Cafe Terceira (Closed)

在時代廣場購物後，又要休息一下，飲杯凍飲、食個包。我的下午茶是午餐：南瓜忌廉餐湯，忌廉湯又綿又滑，南瓜蓉又香又甜。松露芝士辣肉腸豬扒包， 香脆麵包、松露、芝士醬與辣肉腸粒是美味組合，不濃味的芝士醬很適合我，還有香脆薯角、沙律，午餐份量分作兩人下午茶是挺好。焦糖葡撻，皮酥、蛋香滑、焦糖美味，甜而不膩的葡撻，百吃不厭。 蜜桃梳打&芒果梳打，味道清新又夠冰凍，消暑佳 品。嘆完下午茶，八五折外賣很吸引，買埋晚餐回家又慳功夫，何樂而不為呢！外賣到！沙梨頭手打墨魚餅，是墨魚膠混合蝦膠手搓而成，外層鬆脆，入口彈牙。椰香葡國雞伴脆豬包，加入椰絲的葡國雞更香濃，濃郁香滑的葡汁無論下飯或伴脆豬包吃都很受歡迎，塗上薄薄的牛油脆豬包更是我的最愛。 橄欖馬介休炒椰菜，馬介休的鹹鮮與椰菜的清甜爽口，是美味的組合，簡直是絶配！…查看更多

好多人weekend都會過大海住返晚，碰下運氣之餘，仲可以怒食葡國菜同澳門地道小食。不過今日就等我帶A姐去銅鑼灣時代廣場食通天小島•澳門菜，嚟一個澳門美食之旅！沙梨頭手打墨魚餅伴葡式辣醬沙梨頭位於澳門半島西北部，嗰度出名雞蛋蔥腸粉同新水上街市，仲有好多掃街小食，其中沙梨頭嘅華軒美食就係出名墨魚餅。呢到嘅手打墨魚餅同樣新鮮炸起，外層香脆，墨魚肉入口彈牙，手打真係唔同啲。配埋特色葡式辣醬，吊起墨魚嘅鮮味，加分！椰香葡國雞伴白飯好記得A姐去親澳門，都要去茶記食葡國雞飯，今日既然食澳門菜，就梗係要叫返個葡國雞飯啦！嗰葡國雞一嚟到，就聞到淡淡的椰香味，葡汁非常厚身濃郁，撈飯一流！雞肉肉質嫩滑，最正係嗰薯仔，吸晒葡汁！如果唔想食白飯，大家可以揀脆豬包，點汁都應該好好味！滋補藥膳雞湯米記得上次去澳門食過藥膳雞湯米線，食完渾身是勁，好養生！嗰湯米一嚟到，當日喺澳門嘅感覺返晒嚟！第一時間飲下個湯，好濃郁嘅藥材味，非常足料呀，米粉吸晒啲味，雞肉仲有醃過，脾位好嫩滑，仲有蟲草花、紅棗、圓肉等！焦糖葡撻話明係澳門美食之旅，一定要食埋葡撻！焦糖葡撻，外皮鬆軟香酥，有淡淡嘅牛油香，正！…查看更多

於銅鑼灣逛街後找晚飯地點, 想嘗新下找到這家澳門菜餐廳。地點相當方便, 位於時代廣場食通天, 地下有專𨋢直達。餐廳主打澳門菜, 其實即是葡國菜, 選擇相當多, 亦有套餐選擇, 今天不太餓, 選擇散叫。點了些小食及一個飯分吃。芝士馬介休球: 先點了一個前菜。芝士馬介休球外脆內軟, 薯蓉軟滑甚香薯味, 中間的芝士帶點流心, 整體咸香, 很好吃。不要錯過旁邊的醬, 白色的香草沙律汁帶點酸甜, 加了一點清新感予薯球, 紅色的像是沙沙,帶點辣味, 刺激得來很開胃。焦糖葡撻: 去澳門必食葡撻, 原想點一個流心奶黃葡撻但賣完了...焦糖葡撻酥皮酥脆, 蛋液也算滑, 甜度適中, 不錯。葡式檸檬白酒煮海蜆: 上桌時香氣四溢! 蜆量很多, 相當鮮味。湯汁帶蜆的鮮味和檸檬清香, 也帶點點白酒香。內裡亦有不少秀珍菇, 洋蔥碎及紅椒碎, 與湯同吃相當岀色, 推薦!小島鵝肝焗鴨飯: 主食選了邪惡的鵝肝焗鴨飯。鵝肝油脂豐富, 煎得表面帶點焦香, 很肥美。鴨飯內有不少鴨絲, 飯粒煮得剛好不會濕, 還帶一點咬口, 調味不會過重, 剛好配襯濃味的鵝肝。整體質素不錯，環境亦算輕鬆舒適。想念葡菜的味道，可以來試試。…查看更多

