Alma Portuguese Grill

小編在千挑萬選之下😤 終於揀到間有海景既餐廳 係望到景但4人以上就冇得坐窗口 要坐其他位 呢點好失望鴨飯好香肉腸味 飯呢每粒都被鴨油滲透囇 但因為咁成個感覺好濟好油 所以建議一班人就最好share（分享d油份麻😂）海鮮焗飯多汁加上西班牙飯易索汁 配上青口，蝦新鮮食材鮮甜度更提升至於馬介休薯球炸得好脆 口感似魚柳 但用馬介休鹹香比魚柳更香口👍葡式烤乳豬薄薄既一層烤到脆卜卜 ，肉質鮮美👅至於招牌菜燒春雞呢 雖然比乳豬遜色些少但隻雞焗都幾香幾嫩加 不過嫌個醬好怪 重腥味😫呢度d服務態度偏差 職員們一副好不屑我地狂影相既樣擺囇出泥 可能唔理解手機食先既文化卦呢點扣曬分…Read More

2017.01.08“Alma是葡萄牙文，意指靈魂。除了最具代表性的馬介休及葡萄酒，葡萄牙作為一個歷史悠久的國家，經歷了不同年代及文化的洗禮，成就今日口味多元化的葡國菜”去澳門就去得多說到食葡國菜 就真係冇幾多次餐廳位於熱鬧的尖沙咀可是當日雖然係假日 卻難得可以換得清靜😙店面設計以簡單的藍白色調為主絲絲陽光透入 配上海景 特別寫意葡國雞 $118 (加配薯條$45)講到葡國菜 相信葡國雞飯是必須的吧啲度既葡國雞比較平日食到的更有椰香味而且上面也灑上一絲絲的椰絲我地今次就一反常態😎唔食飯，大膽嘗試配上薯條薯條吸左啲醬汁 真係好吸引 食過停唔到口惜肉質稍為老身 有進步空間炸馬介休薯球 $68馬介休就係咸魚 小時候的我係幾抗拒直至啲幾年去多左澳門 先開始接受也許是認識左馬介休 啲個比較優雅的名字吧😆一上菜已經聞到陣陣咸香撲鼻薯仔溶混合著馬介休絲、洋蔥等材料新鮮炸成原本我仲怕會太咸 點知味道剛好😜不仿一試看看唯一有進步空間的是可能係火候控制失誤有點太焦黑了澳瑪葡國菜 💌尖沙咀海運大廈3樓OT310號鋪Mon-Sun: 1130-2300…Read More

同老公食生日飯，因為鍾意去澳門玩，慢慢就開始鍾意食葡國菜，亦都貪呢間對住個靚靚尖沙咀海景，所以就揀咗呢間喇。第一次用Openrice既訂座系統，餐廳係用餐當晚cfm咗我有去用餐之後，第二日就收到email話尐分已經入到我account喇，真係超快。都係講返餐飯先啦，係坐近窗位既，因為訂咗枱後再打電話去餐廳request。真係好想好想好想超想食個檸檬白酒煮蜆，點知當晚無蜆丫，唯有改食蝦啦，不過都好味丫一order完嘢食，餐廳就按人頭serve咗包包先先嚟個乳豬，有少少可惜係唔及澳門個間restaurante escada 咁好食，豬皮無restaurante escada咁脆之後就係炸馬介休薯球，出附意料之外咁好味喎，老公話仲好食過上面提過個間呢最後就係蝦，好味，蝦穀好易開最後都係個句，食唔到檸檬白酒煮蜆好失望，希望下次去可以食到啦！…Read More

