NAM VIET NAM CAFÉ

又到咗Happy Friday，即係打卡日🤣今日同朋友去咗旺角NAM VIỆT NAM CAFÉ 南越fusion菜主題餐廳，位放彌敦道726號1樓，鄰近地鐵站交通十分方便，𨋢門一開就見到餐廳名稱的燈箱，和接待處的啤啤熊公仔，非常搶眼。到達時未到2點，餐廳仍然非常熱鬧，人氣十足。是日菜單如下：-南越蟹肉醬配脆球餅$68，和上星期食的印度脆球餅一模一樣，只是餡料不同，這裡的餡料是蟹肉、紅蘿蔔絲和青瓜片，蟹肉味道幾突出。惹火上身鹹檸豬頸肉$70，真係估佢唔到食越南菜都有火焰打卡場面🤭，濃濃嘅香烤味道，肉質好嫩滑。脆米紙薄餅$58，喺網上見到時已經覺得好靚，原來實物比相片效果更靚，口感豐富唔油膩，醬汁超惹味。烤蔞葉雞配青蘋果條$90，份量唔少喎，有半隻雞，皮脆肉嫩 非常滑溜，青蘋果條都唔錯，清新爽甜。南越蛋朱古力$38，食過焦糖蛋，亦飲過朱古力無數次，都未試過過這樣的配搭，有點小驚喜☺️班蘭奶蓋咖啡$45，粉綠嘅班蘭奶蓋，為苦澀嘅齋啡加上了色彩，還加了一點甜💕苗族椰汁淡咖哩湯米線（扎肉配炸蝦卷）$ 76，湯底味道濃郁 好正，少少辣，有淡淡椰香和咖哩味，扎肉 炸蝦卷充滿濃湯味道，推薦！…Read More

誤打誤撞同朋友仔去咗一間旺角彌敦道726號1樓嘅越南餐廳，一入到去好鍾意呢度浪漫嘅裝修同埋氣氛，再播緊一啲聽唔明但曲調好柔和舒服既越南歌曲，就連廁所都好有特色🤣。#火龍芒芒蝦仁配脆蝦片 $58有水果又蝦仁既開胃菜，尤其是洋蔥味出眾好清新既感覺。#越式惹味粟米條 $48一口食到每啖粟米，配既汁酸酸甜甜都好開胃！#脆米紙薄餅 $58第一次試到呢種用炸脆左既米紙做底，面頭鋪上大量青瓜絲、紅蘿白絲、醬汁同埋肉乾，每粒肉乾有種難以形容又好味既味道，好特別越南肉乾。#惹火上身鹹檸豬頸肉 $70一款表演既菜式，食之前會用火燒著一張紙輕輕係豬頸肉上再火燒一燒，令到每塊豬頸肉都有種燒燻既味道，非常唔錯。#烤蔞葉雞配青蘋果條 (半隻) $90外皮香脆亦好多配料調味既烤雞，最重點秘製醬汁昇華雞既香味，旁邊放上青蘋果條，同時食可以解雞油膩感，再一種清新感覺。#NVN南越式法麵包 $78越式法包包著肉條、青瓜、紅蘿白條等，大份、清新、有特色！最後再叫左2杯飲品，#香茅青蘋果茶 $25 同埋 #參參愛梨 $30，兩杯野飲口味唔太重，隱約都會飲到青茅味同埋人參味，尤其是人參雖然唔太重口味但飲完回韻好耐，唔錯！#南越南咖啡廳NAM VIỆT NAM CAFÉ📍旺角彌敦道726號1樓…Read More