好閨蜜好耐無見，於是乎約埋大家一齊食晚餐。已提早左一個星期訂咗枱，來到了今日，我們約定於聚會地點在小島。澳門。食葡國菜。它位於熱閙的銅鑼灣時代廣場13樓，入去餐廳充滿葡國風情，而且呈一種浪漫情調添。朋友未到，望著餐牌先。首先來小島一定要食它的出名的葡撻，它叫小島奶黃流心葡撻，未食已聞好好香，可惜上枱時冷氣太大，它變凉了。葡撻皮薄好脆，充滿蛋香味，如果熱辣辣就好。食完它的出色的蛋撻，要食它焦煻葡撻，它面呈焦糖狀，而且它的皮好酥又香，令人一食上隱。餐廳環境充滿浪漫的情調，一排排的吊燈，够別緻。朋友相聚一定叫全枱的好料，和朋友詳談又分享一下工作苦與樂。烤焗盲鰽魚伴檸檬牛油汁煮海蜆，蜆肉鮮甜，而主角焗盲鰽呈有鮮味，又大條的盲鰽魚肉又厚，而且仲保持魚的鮮味，同埋水份，時間控制得好。小島咖喱羊架，有咖哩汁必定要點法包，這是指定的動作呀。而且手羊架仲不會有so味，肉質鮮嫩添。最後四人飯局到了尾聲，大家為了令自己生活好點，都好努力工作，4位女仔之聚會又訴說心中煩事，並祝壽星女生日快樂。所以大家不約而同叫咗一份甜品，它叫小島奶黃流葡撻。待應仲好細心提我們要寫上祝福字句添。呢間餐廳一定會叫多啲朋友一齊黎食呀！…查看更多

每逢過大海都一定會食葡國菜, 因為葡國菜係香港唔常見, 但原來Time Square樓上既食肆, 其中一間係食葡國菜, 招牌更名為澳門菜, 趁港珠澳大橋又未開, 今晚就去嘆返個Dinner。門外既磁磚什有葡國特色, 而餐廳內設部分卡位, 地方企理~【蜜桃梳打】HK$42很夠汽, 係餐廳調製, 但稍嫌蜜桃味唔太突出【焦糖葡撻】HK$14 x2 雖然葡撻不是即叫即焗, 但葡撻既酥皮依然鬆化, 蛋香味濃, 又滑又甜~食葡國菜其中必食既當然係乳豬, Order左兩款配有乳豬既茶式, order後依然好快咁上檯, 似乎亦不是即叫即燒~【小島乳豬脆包配葡式甜辣醬】HK$138脆包上檯不是熱辣辣, 更不是暖暖的, 但脆包面很有堅挺質感, 一咬之下, 包面果然係脆得有聲, 內裡鬆軟, 夾住生菜同蕃茄、少許甜辣醬, 很惹味, 要驚喜既係乳豬很嫩滑juicy, 薄薄乳豬皮同樣很脆, 連有少少肥膏層, 不會過份肥膩。配上大量香脆薯角同少量沙律, 夠哂飽肚!【香脆乳豬野菌牛油焗飯】HK$188同樣有嫩滑既乳豬件, 重點在於個焗飯, 飯粒粒粒分明, 食到加入左香料既味道, 個飯唔會太油, 有微微既濕, 不過就唔太食得出有牛油味, 反而食少少就好快膩, 好易飽....【小島椰香葡國雞配蒜蓉包】HK$138葡汁偏杰, 葡國雞幾嫩, 有大量既薯仔索左個汁, 很入味~ 但個汁冇咩椰奶香, 反而突出左椰絲既香味最後當然就要食甜品: 【英記黑芝麻木糠布甸】HK$45木糠布甸很Creamy, 黑芝麻餅香脆, 木糠布甸中層層既餅碎仲係脆的, 加入少量黑芝麻碎, 整體唔會過甜, 唔錯! …查看更多

