Butadouraku (Lily Mansion) (Closed)

去到黃埔郊遊郊, 泊低左架車係黃埔美食坊停車場, 但係唔係食黃埔美食坊, 而係去到九號水產, 第一貪新鮮, 第二好似九號水產果面少d人, 第三又想食d唔太貴嘅日野見到拉麵價錢同室內裝潢都覺得正路, 值得試試佢門口已經有條巨型吞拿魚引人入食門口櫻花燈籠裝潢特顯日式風格室內長bar枱令客人想像自己置身日本餐顏中日對照, 富有色彩, 價錢鮮明:)睇餐牌都是一種享受其實揀拉麵如果無咩所謂, 通常揀鐘意咩顏色, 因為師傅好嘅話, 邊款拉麵都係好食嘅, 不過經驗上揀埋哂d奇怪湯底比較大機會中伏特黑蒜油拉面 - $93HKD所以我就揀左大路嘅黑蒜油。加左13蚊多左豬肩肉, 豬腩肉, 溏心蛋半隻加紫菜, 個人覺得幾抵黑蒜湯底好濃好濃麵都幾有嚼勁豬肉/义燒恕我分唔到咩位係咩位, 不過, 重點係都好正特上辛辣味噌拉麵 - $93HKD辛辣湯底好濃好濃少少辣麵都幾彈牙, 9成同黑蒜相似。日式吉列炸蠔 - $42HKD超級良心價, 咁旺嘅地段, 咁旺嘅裝潢, 蠔有咁上下大隻, 又juicy , 外脆內軟, 熱辣辣炸軟殼蟹 - $45HKD呢個乾左少少, 硬左少少, 麻麻地:(:)唯一美中不足係買單果陣, 有個黑黑地嘅肥妹語氣麻麻地"自己行出去買呀！" 可能生意太好忙得濟想趕客翻食指數:9/10…Read More

今日喺黃埔上糧，行遠少少去咗新開左好耐嘅8號水產覓食，呢間拉麵店位置雖然有啲隔涉，但係整體合格，如果下次去黃埔都可以再encore-做咗功課得知特上同普通嘅分別，特上配料會比較多，有齊豬腩肉同豬肩肉、糖心蛋同埋紫菜，咁我當然就揀咗特上啦。叉燒肥瘦適中唔會太鞋或者太油膩、有燒過-麵底我就揀咗曲麵、硬度適中，食落彈牙。我個人比較鍾情極之濃厚嘅豬骨湯底，我覺得如果湯底可以再濃厚啲就perfect池。-另外，黑蒜油豬骨湯底就感覺有啲唔湯唔水，黑蒜油味蓋過咗豬骨湯味，變咗好似兩個喺度爭風頭，最後兩個味都食唔出，所以兩款比較都係覺得原味豬骨湯正啲！-小食叫咗一客餃子同埋炸軟殼蟹，餃子叫做合格餡料夠唔會鬆泡泡，但係味道比較淡無乜驚喜；反而炸軟殼蟹就炸得認真唔錯，即叫即炸脆卜卜熱辣辣，唔會食到成口油…Read More

餐廳坐位唔算好多，左右兩邊係二人枱，中間位置係bar枱。落單後，侍應即刻就俾左張point card我地，不過分店地區都唔太就腳，唔知幾時再有機會幫襯。原味豚骨拉麵($72)2片薄切腩肉，唔夠肥，偏瘦。豚骨湯底無魚介豚骨湯底咁濃味，但湯底質感都係好濃郁，加埋唐辛子(辣醬)令成個湯底更惹味，層次更豐富。幼身既直麵配埋淡淡又濃郁又帶有微辣既豚骨湯底，真係好夾，好好味。一向重口味既我今次都更喜歡豚骨湯底。(個人口味: 4.2/5)魚介豚骨拉麵($98)魚介豚骨湯底比普通豚骨湯底濃味(似沾麵湯底?)