今日同朋友係旺角行街買衫💖行到肚餓就去左726到食嘢呢棟樓全部都會好野食😋呢間都唔例外呀-🥭🦐火龍芒芒蝦仁配脆蝦片(3件） $58好特別嘅米餅🍘食落火龍果同芒果味好突出蝦餅超脆😋好開胃-🦐🌯扎肉心內美米紙卷（2條) $58呢個紙米卷真係睇得又食得呀😍點埋花生醬食就perfect 😚-🐥🍏烤蔞葉雞配青蘋果條 半隻 $88半隻雞份量好多 燒得好香🍗青蘋果夠晒refreshing🫶🏻呢個dish好適合聖誕節食呀🎄🧑‍🎄-🔥🐷惹火上身鹹檸豬頸肉 $68呢個豬頸肉上嗰陣會著火架😍😍睇完表演之後就有又香又正嘅豬頸肉食仲有夠又甜又fresh嘅菠蘿添🍍-☕️🍗NVN 咖啡骨 $78呢個係咖啡版嘅肉骨茶🤩入面超多肉勁足料仲有棉花糖🍭淋咖啡嘅時候就會慢慢溶😋-♥️🍜［嫲嫲南越湯］招牌金邊粉 $88呢個招牌金邊粉入面有超多唔同嘅餸一次滿足晒你所有願望 啱晒選擇困難嘅朋友🤣-🌱斑蘭龍眼茶(冷) $23🍏香茅青蘋果茶(冷) $23呢度啲飲品係樽裝嘅 有個好靚嘅玻璃樽另外有個冰底 可以倒出黎飲🫶🏻好抵呀…Read More

Nam Viet Nam之前已經食過兩次，easter四日紅日其中一日出左旺角消費，消費之前就先黎哩度醫肚先。今次黎最大唔同係佢地嘅menu由紙本變左做QR code落單，每樣野食都有相睇同有寫埋有咩材料，睇得更清楚。南越蛋咖啡($35) - 蛋咖啡好香，除左咖啡甘苦味，仲多左蛋香，幾特別又好飲。Deep Sea Fantasy($68) - 哩杯係一杯以Gin酒做底，再配埋石榴同海葡萄嘅cocktail，上枱時侍應會喺上面加泡泡，成個水晶球咁幾我意。Cocktail飲落酒味好輕，飲落甜甜地非常易入口。脆米紙薄餅($54) - 脆米紙好薄好脆，上面放滿左好多臘腸、青瓜絲同蘿蔔絲，臘腸鹹鹹香香，加埋微酸嘅千島醬，非常開胃。Shake Shake雞軟骨($52) - 雞軟骨上枱時放喺紙袋入面，辣椒粉係另上，可以按個人喜好加埋落紙袋搖勻再出黎，最後先加埋青檸汁。雞軟骨卜卜脆好有咬口，食落都幾辣，辣度大約係中辣程度，如果唔食得辣可以落少啲辣粉。招牌金邊粉($88) - 金邊粉口感微彈，唔會痴埋一舊，湯頭非常濃甜，上面仲有牛肉片、牛面珠、牛筋、牛尾、牛肉丸同油炸鬼，非常足料。烤蔞葉雞配青蘋果條($88) - 雞皮燒到脆脆地，雞肉醃得好入味，就算唔蘸另附嘅醬汁都好食，雞肉亦唔會太乾太鞋，青蘋果條好爽口，酸酸地好清新。總結，水準仲keep倒，每次黎食都冇令人失望。…Read More

越南野就食得多啦~新派越南菜都真係第一次食☺️環境仲超有feel 超級推薦大家去😏———————————————————🍴嫲嫲南越湯招牌金邊粉($88)中意牛🐮既朋友真的不能錯過😍因為入面全部都同牛有關🤣湯底超重牛味但又唔會好膩👍🏼加埋啲青檸落去仲帶點清爽添入面全部餸都係牛 有牛肉片 牛面珠 牛筋 牛尾同牛丸真係超級豐富🤓而金邊粉係偏幼身個啲 又唔會話煮到淋晒 幾好~———————————————————-🍴南越蟹肉醬配脆球餅($68)呢個又係估唔到幾好食👍🏼蟹肉醬幾fresh 唔會好膩唔好睇佢細細碟 但都夠實滿咁多個波波不過可能價錢上 比起主菜就貴少少但都值得一試既~———————————————————🍴Shake Shake雞軟骨($52)有名你叫shake shake雞軟骨梗係有得自己shake啦 上碟個陣會連埋個紙袋你可以自己加辣粉嚟shake食落都幾惹味 因為連埋啲香料一齊shake幾推薦大家嗌呢個☺️———————————————————🍴烤蔞葉雞配青蘋果條(半隻$88)呢個都係招牌菜之一食落有啲香茅味 個皮都幾脆😏雞又唔會好柴👍🏼青蘋果條超fresh 覺得太油既話食一條既話 好唔錯酸酸甜甜 夠晒醒胃！———————————————————🍴南越蛋咖啡($35)大推呢款飲品‼️‼️‼️飲落有啲似cream brûlée 但飲到尾又會有陣咖啡味☕️味道甜甜地 怕咖啡苦味既朋友完全唔洗怕啊😉…Read More

