Soul9+

在北角地鐵站B4口出來過馬路往右手邊走有條小巷，再直走一點就能看到家小店。餐廳不大，雖然位置比較緊湊，但室內擺設很花心思，有很多精緻的飾品，如掛在牆上的燈還有餐桌上用小玻璃杯載著揉成一團的小燈，特別有意思。weekday的晚上提前兩三個小時左右預訂的，雖然有點趕但當天晚上食客不多，可能下大雨而且是weekday的關係。臨時買了個生日蛋糕，打電話訂座時和老闆打了聲招呼說會自帶蛋糕先放冰箱，只需另加切餅費就可以了。餐前點了虎蝦沙律，拌沙律的汁有點太酸了些但挺開胃的，還點了海膽玉子燒，趁熱吃的話蛋很嫩，和海膽融合並不會有違和感，蛋挺厚身的。還有點了燒鴨胸南瓜義大利飯，不會膩，鴨胸味道也剛好，不會太鹹，皮也不太肥。由於要留肚子吃蛋糕就沒有點太多。下次可以再來嘗試其他的菜式。…Read More

餐廳在書局街 U 字位拐入的小巷，轉入來有好幾家店，有點上環 POHO 的味道。餐廳內有很多英倫風的飾品，另一邊牆就掛滿黑白街景相，環境氣氛不錯。加 $38 可將主菜升級成套餐，套餐有是日餐湯和沙律。餐湯是南瓜粟米湯，女朋友十分喜歡碟邊的清新點綴，令餐湯生色不少。讓女朋友找上門的就是這個煙燻海膽玉子燒，玻璃罩罩著濃濃白煙，賣相果然很有看頭，哈哈！不止是樣子好看，玉子燒滑嫩，海膽的份量頗多。松葉蟹爪明太子白酒忌廉意粉有兩條長長蟹腳，擺放得別緻，而且蟹肉豐富。意粉充滿明太子，鹹香十足。意大利紅醬水牛芝士薄餅餅邊薄脆，材料簡單好吃。…Read More

今次友人竟然約係北角食飯！唔去過都唔知果到咁多野食SOUL 9+ 位於的那條巷，有 港島小諾士佛臺 之稱！一條小巷隱藏咗多家食肆！ 友人就揀左SOUL 9+，一於TRYTRY!!!SOUL 9+ 係店外已經有枱同椅，方便吸煙的客人如果天氣再凍少少，坐店外都好舒服！當日大家都唔算好肚餓，所以以小食為主沙津加煙三文魚 ($78+$18)份量正常，但喜出望外係煙三文魚極多！同沙津唔成正比！ 食一啖菜就食到一啖煙三文魚！小食一: 香煎雞軟骨餃子即整，餃子好有口感，醬汁配合岩岩好！小食二: 章魚燒淨係見到擺盤都有視覺享受！咬感及飽肚感十足！小食三: 炸鬆脆檸檬雞翼一份4隻，檸檬味唔算突出！只係檸檬絲鋪左係面，不過都食到有淡淡的檸檬味幾FRESH!頭盤 叫左 煙燻海膽玉子燒上台後要等1分鐘先可以打開蓋，等D煙燻出D!玉子好大塊，玉子上面仲有一排海膽！海膽都幾新鮮，玉子甜甜地，好滑，煙燻既味道滲入玉子同海膽到，正！黑松露海膽鵝肝意大利飯海膽，黑松露，鵝肝，3樣都係各人至愛！！！三種味各自再配上意大利飯，滿足不同味覺層次！！這個是必食的！推介！…Read More