上次食葡國菜已是去年在澳門，再上次就數年前去葡萄牙旅行之時😲香港唔多搵到食葡國菜嘅地方，冇咁普遍，可能係咁就令我念念不忘！餐廳裝潢設計好有葡國風情！都幾舒服！如果坐海景位就更一流一打開餐牌，去葡萄牙旅行啲回憶蜂擁而出！好懷念葡萄牙嘅美食橄欖是葡國菜必有的，沙律當然也有！男朋友唔鍾意橄欖嘅味，我就還好，呢度嘅橄欖可能係為咗配合香港人嘅口味，味道同咸味都降低咗好多！沙律份量十足炸馬介休薯球，食得出分得出有馬介休，唔會淨係得薯仔，一客五件好抵食馬介休唔咸，好味肉腸薯仔菜湯，呢個湯令我去葡萄牙旅行嘅回憶湧現！湯嘅份量超乎想像，本來諗住得一碗，原來分量有一小鍋！驚喜！足二人份量！肉腸味道偏咸，用來調湯嘅味，湯有打爛嘅薯仔同菜，好好味，好感觸！雖然唔係十足葡萄牙味但已很相近大蝦鱸魚焗麵包皮，叫嘅時候冇留意係麵包皮，我哋係俾相吸引麵包皮焗完好似麥皮糊，吸引咗啲海鮮濃湯，好好味侍應姐姐話呢個好多葡國人叫！食葡國菜當然要飲番支葡國啤！當我哋問戴眼鏡的侍應姐姐泊車優惠後多叫一支啤酒，侍應姐姐好窩心咁問我哋揸車飲兩支啤酒唔係幾好！當然我哋唔會做危害他人嘅事，當晚乘客司機就交換位置啦！…Read More

已經第二次來到Alma~ 但上次的即興晚飯並沒有訂枱, 所以等了至少20分鐘! 這天難得亨利心血來潮提議要再來, 那就來個early lunch~ 也預早致電訂枱了! 上次沒有機會坐窗邊枱, 好開心這天被安排坐到能望著維港景的4人枱, 好舒服!由於是中午12點, 所以餐廳只有十枱客人左右~上次晚飯就是坐在"大魚頭"的一邊枱喔!點餐後, 先送來餐包~ 可惜有點硬, 伴湯吃應該會更吸引!亨利選了一杯Mocktails "Roma Sangri"~ 紅石榴加mixed fruit~ 最初還擔心會像藥水味, 但原來又幾新鮮好味, 而且不太甜! 上次想叫的炸馬介休薯球, 可惜已一早賣完試不到! 這天吃過後終於明白為何會"賣晒"!!價錢只是HK$68 (5粒), 不算貴之外~味道實在超級讚~ 熱辣辣之餘更是外脆內軟! 雖然外表好像很熱氣, 但吃後一點也不膩口, 正! 我地被這個"炭燒霹靂雞翼"的名子吸引左所以叫來試試~ 吃一口後果然充滿驚喜!帶點辣味的醬汁配上炭燒雞翼原來好好味!不過只嫌雞翼實在太纖瘦, 無乜肉食...這個葡式燴墨魚飯的墨魚切成小四方粒, 而且頗淋身~ 加埋不少的雞心豆, 撈飯很不錯! 可惜最後有個失望的"葡式肉腸炆牛肚及雞心豆", (牛肚)味道一般~ 配上薯蓉更有點格格不入, 沒有驚喜! 而且汁底竟然與"葡式燴墨魚飯"一模一樣!!! 早知不order好了!但要讚的是服務不錯, 反應快, 上菜快~ 為了個炸馬介休薯球, 相信下次都會再來吃, 哈哈!…Read More

又泥到一星期一日架family day本身諗住食溫野菜，6點攞飛點知7點番去睇下叫到幾多都仲有成十幾張枱，唯有放棄嚕。失望中就搵下附近有咩好食，行過見到有蒲國菜，而且等3張枱，一於就食呢間啦！奉送餐包，烘暖左。馬介休薯球炸到外面脆一脆，裹面好軟熟，而且仲有好多馬介休，咸咸香香，食多兜都仲得。牛肋排係薄身果種，燒得好香口吾乾身，但係就吾知點解難咬斷咁，個汁冇乜味。薯條一上枱已經凍左，但都keep到脆身。個人認為冇咩必要就吾好點呢個蒜蓉炒什菜，餐牌寫蒜蓉但出到泥係蒜頭，炒得吾香，30幾蚊自己炒仲好食過佢呢度必點一定係葡國雞飯，葡汁夠哂香濃吾再講，咬第一口雞肉真係嘩出聲，雞肉好嫩好淋，如果葡汁再多d我實叫多個白飯燒春雞同樣燒得香口，雞肉冇我想像中嫩滑，但係都淋既，點埋隔離個蒜蓉醬更加惹味，辣辣地好刺激味蕾！…Read More

