慶祝父親節就食好少少，我地叫咗兩個前菜包括凱撒沙律配印第安式烤雞胸（ $88 ），同巴馬風乾火腿配蜜瓜($68)，另外兩個晚餐就揀了南瓜汁煙肉意大利飯（$98 ）、烤美國頂級12安士肉眼扒配薯菜($198)同烤澳洲羊扒配薯菜（ $208 ），晚餐仲可以加$12變餐，就有埋餐湯同飲品，開頭諗住我地得3個主菜可以upgrade就四個人share湯，但原來係可以按人頭計的。
先黎個凱撒沙律，我本身好鍾意食凱撒沙律，呢個都好好味
，份量亦唔少，有羅馬生菜、車厘茄、煙肉碎等，烤雞唔算好滑但都唔「鞋」，切咗細細件方便食，大量蔬菜加小量肉係前菜的好配搭。另外個parma ham配蜜瓜都好正！
有六件咁多！卷好哂比你，面頭有少少香草碎，D密瓜超級多汁香甜！配埋parma ham既鹹味中和，層次感好豐富，我覺得係必食推介！
主菜方面，肉眼扒配薯菜($198)都幾大塊，肉汁保留到，咬落有質感。
至於意大利飯就色香味俱備，黃色的南瓜汁令賣相好靚
，而且南瓜汁煮得好入味，飯質則是偏軟，唯配菜好像不夠多。仲有老公最愛的羊架，有四件咁多剛好夠我地一人一件
，仲有車厘茄、沙律菜、薯仔和翠玉瓜等伴碟，羊架醃得濃味，烤得幾好以致肉質夠腍，同時香而不膻，主菜黎講我最鍾意呢個。
最後上埋餐菜(凍飲唔洗額外加錢！
)，非常飽足！老闆(我估佢係)都幾friendly，可能呢D就係小店的特式！特別一讚，有別於一般好D既餐廳會用檸檬水，但呢間餐廳仲特別，用薄荷水，就咁一片放在他的水樽內，味道一點都唔濃，反而係少少既清新味，唔講都未必覺，但就係呢D細節位睇到佢既用心，很開心的一晚！
…Read More
如果唔係有個熟人帶路，相信未必會行到這位置店內裝潢簡約，舒適悠閒，枱面有樽水內有一株薄荷，除了令水的味道變得清新，更令四周環境增添了生氣
餐牌非常簡單，只有3頁，前菜由$38起，選擇隨意，主菜共有12款，豐儉由人，加$12仲有埋餐湯同飲品我哋揀咗前菜、羊架、意粉，無理由唔加埋餐湯同飲品架餐湯係鮮製椰菜花忌廉湯，如有需要，可添加黑胡椒。口味清新，仲有椰菜花粒前菜揀咗藍青口配多士，多士外表烘得微微焦脆，內心鬆軟綿密，好好味藍青口一直都係心頭好，酒煮更係喜愛食法之一，簡單又美味。細細隻嘅藍青口，鮮甜又飽滿加埋車厘茄及洋蔥，清香好味烤羊扒上枱已經聞到好香，擺盤又幾靚，薯菜有驚喜真係有唔少菜，感覺健康，唔係一般幾件炸薯角就算。脆肉瓜大大件，鮮甜可口，沙律菜新鮮爽脆羊扒熟成程度剛剛好，表面香焦煎封，肉質腍軟有汁，肉香充盈，沒有羶味好食到想成份自己食曬黑松露野菌意大利飯意大利飯口感軟腍中帶點韌攪伴時見到溶化了的芝士絲，加上幾種菇菌清新味道中和，飯粒吸收所有材料的精華好食到停唔到口，飽都要食曬無論飽嘅程度係幾多，甜品係一定少不了的芒果拿破崙好靚，味道清香又唔甜，好好味喎。青檸茶又係另一驚喜，茶香加上青檸的清香，好飲又醒神…Read More
