Perfect Match Cafe (Closed)

要在香港品嚐到高質素的蛋糕確是易如反掌之事，不論是外國還是本地品牌出品都高手如雲。Pefect Match Cafe憑一款焦糖脆脆蛋糕打響名堂，相宜的價格更是其一大吸引之處。店內面積不大，以藍白色作主調，除了自家製蛋糕之外，亦有供應各款飲品及曲奇。焦糖脆脆 ($42)蛋糕奉上前才會灑上焦糖脆脆，令其保持鬆脆而毫不黏牙。蛋糕並非走空氣感較重的鬆軟路線，密度較高呈細緻絲絨狀，故此質感亦相對結實，洋溢陣陣雲尼拿香感覺溫醇討好。中間以焦糖醬及忌廉作夾層，不過忌廉奶香淡薄亦不如想像中輕盈柔滑，反而屬較為膩口之奶油狀。或因觀及他人評價向來極高令期望有所落差，整件蛋糕對我而言驚喜不大，個人始終比較喜歡Mon Cher堂島卷那種輕盈柔軟而富奶香的忌廉，不過自家製蛋糕那份心思和誠意，卻是連鎖店望塵莫及的，而我亦絕對全力支持，或許下次再次到訪品嚐其他款式會找到心頭所好呢。…Read More

經過這間小店無數次，一直想來試一試。今日有朋友約食lunch，想起這間，一找尋openrice竟然零負評？！決定去一探究竟，就試這間！店子小小只有四張枱，一眼望去只能容納十人左右，所以想食的話要早，今天一到lunch立即趕來。價錢非常吸引，看價錢以為是普通的貨色？我也曾經懷疑過，一看到一食過，就知道那是大錯特錯了！(要看餐牌請拉到最尾) 我們兩個各選了一紅一白: 一個香草蕃茄火腿意粉 $58和一個卡邦尼意粉 $55，跟餐還有一杯熱或凍的紅茶。香草蕃茄火腿意粉 $58 一看到這意粉上枱，我呆了呆，怎麼這價錢會有這麼高質賣相的意粉？不是吧！賣相極吸引，完全在我意料之外！看見已經口水直流對吧！擺碟已看出廚師的心思，四周撒了芝士碎好看又好吃！意粉味道剛好，夠味又不會過淡過濃，配上新鮮蕃茄和火腿，忍不住一口接一口一下子吃清光！份量適中，性價比高高高！卡邦尼意粉 $55 這是朋友點的，試了一口已經覺得好吃！難得卡邦尼意粉濃味得來又不會膩，最怕那些一坨坨濃黏到不得了的肥膩忌廉意粉，這個完全不一樣！下次我要試這個。焦糖脆脆 $42 其實我們明明吃飽了，不過openrice上寫的都是蛋糕呀，不能不試吧。看見餐牌上每一個蛋糕都非常吸引，正心大心細再討論選那一個好，旁邊那枱的食客熱情的推介我們選這個，他們說每一個甜品都非常好吃都值得試，但第一次食就先試這款吧！好！我們就先試這個鎮店之寶吧！哈哈賣相佳，味道更佳！吃得出那cream是新鮮的手打忌廉，輕盈柔軟之感在口中慢慢溶化！那一塊塊的金黃色像蜂巢般的脆脆又酥脆又香濃可口，口感冇得頂！吃得停不下口！大家來吃一定要點甜品，不吃走寶。裡面的食客非常之friendly！和店主店員打成一片笑笑鬧鬧，店主還熱情的拿出自家製曲奇餅讓我們試，那燕麥曲奇不得了，愛曲奇的朋友不妨買一包試試。這間小餐廳店子小小但充滿人情味，充滿溫暖！這一餐不但好吃，抵吃，還感受滿滿的人情味，為自己叉滿電！:)餐牌: 蛋糕餐牌外面不顯眼的小店原來裡頭臥虎藏龍！…Read More