澳門與香港雖然一海之隔，但在香港，以澳門特色地道菜式為主打的餐廳實在唔多，除了一兩間以水蟹粥或澳門豬骨火鍋打響名堂的小店之外，印象中只有一間澳門茶餐廳。今日去完時代廣場睇戲，才發現原來開了一間「小島·澳門菜 Cafe Terceira」，反正要開餐就試試味道如何。歐洲菜餐廳的名字當然採用當地語文，Terceira 是葡萄牙文，上網翻查一下字典，並沒有特別字義，只不過是葡萄牙海岸線對出的其中一個小島名字。餐廳主要裝修色調接近 Tiffany Blue，顯得特別優雅。另一方面，為了突顯澳門風味葡萄牙菜的主題，當然運用了葡萄牙非常出名的花紋圖案瓷磚；只可惜這些瓷磚只在靠近餐廳門口的水吧枱出現，地面也只是在靠近餐廳門口位置鋪砌了細細塊階磚 ⋯⋯ 應用範圍唔夠多，無法突顯葡萄牙的裝修風格。餐牌封面亦加插了立體感浮雕花紋圖案，模仿葡萄牙盛產的花紋瓷磚，貫徹餐廳主打菜式。餐牌上的大部份菜式或多或少都運用了葡國風味材料或馳各菜式：馬介休、葡國臘腸、烤乳豬；當然還有不能缺少的澳門地道小吃豬扒包。沙梨頭手打墨魚餅伴葡式甜辣醬（$78）並不算是葡國菜式，應該歸類為澳門本土特色小食，有點類似澳門馳名傳統廣東粥麵店的炸鯪魚球。墨魚餅表面炸得金黃，也參考了澳門美味小食炸鯪魚球的炮製方法，表面沾上了一些炸米粉碎，只是炸米粉碎份量偏少、反而灑上了一些香葉碎，有點不倫不類。墨魚餅爽口彈牙、有墨魚鮮味，如果墨魚膠可以混入一些墨魚肉粒會更加好。香脆乳豬野菌牛油焗飯（$188）分量只有一小鍋，如果唔叫其他菜式，大約只夠一個人享用。飯粒軟身、濕潤，整體質感有點似意大利飯，但飯粒較軟身，亦沒有意大利飯芝士醬汁那麼濃稠；醬汁滲入飯粒，再加上野菌碎，味道非一般的焗飯，幾好味。飯面的乳豬皮脆肉嫰，脆豬皮下又有少少半溶化狀態的油脂，多了幾分油香。雖然與港式廣東燒乳豬口感並不相同，但同樣美味；難怪葡萄牙及西班牙的燒乳豬名氣響亮。每次去澳門，必定搵間小餐廳食個豬扒包，所以今日在香港食澳門葡菜也沒有例外，叫了小島香脆豬扒包（$78），價錢當然比起澳門貴了一截，但豬扒包總算夠大個，而且配搭了薯角，感覺上沒有那麼貴。小女兒不鍾意任何漢堡包醬汁，全走後只餘下一大塊豬扒、番茄及生菜。澳門豬扒包是否好食，重點除了豬扒之外，就是那一個豬仔包 ⋯⋯ 後者甚至可能更加重要。豬扒望落去似半煎炸，不過，印象中傳統澳門豬扒包是香煎；但這塊豬扒卻又缺少了香煎應該有的少少焦燶。雖然沒有期望會選用什麼優質西班牙黑毛豬扒，但味道方面實在非常一般、兼完全唔香口，幸好豬扒並不粗鞋。豬仔包做到基本要求，表面有一層略為硬脆的麵包皮，不過始終唔夠熱辣辣，做唔到澳門大名氣小店豬仔包不停出爐、不停賣出豬扒包的新鮮熱烘烘味道。食澳門葡菜，當然不能缺少葡撻。共有四款口味：奶黃流心、鮮橙檸檬、濃香咖啡及焦糖，揀了傳統的焦糖葡撻（$14）。食葡撻最緊要新鮮熱辣，這點做得到。撻皮有點似港式蛋撻的酥皮，但較為乾身及更加香脆。蛋漿表面有一層薄脆的焦糖，增加甜香；咬下去蛋漿滑溜，較港式蛋撻稀身，但口感更滑，正正是葡撻的特色。整體味道其實相當不錯，既有澳門本土特色小食，亦有澳門口味葡菜，就今日所點的四款菜式來說，似乎後者的質素較好。…查看更多