今晚舊同事約食飯聚下，佢家住北角，而我又係附近番工，所以選址北角食飯佢係地膽，揀餐廳呢樣野梗係交比佢啦...😆佢話附近有間地點比較隱敝的小店都吾錯，我當然OK啦.....餐廳地點好近北角地鐵站，一出地鐵好快就到了😁餐廳外觀望落都比較西式，雖然舖面吾大，但都整潔企理我地點左....👇🏻👇🏻👇🏻煙燻海膽玉子燒擺盤好靚啊.....蛋口感幾滑，有蛋香，味帶微甜，配上海膽的鮮味....食過先知原來玉子與海膽咁夾咁配.....😋黑松露‧海膽‧鵝肝‧芝士意大利飯😍呢個飯有齊3樣我至鍾意既野...點可以錯過呢...黑松露配意大利飯一向都係好夾....正!鵝肝外面煎微焦及脆....吾錯飯雖然硬左少少...但我幾喜歡.....半生熟帶子鮮茄肩扁意粉擺盤又係幾特別....望落好靚.....帶子好大粒啊...味道鮮甜....口感吾會UN....意粉配上鮮茄醬酸酸甜甜.....好醒胃..呢杯鮮果梳打....同事話味道正常既...我飲呢杯....香香紅棗味.....吾過甜...同事果然無介紹錯，下次可以帶老公來食😂…Read More

今日同男朋友放工撐枱腳～ 原來北角呢度有條巷仔好多野食！😳😳見到呢間環境、氣氛唔錯～而且啲野食又好特別同平時嘅西餐唔同 好似有啲fusion咁！所以就毫不猶豫入去試試喇～😆.我地兩個都係蛋控 本身想嗌嘅黑松露玉子燒賣哂唯有嗌海膽～😣.煙燻海膽玉子燒 ($98)一拎黎店員提醒我地要再焗多一分鍾再打開～個presentation搞到好大陣象咁啊！有個蓋蓋住黎去煙燻～ 同時有得自己打開亦令我地樂在其中！😆玉子做得個質感超嫩滑 裡面一層好似有半熟嘅狀態咁而且啖啖都有煙燻過嘅幽香 好鍾意！我本身其實好怕海膽有陣腥味 但呢個係食到個鮮甜 而且個味道同本身重蛋香嘅玉子燒食落好夾 大愛～～～～.軟殻蟹・橙心蕃薯片・紫薯蓉意大利飯 ($138)軟殼蟹炸得酥脆可口 但略嫌有少許油感燈心蕃薯片感覺似tortilla chips 食過啲都係伴碟嘅 多數都係比啲濕氣搞到淋beibei 呢度真係完全無呢回事！好脆身 不過蕃薯味就唔濃🙈而紫薯意大利飯 好鍾意佢做到al dente嘅質感 保留意大利飯應有嘅質感 而且紫薯味濃～～～🍠.香煎雞軟骨餃子・燒餅醬 ($48)餃子煎得好香啊！餡料除左食到好有咬口嘅雞軟骨仲有好多蔬菜 感覺真係無平時食餃子咁膩🤤而且配日式嘅燒餅汁 係好夾嘅選擇💓.炸鬆脆檸檬雞翼 ($58)上面灑上lemon zest 減去左雞翼面皮嘅油膩感肉就食唔到檸檬味 但味道足夠 唔會太淡而且整體食落感覺會好清新 雞翼煮得剛好 入面無血水而且肉質嫩滑！😊.紅棗水 ($36)蘋果水 ($36)兩款甜度都適中～帶清甜嘅味道！成日同男朋友都會嗌錯伏野 今次出奇地所有都好好食😆總結係唔係今次嗌岩 而真係樣樣都唔錯💓仲要個presentation做得好靚 睇得出真係好有心思 食得到呢餐西餐嘅靈魂❤️🤤推介～～👍🏿👍🏿…Read More

今日和太太往North Point soul 9+食晚餐, 我們點了半生熟帶子鮮茄扁意粉, 白酒欖油焗法國春雞配燒汁薯菜和煙燻海膽玉子燒。半生熟帶子鮮茄扁意粉賣相吸引, 扁意粉爽滑, 鮮茄味香濃, 甜度適中,半生熟帶子食落新鮮鮮甜, 而且有煎香的味道,美味的半生熟帶子鮮茄扁意粉；白酒欖油焗法國春雞配燒汁薯菜法國春雞煎得香脆, 肉質鮮嫩, 春雞有濃香的香料, 配上白酒欖油食落更加惹味,配菜沙律菜食落新鮮爽口, 配上黑醋食更加開胃；最後煙燻海膽玉子燒, 上桌時有濃香海膽味, 職員說要焗1分鐘後才可開蓋進食 煙燻海膽味道鮮甜, 玉子燒味道好有蛋香之餘又有少少甜, 玉子燒配上海膽食落去十分醒胃惹味, 味道美味。餐廳食物美味, 環境舒適, 價錢合理, 值得再來的餐廳…Read More