超好食既Caramel Crunch😭好味到要喊😭山長水遠去到灣仔就係為左食呢間Cafe小店🤤點知去到蛋糕櫃見唔到焦糖脆脆😦嚇到個心即刻離一離原來佢焗緊🤣好彩等左一陣已經有得食食第一啖已經😭點解可以咁好食😭😭😭（唔好意思誇左少少😂）外層既cream好軟滑中間既蛋糕好鬆軟焦糖脆脆少少焦香甜甜地勁正佢個蛋糕真心好高質😍大推介！😍😍利申：非打手，真係近年食過數一數二既蛋糕😳🤤.…Read More

係灣仔附近做完野，見仲係tea time嘅時間，心血來潮想食下甜品，就黎咗依間cafe。幾別緻，裝潢清新，有2隻枱仔，侍應招呼唔錯。我地一行6個人叫咗5個甜品share。最吸引眼球嘅莫過於火焰雪山($70)，侍應會係客人面前燒著雪山，外層係燒焦嘅蛋白，而內層係仲係凍嘅雲呢拿雪糕，冰火交融，可以話係口感上嘅衝激。蘋果金寶($65)，即叫即焗，上面係粒粒脆脆嘅，下面包住香濃嘅蘋果肉同蘋果汁，裝住雪糕嘅盤原來係用酥皮整嘅~焦糖脆脆($42)，脆脆加上軟滑嘅cream。日式芝士($42)，有濃烈嘅芝士味，好鬆化。熱情芒果($42)，酸酸甜甜。…Read More

早排見過好多人喺社交媒體分享呢間咖啡室嘅照片，終於有機會一試喇，襯住中秋紅日捉埋男朋友黎。小店真係好小，門面簡單，只係貼上幾款甜品照片，隔住玻璃見到凍櫃，陳列不同款式嘅蛋糕，款款吸引，賣相精緻。店內只有不到十個位置，如果有心黎食不妨預留位置，甚至乎預留想食嘅蛋糕，夠誠意了吧。餐牌供應多款蛋糕、甜品，幾款熟食好似意粉、沙律、全日早餐等，仲有咖啡、花草茶。件裝蛋糕定價$35-38；甜品例如蘋果金寶、心太軟等 $40-50 加配飲品只需$15-25，定價相宜。我食過之後亦覺得性價比高，令我短時間內回訪，甚至想一直再訪。焦糖布丁 $40 焦糖布丁加左糖絲裝飾，令人眼前一亮，上枱都不禁我輕嘆：好靚喎。價錢唔貴，但製作不馬虎。面頭嘅焦糖薄薄一層，固之然係脆，甜度適中。布丁蛋香濃郁，仲見到有雲呢拿籽，獨食一個冇難度，兩人分享直頭唔夠喉焦糖脆脆 $35 焦糖脆脆份量大方，喺小小蛋糕襯托下顯得特別澎湃，既香脆，又唔會太甜太硬。外層忌廉輕盈柔滑，薄薄一層，不甜不膩海綿蛋糕濕潤軟熟，裡面都加左焦糖脆脆 ，一路食已經諗緊有冇人即將生日，幾時有機會訂個大版，有分6吋同9吋，價錢都唔貴。冧酒提子芝士餅 $38 配合海洋造型，面頭仲有一粒白朱古力製成嘅珍珠貝殼，造型真係好精緻，對得住呢個價錢有餘裡面係芝士蛋糕，輕盈濕潤，芝味唔濃，質地有多少似慕絲，食第一口冧酒味唔強，反而覺得稍甜。 但切開1/3會見到中心放左提子乾，同會有冧酒流出，就會食到冧酒嘅味道，容易入口，但冧酒迷可能會覺得唔夠。檸檬蛋白撻 $36 忌廉唧到好靚，用白朱朱古力做左個半圓點綴。檸檬剛入口會比較酸，味道清新唔假，忌廉軟滑。撻底可能因為做起一段時間，就唔算太香脆，而且比較薄身。點甜品加配飲品都係十幾蚊，中規中矩。Flat White +$20/熱Green tea Latte +$18/凍Chocolate Milk +$18/凍寫到呢度，我又想再訪了！餐牌：…Read More