，真係充滿魚味。曲麵比較粗身，同濃湯好夾。溏心蛋呈啫喱狀，”友人”稱係暫時食過咁多間拉麵店之中，最甜最好食既溏心蛋。2片肩肉，1片腩肉，肩肉比腩肉un口。(個人口味: 3.9/5)炸軟殼蟹($45)熱辣辣，軟殼蟹略嫌瘦左少少，不過都係好食既。(個人口味: 4.1/5)炸紫菜墨魚嘴($35)份量都算多。脆卜卜，咬到最底就會有粒墨魚嘴。不過好熱氣。(個人口味: 3.3+3.6/10)我地都同意魚介配曲麵，豚骨配直麵係最夾。整體而言，我對豚道樂既拉麵予以好高既評價，拉麵同湯底都同金XX好相似，但價錢更相宜，可惜香港分店只有2間。…Read More

之前去過荃灣「豚道樂」食拉麵，回味無窮， 咁啱去黃埔新天地買野， 發現「豚道樂」開咗分店， 梗係要食過返尋味啦！ 分店坐落於濃厚日本氣氛嘅九號水產裏， 日式的裝潢設計配和商場嘅設計融合～ 座位方面， 除了有拉麵店常見的吧檯外， 還有幾張2人枱，都算寬敞舒適。☺️ 「豚道樂」主打九州豚骨拉麵， 湯底以大量豬脊骨、筒骨和蔬菜熬成， 配低鹼水直身幼麵，香濃黏嘴易入口。 設白、黑、綠、橙四色湯底， 分別為原味、黑蒜油、日本芥末和辛辣味噌， 平日限定特上魚介豚骨湯拉麵， 逢周末更推出限量供應的海老湯拉麵。 全部拉麵都可選經濟或特上之選， 特上之選會包括配料：🐷豬肩肉、豬腩肉兩種，溏心蛋半隻和紫菜； 而經濟之選只可從豬肩肉、豬腩肉任選其一； 拉麵可選直 / 曲麵，其軟硬度，蔥，辣度都可自選，富彈性！😏 上次食過特上魚介豚骨湯拉麵（$98）， 覺得相當唔錯，所以今次再推薦朋友食！😆 湯底豚骨香濃郁中帶魚介嘅清新， 拉麵選了比直麵較粗較為彈牙的曲麵，掛湯力相當高！😙 豬腩肉香軟肥美，口感嫩滑， 豬肩肉偏瘦，彈性中帶爽口，豬羶味比腩肉更重， 雖然溏心蛋流心程度不高， 但勝在溏心蛋白醬油味濃，蛋黃咬下去微微黏口，蛋黃油香，好味道！😋👍🏾 配料竹筍、芽菜和翡翠苗吸收了湯底精華， 口感豐富，味道清新爽口～😌 松露迷嘅小編梗係要試下季節限定的黑松露醬油豚骨拉麵（$108） 黑松露配搭矜貴，香氣馥郁， 濃郁嘅松露香為湯底添加層次感， 大粒又厚肉的北海道帆立貝， 炙燒後半生熟，口感鮮嫩爽彈， 附上半邊溏心蛋， 軟嫩蛋白包着晶瑩剔透嘅蛋黃，滿溢蛋香， 九州系直麵幼細又不失嚼勁，正！😋 黃埔嘅小食款式比荃灣多， 所以今次就試吓新野啦！ 炸軟殼蟹（$45） 即叫即炸，炸至金黃香脆， 咬開爆汁juicy，鮮香味美，值得一試！😏 蜜糖咖喱雞中翼（4件）（$40） 用咖哩粉醃好嘅雞翼， 炸完再塗上蜜糖， 無諗過咖哩和蜜糖可以配搭得咁好， 香甜又惹味！😋 餐廳的飲品相當有心思， 除一般的汽水外，還有日本直送汽水。 山梨桃梳打（$23） 梳打爽口解渴，好岩熱辣辣天氣gur gur佢，😌 雖說只有10%的果汁，但飲落都算足味。 靜岡抹茶可樂（$21） 無諗過抹茶和可樂可以咁夾！😳 喝起來感覺很清爽，又唔會似可樂嘅死甜味，幾特別！ 整體來說， 「豚道樂」不論拉麵、小食、飲品都相當有水準，👍🏻 拉麵湯底款式又多， 係小編食過數一數二好食嘅拉麵🍜啊！☺️…Read More

