青雪商店

好鍾意食拉麵嘅我有次經過天后見到間拉麵店門口寫啲嘢好搞笑，於是搵咗閨蜜陪我去試吓😆.我哋各點一個套餐閨蜜叫咗熟成醬油清湯拉麵+醬油漬蠔+信州蘋果梳打我被每週限定吸引咗叫咗蝦x蟹白湯拉麵+醬油鮑魚+津路烏龍茶.拉麵個湯非常濃郁，好有海鮮味啲麵夠彈牙，唔會煮得太淋配料豐富！又煙燻叉燒，又雞肉，仲有兩隻鮮蝦！隻味付蛋煮得熟咗少少，但好夠味。碗麵熱辣辣咁攞出嚟，good！閨蜜個醬油拉麵都好清，好食👍🏼.小食醬油鮑魚味道剛好，少辣。6頭鮮鮑真係好大隻！醬油漬蠔有兩隻雖然點菜時叮囑如果怕海鮮金屬腥味請謹慎落單但閨蜜完全食唔到腥味喎😆.飲品蘋果梳打唔會太甜，而且好夠汽！我支烏龍茶就有助消化脂肪，哈哈.青雪商店其實仲有雞白湯，鹽味同其他每週限定湯底，值得下次再去試埋佢哋😋好彩我哋早去咋！食完發覺出面排哂隊呀！…Read More

Weekend嘅lunch hour行過天后，見到呢間拉麵店門口有人等緊位，唔想執輸嘅我又排埋一份，一於試吓呢間餐廳有咩咁厲害，可以咁有人氣🧐蠔白湯拉麵店家推介我食蠔白湯，果然係超高質👍🏻 湯底用咗三款蠔打碎成蓉，口感濃稠得嚟又唔會好膩，啖啖拉麵都掛晒湯，好滿足😌 拉麵入面亦有北海道豚肩、華味鳥雞腿、博多地雞胸同溏心蛋㗎 。熟成醬油清湯拉麵呢個係Classic嘅味道，湯底用咗日本手工木桶醬油加上鮮雞熬煮，飲落清得嚟唔油膩，味道唔會太重，有少少醬油嘅甜味😗小食我哋仲叫多咗三款小食同追加咗一份每碗麵入面都有嘅雞叉燒，配埋拉麵食更加好送麵🍜♦️醬油鮑魚♦️醬油漬蝦♦️醬油漬蠔♦️日本雞叉燒飲品喺夏天食熱辣辣嘅拉麵，一定要叫返啲凍飲降溫🧊 兩款樽裝嘅梳打飲品入面都有少少果肉㗎 。♦️晴王麝香白葡萄梳打♦️信州蘋果梳打如果大家食完個麵唔夠喉，店家係可以免費添麵嘅，不過大家當然係食得晒先好叫，唔好浪費食物吖嘛🤩 食得出呢間拉麵小店係好用心製作，而湯底嘅口味都好啱我口味，所以幾推介大家去支持吓🤩…Read More