南越南之前已經黎過，佢係一間新派越南Fusion菜，啲野食好食得黎，環境好光猛坐得亦舒服，感覺都幾relax，所以趁清假就帶媽媽黎試下。因為中午12點就黎到，起初都未有客人，之後lunch繁忙時間都開始越黎越多人。南越南除左散叫，逄一至五三點前都有lunch set供應，lunch set包左一款主食同一杯冬瓜茶，價錢當然比散叫平少少，亦可以加錢加配其他小食或者轉其他野飲。但因為set冇散叫咁多款，我地叫左一個lunch set另外再散叫其他野。南越蛋咖啡(跟餐加$25) - 蛋咖啡就係將蛋、砂糖同煉奶打到起泡再加落咖啡上面，所以飲落去有啲似平時嘅Cappuccino，但就會多左陣蛋香味，喺香港唔算太多越南餐廳有得飲，但南越就有。蛋咖啡只有熱，係冇凍嘅，蛋香以外，咖啡味香而不苦，未試過嘅朋友可值得試下。凍柑桔檸檬綠茶($23) - 柑桔檸檬綠茶係原樽雪凍，所以唔會越飲越淡，唔會太甜，比較健康。五香豬腩伴鍋巴($60) - 豬腩肉肥瘦適中，醃得都入味，不過鍋巴脆口得黎有少少偏硬，影響左口感。南越蟹肉醬配脆球餅($68) - 哩碟小食上次都有叫，幾好食所以encore。蟹肉醬入面加左蟹籽，所以食落有少少卜卜脆口感，份量都夠多，畢滿晒脆球餅都仲有淨，脆球餅好薄好脆。烤蔞葉雞配青蘋果條($88/半隻) - 半隻烤雞大約有七八件，份量都唔少，烤雞醃得幾入味，唔會得雞皮有味，雞肉冇味，雞肉亦唔會太鞋，上面仲加左啲炸紫蘇葉，另外如果覺得唔夠味，都仲可以蘸埋碟邊嘅醬汁一齊食。青蘋果酸酸甜甜好開胃，比醃蘿蔔多左啲清甜味，更討喜。招牌金邊粉($88) - 我哩個金邊粉係lunch set黎，雖然同散叫一樣價錢，但因為我加配蛋咖啡，兩樣加埋都有平少少。金邊粉麵量都唔少，金邊粉唔會太腍仲有少少彈，裡面有牛肉片、牛面肉、牛筋、牛尾、牛丸同油炸鬼，牛骨湯底味道超濃甜，好好味。總結，兩次黎南越南食左唔同野，兩次都好食，我特別鍾意佢嘅金邊粉同蛋咖啡，金邊粉牛骨湯好濃甜，蛋咖啡好香蛋味同咖啡味，如果下次再黎都要試埋佢地個法包先得。…Read More