同朋友仔行開黃埔走去九號水產行下，行到門口俾個餐牌吸引左，係豬骨湯拉麵，根本未睇清楚就行左入去坐低左坐低後先慢慢睇menu，嚟度可以揀麵款：曲麵，直麵；麵質：特硬，硬，普通，軟；但湯濃度就沒有選擇我想食豬骨湯拉麵先入嚟，但見到menu,又心大心細，想order季節限定-特上海老蕃茄湯拉麵，但店員話原來今日限定係帆立貝黑松露豬骨湯拉麵先真，聽到此消息，我就下定決心要今日嘅限定配直麵，而友人則揀了魚介豚骨拉麵配曲麵個限定有一pat好大pat嘅黑松露醬但亦未完全遮蓋豬骨湯嘅味，變成左gas味豬骨湯麵友人個魚介亦勁濃，而且曲麵比較掛湯，有d沾麵feel另外嚟度有兩款叉燒，分別係豬肩肉同豬腩肉，特盛就兩種都有齊，豬肩肉較瘦肉味較重，而豬腩肉就肥d，有油香在店員大力推薦之下，我哋另外order左個炸物盛合同炸軟殻蟹，兩個人share剛剛好，因為佢乜都兩件，個炸物盛合有兩件天婦羅蝦，兩件炸蠔，兩件一口炸芝士佢d炸物overall都好正，外脆內軟，炸得剛好飲品方面我叫左招財貓汽水，而fd子係柚子愛好者，所以點左富士山柚子梳打我嗰枝賣相幾靚，而味道係同波士汽水十分近似，另一方面，因為fd子係fans，佢話超好飲總括，無論環境與食物，這𥚃都極佳，有機會一定再來…Read More

與友人再到訪黃埔九號水產，今次的搵食對象仍是日本料理，不過是另一間拉麵店。拉麵店的裝潢是日本feel，門口有紅燈籠，不過可能因為店員不多的關係，沒有人敲鼓及用日本語叫歡迎。店內播著柔和的歌曲，氣氛不錯。可能是我們到達的時候時間尚早，所以客人不多，但在我們之後亦有日本客人進來。餐牌上主要是幾款日式拉麵，其他的還有炸物，而拉麵亦分普通的及配料多一些的特上拉麵，而餐牌上亦列明有甚麼配料，圖文並荗，特別在於有季節限定、五六日限定及平日限定，意思都很容易明白，所以在網頁中見別人吃的也未必可以隨時試到。點菜單會是每人一張，是否轉特上、直麵或曲麵、硬度、加蔥與否、要不要辣，及追加配料都有得選擇，一目了然。我們起初不知道，原來背面還可以揀其他的食品及飲品。我們就要了季節限定的黑松露醬油豚骨拉麵($108)加厚切筍($8)，平日限定的特上魚介豚骨拉麵($98)加厚切筍($8)及木耳($5)，炸物的炸物盛盒($68)及炸軟殼蟹($45)，還有日式煎餃子($30)及信州白提子梳打($23)。信州白提子梳打都頗為清香，亦不太甜。特上魚介豚骨拉麵加厚切筍及木耳，湯麵內有豬肩肉、豬腩肉，紫菜及半隻溏心蛋，還有一些厚切筍、洋蔥絲及蔥花。魚湯味濃郁，豬肩肉及豬腩肉也很腍滑。溏心蛋做到流心的效果，而且味道吸引。