安利大排檔 (Closed)

前幾日入去筲箕灣接女友順便食午餐，由於好耐無食魚蛋粉，加上唔太想食濃味野，所以就決定去東大街食<安利>~~<安利>係東大街有兩間，分別係<安利大排檔>同<安利魚蛋粉麵>，據聞係<安利>於兄弟分家之後衍生出黎~~~兩間係日間營業時間都係經常大排長龍~~店鋪售賣既食物其實同一般粉麵店相近，除左魚蛋之外，牛腩亦係好多食客會叫既食物~~~炸魚皮 - 魚皮夠大塊，但當日上台既感覺硬身左少少，唔係好夠脆~~~魚蛋河拼原味炆腩 - 魚蛋幾彈牙，牛腩因爲炆既關係好淋，河粉薄身且幾滑~~~切腩片頭撈米 - 切腩由於我地指明要坑腩，所以食落除左更加有牛味同爽口，米粉亦見彈牙~~~…Read More

當日同男朋友行完龍脊，就落到筲箕灣搵野食，下午茶時間見安利人門口都仲有人排隊，就去試下佢，叫左個牛腩撈粗，鮮油多同炸魚皮。入到去裝修麻麻，但人nice係入面食得好開心，有另外一種人情味。鮮油多士睇圖就知舊牛油有幾厚，多士又夠熱，兩塊熱辣辣既麵包夾住凍冰冰既牛油，一啖啖既油多入口即溶，但又有麵包吸番，唔會感覺太油，好正！牛腩撈粗味比較濃，加一兩啖湯就岩岩好，D牛腩好林好香，肥瘦適中，份量都好足夠。炸魚皮鬆脆，香口。…Read More

好耐無嚟luuuu.......次次覺得嚟到筲箕灣點都要幫襯下安利 午餐時間 點都要等下位架喇 小妹比較為食同埋太餓嘅關係 所以叫了好幾樣食物 哈哈😂😆炸魚皮 真係勁脆 哩款炸魚皮嘅質感係硬個款 所以食落好有口感有卜卜脆嘅聲音 正 佢有碗湯可以浸下啲魚皮嘅 浸左都仲係脆嘅👍🏽😂鮮忌廉紅豆冰 好creamy好滑呀 紅豆都幾多架 係哂個杯底到 而且啲紅豆都係起沙嘅😊☺️飲落唔會好甜 好好飲喎牛筋魚片頭河粉 魚片頭得一舊 其他係魚片嘅 點解次次都係咁架呢？係咪哩度嘅特色嚟呢🤔🤔BTW, 啲牛筋有5條 真係好入味好腍好正呀😋😋相比起 魚片頭就好似失色左少少 河粉嘅麵質好滑 整體都係好食嘅☺️不過價錢就係偏貴左啲嘅 要$38 點可以少左佢呢 緊係有叫埋鮮油多多多多多喇😍🤤嘩 真係不得了 麵包外面烘得很脆 入面很軟熟 再配上一塊凍凍的牛油 啲牛油完全無溶到架👍🏽👍🏽 一食就真係停唔到口 好想再encore!!!! 哈哈 看來這個lunch都令我肥左不少吧😛😝😍😋🤤…Read More

母親節中午自由，因事前往筲箕灣，順路走到聞名的東大街覓食，每次到訪，皆見兩間安利長龍不止，是日也許孝順子女陪母親飲茶去了，安利排檔只有數人在等，趁此良機，馬上取籌，果然只花五分鐘，便有座位。見貼在大門的報章介紹招牌菜切腩魚蛋撈粗，決定一試。切腩魚蛋撈粗果然材料上乘，切腩腍嫩入味，肉帶筋，是靚坑腩；魚蛋彈牙有魚味，現在的店子，能夠做出有魚味的魚蛋實在不多，難怪安利如此旺場！粗麵爽口，鼓油入味，但略帶苦味，非我口味，下次還是選湯粉。撈麵本身並無過乾，伴以清湯一碗添濕感，當然更好。再者，小店並無免費茶水供應，喝兩口湯水是需要的。食伴選了魚蛋粉及炸魚皮，亦甚欣賞。魚蛋粉內有魚蛋及魚片，河粉滑溜，湯底味精不多。炸魚皮魚皮炸至乾身酥脆，伴湯粉吃增層次，普遍的配搭。滿意的輕食。…Read More

安利這名字已認識很久,從以前在廟宇旁斜路上,家人已帶我來吃,以前最喜歡的就是他的炸魚皮,到後期搬了入舖,多人認識了,經常要等位,就少咗幫襯了。現在一條街內有兩間不同嘅安利,其實我都唔係好知邊間才是所謂嘅正版,對面那間在假期或食晏時等嘅人,總是比這間多,對面那間一間我也食過,但覺得佢哋嘅食物比較鹹,店員態度不是太好,好像好急好趕咁,想你快d食完走人咁,所以都無再幫襯,之後都是繼續幫襯番呢間,起碼我個人感覺嚟講,這間的店員態度好好多,所以才會繼續來食今次來食,選擇了中午之後,避過食晏人潮,不用等位,立即有位坐,點了炸魚皮、魚旦墨丸麵炸魚皮 $12 : 炸得好鬆脆,食落口唔油膩,唔似出面好多時食到的"化石"魚皮,硬到死!一d都唔脆!食到牙都累呀魚旦墨丸麵 $24 : 叫魚旦食的,通常其中都會有魚片在內,今次d魚旦就麻麻哋!反而魚片就幾彈牙,墨丸也ok,麵底亦食唔到有鹼水味今時今日都唔係好明,這兩間店點解咁多人,等咁耐為咗食佢哋,在我嚟講,我覺得佢都係好食嘅,但未到為咗食佢哋,而係門口等咁耐囉!…Read More