COBALT

大角咀超多小店林立，而每間質素都唔錯~ 今次嚟到Cobalt呢間裝修有格調、有心煮食既西餐廳試試佢地既dinner!首先，裝修同餐具碗碟都好靚，甚至門框、餐櫃，同埋碗碟既顏色係matched㗎，都係典雅既藍色，加上左手邊一整排既酒櫃，大大提升咗進食格調😌-燒牛肉沙律配泰式香草汁（辣）$108有驚喜！燒牛肉份量唔少，燒得啱啱好，介乎軟稔同有咬口之間，又有牛味，簡直食唔停口😋 沙灘菜好新鮮，個泰式汁亦好夾，好好味! -脆炸牛油果配泰皇醬 $78第一次食炸既牛油果🥑，幾有趣哈哈，出奇地係夾，而且唔膩! 個醬有啲似mayo，幫咗道菜好多，去帶個層次感出嚟，加埋係幾好食😙-烤法式羊架配薯菜 $268羊架嗌咗medium，嚟到係真係medium，火喉掌握得剛好，比個讚👍🏻羊架有4支，配埋薄荷醬甜甜哋，好好味! 配菜薯蓉超好食，好綿密又甜🤩 個擺盤仲要好靚好藝術品😍總結：推介！✨廚師們係有心去煮食，係細節位同配搭上食得出同睇得出，服務亦好好，值得再去👍🏻…查看更多

餐廳環境唔錯，一入門口就見到一排酒櫃，感覺適合暢飲一番🍷🍷。餐枱之間都幾闊落，同朋友傾計都唔驚嘈親隔離。燒牛肉沙律配泰式香草汁第一次食辣嘅泰式沙律，第一啖入口，有好清新嘅感覺。辣辣地唔會好嗆喉，但就特別開胃。燒牛肉有5，6片，絕對唔吝嗇，牛肉燒到中心微紅，有牛味而且夠滑，同沙律菜一齊食好合適。蘭王蛋韃靼牛肉依道菜喺出邊真係比較少見，佢係生牛肉，混合左生洋蔥，酸菜，青瓜等，開頭都會有少少擔心生牛肉口感會唔會好怪或者好腥，但完全無咁嘅事。反而將材料混合，口感唔錯，而且攪拌埋蛋黃，牛肉更嫰滑濕潤，對第一次食生牛肉嘅我地黎講，真係非常有驚喜，超推薦。烤法式羊架配薯菜在店員介紹下，選擇了五成熟的羊架。份量大大件，嫰滑粉紅色嘅羊肉好jucy,一啲都唔羶，五成熟真係啱啱好，完全無多餘血水，yummy.依三個紅肉菜式，唔止唔係全熟，仲要係真“紅”肉，令我見識到“紅”肉宴原來係咁好食㗎。…查看更多

每次係大角咀經過呢間感覺好decent好chill嘅餐廳都好過入去試吓，今次終於約到朋友去完旺角過大角咀試吓佢！我哋係平日去，嚟到都已經見到唔少人係餐廳人面食緊，大家都同唔同嘅朋友食緊，感覺好開心！我哋就坐咗係一個近門口嘅位置。入面都有好多唔同嘅葡萄酒可以開，同唔同朋友嚟食都好適合。我哋叫咗一個肉同一個麵，肉我哋就叫咗個「烤法式羊架配薯菜」($268)，我哋叫咗五成熟，職員推薦唔好低過五成會比較好，羊架好有香草味，五成熟啱啱好，唔會太熟去到太「銀」，又唔會生到放唔到入口，我同朋友都好鐘意呢款菜。另外就叫咗個「明太子蟹肉天使麵」($178)，我好鐘意呢個天使麵，因為本身就係明太子嘅Fans，佢個麵嘅各一啖都有好足料嘅明太子，食落口真係好滿足，再加上份量好多，食好多嘢嘅我都有滿滿嘅飽肚感，好正！…查看更多

呢排工作上有d煩心事，約左朋友出黎訴下苦。互相分享下d奇葩人事物咁，轉換下心情，幫自己叉叉電。所以就特登揀左間環境chill d 可以坐得闊落d舒服d嘅餐廳～店員好Nice，可能見我地生面孔，所以一入去就同我地介紹左餐廳環境先，原來餐廳裡面有間好似Party room嘅VIP房，可以唱K之餘，另一間房仲有麻雀打。咁岩最近公司話有錢俾我地做team building，覺得呢d多人聚會黎餐廳搞都幾好丫，淨係收低消，唔洗場地費。呢到都真係個好選擇。店員仲好主動同我地介紹餐牌，好好招呼👍🏻避風塘雞翼🌶️鹹香味好足，少少辣～炸到好脆😋避風塘配料超級夠😍 烤法式羊架配薯菜🥔🥦羊架烤到好香，叫左七成熟，嫩度岩岩好😋西班牙黑毛豬鞍🐷配左個芥末醬，同豬鞍好夾🤤薯蓉超級好好食！！XO醬蟹肉扁意粉🍝XO醬配意粉好特別，好似都係第一次試呢個配搭～原來都幾夾架喎！等我之後都試下自己整先🤪甜品叫左個心太軟同拖肥撻心太軟個雪糕可以自己揀味，我地揀左配expresso☕️ 呢個配搭真係好好食😋好似飲緊Mocha咁🤣個流心係偏苦嘅朱古力，唔會太膩好好食😋…查看更多

話說果日六合彩中咗三隻字，梗係食返餐好大角咀d隱世餐廳真係愈堀愈多，今次就搵到間正野餐廳名叫cobalt ，所以裝潢都用相應既藍色為主調，俾人種簡約高級既感覺今日餐湯係南瓜湯，南瓜味極之濃郁，食得出佢仲有落薑呢樣材料但又唔會蓋過南瓜主角，混埋少許香料調味，呢個餐湯係飲過之中既數一數二！燒牛肉沙律配泰配泰式香草汁（辣）呢兜沙律令人又愛又恨，本人極愛食草…但佢既泰式辣汁又真係幾辣下如果食得辣既朋友，一定會覺得呢兜野好正份量都唔少，尤其燒牛肉，俾得一d都唔孤寒前菜黎講好開胃炸甜蕃薯條呢個蕃薯條有得配黑松露／雙色芝士／藍芝士我地就配左雙色芝士，佢炸到淋淋地，係我最愛既炸薯條口感！甜甜既蕃薯味加埋芝士香非常可以增長脂肪！上枱之後仲會係你面前用火槍燒一燒烤法式羊架配薯菜呢碟一上枱我已經知要俾呢間餐廳正皮，因為佢配埋薄荷醬！點解其他餐廳次次都要舉手問有無薄荷醬，然後仲要無:(食羊點可以唔點薄荷醬？？唔點個d真係又要絕交講返舊羊先，叫左五成熟剛剛好，咬落有滿滿既羊肉騷味，好正但更加令人感動既係，佢d配料好食到癲，d瓜，薯角乜乜，唔會因為係配菜所以求求其其蘋果金寶撻配意大利雪糕甜品時間，呢個金寶有得配幾款口味雪糕我地貪新奇叫左開心果味，個種柔軟綿密既雪糕口感滲出淡淡既開心果香混埋蘋果金寶食有冰火口感又唔會太搶，又係好食到癲。呢餐真係由頭盤感動到甜品，樣樣野都無失望絕對對得住呢個高格調既餐廳名同裝修…查看更多