厚切筍相當入味及爽脆，所以加多一碟也沒問題。木耳爽脆之餘，味道稍嫌淡了些，但5元的份量也不少。黑松露醬油豚骨拉麵加厚切筍除了有豬肩肉、豬腩肉、紫菜及半隻溏心蛋外，還有半熟的帆立貝、洋蔥絲及菜苗，而黑松露醬有成匙之多，清香撲鼻，湯底用豬骨熬上幾個小時，非常之濃稠起膠，亦帶有黑松露醬的味道，實在令人一試難忘。近來也吃了很多次的炸軟殼蟹，看看每家有甚麼不同，這裡的配有蛋黃醬及沙律菜，但略嫌粉漿炸得有點硬，不夠軟熟。炸物盛盒有兩隻天婦羅蝦、兩隻炸蠔，少了炸金菇，但炸芝士就多一粒，有3 粒，下面放了些火箭菜等沙律菜及另有蛋黃醬。天婦羅蝦有鮮味，粉漿不厚。炸蠔也很鬆脆，炸芝士外脆內軟，芝士有點熔，可以拉絲。日式煎餃子不會煎得太乾及硬，伴以餃子醋，雖然有5 隻之多，幸好有我壓陣，終可順利完成。這一餐平均消費每人$197。…Read More

黃埔就出名多野食多野行，行到黎九號水產一入門口見到有間好日式既拉麵店，入到去真係好似去左日本咁，有張長形既高台係中間，旁邊有幾個卡位，我地就坐左卡位這裡的拉麵主要是以豚肉做湯底，只有一款係用魚，我地就叫左一款魚一款豚肉，再叫左幾款小食拉麵可以簡札幌系曲麵 或者 九州系直麵季節限定＂黑松露醬油豚骨拉麵$108拉麵簡左幌系曲麵比較爽口；除左叉燒仲有帶子同半熟蛋半熟蛋做到晶瑩剔透🤩魚介豚骨拉麵$85拉麵簡左九州系直麵好直易做到掛湯的效果，吸哂魚湯既精華；叉燒有入口溶化既口感🙀灸燒芝士豚肉$18炸軟殼蟹$45超有誠意，用上原隻蟹炸後切開一半再送上，清楚見到裡面有橙黃色既蟹膏，價錢更非常便宜，認真想食多一隻牛肉薯餅$18(左一)食到免治牛肉係裡面 相比一般薯餅多了一份牛肉香炸物盛盒$68(左二)天婦羅蝦、炸蠔、炸芝士日式炸雞$18(右一)外層非常酥脆，一口咬開滿滿的雞汁流出來了，吃完一粒想吃多一粒咖哩蜜糖炸雞中翼$40(右二)炸雞翼成日食，這個一咬開是有咖哩香和蜜糖甜,比平常的多了幾份層次的口感…Read More

單單是黃埔已有數家拉麵這家位於九號水產的拉麵晚市客人甚多甫坐下即有冰水供應能夠做到這點真的有加分因不少拉麵店仍供應熱茶點了週末限定海老湯拉麵第一眼就看到櫻花蝦鋪滿拉麵上沒有加錢升級豬肩肉已有兩大塊味道頗幼嫩豬肉還可以呷一口湯頭味道異常濃郁質感介乎湯與汁之間喜歡重口味朋友不容錯過另外點了黑蒜油拉麵湯頭極濃厚蒜味特濃小食點了炸蝦天婦羅和炸軟殼蟹炸物全部即叫即炸熱到燙口奈何粉漿太厚影響口感最後當然不能沒有日本直送的果汁梳打…Read More

