Espresso Alchemy (如心廣場一期)

Open Now

Now Closed

咖啡輕食主題既西餐廳越開越多，基本上就算日日去唔同Cafe Hopping 都需要一段非常長既時間先至可以全港走勻晒。但要數荃灣區我喜歡既同類餐廳，一定會包括係如心酒店旁既Espresso Alchemy。.已經數唔到第幾訪，但今次難得坐到個打卡窗景位置，當然要配合下打番張卡。餐廳其實地方唔太大，大約不足十零張枱。但勝在有特高樓層同超大落地玻璃採光一流。環境好舒服，所以次次嚟到基本上都要等一陣。.平日有早午市餐牌而假日黎到就可以食All Day Menu。餐廳主打健康輕食，沙律三文治Panini 款式選擇好多，當然仲會有意粉意大利飯呢類主食，方便一班打工仔過嚟食晏。.牛肉雜菌三文治伴沙律配檸檬醋醬 💲88⭐️4/5同想像中有少少唔同，原本以為係類似沙嗲牛肉餡料既三文治，但呢份既牛肉雜菌餡料就好似係食緊日式牛肉飯一樣，用左肥牛洋蔥同雜菌加醬汁炒香，再放三文治內。因為醬汁好多，所以要用上刀叉先得。三文治烘得香脆好食。中間配咗好大份嘅沙律菜營養均衡非常健康。.烤雞菠蘿漢堡配檸檬乳酪醬 💲123⭐️3.8/5烤雞菠蘿漢堡選料配搭上全部都係我喜歡嘅野。特別一提係烤雞係超大一塊嘅雞扒，面烤得非常香脆。

琴晚開完通宵今朝仲約咗個朋友係荃灣食brunch😅之前已經黎過一次，覺得有塊落地大玻璃光猛舒服👍兩個人點左一份烤🐓🍍🍔配🍋yogurt醬，青醬烤雞panini走芝士，新出既自家製咖啡胡桃蛋糕同埋一杯mocha☕個漢堡超高身😂 成塊雞扒係裡面，皮香脆雞肉嫰滑，搭配juicy既🍍同埋海量既菜同🍅，營養均衡好健康👍伴碟薯仔食落微微既辣，口感香脆，焗得幾出色😋青醬烤雞意大利三文治超足料，麵包香脆薄身，雞肉份量勁多，夾埋爽脆🍎同青醬一齊食，好夾好開胃👏蛋糕好香咖啡味，胡桃有咬口，口感比較實淨濕潤，都幾飽肚😂Mocha叫左大杯，朱古力同咖啡香味幾balance，口感順滑，唔錯👍呢間coffee shop既野食好大份好飽肚，食完呢餐成隔左成五粒鐘先覺餓😂😂抵食呀！

呢間cafe好光猛 又好靜☀️環境好靚 幾舒服💓幾啱溫書📚.烤雞菠蘿漢堡配檸檬乳酪醬🍔 $88個包真係好足料勁厚 入面好大舊雞扒😍最欣賞係佢個包加左牛油蒜蓉黎焗 唔係就咁一塊包 好香好好味🧈菠蘿好甜好多汁🍍個醬係乳酸醬好特別 酸酸地✨但係檸檬溝奶應該會肚痛?🧐成個漢堡食落勁清新 一啲都唔漏✨不過因為佢好多醬 仲要加埋菠蘿同蕃茄🍅底舊包腍晒😖..咖啡白朱古力多士☕️🍫 $45呢個應該係呢間店嘅signature😋我自己覺得咖啡味唔可以話太濃🙈食落似係帶淡淡咖啡味嘅奶醬多🤣同埋佢啲包太薄了~食落冇乜口感😟.自家製藍莓蛋糕🍰 $28蛋糕比個鬆散 一叉落去就碎晒 比較乾身🙈唔係我expect嘅磅蛋糕😳不過幾鐘意佢唔太甜 同埋都幾多藍莓💜係健康版嘅甜品🤫我同朋友都幾鐘意💯.伯爵茶鮮奶朱古力🍵🥛 +$10朱古力味同伯爵茶味balance得幾好🤩不過唔好期望個茶味會好濃🤭係一杯帶淡淡清香伯爵茶味嘅朱古力奶😛btw好鐘意個拉花🥰.Brew coffee ☕️ $0跟餐送嘅~我自己唔太識品嘗咖啡🤫佢話係用咗巴西豆🇧🇷不過都係普普通通嘅齋啡🤣

今日放假想外出走走，揀左少人的荃灣如心廣場的一間咖啡店，之前係尖沙咀都食過呢間小店，菜式美觀又好味，服務貼心有禮，加上咖啡同朱古力飲品都好出色，價錢亦合理，應該話直頭性價比高。荃灣新店唔算好大，但極透光的落地大玻璃非常正，令人感覺悠閒、清爽、乾淨……好岩假日來食個brunch，或者輕鬆嘆啡食tea，好寫意咁度過大半日。午餐有意粉、三文治、沙律等等，而散點美食就有更多選擇，更有前菜、小食、甜品、各款特飲或咖啡。我地點左2個lunch sets 同1個沙律，非常滿足及健怡的美食。煙三文魚沙律配檸檬醋汁 $78煙三文魚份量很足，肥美肉嫩又大片，沙律菜用多款蔬菜種類，也很乾淨同份量多，口感爽脆又新鮮，配微酸的檸檬醋汁，感覺好健怡。哥倫比亞咖啡豆沖泡的單品咖啡午餐會有杯單品咖啡，今日用哥倫比亞的咖啡豆，味道簡單可飲到咖啡豆原味，仲有卡紙介紹來自不同地方的咖啡豆，呢款會有橙、蔗糖、焦糖、橙花，我就唔係好識品嚐咖啡，但我覺得幾好飲，唔會好甘苦，不用糖奶反而更飲到咖啡豆的味，會帶點酸味。烤雞菠蘿漢堡配檸檬乳酪醬 $88烤雞醃得入味，雞肉厚身但都烤得很好，仲保持肉嫩多汁，仲有彈性，而且個雞皮脆卜卜，的確