My Day

~~~淺淺的Tiffany Blue夢幻風格餐廳，十分少女心~~~這裡有寬闊的證婚花園令到夢幻feel配增的宴會廳是成爲婚宴的不錯選擇！！在這裡食下午茶剛剛好有陽光照入黎，同時又嘆住冷氣舒服又寫意，真係可以好好放鬆心情！**期間限定**Sun Shine Sea Beach Afternoon tea set**賣相真的100分ar將整個 tea set 的食物放在湖水藍的水晶玻璃上，用大量木糠脆脆鋪作沙灘，夏日feel出曬來~~用黎影相打卡真的一流ar ^^全set有十多樣美食，款款都非常精致！**自家製迷你海鮮漢堡**千島醬下既原來係炸蝦，好脆，好香蝦既味道**迷你蟹肉蛋撻**鹽食蛋撻的fusion美食^^，配上拉絲芝士一流**煙三文魚Mousse, 水瓜絲 及黑魚子****榛子芒果蛋撻** 牛油味好香~~好精美ar~~** 菠蘿卷**軟軟的cream不會有太膩的感覺。** 藍莓Yogurt Mousse 杯**小小酸中帶甜，十分開胃~**加勒比雞尾酒Mousse**顔色好特別，而且最好的是不會太甜。**焦糖燒菠蘿**整個表面都有焦糖冰塊，好正！**馬卡龍**是我的最愛^^…Read More

夏日，總喺晌寧靜嘅環境下，懶洋洋咁嘅嘆一餐高級下午餐，感覺喺特別悠閒寫意。趁着暑假嘅尾聲，雖然，暑假對我哋嚟講意義唔大，但同老婆拍拖更享受吓，讓呢個暑假有多一點回憶。晌友人推介下，是日就嚟到美麗華廣場一期食四方嘅「May Day」試試其期間限定下午茶。原來餐廳嘅定位喺搞婚宴場地，唔怪之得一入到去，有種英倫古典風嘅感覺，又帶有一室清新感，唔俗氣，而且，地方亦頗為闊落寬敞。再坐落，發現原來仲有一處戶外區，架起晒拱形花欄，有點童話風格，擺到明就喺用作證婚之用，我諗唔少新人都好受落。而今次所品嚐嘅下午茶，主題為「Sun Shine Sea Beach」，共有3款鹹點，配6款甜點，包基本餐飲，兩位用，定價$388 + 10%。加上今日有好好嘅陽光，襯番晒個下午茶。早前晌一家西班牙餐廳所試嘅「渡夏秘境」下午茶，賣相已好吸晴，今回嘅「Sun Shine Sea Beach」下午茶，就更有陽光與沙灘感，尤其以餅碎做成嘅沙灘，加少少道具，再以玻璃板營造海水嘅感覺，真喺好得喎。其實，除咗把大陽遮之外，玻璃板上嘅嘢乜都食得，就連啲裝飾用嘅貝殼，都喺白朱古力做，小弟都貪得意試咗粒，當然，會喺偏甜啦！自家製迷你海鮮漢堡唔知幾時開始，迷你漢堡已經不知不覺成為下午茶嘅常客。以炸蝦餅取代慣常嘅牛肉，簡單配以生菜、蕃茄及自家醬汁，味道方面唔錯，但如果再熱啲，就更有「新鮮」感。迷你蟹肉蛋撻蛋撻一向喺唔少港人至愛，加入蟹肉，諗起都開心啦。撻殼頗脆口，裡面都食得到一絲絲蛋肉，只喺唔熱嘅話，感覺都喺打咗少少折扣。煙三文魚慕絲配水瓜柳及黑魚子老實講，個煙三文魚慕絲配水瓜柳雖然其貌不揚，但真喺做得幾好，清新柔滑，加埋啲鹹鮮嘅黑魚子，味道甚有層次；如果，襯以一片烘多士或法包，立時觀感高檔次一啲。菠蘿卷試完啲鹹點墊墊肚，就輪到一連串甜點，先喺件菠蘿卷蛋。老婆就怕肥，唔鍾意太蛋忌廉，但我就無問題，難得啲忌廉又打得滑溜，配以菠蘿果肉，而啲海綿蛋糕又軟綿，喺唔錯。榛子芒果蛋糕再落嚟喺蛋糕系產品，面層嘅芒果軟糕做得幾好，平滑富芒果清甜味，切開睇到中間喺芒果慕絲，再夾咗一層榛子醬，並以脆脆朱古力蛋糕做餅底，所以，一口咬落去有多重滋味及口感，呢個真喺好食。藍莓乳酪慕絲杯顧名思義，就喺一小杯嘅藍莓乳酪慕絲，但為咗外觀有啲層次感及好睇啲，仲加咗一層啫喱、藍莓粒，以及用咗啲「木糠」做裝飾。慕絲打得幼滑，酸酸甜甜，滿有藍莓清甜味，又滲出乳酪嘅酸爽感覺。