今日去紅館睇演唱會，記得之前行黃埔見到開左個九號水產，所以就早啲去食左晚飯先。入到去都有四五間餐廳選擇，六點人流不算多，最後揀左食拉麵～呢間豚道樂唔係開放式廚房，所以睇唔到拉麵師傅嘅即場製作。左右兩排吧台，而一個就有個空間畀侍應上菜～每兩個位有凍水，調味料，仲可以自己磨芝麻每一碗拉麵都可以各自選九州系直麵或札榥系曲麵，另外有部份特上拉麵係逢星期五六日限定，特上拉麵會有哂兩塊豬肩肉同豬腩肉，仲有兩塊紫菜同半粒糖心蛋～我就叫左五六日限定既特上海老湯拉麵，麵就揀左曲麵，貪佢夠彈牙同掛湯。湯底非常濃郁，裏面有好多櫻花蝦，每飲一啖湯都會食到。叫得豚道樂就緊係要試下啲豚肉，豬肩肉較瘦而切得夠薄，而豬腩肉就肥瘦均勻，燒得好香。我男朋友就試左特上日本芥末拉麵，一上黎就見到成碗青bb嘅湯，望到都覺得攻鼻。佢要左直麵因為想無咁掛湯，但啲麵都已經煮到全部變左青色！個湯一食落其實無想像就咁攻鼻，香得黎又有少量嗆鼻感，都幾夾。但係食多左就一路keep住攻鼻，我男友都有啲頂唔住，好刺激～糖心蛋既流心感不俗，味道可以中和一下芥末啲刺激感～另外叫左個炸軟殼蟹，新鮮炸出，好脆口～最後見唔少人都叫左呢種梳打，所以都叫左黎飲，兩杯都好甜好好飲!…Read More

黃埔新開發的九號水產成為日式料理集中地，第一次親臨九號水產，地方很闊落整潔，除了日式食店外，一旁也有日本食材超市可順道購物~日式拉麵店裝潢的豚道樂，坐位不多，適合兩口子進餐，如三人以上惠顧就要坐BAR枱了拉麵店當然是以拉麵為主打，再輔以不同的輕量小食信州白提子打/ 山梨桃梳打超美的日系包裝，白提子和桃味梳打，水果味濃，入口清甜特上松葉蟹蕃茄豚骨拉麵豚道樂以豚肉湯底著名，每日經長時間熬製的豬骨湯底，保存了日本傳統九州豚骨系白湯的風味；特上松葉蟹蕃茄豚骨拉麵加入蕃茄元素，令湯味更鮮甜，配合肥瘦比例恰好的豚肉，每一口都令人回味特上日本芥末拉麵以為加入日本芥未的豚骨湯會有嗆鼻的芥末味道，原來只是輕輕帶過，很新鮮的組合呢~豚道樂直麵是採用博多系低水細麵，直身幼細；而曲麵是採用扎榥系中水加麵，麵質彈牙；客人可選擇個人喜愛的軟硬度，個人喜歡較硬身有口感的拉麵栗子南瓜薯餅個人貪吃，點了很多炸物，栗子南瓜薯餅的栗子味不重，反而吃到很厚重的南瓜口感日式一口炸芝士因為一口氣吃了一整碗拉麵，炸芝士是很足料的芝士餡料，不過相對很膩炸軟殼蟹很有份量的軟殼蟹，炸粉很薄，吃到啖啖蟹肉，大滿足!最愛的日式吉列炸蠔，$42 四粒的份量很實惠，可惜蠔有點小...…Read More

老公係網上見到黃埔九號水產嘅豚道樂舉行緊激辣大挑戰，挑戰者只需4分鐘內食完一碗激辣拉麵即可全單免費，而期間最快食完嘅挑戰者更可贏取旅遊禮劵。今晚收工佢興致勃勃咁同我去，打算叫我幫佢打打氣。我地大約7點左右到豚道樂，豚道樂九號水產呢間分店相當新淨，裝修以鮮艷顏色為主，可能因為有激辣大挑戰，全店坐滿食客，我地等位嘅時候老公見識到其他對手嘅實力之後臨時縮沙，因為我地係門口見到有挑戰者2分鐘內已食完全份激辣拉麵，坦白講就算係普通即食麵，老公都食唔到咁快啦。所以我地最後都係乖乖地點返普通拉麵同小食，慢慢品嚐。