紅橋又開咗新甜品店啦，就係呢間852 Homie🤩其實紅橋真係已經有唔少甜品舖，間間都各有特色/自己嘅招牌菜，852 Homie嘅甜品同水準應該都可以令佢喺呢到站得住腳～不過我哋去嗰晚係星期六都得1個樓面一腳踢，所以落單出菜都需要比較多時間，加上新店開張仲做緊9折優惠，出面都幾多人等位/外賣😬如果想食真係要預返多少少時間喇～•🥢 焦糖脆皮香蕉梳乎厘班戟 $70梳乎厘班戟好軟熟，好夠空氣感，唔會過熟，但蛋味唔夠；上面嘅焦糖脆脆好正，旁邊仲有燒咗焦糖面嘅香蕉，不過焦糖面同香蕉有啲分離~幾鍾意佢整體唔太甜，但軟雪糕溶得好快🥶•🥢 Oreo朱古力特色層層疊窩夫杯 $60窩夫唔係好紮實嗰種，新鮮整起所以表面幾脆，牛油味好香，幾好食😋 但叫得窩夫杯，得1/4件窩夫就有啲少😢窩夫下面就有軟雪糕、大量Oreo餅、麻糬、朱古力醬、朱古力威化餅，好多層次，口感豐富😋最底仲有奶凍，口感好滑溜，奶味幾香濃😍•🥢 牛牛樂+珍珠(熱) $32+7牛牛樂係牛奶底加有紅豆、西米、3色芋圓，芋圓口感少許偏淋，但都有咬口，而且有啲芋頭粒粒👍🏻 西米發到幾大粒，又唔會太淋；紅豆帶啲甜味，加埋啲配料一齊食，牛奶就會變得無乜味🙈•🥢 香辣雞翼鎚 $38味道係超市買到嘅包裝雞鎚🤣 勝在熱辣辣，香辣味，幾香口～…Read More
