我其中一位最好嘅朋友就嚟要出國進修，呢晚就同佢餞行，我專登揀咗一間🥦素菜館同佢食，因為佢近年開始茹素。我上網搵完一輪，揀咗位於銅鑼灣登龍街嘅「素.喜.館 」。由於訂咗位，店員秒速安排我哋入座。餐廳主要由一位男店員負責樓面，佢超好人同超有禮貌😊，大大提升整個用餐體驗。餐廳嘅餐牌好簡單，就係得一個每位$275(免加一服務費)嘅晚市套餐🍽，全部項目已經Set好哂，由前菜到甜品都有，好豐盛。咁嘅設定好似食日式料理廚師發辦👨🏼🍳，但呢度係素菜版。先嚟前菜小食四款嘅第一款：酸辣四季豆。佢真係好適合作為全餐第一樣放入口嘅菜式🈴。因為酸辣味好出，好開胃，但又唔會難接受。之後就一次過上埋另外三款3️⃣前菜小食。桂花蜜漬小蕃茄🍅，兩粒去皮蕃茄仔好甜啊，好好食，完全唔酸，不過桂花香就唔算太突出。蛋黃醬拌橄欖脆餅🥨，四款小食之中佢最好食，兼最養眼。脆餅上面有蛋黃醬沙律蛋連青瓜粒，再上面就應該係南瓜蓉加橄欖。成個組合無論味道定層次口感都好豐富！焗釀燕麥鮮冬菇🍄，冬菇焗到微微燶邊好正，釀燕麥就呈金黃色，造型同煎釀魚肉三寶好似，個人認為仲好食啲添，因為無咗魚肉嘅腥味。烤焗紅菜頭柚子沙律🥗，沙律個擺盤幾靚，有啲似藝術品。沙律落咗柚子，味道變得清新，亦都中和咗黑醋嘅酸。不過紅菜頭應該唔係菜名所述嘅經烤焗，食落同一般嘅無分別，但並唔影響沙律嘅味道。鮮淮山甘荀湯🥕，湯品正正常常，可能淮山唔係落得太多，所以食唔出佢嘅蹤影，亦未覺滑潺潺嘅感覺。不過都可能因為佢仿效淮山麵嘅造法，有其成份同精華，但就並非保留佢嘅味道同形態。湯嘅顏色同味道令我聯想起南瓜湯，但細心品嚐會分到係甘荀，因為無南瓜咁多渣同甜。跟湯嘅餐包幾有誠意，大塊麵包好鬆軟🍞，餅乾條就好脆。黑松露芝士炸薯球🥔，炸薯球炸得香脆，無吉列皮咁硬同咁乾身，兼且唔油膩，齋講外層已經無得輸。點知驚喜陸續有來，咬開之後發現薯球入面有好香嘅黑松露同拉絲濃郁芝士🧀，同薯仔層好夾，好美味。綠色全蔬腰果仁耳朵粉🍝，終於等到主菜登場喇，份量不多不少剛剛好，因為前面都已經食咗唔少嘢，但唔食番啲澱粉質又好似爭緊啲😝。耳朵粉口感煙韌，有Q彈嘅感覺，而且每粒粉均沾滿菠菜蓉，好健康。不過我自己就唔太鍾意加咗堅果🌰，因為同Pasta口感唔夾，無啦啦有啲硬物，但同時我又明白唔落Nuts會好寡，加上唔知可以落乜。以上純粹個人意見啦。伯爵茶朱古力奶凍🍮，呢個奶凍甜品無得彈，外表平平奇奇，以一個迷你玻璃樽仔裝住。🍫朱古力嘅部份集中係奶凍面頭嘅朱古力粉，伯爵茶味嘅奶凍先係主角。奶凍口感細滑，入口即溶，伯爵茶味濃而不澀，亦唔會過甜，出色！養生黑豆茶🍵，茶就係全晚最失色的，因為好淡，沖緊都仲係唔夠味，水咁嘅色，後尾好奇打開發現應該關黑豆落得唔夠多事🙈。不過整體對晚餐都唔大影響嘅，有少少美中不足而已。題外話，餐廳晚市做指定晚餐，午市就有各種多國菜嘅套餐選擇。環境方面，餐廳簡潔整齊，紅色同綠色嘅牆身令人好舒服💚。總括嚟講，素喜館係一間唔錯嘅素菜館，每道菜色均係色香味俱全😋，就連我呢隻食肉獸都非常滿意。我知道餐廳每個月都會轉餐牌，有機會想再幫襯試吓。其實素菜都真係可以好好食，而且感覺仲健康啲添，又為環保減炭出一分力♻️。…Read More
新鮮即炸，外脆內軟流心，乾身而不油份，分開薯球，香脆的外皮是很薄薄的，包著嫩滑的薯茸，除了薯茸外，還有輕柔的松露香加上濃郁的芝士，香味四溢，吃下來又不油膩。難怪這麼多人都會推介這個! 真是一道用心菜。
最欣賞又驚喜的甜品 - 金羅漢果菊花雪梨果凍
我不太喜歡飲羅漢果水，想不到金羅漢果配菊花，真係好好好食，果凍裡有雪梨絲，增添口感!!!市面上有很多的素食店，都使用加工的食材，相反，這裡就用新鮮的食材，嘗到食物的原味，大家不妨一試。店主話呢個甜品係無添加糖的！。營養高的菜式 - 辣味醬燒天貝伴黃薑飯利用醬燒汁烹調天貝食落綿綿的，杏包菇食落又好有咬口，甜中又帶點微辣，感覺好特別。(後期問店主，她話天貝係好有營養的食品，含有非常豐富的蛋白質，由於黃豆經過發酵，它含有的更多維他命B，葉酸等，對素食者來説可以替代肉類的營養，係台灣越來越流行了)還有其他的菜式，例如：四款酸甜開胃的前菜，味道都不會太重，賣相精緻。日式涼伴芝麻豆腐看餐單以為配上日式芝麻醬，我猜錯呀!! 白芝麻配上獨特的醬汁，味道好配!(店主話係用姜汁炮製，芝麻經過烤焗，正啊~)醋漬小黃瓜好香的醋味，好入味，酸酸甜甜。羅勒蕃茄伴小麥脆餅酥脆的小麥餅混合了蕃茄醬及羅勒，味道很惹味。海苔蔬菜蛋卷蛋卷裡面有蔬菜蓉，增加層次感，蛋香味濃郁再配上海苔，非常好吃!烤焗紅菜頭柚子沙律烤焗紅菜頭好脆口，配上新鮮柚子，口感清新，好開胃!西蘭花蘑菇湯配外酥內軟的麵包濃郁的西蘭花湯藏有不少的蘑菇蓉，再配上熱辣辣的麵包，烘出外層脆脆的口感，裡面很多瓜子其實在銅鑼灣找到一間環境舒適又有水準食物的素食店是很困難。在Openrice 見到這間食店的好評，決定與朋友一起去。雖然它是樓上舖，都好容易找到，係地鐵站出來，步行數分鐘已經到大廈。店鋪坐位舒適，不會有擠迫的感覺，環境簡約配以素雅的陳設，給人感覺清雅，加上悅耳的輕音樂，點綴氣氛，令環境更舒適!! 適合與朋友聚餐，吹水的好地方!!枱旁邊有個小盆栽，增添綠色元素。這裡晚餐好似是私房菜，按著我們進食而上菜，好窩心!