呢度嘅拉麵款式都幾多，我地原本點左一碗特上魚介豚骨拉麵同特上松葉蟹蕃茄豚骨拉麵Share食，不過可能今晚生意太好，特上松葉蟹蕃茄豚骨拉麵已沽清，我地轉左點特上海老湯拉麵。兩款特上拉麵配料都差唔多，有豬肩肉、豬腩肉、紫菜同溏心蛋，我自己比較喜歡食呢度嘅豬肩肉，軟腍而且唔肥，非常惹味，老公比較就鍾意食豬腩肉，佢仲另加$20點多一份，不過$20呢份豬腩肉有3大塊，都真係幾抵食。特上魚介豚骨拉麵湯底好濃郁，而且唔會太咸，湯底又夠熱，唔需要加老公最愛嘅芝麻都已經非常惹味。特上海老湯拉麵蝦香味好濃，未食都已經聞到濃濃蝦味，湯底口感濃厚，另外溏心蛋都好入味。老公非常鍾意食炸物，佢點左兩款小食分別係炸軟殼蟹同炸蠔，份量都唔少，我試左少少，幾香脆可口。另外我地仲點左兩枝日本入口嘅梳打，埋單都只係$175一位，而且惠顧滿$300仲有獎抽，我地抽中左份薯餅可以下次來食。…Read More

友人甚少陪我吃拉麵，因總是覺得約一百大洋一碗拉麵好像不夠花款，而且大胃口的他又怕拉麵份量不夠，再加底又會更貴。是晚再次走到黃埔的九號水產，發現多了很多食肆營業，其中有在尖沙咀以抹茶蛋捲風靡一時的宏，以及在荃灣做出了拉麵名堂的豚道樂。想試很久的豚道樂在這裡見到，不用到荃灣那麽遠，友人便被遊說了跟我進去坐下。餐廳分吧台和旁邊的台，吧台呈U字型，店員從廚房門口拿起煮好的食物，在U字型中間的通道親手端到每個客人的位子。餐牌簡單易明，台下有附圖片的詳盡menu，客人選擇好後便在台上的下單紙圈劃。餐廳名字為「豚道樂」，拉麵湯底基本上都是豬骨湯再加變奏，有特上和經濟之分、平日和週末之分，還有季節限定的松葉蟹海老番茄湯拉麵。是晚平日限定的特上魚介豚骨拉麵售罄，我們於是點了一個特上芥末拉麵和一個季節限定的特上，畢竟特上和經濟只差約十元，但前者配料更多，還包括溏心蛋，這是吃拉麵的其中一個精髓吧。生怕友人覺得不夠，我們再點了數個小食，倒也便宜。飲品選擇也有很多，是特別口味的日式汽水。我的桃味汽水用上10%完熟白桃汁，清甜可口，不會太人工。友人的抹茶可樂味道特別，以可樂味為主，帶淡淡的清新茶香，友人很喜歡。等了一會兒，店員便端上了兩碗超級熱騰騰的拉麵，是即叫即煮的溫度。友人的特上芥末拉麵湯底非常的青綠，用豬骨湯底作基底，加入大量新鮮磨好的山葵，有山葵的香和嗆鼻的那種刺激，卻不是火燒喉嚨的辣，不嗜辣的我也能喝下湯底。取山葵的香而不取其辣，完美的將其變奏成一個非常特別的拉麵湯口味，我倆都不絕讚好。選擇拉麵配料時還可以加芝士，本來以為湯底會偏辣所以加入芝士中和一下。現在山葵湯味道香而不辣，這些巴馬臣芝士碎的作用應該是令湯底更為香滑，令芥末湯錦上添花。我的特上松葉蟹海老番茄湯拉麵一來時已經香氣四溢，是濃郁的蟹味！ 特上款式的拉麵均有豬肩肉、豬腩肉、兩片紫菜和半隻溏心蛋，還會因應湯底不同而加添相配合的配料，如我這個便有紫洋蔥碎、沙律菜和車厘番茄。豬肩肉較瘦，相對的肉味較濃，卻不會鞋口；豬腩肉的脂肪與肉比例一半一半，脂肪入口即溶，炆得很是軟林。