Royal Ming Garden Restaurant (Closed)

又黎到一年一度既父親節，小妹今年搵左間係荃灣既中式酒樓同屋企人一齊食晚飯。由於適逢父親節，酒樓座無虛席，好在酒樓樓底夠高，所以不是太嘈吵。酒樓裝修高雅坐得都非常舒服。由於父親節既關係，所有菜式都係正價，但價錢不算高，可以接受。如果平日黎食更加抵食。屋企人一坐底就立刻話想食龍蝦伊麵，所以叫了西澳洲龍蝦上湯焗伊麵，上湯比想像中出色，龍蝦肉質鮮味又夠實淨，上湯汁配上伊麵，簡直係絕配。去中式酒樓食飯一定要叫下燒味品嘗一下，我又咁岩想食叉燒，見佢呢個係非一般既叉燒，係用黑豚肉和半肥瘦做的，黎到果然有驚喜，見到佢肥瘦適中，配上蜜汁，肉質非常鬆化非常有驚喜。再黎一個煙燻樟茶鴨，黎到見到以為肉質好乾但一食味道非常特別，佢有淡淡既煙燻味仲真係食到有茶味，連我屋企人都讚非常特別，性價比高。另外，叫左個小炒試下，黑椒蔥爆牛柳粒。牛柳粒非常鬆化，有牛味，食得出無鬆肉粉嘅味。佢用左大蔥和一些白色的配菜，我同屋企人還問酒樓經理呢啲白色的是什麼。原來係叫蓮藕心，食落非常爽，味道酸酸辣辣，應該有醃製過，非常新奇有趣。最後，食左咁多肉都要叫下蔬菜中和一下。羊肚耳蟲草花泡青蔬，雖然係普通既浸菜，但一樣保持水準唔會失望。總結，雖然係父親節，但價錢合理，性價比高。菜式選擇多，酒樓地點方便， 強烈推介大家嚟試吓。…Read More

又到一年一度的父親節。慶祝父親節最好的地方，相信很多人都會選擇酒樓，原因是一家人可以圍埋一齊邊食飯邊傾計。而且，酒樓那種親切熱鬧的感覺，往往就是最適合作慶祝用途。就家人方便，我們就一早預訂了位於荃灣千色匯I期的「御名園」，我們都相信御名園應該是全幢千色匯最好的酒樓。預訂了晚上8點正，去到酒樓時已經見到裡面人頭湧湧，歡呼聲不斷，非常熱鬧。因為父親節的關係，御名園的餐牌都對應地有所調整。除了圍餐之外，其實御名園都可以散叫單點菜式，雖然比起平時貴了一點，但亦是合理價錢，亦可以點一些自己喜歡的菜式，比起其他酒樓更加優勝。💓 1. 精品黑豚叉燒皇御名園以精選黑豚肉為材料，加入獨特的調味料和烹調技巧製成，弄得叉燒鮮嫩多汁，口感豐富，香氣四溢。而且，其入口即溶的感覺，絕非一般酒樓的質素，在食材、烹飪方法都比其他酒家更勝一籌。💓 2. 西澳洲龍蝦：上湯焗伊麵（約一斤四両）如果是四至五人的話，相信這份一斤四両的份量都會足夠。酒樓選用西澳洲龍蝦，食落肉質鮮美，口感滑嫩，而且啖啖肉，不用擔心厚殼而沒有龍蝦肉的問題。另外再混上上湯焗伊麵，伊麵充分吸收了龍蝦的鮮味，麵質亦都保持應有質感，不會變得軟瀨瀨。💓 3. 黑椒蔥爆牛柳粒這道菜令我們學到新知識。首先御名園將牛柳肉切成小塊，搭配豐富的黑椒和蔥段調味，味道鮮嫩多汁，香濃醇厚。然而，酒樓卻另外加上了蓮藕芯去炒，食落爽脆得來，味道又酸酸辣辣，就如竹筍一樣，比起一般大蔥更加吸引。💓 4. 煙燻樟茶鴨很少酒樓有做煙燻樟茶鴨，用上鴨肉搭配樟木茶葉進行煙燻，工序絕不簡單。果然，御名園弄的煙燻味道非常獨特，濃郁而不濁重，而且鴨肉香嫩多汁，口感鮮美，鴨肉在經過煙燻後變得特別好食。💓 5. 羊肚耳蟲草花泡青菜最後點返個菜類作結尾吧。見到有羊肚耳蟲草花泡青菜，感覺應該都是相當清甜補身的。用上羊肚耳蟲草花浸過的蔬菜是非常鮮香，羊肚耳有一種特殊的香氣，蟲草花則帶有一點甘甜，令到整碟青菜都份外香甜。御名園絕對是慶祝傳統節日的好地方，家人亦都食得非常開心滿足。…Read More