homemadecafe

一間油麻地嘅樓上cafe，環境細細，燈光氛圍特別，稱得上係家庭風cafe。我同朋友叫咗個2人餐，上枱嘅有美式炸蟹餅，呢個蟹柳餅一口一個，食落方便，店家炸得佢外皮香脆，內層鬆軟，有少少彈牙唔乾口，點埋佢個泰式甜辣醬，味道嘅層次又再提升一級。另外有個10吋至尊辣肉腸pizza，個餅底唔會太厚亦唔會太乾，算得上比較鬆軟，可能同佢用嘅意大利麵粉有關；加上芝士味濃，蕃茄醬新鮮，辣肉腸份量足，絕對食得過。另外今日叫咗兩杯飲料來試試，分別是朱古力沙漠和綠茶紅豆。朱古力沙漠的朱古力味非常濃郁，而且還加了朱古力碎，視覺效果和口感都超特別的！綠茶紅豆的綠茶味不會太苦，甜度出眾，非常適合喜歡喝甜飲的朋友。最後個意大利飯粒粒分明，松露味唔會太濃，適合清淡口味嘅朋友。…Read More

好耐無出街食lunch，今日lunch去左旺角登打士廣場既部屋咖啡室。部屋咖啡室係一間樓上咖啡室，除左食野同飲野之外，仲有board games俾你玩！呢度一共有5張枱，地方唔算大。一日既往，餐牌有pizza，多款意粉，意大利飯，漢堡包，小食，甜品，同選擇好多既野飲等等。一排無黎，價錢好似略爲加左少少。忌廉煙三文魚意粉 $122 另加一本來想叫自家制手打牛肉漢堡，點知冇貨，於是轉戰意粉。煙三文魚一大一細卷到好似一朵花咁，賣相有心思，食落唔油膩。意粉係幼身spaghetti，整得好有咬口，而香滑忌廉汁適量又好味。仲有少量蘑菇，新鮮菜苗同洋蔥絲增添口感，最後灑上少量香草。唔錯！炸薯條 跟意粉加$25 另加一跟意粉可加$25要指定小食，我地揀左美式炸薯角，不過冇貨，變左炸薯條，薯條係好粗身嘅扭紋薯條，叫左走鹽，味道健康啲。薯條係即炸，好香脆，份量勁多。仲另上一兜茄汁俾你點。跟意粉包熱檸茶或水，可以加$4升級熱飲系列，加$6升級朱古力，咖啡或紅茶系列，加$12升級梳打，加$22升級特飲，或加$30升級花茶。楊枝甘露 跟意粉加$22 另加一之前次次黎都見到呢款飲品冇供應，今日終於有，即試。楊枝甘露係芒果汁，加左紅柚肉喺上面同寒天晶球喺入面，其實仲有粒粒梛果。寒天晶球同粒粒梛果都好爽口，特別係粒粒梛果，令成杯飲品好有口感，芒果汁味道都唔假。煙三文魚雜果沙律 $98 另加一今餐想食得健康d，叫左個沙律。沙律有3款，我地揀左煙三文魚雜果沙律。煙三文魚雜果沙律好大碟，新鮮爽脆沙律菜上面有唔少雜果沙律，再上面鋪左兩大塊煙三文魚。雜果沙律有童年回憶嘅味道嘅蘋果，菠蘿，車厘子同梛果粒，味道正常。椒鹽雞軟骨 $48 另加一另外叫左一款小食。椒鹽雞軟骨好大份，叫左少鹽，鹹度好好多，最好餸沙律菜食。炸到脆卜卜，勁香口。今餐食到好飽，小食份量實在係多！雖然梳化有d舊，但係空間上都坐得幾舒服。仲有公仔陪你食。…Read More

很多時候我們想和朋友相聚，都會想到咖啡室。而旺角登打士廣場就是咖啡室臨立的地方。這一棟大廈分別有大大小小的咖啡室，可謂是選擇多多。今日我和朋友就來到這間部屋咖啡室，見上網評價不錯，就來這裏吃飯聊天。咖啡室環境舒適，椅桌都夠大。我們被安排坐在窗邊，長長的沙發足夠三人坐下。旁邊有不少小黃人公仔，很可愛，另外更有不少小遊戲可以供食客玩下。九時就是last order了。我們八時多來到，所以馬上點食物以免過了時候便點不到了。煙三文魚雜果沙律＄78想不到沙律份量都算多，煙三文魚很香。煙燻效果讓三文魚帶些鹹香。雜果沙律有新鮮蔬菜，菠蘿，椰果，蕃茄等等，樣樣食材都很清甜。我很欣賞椰果，讓沙律增添一些口感。鹽酥雞軟骨＄42雞軟骨香酥，很香口。椒鹽味道很出，而且炸得香脆，味道不錯。雞軟骨有嚼勁，和朋友談天，的確是不錯的小食。意式辣肉腸意粉＄92味道濃郁，番茄醬沾滿每一條意粉，而且意式辣肉腸很惹味。另外更有爽口洋蔥和野菌，材料十足。最重要的是份量都算多，足夠二人分享。水果茶 （主菜加＄20）這個我們點了熱水果茶。想不到水果茶很香甜，而且暖粒粒的，更能讓水果味道更出。材料有新鮮水果，菠蘿水，百香果汁和薄荷葉，所以很清新和清甜。最後二人埋單都只是250多元，但能夠讓我們談天一整個晚上，性價比十分高。…Read More