Aidan Cafe (Kam Shan Building)

韓國菜，我諗女仔基本上都唔抗拒。相比意大利菜，法國菜，男生更唔介意陪女朋友食。聽聞呢間韓國餐廳既平民價又高質，仲要唔收加一！入到去環境都算大同舒服，基本上都係半梳化卡位。我地order左以下幾款試吓：泡菜鰻魚燒伴飯️以為會好普通，點知出乎意料之外。賣相吸引，顏色豐富，塊鰻魚仲要唔細舊，再加上有粟米粒、黑木耳絲、紫菜、泡菜撈飯，用料夠大方。北寄貝水冷麵「水冷麵」係香港第一次食，餐廳有幾款可以選擇，我揀咗北寄貝。碗麵有舊冰係湯匙度，應該係想食客自己放係湯度令到食個陣啲麵都keep住夠凍。另外有半隻蛋、甘筍絲、青瓜絲，仲有梨絲，口感好過癮。麵質比較偏韌，但好適合夏天食好開胃。明洞餃子炒粉絲因為見啲餃子好吸引，所以嗌呢個簡直係一舉兩得。粉絲入面加左冬菇、金針菇、椰菜同翠玉瓜一齊炒，唔算多油，餃子夠大隻而且微煎過，好味！炸雞Combo小食點得炸雞，呢個Combo一次過可以試哂三款小食（雞軟骨，甜辣炸雞，芝士醬薯條）都係要讚啲份量好夠食，雞軟骨脆卜卜；炸雞啲雞肉唔dry夠juice；反而薯條因為淋咗芝士醬同芝士粉，食完覺得好漏。…Read More

呢日入左美食集中地大圍踩單車，順便黎搵野食周圍都好多人等位，見到呢間舖門外有幾個人排隊，等左廿分鐘可以入座啦炸雞Combo $88+有薯條雞軟骨同炸雞，薯條上有滿滿甜甜鹹鹹嘅芝士，雞軟骨香脆，咬落香味四嗌，炸雞塊上沾滿醬汁，雞肉唔dry夠嫩滑羽衣甘藍特式菜餅 $78餅底偏軟身，鋪滿蔬菜同生洋蔥，洋蔥雖然生但唔辣，同泡菜一齊食好惹味炸紫菜卷 $48+酥脆可口，入面煙煙韌韌，紫菜炸完後有啲似小老闆紫菜嘅味😋踩完單車消耗嘅已經食突返，都係早啲瞓唔好諗咁多…Read More

今日係大圍早左做完野就黎左呢間韓國餐廳食野估唔到6點幾就已經坐滿8成人，都幾受歡迎。睇完餐牌有好多款式，幾乎樣樣都想食😍可惜冇咁大個胃🥲所以叫左一主食一甜品同一小食😋呢碟泡菜肥牛炒粉絲，真係好好食，好夠鑊氣，又足料，熱辣辣😍😋真係令人一啖接一啖！呢個炸雞combo, 有炸雞，薯條同雞軟骨，份量都幾多，薯條上面淋左芝士醬同芝士粉，好邪惡🤤鐘意食芝士既你就會覺得好正。食埋最後個朱古力窩夫甜品，真係好飽好滿足🥰…Read More

之前係觀塘已經知道呢間好出名嘅韓國野啦，最近先知原來大圍都開左間分店。中午一開舖就已經好多人係門口等緊啦，除左常見嘅韓國菜，仲有好多款嘅Lunch菜式。其中仲係混合左唔同港式/日式嘅fusion感覺呀，仲要唔收加一，咁抵食唔怪得咁多人啦😃🔸 酥炸黑豚肉拌飯（HK$58）上面堆左滿滿嘅椰菜絲同蛋黃醬，然後再撈勻下面嘅紫菜飯同炸豚肉，韓式得黎都有啲日式風格呀。入口可以一次過食到椰菜、紫菜同蛋黃醬嘅白飯，甜甜地又有口感。炸黑豚肉就類似係炸豬扒嘅感覺，不過記得要快啲食，拌飯好似凍得快啲㗎🤣🔸 泡菜肥牛炒淮山麵（HK$62）見到竟然有淮山麵食覺得好新奇，馬上叫黎試下。配埋帶辣醬嘅泡菜同肥牛，意想不到嘅match呀。淮山麵份量都多，食落仲好爽口，令人一口接一口😛🔸 炸雞Combo（HK$78）小食方面就叫左呢款Combo，可以一次過食到3款炸物，包括係蛋黃醬炸薯條，韓式甜辣炸雞同埋雞軟骨。新鮮炸出熱辣辣，份量3個人食都夠呢😋🔸 跟餐飲品Lunch set仲可以跟餐叫柚子蜜同紅棗柚子蜜，可以解辣同解膩，唔錯呢…Read More

溫泉蛋燴牛肋拌飯 58元嫩滑的溫泉蛋和紫菜絲,配合大大塊的牛肋肉拌飯,還有兔仔最愛的胡蘿蔔,相當豐富的主食炸雞COMBO 78元熱融芝士的薯條和甜辣醬炸雞,非常開胃石板韓風魷魚  88元上桌時熱辣辣,大量魷魚和蔬菜,配上豉油汁,與白飯配合亦非常匹配,好食到暈!大醬豚肉粉絲鍋  62元大量粉絲與數片豚肉,混入大醬湯之中,味道不錯卻不是正宗的大醬湯,但都不錯啦芒果雪花冰 78元最後以一道甘甜的芒果牛奶雪花冰做甜品,兩個人吃都好大碗,我覺得比出面好多甜品店都抵食出色結論就是大圍這間韓國菜非常受歡迎,我等了1小時才能入座,要來的朋友建議提早取票,以免等得太耐而累~…Read More

前幾天的台灣菜勾起了筆者的旅行魂，今天決定來到大圍的小火焰，來個舌尖上的韓國旅行。環境：餐廳明亮乾淨，同時設有家庭式卡座及可拆分的桌子，能照料不同顧客群的需要。服務：上菜速度快，職員均友善有禮。筆者誠意推薦菜式👇🏻🍠 紫薯沙冰 ($48)✨造型超吸睛！紫薯控必點！(紫薯控筆者表示「好き」！)✨巨大的夢幻紫色沙冰上插著數根紫薯，識別度十分高；每一口冰都是天然的紫薯味，不會過甜，是夏日的恩物。🐔 炸雞Combo ($78)✨拼盤有三款食物，足夠二人食用，十分划算。✨韓式傳統甜辣炸雞肉質厚實，吮指美味；一口雞軟骨酥脆香口；幼身薯條澆上香濃芝士醬，三個口味一次滿足。🍅 冰梅有機凍番茄 ($28)✨紅潤飽滿的冷番茄，賣相討好，配上帶微酸的梅子醬，令人食慾大開。🥕 韓味甜蘿蔔 ($28)✨酸辣蘿蔔是炸雞的好夥伴，酸酸甜甜非常解油膩。總結（5分滿分）餐廳環境🖼🖼🖼🖼餐廳服務🤵🏻🤵🏻🤵🏻🤵🏻🤵🏻食物賣相🌸🌸🌸🌸🌸味道質素👅👅👅👅整體價錢💸💸性價比值⚖️⚖️⚖️⚖️…Read More