夠本！先來碗台式滷味，基本上有手指公嘅都有叫，另加雞翼同烏龍麵上桌大大碗，琳瑯滿目，不見麵只見餸；滷水香氣撲鼻，第一時間呷啖滷汁，醇厚芳香、不鹹不膩，應該是浸熟過極多食材，所以充滿肉香，忍不住再呷多兩啖！各樣配料均十分出色，入味得嚟唔過鹹、軟淋得嚟唔會散、也不會靱，雞翼、鴨胗相對易處理嘅，好味唔在講，最愛佢嘅豬大腸，夠淋夠入味，肥瘦適中，超正！仲有勁推介白蘿蔔，見到顏色便知其入味，索哂滷汁、入口即化、清甜得嚟又帶點鹹香，雖則坊間有相同口感嘅蘿蔔，但大多數用清水煮，淋甜得來冇尼味道，呢度嘅係超級好食，不可不試！滷蛋煮得啱啱好，流心富蛋香，加埋滷水汁，絕配！麻辣鴨血粉絲係我嘅至愛，鴨血爽滑入味，粉絲口感就非常爽彈，兩樣都吸收咗麻辣醬汁，香濃小麻辣非常之好味！鹽酥雞脆醬薄薄、炸得又夠透，勁脆口夾好食！內裏雞肉嫩嫩的，𡁻得出有肉汁，越𡁻越好味！黑糖珍珠奶茶，茶香夾滑、珍珠甜夾煙靱、奶味雖濃但又沒搶茶味，配搭得很完美！甜品叫做“燈籠芋見你”一路食，一路覺得自己已置身士林夜市，食到心都甜哂！…Read More

苦等多時，政府終於在近日宣布放寬回港隔離方案，令身邊旅伴個個都蠢蠢欲動，於是今天便和其中一個旅伴相約旅遊大計，而相聚的地點就選在了新都會廣場新開的台灣菜。燈籠滷味位於新都會廣場地下，由葵芳地鐵站走過來不到5分鐘的路程。由於燈籠滷味是起源於台灣師大夜市，所以葵芳店的裝修都仿照夜市格局，務求讓食客從環境上感受台灣風味。餐廳用QR code 自助下單，菜單上有餐廳主打的滷味、不同配料的飯食及各種台灣小吃及飲料。雖然用餐時間只有60分鐘，但餐廳上菜效率非常高，我們下單後6-7分鐘所有餐點已經到齊。台式香蒜腸(⭐⭐⭐⭐⭐)首先登場的是我每次去台灣都會食的台灣香腸，餐廳配上切片生蒜，伴著香腸一起食，是濃濃的台灣風味。招牌燈籠滷味(⭐⭐⭐⭐⭐)滷味點菜方式其實和港式車仔麵一樣，可以自行配搭自己喜歡的配料和麵底。我選了滷水豬大腸、空心菜、金針菇配上米線，而友人則選了滷水牛筋肉、白蘿蔔、大豆皮配上油麵。餐廳以燈籠滷味為名，所以滷水特別好食，豬大腸和牛筋肉滷得非常入味，而且帶有陣陣香氣，果然為必食之選。現場所見大部分食客都選了王子麵，不過我覺得米線煙韌彈牙，也是很好的選擇。人氣蔥抓蛋餅(⭐⭐⭐💢💢)在三款口味中，我們選了餐廳推薦的奶油芋泥配上肉鬆和起司的口味。蛋餅用料十足，奶油芋泥和肉鬆填滿整個蛋。燈籠黑糖珍珠奶茶(⭐⭐⭐⭐💢)黑糖珍珠奶茶杯邊掛滿黑糖，所以整杯奶茶黑糖香氣十足，珍珠煮的很煙韌，完全可以媲美台式飲品店出品。總括而言，這間餐廳的台式餐點出色，上菜速度很快，是緬懷台灣旅遊時光的好地方。~~~~~~~~~~~~~~~~~~~~~~~~~   燈籠滷味  葵芳新都會廣場1樓181號舖推介菜式: 招牌燈籠滷味、台式香蒜腸👍🏻味道正宗👍🏻上菜迅速👍🏻裝修特別…Read More

已經有一段很長的時間沒有去台灣，開始懷念美味的台灣美食，今晚在新都會廣場買完東西，發現這家燈籠滷味，於是就來試試水準。餐廳以台灣古早風作為裝潢主題，十分有風味，平日晚餐亦全院滿座，記得要早點到。餐牌以台式滷味為主打，類似港式車仔麵的點法，其他的食物種類繁多，主食、小吃、甜品都有，亦有不同台式飲品可以選擇。奶油芋泥肉鬆超司蔥抓餅 $56先點了一客芋泥肉鬆超司蔥抓餅作為小食，飽滿的芋泥餡料，口感軟滑綿密，滿載芋頭的香甜，加上鹹香的肉鬆之後，滋味更是豐富，外層的蔥抓餅酥香可口，整體搭配起來十分得宜。自選燈籠滷味 $76選擇了蜂巢牛肚、蹄膀、米血糕及玉米荀配手工烏龍麵，先淺嚐一口湯底，香料味道豐厚濃香，令人食指大動，蜂巢牛肚滷煮入味、蹄膀脂爽肉嫩、米血糕軟糯香口、玉米荀清爽甜口，而手工烏龍麵口感筋道醇厚，煙韌有嚼勁，水準之作。眷村懷舊排骨滷肉飯 $75排骨滷肉飯有一大塊的台式炸排骨，附有半隻滷蛋，排骨外層焦香酥脆而內裡嫩滑，肉質軟嫩不乾澀，味道鹹鮮帶甜，滷肉用上肥瘦相間的腩肉，入口軟綿油潤，脂香味美，而醬汁特別醇厚和味，十分出色。燈籠黑糖珍珠奶茶 $31黑糖珍珠奶茶有別一般茶飲店的出品，真材實料製作，能品嚐到真正的茶香及奶味，而珍珠亦煙韌有咬口。柚子烏龍茶 $24柚子烏龍茶口味微酸微甜，茶香出色，正好可以飯後解膩飲用。…Read More

新都會廣場新開左一間燈籠滷味，餐廳掛上燈籠幾精緻，門外又好多人排隊。燈籠黑糖珍珠奶茶（熱）水，珍珠奶茶唔會太甜，奶茶香濃，珍珠好彈牙。奶油芋泥 肉鬆 起司，芋頭甜甜地好香又滑，又有煎蛋餅和肉鬆包上一起食好香，外層好鬆脆又彈牙。黃金甜不辣拼起司，甜不辣煙煙韌韌又有咬口，起司炸到金黃色外層脆內里軟熟，芝士味香濃。冬粉蜂巢牛肚鴨胗百頁豆腐，蜂巢牛肚滷到好香又夠淋，鴨胗好爽脆，百頁豆腐又彈牙，滷水配料全部好入味配上冬粉吸收湯的精華。米血糕米線牛筋肉，米血糕煙韌有咬口幾香，牛筋肉又切得幾厚又夠淋又入味，米粉又彈牙湯底香濃美味可口。…Read More