同朋友去左北角食晚飯，被呢間小店吸引，裝潢以復古作主題，餐廳坐位唔多，咁岩我地黎個時仲有位我地就叫左幾樣野食share食啦！ 炸鬆脆檸檬雞翼 $58 雞翼一共有4隻，size唔算好大，有D檸檬絲鋪左係面，食落都有絲絲檸檬香，味道清新，而且都幾香脆。 煙燻海膽玉子燒 $98 原本應該有部煙燻機營造煙燻既效果，可惜部機壞左，冇得玩，不過擺碟精美。 雞蛋冇流心冇拉絲既效果，但有時食一個簡簡單單既玉子燒已經好幸福。玉子燒味道甜甜地，而且富蛋香。蛋上既海膽都唔錯，一D都唔腥。 香煎雞軟骨餃子 $48 雞軟骨餃子配了燒餅醬，挺開胃，餃子好有口感，是比較抵食既一款小食。 黑松露海膽鵝肝意大利飯 $128 一個意大利飯滿足3個驚喜，有黑松露、鵝肝同海膽，未食就先傳黎黑松露既香氣。 鵝肝脂香四溢，唔會太油，海膽幾甜而且唔腥。 意大利飯恰到好處，creamy帶黎都幾有口感。加配餐湯、沙律 $38 係粒粒既粟米湯，淨睇賣相，都覺得小店好用心～特濃朱古力 $34 朱古力好大杯，好抵食，不過我影得好細杯。 餐牌 整體黎講，食物賣相同味道都唔錯，但份量有D少，兩個女仔黎食既話都還好，但如果2個男仔黎食就可能唔夠飽喇…Read More

行入呢個小巷原來別有洞天！估唔到呢度有間甘有特色既餐廳。雖然舖頭唔係好大，但裝潢別致，小小既廚房可以做到甘多款菜式！七點零黎到已經坐滿人甘濟，入面約有十枱左右，雖然地方唔大，但坐位唔會好逼，坐得舒服。門口位置有張枱可坐，如果唔係夏天，我都會坐出面，靜得黎幾舒服。唯有冬天先啦。前菜我地叫左個煙燻蛋上枱時職員叫我地等一分鐘先開，我地當然聽話啦。一開！一陣煙漂出！煙燻三文魚既味，哈哈玉子好大塊，滑滑既玉子上面有一排海膽！海膽新鮮，清甜濃郁。玉子甜甜地，好滑，煙燻既味道滲晒入玉子同海膽度，第一次食呢種味道，正！夾住食係一大享受！擺得靚靚，帶子如菜名，半熟，外邊煎香，爽口！蕃茄汁甜甜地，又有少少蕃茄蓉，沾滿意粉。唔錯！美國豬鞍扒薯條較粗，好脆口！正！豬鞍煎香，邊脆地。好喜歡個汁，應該係橙汁黎，因為餐牌寫住係，哈哈。個汁甜甜酸酸甘，食落好fresh！同豬扒一齊食又幾夾，會無甘濟。果汁令佢煎時焦焦地，好香口！豬鞍扒，有啲肥肉痴住，肉質好林，juicy！飲品叫左薄荷朱古力同朱古力，價錢唔貴，不過不失。住左港島甘耐都無行入過黎呢度，估唔到今日入黎就有收穫啦！喜歡呢間餐廳，食物好食，價錢合理又有氣氛。喜歡小店！下次大家都可以同soulmate 黎soul+9！…Read More