兩片紫菜是新鮮放進去，還未浸得霉掉，不過還是趕快吃掉方為上策。秋天是蟹的季節，不時不吃，用蟹肉入饌很有說服力，再配以番茄湯底很是聰明，與越式的番茄蟹肉湯檬同出一徹。番茄湯底也是大有來頭，除了鮮茄外還有海老淆成，濃郁海鮮與鮮甜番茄味道一拍即合，跟鮮味生拆蟹肉相輔相成，絕對是鮮中之鮮、甜中之甜。特地用上紫洋蔥而非普通的白洋蔥，在這裡也起了作用，即使是生的辣得來仍帶點甜度，加上爽脆的粒粒口感，與軟林的蟹肉作個對比。拉麵除了平時選的硬度外，也可選直麵或曲身麵兩種。我倆均喜歡直麵和較硬身的，出來的成品也是合符要求。直麵感覺較爽滑，硬身麵條不會糊口，條條分明。尤其是浸在這麼出色的兩款湯底中，掛湯能力是很重要的，硬身的直麵也就達到了水平。麵的份量倒也很多，可能我又吃得比較慢，吃到尾段的時候麵條浸在熱湯一段時間，開始變得有點林，所以下次我應該會選擇特硬的麵條。溏心蛋浸在熱湯裡，因此還是快快手吃掉比較好，不然在熱湯內又會慢慢地變得更熟。這張照片是一端上來便拍下的，可見出品時蛋黃呈誘人的橙黃色，溏心依然，外層蛋白已經熟透。溏心蛋也有先浸於醬油中，所以外層是淡淡的咖啡色，味道入味，鹹甜程度剛好。小食也隨之一個一個來到：日式炸雞切成一口size，是南蠻炸法，相對地炸皮較薄。內裡仍有肉汁，肉質嫩口。味道偏重，可加點檸檬汁解膩。需時十五分鐘的日式餃子即叫即煎，底部煎得金黃香脆。餃子皮非常薄身，內裡肉餡多汁鮮嫩，帶少許椰菜碎，很是好吃。因不想吃太肥膩，我們點了肩的部位。這款小食比在拉麵裡的豬肉更加入味，因額外用蜜汁燒過帶點香甜，還有少許蒜香味。而且分開煎過更為香脆金黃，是浸在湯裡的豬肉做不到的。炸軟殼蟹隔油功夫做得好，紙上完全沒有剩油。炸得乾身香脆，炸粉也算薄身，內裡蟹肉比例很多，還帶點蟹的鮮味。炙燒芝士豚肉是比較特別的小吃，這裡是一人前的份量。原來是底部放著一片乾身紫菜，上面放上蜜燒過的豚肉，最上面再放一層芝士，然後再用火槍炙燒至焦香。店員教我們吃法是把整個卷起來，讓紫菜包裹著豚肉和芝士，並要趁熱吃，不然芝士會硬掉。材料相互配合，加上火炙過的香濃芝士，怎麼會不好吃呢。 這裡的豚肉也很軟林，不會鞋口，相對上比上面的叉燒厚身少許，帶點肉汁，不錯的吃。這是兩個大食的人走在一起才會點的份量哈哈 (畢竟要給平常不肯吃拉麵的友人一個好印象)。小食的款式多，而兩款湯底均是非常非常出色，使友人為之驚豔，對吃拉麵之事改觀 (他說以後可以帶他去吃拉麵了)。其中最愛松葉蟹海老番茄湯，我甚至忍不住問問店員季節限定至何時，不過店員說暫時還未有終結日子，希望我下次再來仍有吧。 老實說香港的拉麵店之多，光做豬骨湯底的話真的很難突圍而出，所以這家店非常聰明，加入很多新穎的配搭將豬骨湯底變奏成很多特色湯底，而是晚點的這兩款也是十分出色的，誠意推介大家來試試。…Read More