Kam Kee Cafe

今朝一早食咗碗粥，搞到成朝鬼咁眼瞓中下中下奶茶香滑無比，我覺得是這一帶唯一家合格嘅奶茶。可惜，這杯沒有底碟，沒有位置放匙羹。我覺得這是一個敗筆。飲完這杯奶茶，整個人精神奕奕，爽呀…Read More

今日試咗金記冰室既下午茶餐，其實佢格里有間餐廳都係茶記，不過見到呢間好老字號既感覺就入咗去食個下午茶餐，但感覺一般。其實佢啲野係幾好食既，不過30幾蚊個茶餐我覺得應該有炸雞脾熱奶茶，不過佢有炸雞翼，都幾好味，不過雞翼真係細得有啲過份，如果個兩隻雞翼係雞中翼會合理啲。同一個餐既另一款雞扒，價錢一樣對比強烈，因為塊雞扒呎吋好正常，30幾蚊好合理，請看圖。奶茶唔係冰室應有既奶茶，唔夠滑，認真觀塘工業區好多茶記既奶茶好過呢間，但唔算好差，不過以冰室嚟講差啲。服務方面都無咩大問題，但員工記性一般，落兩個餐，我本身叫瑞士雞翼熱奶茶佢嚟咗炸雞翼不過我都想食所以無出聲，熱奶茶佢當咗熱檸茶，不過出單後可能佢自己記得就問咗聲就講番係熱奶茶，雞扒佢又問多次係咪雞扒，感覺怪怪地。總括嚟講，野幾好食可以再嚟不過呢個價錢下次我會去格里食炸雞脾。…Read More

亞視雖然弱，但偶有佳作，其中一個幾分鐘嘅資訊節目「當年今日」，顧名思意，就喺想當年嘅同一日，世界發生咗咩大事。今晚同朋友嚟到「金記」食餐便飯，睇見啲「西瓜波」就即刻想起當年今日撻拖鞋踢波嘅情景。晌西環重開嘅金記未有幫襯過，嚟新開嘅灣仔店就貪其就脚方便。一室裝修大賣懷舊風，亦喺唔少人特意去幫襯嘅誘因。我依等中佬，睇見咁多懷舊嘢，自不然回憶起唔少以前細細個嘅片段 。翻開盞鬼嘅「乒乓波拍」餐牌，第一版就見到金記嘅介紹，緣來緣去，晌度唔多寫，自己睇睇！以前啲冰室，都喺賣三、五、七類嘢，邊似依家嘅茶記，十項全能乜都有。所以，金記自詡為冰室，實質如茶記般有過百款食物選擇，由早餐、常餐、小菜套餐、沙律餐、懷舊套餐、馬來咖喱、公仔麵餐、懷舊學生餐、精選焗類、意粉、碟頭飯麵、薯條、三文治、多士、漢堡包、新鮮蒸魚套餐、小食、冷熱飲品，到懷舊特色飲品……等等 ，一應俱全，不愁無嘢啱食！本來試吓佢嘅炸雞髀、沙律，回味吓「銀禧小食店」年代嘅味道。不過，遇著佢有啲冬季新嘢，朋友就話要貪新鮮試新嘢 。廚師冬季精選，有4款小菜選擇（$88-$118），另外仲有一個臘味精選套餐，共5款臘味飯選擇（$55-$78），兩者都包中湯或西湯，跟茶啡，凍飲加$3，轉特飲加$10。小弟就甚鍾意食咖喱，所以，揀咗一客馬來咖喱，包是日例湯或羅宋湯，跟茶啡，凍飲加$3，轉特飲加$10。 西湯：羅宋湯（跟餐） 依家大多數飲到嘅羅宋湯色澤都比較清徹，但晌度飲到嘅就杰身啲，色澤較橙，蕃茄味偏重，似喺較落茄膏多，但酸香度都OK嘅，又有大量蔬菜，辣多少少就更合個人心水。 是日例湯：南瓜煲唐排（跟餐） 老友喺中湯粉絲，所以，揀是日餐湯。個中湯夠老火，足料無欺場喎。 馬來咖喱牛腩農夫一口包 $89 晌餐牌上，有一組叫農夫一口包，另一組叫農夫包，都喺咖喱菜式，好奇問吓店員有咩分別，佢都笑笑口話無分別，真搞嘢 。原個大農夫包裡面有炒飯，有牛腩，面頭有一朕咖喱汁及芝士，烘得賣相好吸引，唔使擔心唔夠咖喱汁，因為仲伴有一小兜任撈任點。最好嘅食法就梗喺先食個麵包頂，非常香脆，沾沾咖喱，咖喱帶有香料味，香濃好食 。而內裡牛腩炆得好腍，入口鬆化，貪得意夾埋啲麵包，再滔多少少咖喱，真喺超正 。 火噴噴鴛鴦雙雞煲 $88 有幾火噴噴，純粹因為煲仔上，夠晒滾熱辣。雙雞就喺雞件同田雞，前者有啲嚡，煮得過火咗 ，後者就好嫩滑，只可惜份量少，內裡仲有啲豬潤添。然而，以豉椒爆，夠晒惹味 。 黑松露臘味炒飯 $78 臘味炒飯向來油香惹味，加埋黑松露相信更添香。炒飯做得唔錯，飯粒爽身，充滿臘味香味，食落又唔太油 ，不過，黑松露味明顯被臘味所掩蓋，唔多突出，只喺隱約咁食到啲松露香，未有預期咁有層次。講明賣懷舊，當然唔少得好多懷舊嘢飲，如滾水雞蛋、杏霜、保衛爾牛肉汁、黑牛、白雪公主……等等，不過，少咗金牛喎（芒果雪糕加玉泉忌廉）！ 熱奶茶（跟餐）雖然咁多懐舊嘢，但嚟到茶記奶茶都喺小弟首選。杯奶茶幾夠茶香，可見茶膽不俗，奶同茶嘅比例亦恰到好處，只喺稍稍欠細滑。 熱菜蜜（跟餐）開始入冬，朋友就揀熱菜蜜潤一潤，好讓喉頭舒服一下。 保衛爾牛肉汁另一位朋友話未見識過咩喺牛肉汁，膽粗粗試番杯。淺嚐一小啖，味道就無牛味啦，反而有少少似飲無咗甘苦味嘅涼茶，咁即喺唔喺涼茶啦？真喺有少少難形容嗰陣味。香港近年多咗依類懷舊冰室，只可惜真正嘅舊冰室買少見少，執一間就少一間。真喺唔知幾多年後，冰室成為當年今日嘅事！補充多句，今餐飯嘅食物質素有好有唔好，介乎笑臉與OK之間，不過，懷舊嘅賣點加番少少分，所以，最終都俾個笑臉佢！…Read More

金記冰室的灣仔分店開業不久，跟蝦子餅去試試看。餐牌是用乒乓球拍做的。點了一客金記1967套餐之招牌鮮豬膶餐($41)，跟餐的熱奶茶很有水準，自家製的奶茶杯設計不錯。鮮豬膶意粉有驚喜，豬膶、意粉和湯底都做得非常好，值得一試。套餐的火腿奄列和牛油方包。還點了一客Q版西多士餐($36)，有金記炸雞翼配西多士，炸雞翼醃得很入味，西多士充滿蛋香。跟西多士餐的紅豆冰，有進步空間。…Read More