加勒比雞尾酒慕絲呢一款「加勒比雞尾酒」實在睇名好難估佢喺乜，不過，天空藍嘅色澤，絕對襯晒知下午茶嘅主題。先試試面層嘅藍色軟糕，不過，唔喺好食得出咩味，而裡面則喺雲呢嗱慕絲夾雜牛乳流心，再混有菠蘿粒，整體嚟講，食味不俗。焦糖燒菠蘿外觀燒得好靚仔喎，表面燒得一身金黃焦香，咬落唔只有焦糖味，亦應該加咗少少牛油；此外，非常多汁，又清甜，燒菠蘿永遠喺唔會點衰嘅甜點嚟。馬卡龍嚟到尾聲，就喺試試估計會喺最甜嘅甜點「馬卡龍」喇，單睇色澤，似喺原味嚟。咬一口，真喺有啲失望，因為主要餅身未能做到外層黏脆，而內層煙韌嘅口感，唔可以話難食，只喺有啲似食緊一塊夾心餅而已。即磨咖啡、熱檸水餐飲方面選擇唔多，都喺大路嘅啡茶、檸茶、檸水之類，不過，小弟杯即磨咖啡，所伴上嘅奶都喺打熱過，算喺有誠意。整體而言，個場嘅環境真喺好舒服，三幾個朋友嚟聚一聚、傾吓偈，感覺喺好唔錯，招呼亦好有禮貌，好細心；然而，食物方面，稱唔上好突出，款式亦比較大路，欠缺一啲啲亮點，要吸引回頭客，要有啲提升至得。…Read More

周末苦短，難得偷得浮生半日閒，但又想涼著冷氣感受夏日的清爽感，上星期六我就來到尖沙咀的My Day品嚐夏日期間限定下午茶。位於尖沙咀美麗華商場6樓，場地以蒂芙尼藍色打造英倫童話般的夢幻風格。華麗宏偉的宴會廳十分適合作為婚宴場地，蒂芙尼藍色配上自然脫俗的粉綠色與象徵永恆、浪漫高雅的米白色，即使不是來舉辦婚宴，在如此歐陸氣派下進餐，猶如被浪漫迷醉氛圍包圍。場內散發典雅氣氛，唯美至極，可於戶外花園婚禮舉辦派對及證婚儀式，夏日期間限定下午茶價錢為$388 兩位，共有9款鹹甜小食，包括6款甜點和3款鹹點。將下午茶打造成蔚藍海灘，造型可愛趣緻，仿如躋身在冰涼的海邊，細味感受午後悠閒的夏日。自家製迷你海鮮漢堡炸蝦餅口感爽彈，不過可惜漢堡包沒有烘熱，質地不夠鬆軟。迷你蟹肉蛋撻一口一個，蛋漿中混合了絲絲蟹肉，帶有鹹鮮味。煙三文魚慕絲配水瓜柳及黑魚子煙三文魚慕絲入口柔滑，沾上鮮香的黑魚子，不過墊底的方包質地就略為粗糙。菠蘿卷以菠蘿果肉融合入口即化的鮮忌廉，可是卷蛋質地有欠綿柔。 榛子芒果蛋糕蛋糕質感綿滑濕潤，夾雜著清新芒果香，舒爽怡神。藍莓乳酪慕絲杯mousse口感細膩，於微酸藍莓中滲進乳香。加勒比雞尾酒慕絲單看着就讓人彷彿感到有絲絲清涼的海風吹過，酒味不濃，甜而不膩。焦糖燒菠蘿採用連皮切件的新鮮菠蘿，果味天然香甜又多汁，只是放涼了，應該不是即叫即燒。餐飲就點了熱檸水和熱檸茶。…Read More

夏日熱辣辣，好想奔向海灘曬太陽，但又怕曬，點算好！貼心的老公就帶我去品嚐桌上的陽光與海灘，好正呀！今次不是去酒店，而是去了婚宴場地My Day食下午茶。它位於市中心尖沙咀的美麗華廣場一期，交通很方便。室內環境走小清新風格，猶如置身於夢幻童話國度；另設戶外法式證婚婚禮場地，仲有小鞦韆，好浪漫！My Day夏日限定下午茶 (HKD388/2位)所有食物都放在湖水藍的玻璃上，並裝飾得猶如一個海灘，十分刺激視覺，令人不得不相機食先！ 自家製迷你海鮮漢堡：外型脹卜卜，外脆內軟，味道豐富。 迷你蟹肉蛋撻：一口蛋撻滿載鮮味蟹肉，可口味美。煙三文魚慕絲 配 水瓜柳 及 黑魚子：黑魚子的香脆，襯托出綿滑的煙三文魚慕絲，很不錯！菠蘿卷：軟綿綿的蛋糕包著酸甜的菠蘿餡，很清新。榛子芒果蛋糕：酸味味的芒果層包著微甜榛子醬，很夾。藍莓乳酪慕絲杯：酸甜的乳酪上加一層藍莓啫喱，口感豐富。 焦糖燒菠蘿：甜絲絲的焦糖封著多汁鮮甜的菠蘿，好好味。馬卡龍：外層鬆化，口感煙靭。橙汁及凍咖啡：下午茶可選咖啡、茶或橙汁，我們選了橙杯及凍咖啡。在清新的環境、有禮的服務員、享受這個桌上的陽光與海灘，整體都不錯。…Read More