海港城海運大廈人氣餅店Lady M樓剛新開了一間裝修明亮清新、氣氛輕鬆的葡國菜餐廳Alma。這晚，一於就來這裡吃個滿滿葡國風味的晚餐吧～還未踏進餐廳，已經被Alma的開陽海景吸引了。透過大玻璃，可一邊吃飯、一邊欣賞維港夜景。如果日間來吃lunch和tea的話，相信在充裕自然光下更會多份休閒度假feel呢。Alma坐擁無敵海景兼靚裝修，又位於就腳的尖沙嘴，但難得食物定價卻相當親民。晚市只設單點，大部份沙律、前菜都是$100以下一份，主菜就一般約百多元一份。而午市時段有供應套餐，$108已經包括前菜、主菜和無限添飲冰茶，甜品可另加$25。大家先選數款前菜。我最喜歡就是「炸馬介休薯球」 ($60)，外層炸得薄而鬆脆、而裡面的馬介休魚肉蓉質感濕潤軟綿，吃得出魚肉比薯蓉或忌廉多，相當足料，味道亦特別鮮甜。「烤豬耳沙律」 ($80)，豬耳絲與洋蔥絲為主的沙律，我淺嚐了一點，醬汁酸酸辣辣很醒胃。「葡式肉腸煎蛋」 ($70)，煎蛋配上微辣的葡式肉腸粒，用熱辣辣的鐵盤上食起來頗滋味，只是肉腸份量偏多，所以整體味道稍鹹。配麵包一起吃就剛好。「葡式薄荷雞湯」 ($68)，飲起來味道就如雜菜清雞湯，薄荷香不算明顯。主菜方面，我們吃了店方極力推介的「招牌炭燒霹靂春雞」 ($98)。雞肉軟嫩，加上惹味香辣的葡式piri piri辣醬汁，好吃呢，果然沒介紹錯！「葡式肉腸焗鴨飯 」($150)，飯的表層焗得焦香，未食已經聞到那香噴噴的鴨油香。鴨絲和肉腸片味道雖然濃郁，但又不會過於油膩。「葡式海鮮燴飯」 ($198)，飯粒質感煮得濕潤，吸收了海鮮的鮮味，不錯吃。「葡式麵包炒海鮮」 ($160)，食感接近糊仔，海鮮的鮮味比海鮮燴飯更濃郁。這款地道葡國菜之前都是在葡萄牙吃過，在香港真是很少機會遇上，大家來到Alma不妨一試。店方推介的另一款招牌菜是「葡式烤乳豬」 ($250)，肉質很嫩又juicy，朋友們都很喜歡。Alma的甜品款式都是地道的葡式甜品，而且定價亦很親民。我很喜歡鬆軟而富蛋香的「葡式流心蛋糕」 ($50)。這裡的「葡撻」 ($13)，薄脆酥皮做成的撻皮配上甜度頗高的滑溜蛋漿，亦很有在葡萄牙吃到的風味。餐廳入口處設有葡撻外賣部。就算平日只是路過也可以外賣葡撻。這夜朋友就吃得意猶未盡，外賣了數隻葡撻回家與家人分享呢。我們還share了「葡式木糠布甸」 ($50)和「焦糖砵酒布甸」 ($50)，真是甜胃大滿足。開心以後在海港城吃飯又多個好地方啦！…Read More