進入北角的書局街，街邊的食肆都是應有盡有，有燒味店、越南餐廳、糖水鋪等....再行前見到一條長長的樓梯，其後我們發現樓梯旁有一條佈滿不同餐廳的街道，各式的餐廳都設有outside 的座位，安居一角在一條寧靜的街道中，我們都感好奇地走進觀看。其中有一間餐廳叫做 Soul 9+，名字都相當有趣，吸引了我與友人上前看一看易拉架的食物介紹，最後我兩人決定在此食個晚飯。餐廳主打新派西菜及Fusion 菜，而餐廳的裝潢打造滿溢英倫風，局部燈光打造氣氛，一入餐廳會見到一些士兵、鐵罐、車仔模型等的裝飾品，牆身以深藍色為主色調，掛上了摩登的單車時鐘、消防喉、結他的鐵牌、外國地方的黑白照片、復古相機等...舊舊路線讓人有舒服、輕鬆的感覺。餐牌上的食物分類有沙律、頭盤、薄餅、意粉、意大利飯、扒類、小食等，價錢由$48起至$198，不少食物加入了創意的原素，更有日西的fusion 菜式，都讓人有驚喜。頭盤點份煙燻海膽玉子燒($98)，這是店中的招牌菜之一，玉子燒都是日本經典的菜式之一，我都好喜愛那份香甜，口感軟嫩滑口，濃醇蛋香加上甘香的海膽，甜鹹滋味搭配得恰到好處，作為餐前的小食都是不錯。可是今天的煙燻機壞了，欠了煙燻效果，有點美中不足。其後又到主廚特別推介的今天的精選，就是香辣蒜片酒煮新鮮活蜆 ($88)，平時我兩人都好喜愛食蜆，新鮮的蜆肉雖然不是好大粒，但肉質都好飽滿鮮甜，份量都好足，口感煙韌彈牙，當中酒味都尚算濃郁，碟旁有微辣的紅辣椒絲作調味，再加上蒜片可辟走貝殼類的腥味，讓蜆肉帶出較香惹的蒜辣香及酒香，提升蜆肉鮮味，讓人吃得回無窮平時食意大利飯都會有牛肝菌、南瓜、黑松露、紅花等款式，在餐牌上見到有一款紫色的Risotto ，它就是軟殼蟹 . 橙心蕃薯片. 紫薯蓉意大利飯($138)，看來都真是非常吸引，整體的賣相色彩繽紛，頂部堆滿些雜沙律菜，接下來是原隻軟殼蟹 ，呈現金黃色澤，帶出了紫色浪漫的意大利飯的成份原來是紫薯蓉，還有酥脆的橙心蕃薯片伴碟，層次分明，再灑上紅辣椒絲作點綴，增添了視覺的層次感，提升食慾，爽爽的口感的沙律菜都好鮮甜，加入了微微苦瀝的火箭菜，再夾雜酥脆的軟款蟹可以減輕膩感，而紫薯蓉意大飯味道帶出了天然清甜的紫薯香，紫薯味道好清新，又有芝士的黏口，質感creamy，飯粒也做到半生熟狀態，水準都真是不錯，令人一口接一口吃下去，滿足度太高了。友人選擇了燒美國豬鞍扒 . 香橙燒汁. 烤雜菜. 薯條 ($158)，豬鞍扒份量不少，店中的廚師的好細心把豬鞍扒切成小塊，都厚肉富有肉汁，肉質細嫩豐潤，充滿油香而且肉味都非常濃郁，將扒煎香表面再焗，已經把肉汁鎖住，咬落的肉質都好鬆化帶點爽，又有香甜肉汁，配合調味料煮成香橙燒汁一起烤煮，讓豬鞍扒的味道更滋味，伴碟還有時令沙律菜及即炸的薯條，份量相當十足。餐後來一杯榛子咖啡($30)作餐後的飲品，榛子味道帶出了堅果香，甜道剛好，融合於咖啡中做出完美的平衡，咖啡帶出綿滑細膩口感，也猎取了當時的味蕾。估不到瑟縮於街角的Soul 9+的食物水準都是那麼出色，今晚我這兩位女生都覺得非常滿意，而且都捧腹大笑而回，不論店員及廚師的服務都好nice ，大廚都會走出用餐區主動問客人的意見，熱誠及會聽取客人意見，在繁忙的北角鬧市中帶出了一片寧靜悠閒的靜土。…Read More