My Cup Of Tea (Wing Hing Building)

今天到了灣仔春園街，試試「我杯茶」的熱奶茶。店舖不大，堂食位置不多，一來到鋪頭，已經見到一條人龍，很多遊客在等候到店內堂食。如果外賣的話，店員會指引你，直接到店內收銀處點餐，不用排隊。單點了一杯經典熱奶茶☕️（$22），不少遊客也點凍奶茶🥤和菠蘿包。除了奶茶，也有咖啡、茶走、啡走、鴛鴦、檸檬茶🍋☕️，size 有細和大選擇。熱奶茶真的很出色！茶香味濃，茶味突出，但不苦澀，茶有回甘～ 奶茶入口香滑順口，令人不自覺地想飲多一啖，飲完口腔仍留有茶香味，很讚！發揮到香港地道奶茶的味道。店內也有很多出名的食品，今天未有機會嘗試，下次再來要再試其他食品。…Read More

收工之後仲有少少時間先上堂，就去左灣仔搵食醫肚。因為唔想食得太飽飯氣攻心搞到上堂訓著覺，所以最後揀左哩間都算係出名嘅奶茶舖（其實開左好耐一直都想試但係又冇機會，今日終於試到喇😃）。舖頭細細竟然都幾多野食揀，主要以輕食為主，三文治/沙律之類，亦都有數量限定嘅麵食。經櫃檯姐姐推介叫左嘅黯然銷雲叉蛋包，同埋叫左個冒住夜晚會訓唔著覺都要叫嘅熱奶茶。熱奶茶首先就係夠曬熱（好似講緊廢話，但係我覺得奶茶要熱辣辣，先至有啱啱沖出黎，好‘新鮮’嘅感覺）。奶茶非常之夠茶味，仲可以話係超濃，但係濃得黎係完全唔澀嘅，奶味都OK嘅，中規中矩啦，杯奶茶未至於好滑，但係港式奶茶黎講都係出色嘅👍🏼 由於個人對咖啡因比較敏感，夜晚飲茶/咖啡都係會訓唔到覺，所以對於茶味太濃嘅奶茶係扣左少少分😅，個人係鍾意奶香重啲嘅😛哩個包係超好食！蛋黃流曬出黎已經好正啦，個包係外脆內軟㗎！！麵包層皮又唔會太厚/太乾，叉燒甜甜地，唔會太肥膩，如果唔係趕趕地時間我會想慢慢品嚐多一陣，同埋哩個配搭係完全夠飽，大滿足😋😋😇坐吧檯面壁食野嘅時候見到可以用QR code落單，都幾方便～總括哩講係食得幾開心，坐吧檯自己一個食野都好自在。期間聽到有人外賣鴛鴦，下次幫襯要試埋先得～…Read More

一入到鋪頭 ,就聞到好香既紅茶味,似檸檬茶味,聞耐左又似鴛鴦味,嗯,即係紅茶底好香啦,其實奶茶難沖得好飲,檸茶都係,但去到每間茶餐廳都好想試左熱奶茶試試水溫先講返時,速度非常ok,好快4杯奶茶就到手喇,攞上手既時候係完全feel到滾熱辣既,聽講個杯係特製既,保溫但唔燙手既。(杯身係係較厚既)買完拎左好幾個站先飲,飲既時候已經唔係最熱,最印像深刻既係嗅覺既先享受,真係好香,其他好飲既奶茶都未試過聞落去咁香,網上做左功課話師傅會預先放好糖(一般舊式餐廳都會落埋,但一般都勁甜),佢無比棍,所以我無攪混,第一啖飲落未攪都覺得夠哂味(聽講有得揀糖度,但是日師傅無問我就,就先試原味啦),以前覺得好飲既奶茶,樣樣都夠哂味,糖都唔駛落都ok既係好奶茶,同可可,同豆花原理一樣,但原來仲可以咁香同咁順喉,飲落去咁舒服,唯一唔好既係飲到最後一啖 ,會好甜,都整體甜度對我黎講都略甜左少少,下次會試下揀糖度。其實食物既溫度係一個好好既加分題,成日所謂既"水滾茶靚",野食熱辣辣上咩都好味左d,但有時太熱會碌親人, 慢慢d野食都變噹常溫,大家都習以為常常件事,到突然遇上滾熱既野時,反而變左"特別事"依家最出名既奶茶,係應該係太興 , 翠華 ,灣仔金鳳凍奶茶 ,澳牛等等,澳牛同翠華都偏漏,灣仔金華好多年前飲過,記得係幾正既,幾impress既,一直覺得翠華所有野都好普通以下,但價錢就響天上,佢既奶茶其實都只係叫正常,,,曾經響佐敦一間老餐廳飲過好奶茶,響南京都飲過正既冰鎮,太興未飲過,有些出名既老餐廟如美都,太子金華奶茶都唔多出色,"美都"直頭係差,,,旺角新寶隔離標籤自己鴛鴦王既茶記,奶茶都係唔得既 ,如果以平民界黎講,大家樂既都算係咁啦,按性價比,,,唔差架喇喎唔澀,啱色,質感厚,,仲有呢間教曉大家既,聞落去香同順喉。後記:再去左次試飲鴛鴦,今次揀左少甜,比起坊間鴛鴦一般都偏咖啡味重,佢係入口相對淡d偏奶茶feel,但飲落都滲番咖啡香既。第2次去終於有幸見到茶王,但入面其他師傳都已經相當唔錯丫,熟手,爽手,給個讚。…Read More

究竟佢係咪「我柸茶」呢？店中只有三文治和奶茶、咖啡、鴛鴦、檸茶等茶餐廳基本選擇。坐位不多，數張高櫈和一間小房(當時沒開，不知是否供VIP用？)。主打外賣吧？光顧時間非繁忙，可坐在店中慢慢品嚐。點了沙嗲牛肉三文治和熱奶茶。牛肉份量比想像少，但味道剛好。有時食店用較多的調味來掩飾肉質不夠新鮮。但這店的牛肉吃出新鮮，牛油也香。唯獨方飽未夠香軟。至了這得柸得獎奶茶。打開柸蓋，茶香隨熱蒸氣上升，茶色亮麗。看來很滑。呷一啖。茶夠熱也新鮮。由於偏愛較多奶的茶，因比較滑。一般茶記的出品不是茶太澀，便是奶多到欠茶味而且不夠熱。終於找到「我柸茶」有一點要注意: 茶已落糖(大概一茶匙吧)。若不吃甜的，請落單時聲明“不要糖”。…Read More

每天番工都會經春園街、見到呢間新野好似係涼茶格局，以為同一條街開第三間涼茶添！但之後就見到係賣港式奶茶、咖啡、鴛鴦好似幾吸引就搵左一朝番工前買，試左奶茶佢仲有蛋牛治個啲但好似冇餐奶茶好滑，茶膽都唔錯，成杯野有質感，走左糖但$16一杯 唔會朝朝買…Read More