走進這間餐廳，感覺好舒服，選了近窗口的位置坐低。原來呢間不單只係越南餐廳，而係南越南餐廳，餐單上嘅食物都好特別，我同朋友沒有叫到平時食開嘅米紙卷、金邊粉、撈檬粉。。。反而叫咗幾個平時喺越南餐廳見唔到嘅越南新派食物及飲品。脆米紙薄餅 $48這個前菜好清新，好開胃，餅底係用米紙餅來炸到香脆鬆化，配料有越南香腸、紅蘿蔔絲、青瓜絲、千島醬。千島醬酸酸地，好醒胃。NVN 高樓米塔 $48呢個小食好特別，疊高炸脆咗嘅米粉，然後自己淋上秘製醬汁，酸酸甜甜好好味，食落不油膩，感覺唔熱氣。Shake Shake 雞軟骨 $42這個上菜方式又係有得玩，首先將調味粉、辣椒片、青檸汁倒入袋子裏，袋子裏面已經有青檸葉、香茅、以及主角雞軟骨，然後自己 shake shake shake，加了青檸汁、香茅一齊食，味道好清新，唔油膩。烤蔞葉雞配青蘋果條$78侍應說這個是用蔞葉來烤煮雞，味道有些似南乳味，配上青蘋果沙律，完全平衡返炸雞嘅油膩。南越蛋啤酒$38呢個飲品又有得玩，創意十足，杯裏面放了雞蛋泡泡，然後自己把啤酒倒落個杯裏，口感有些似啤酒味嘅milkshake，完全沒有雞蛋嘅「腥」味。這個飲品完全平衡各款油炸小食，一流！荔枝雲朵咖啡$32這個餐飲外表好靚，底層似荔枝梳打，中間係咖啡，上面配上花瓣。沒想到荔枝同咖啡係咁夾，好好飲。全部食物都好特別，創意十足，又有得玩，Menu 上仲有好多特色食物，下次一定要再來品嚐。…Read More

𝙨𝙚𝙘𝙤𝙣𝙙 𝙫𝙞𝙨𝙞𝙩, 𝙨𝙚𝙘𝙤𝙣𝙙 𝙩𝙞𝙢𝙚 𝙞𝙢𝙥𝙧𝙚𝙨𝙨𝙚𝙙🤩 𝙢𝙮 𝙧𝙚𝙘𝙚𝙣𝙩 𝙛𝙖𝙫𝙤𝙧𝙞𝙩𝙚 𝙧𝙚𝙨𝙩𝙖𝙪𝙧𝙖𝙣𝙩 𝙜𝙤𝙚𝙨 𝙩𝙤 @nvnhkg 🙌🏽 𝙩𝙝𝙚𝙨𝙚 𝙖𝙧𝙚 𝙩𝙝𝙚 𝙢𝙪𝙨𝙩-𝙝𝙖𝙫𝙚 𝙙𝙞𝙨𝙝𝙚𝙨: 𝙘𝙧𝙞𝙨𝙥𝙮 𝙧𝙞𝙘𝙚 𝙥𝙖𝙥𝙚𝙧, 𝙨𝙥𝙞𝙘𝙮 𝙗𝙧𝙖𝙞𝙨𝙚𝙙 𝙥𝙤𝙧𝙠 𝙗𝙚𝙡𝙡𝙮 𝙬𝙞𝙩𝙝 𝙘𝙧𝙞𝙨𝙥𝙮 𝙧𝙞𝙘𝙚, 𝙨𝙤𝙪𝙩𝙝𝙚𝙧𝙣 𝙫𝙞𝙚𝙩𝙣𝙖𝙢𝙚𝙨𝙚 𝙨𝙩𝙮𝙡𝙚 𝙘𝙧𝙖𝙗 𝙙𝙞𝙥 𝙖𝙣𝙙 𝙚𝙜𝙜 𝙘𝙤𝙛𝙛𝙚𝙚😋.係啦我又返黎食呢間越南菜啦🤩 今次叫左幾樣上次食過好食既再試左啲新野，法包配肉湯幾有驚喜，肉湯落足重料去煲，重鴨味而且好濃稠，點法包食又有另一種風味！撈麵底用上金邊粉煙韌有咬口，味道都係酸酸辣辣加埋啲花生粉甜甜地咁，不過不失～ 米塔其實係脆米粉，另上青檸香茅葉既醬汁比你自己倒落去，撈埋越南香腸食幾香口😋 推介👉🏽 脆米紙薄餅、五香豬腩伴鍋巴、南越蟹肉醬配脆餅球、烤蔞葉雞配青蘋果條、南越蛋咖啡…Read More