多年來在香港吃到澳葡菜已經不容易，何況是供應正宗葡國菜的餐廳，在香港更是少之又少。直至半年前，才陸續有更多葡國菜餐廳進駐香港，讓更多香港市民容易品嚐到傳統葡萄牙風味菜式。而上月就有全新品牌 Alma 在尖沙咀海港城開業，請來葡藉總廚 André Filipe Ferreira Lai 主理。Alma 在葡萄牙語的意思是靈魂，希望能夠藉著美食，將葡萄牙家鄉菜式的靈魂帶來香港。餐廳面積很大，桌椅很多，可以容納不少人，在繁忙的海港城商場裡面，也不愁要等位等太久。裝潢走 Raw 及簡約木材風格，葡國菜有名的雞及魚，也用在牆上的壁畫作為裝飾。餐廳一邊用上大玻璃，無敵海景，盡覽維多利亞海港的景色，晚上更能欣賞到幻彩詠香江表演。印上餐廳名字及招牌裝飾的餐具，以我至愛的藍色為主配搭黃色，整體看起來很高雅亦舒適。【炸馬介休薯球】（港幣 $90）吃葡國菜絕對不能錯過馬介休，這裡的炸馬介休薯球質感軟綿綿的，裡面帶有不少充滿鹹香的魚肉絲。【葡式肉腸煎蛋】（港幣 $70）雖然是看似普通的菜式，但簡簡單單的煎雙蛋，只要配搭濃郁惹味的葡式肉腸，味道頓時提升不少。【火焰葡式肉腸】（港幣 $98）嫌以上葡式肉腸不夠的話，也可以點這個葡國菜中的招牌菜火焰葡式肉腸，上桌時會點著火將香腸燒香。賣相吸引之餘，又能將外皮燒得夠焦脆，肉餡帶微微焦香，吃起來又有另一番風味，還特別開胃。【炭燒八爪魚】（港幣 $180）炭燒原條八爪魚鬚，超大條又厚肉，用上慢煮的手法烹調再將外層燒香，質感非常軟嫩，鮮味十足。【葡式薄荷雞湯】（港幣 $68）還是首次嚐到葡式薄荷雞湯，貌似非常清淡的湯頭，喝上去雞味可不輕，裡面帶有柔滑的雞絲與紅蘿蔔粒，感覺非常輕盈健康，再混合適量的薄荷葉，是個頗新奇的配搭，入口非常清爽解膩又不會過嗆。【招牌炭燒霹靂春雞】（港幣 $98）炭香十足的燒春雞，焦香味濃，但肉質竟然滑嫩無比，入口有驚喜！蘸上甜椒製成的酸辣醬汁同吃，覺得很有 Nando's Peri Peri 燒雞的影子…好令人懷念的味道！【葡式烤乳豬】（港幣 $250/份）葡式烤乳豬用上 3 至 4 星期大的小乳豬，以古法醃製，再倒吊於烤爐烤製而成，外皮極為香脆，肉厚又滑嫩！醬汁是由燒豬時流出的豬油，炒香再混入黑白胡椒與其他調味料加工而成，集合所有精華，極具濃郁滋味。【葡式海鮮燴飯】（港幣 $198）將海鮮煎香煮熟後，以海鮮的精華去烹調米飯，再將海鮮放入烘焗而成，粒粒米飯都夠清甜富鮮味。【葡國肉腸焗鴨飯】（港幣 $150）要知道葡式的焗鴨飯，功夫絕對不少。烹調米飯用上的上湯，是由去皮拆骨後的烤鴨殼、鴨皮、鴨油與多種食材熬製出來的湯頭，精華由米飯盡情吸收，充滿香氣。最後在陶缽裡面，鋪上一層米飯、再一層由鴨油炒香過的鴨肉，反覆堆疊，頂層再鋪上葡國肉腸與煙肉片，最後焗製而成。經過重重功夫，焗出來的鴨飯當然非常香，但個人認為乾身了點，米粒太硬，略嫌失色了。【葡式流心蛋糕】（港幣 $50）早前極具人氣的半熟蛋糕…不少人以為是台灣近年新興的產品，其實軟心蛋糕在葡萄牙已有多年歷史。以匙羹由頂至底舀起來吃，軟綿又充滿彈性的蛋糕，中間吸收了濃郁綿密的蛋黃漿，口感獨特。【葡式木糠布甸】（港幣 $50）說起葡式甜品，除了葡式蛋揵，木糠布甸也是無人不認識的吧？以透明密氣玻璃瓶盛載，賣相夠精緻。質感非常幼滑，充滿奶香而甜味輕盈不膩，而刻意壓成大小不一的餅碎，更添口感層次，很不錯。【葡式蛋揵】（港幣 $13）市面上很多葡式蛋揵，都是已遷就亞洲人的口味而改良而成。脆薄的外皮，稍為大力點都會捏碎。裡面包著以純雞蛋加糖打成的蛋漿，蛋味濃醇，但與最正宗葡式蛋揵一樣，甜度極高…老實說，不多香港人（包括我在內）能接受到這個甜度，但正宗風味如此…就唯有默默接受吧 XD除了單點餐單外，另有提供選擇豐富的午市套餐及下午茶套餐，價錢非常實惠，又能試到不少招牌菜式。想不到在海港城，能找到一個擁有優質環境又能吃到正宗葡國美食的好地方，又完全不貴，值得再來呢。 …Read More