𝙣𝙤𝙩 𝙮𝙤𝙪𝙧 𝙖𝙫𝙚𝙧𝙖𝙜𝙚 𝙫𝙞𝙚𝙩𝙣𝙖𝙢𝙚𝙨𝙚 𝙛𝙤𝙤𝙙!!! 𝙨𝙪𝙥𝙚𝙧 𝙛𝙧𝙞𝙚𝙣𝙙𝙡𝙮 𝙥𝙧𝙞𝙘𝙚 𝙬𝙞𝙩𝙝 𝙛𝙖𝙣𝙩𝙖𝙨𝙩𝙞𝙘 𝙦𝙪𝙖𝙡𝙞𝙩𝙮 𝙤𝙛 𝙛𝙤𝙤𝙙! 𝙘𝙖𝙣'𝙩 𝙬𝙖𝙞𝙩 𝙩𝙤 𝙗𝙚 𝙗𝙖𝙘𝙠 𝙛𝙤𝙧 𝙢𝙤𝙧𝙚😚.最近啲運真係幾好，又比我發現一間超高質越南餐廳，人均唔洗$200又可以樣樣試啲，命中率仲要超高樣樣野都好好食🥺 頭盤食左蟹肉醬配脆餅球，肉醬味道清新，配埋脆餅球又多重口感，好食！金邊粉湯底濃郁，反而係佢條油炸鬼勁鬆脆索晒湯汁，一碗得一條真係唔夠喉；脆米紙薄餅望落普通，但包埋鋪喺面頭啲蔥粒、蝦米乾、炸蒜、越南臘腸一齊食，臘腸甜甜地加埋青瓜同蘿蔔絲，咸咸甜甜幾清新，必試！😍 成餐最正既豬腩鍋巴真係冇令人失望，豬腩炆到肉質勁鬆軟又入味，鍋巴夠脆，加埋面頭既蛋黃醬同辣椒絲超級夾！食到豬腩肉香同鍋巴既米香，果種豐富味道同口感一入口爆哂出黎，一人食一碟都得！！🤤炸雞配青蘋果條其實都好好食，只不過相比起其他冇咁出色😂 另外蛋咖啡好驚喜，一層厚厚既奶蓋係面，蛋味香甜，再配埋綠豆糕，好滿足🤤🧡…Read More

前排同一個成幾年冇見嘅朋友見面🙈咁循例就梗係問吓佢鍾意食乜嘢，呢個朋友比較特別，原來係鍾意食越南菜😆俾我搵到一間喺旺角新開冇耐嘅越南餐廳，啲菜式十分有特色，有別於一般嘅越南菜。由餐牌可見，好多菜式都好有特色，一般嘅越南餐廳都冇㗎😊越式米紙卷相信好多人都食過，呢度就用創意變咗脆米紙薄餅😁材料同一般嘅米紙卷都好似🤣有蛋黃醬、蘿蔔、青瓜、米粉等等，系多咗香腸粒。每一塊都好脆，多蔬菜所以食落都幾fresh，同埋酸酸哋幾開胃。參考某間連鎖快餐店，近年都有啲菜式系shake shake，真系第一次食雞軟骨😹好盞鬼。裡面有辣椒粉、辣椒、香茅葉，幾樣調味料都系偏向濃味，同雞軟骨shake勻之後都有啲辣🙊雞軟骨脆脆哋好食啊。睇個樣就打卡居多🤣側邊嘅醬汁系由青檸同埋香茅葉製成，味道酸酸甜甜，米塔都幾似平時喺酒樓會食到嗰啲脆米粉。燒雞向來系好多國家嘅菜式，只系整法吾同，越南菜原來都有燒雞😊仲要系配青蘋果條，好新鮮嘅組合。燒雞嘅燒烤味都幾明顯，雞肉好滑，juicy就ok啦，略嫌都少乾🙊醬汁類似咖央醬，甜甜哋，feel到啲椰漿味。呢個招牌金邊粉有嘅材料真系不得了，有牛肉片、牛面珠、牛筋、牛腱、牛肉丸、油條，牛全部都系牛🐮牛肉片系肥牛，好滑，入口即溶😍牛筋就爽口啲，好似啫喱咁。牛腱口感相對結實，都好入味。牛肉丸都爽口彈牙。呢杯打卡真系一流😁雲朵部分系泡沫，泡沫系玫瑰味🌹底部系荔枝醬同埋expresso 感覺好奇妙😹檸檬加薑呢個組合又系好特別，檸檬味強烈好多，薑味吾算好feel到🙈整體黎講有啲似檸蜜，都好飲嘅。…Read More