Tonkichi Tonkatsu Seafood (The Toy House)

天氣勁熱, 好晏先出門口行街, 行到落尖咀都已經八點半啦, 呢D時間諗住去邊間食嘢都唔駛排隊, 於是去了丼吉睇下, 點知原來門口仲有人排緊隊, 要等十五分鐘先入得去, 好嘢果然多人排入座後叫返次次來都叫既吉烈炸豬柳配蘿白蓉定食, 而女友叫了吉列炸大蝦拼吉列豬扒定食, 另外叫了一份炸軟殼蟹, 軟殼蟹不過不失味道唔太咸, 隻蟹本身有少少膏所以食落幾香口, 食完後我哋自己磨芝麻及加醬油準備主角出場兩份餐一拼而上Share來食, 所以個碟好長, 呢道既炸物水準唔錯, 其中以吉列炸豬柳最好食, 豬柳雖然厚身但食落好鬆化及唔會炸得太乾, 味道亦調得幾好的, 配以蘿白蓉醬汁來食實在精彩, 相比之下吉列炸蝦及吉列炸豬扒只係比較普通並無驚喜; 配菜的生菜絲有兩款醬汁可選, 我比較仲意有祡菜的醬汁, 我哋總共添食了四次生菜絲, D醬汁都差唔多俾我哋食哂, 最後埋單承惠$495…Read More

好友又要離開香港了，這個飯局我是不會錯過的了！人數剛好可以多試幾樣食物，作為我的第一次光顧也真走運。炸軟殼蟹：炸起不油膩，吃時也脆口，但調味明顯過咸，可惜。吉列蝦：粉漿的厚度很薄，而蝦也很大隻多肉，肉質頗爽但冇蝦味(要有蝦味請連蝦殼幹掉)，不失為一可口小吃。吉列蠔：炸粉也不算很厚，蠔吃起來還留有肉汁，蠔味甚濃，較一般的好吃。吉列豬扒：這就是全城最好的吉列豬扒？豬扒的肉汁不多，可以說有點「鞋」，但的確炸起很乾身不油膩！吉列豬柳：豬柳的水準最高，全因保留了很多的肉汁，吃起來的質感剛好，不會過「鞋」，而且很有肉味。當然，吃過一大輪炸物後實應認真嘗試新鮮鮮甜的椰菜絲。侍應服務爽快，也很有禮貌；環境頗黑也甚有情調，作為三五知己的飯聚也恰當。作結的綠茶雪糕有紅豆作伴，擺相亦不俗，甚滿足了。在此再向好友送上祝福，祝願你來年事事順境、隨心所欲！…Read More

同瑪莉晚餐, 佢話朋友介紹佢嚟尖沙咀食日本嘢原來佢講果間就係井吉而我好耐之前已經好想嚟食不過一路都苦無對像, 搵唔到人一齊去, 仲諗住冇機會食到o潻 今日竟然有人提意去, 合晒我心意啦 冇訂位, 所以 6:10pm 就到達, 好在行快一步, 不用10分鐘, 即 6:20pm 已有 walk-in 客要等位 吉列豬柳拼炸蝦 $196豬柳3件:::豬柳冇味道, 質感比豬扒軟身少少炸蝦3隻:::好大隻, 不過炸醬好厚, 仲多過 d 蝦肉吉列豬扒拼炸蠔 $186豬扒1塊:::豬扒冇味道, 比豬柳乾 d 韌 d炸蠔2隻:::最好味, 既肥美又Juice 炸軟殼蟹 $62有二小隻軟殼蟹, 味道麻麻, 唔食好過, X氣的軟殼蟹手卷好味過佢好多倍我好鍾意食 d 飯, 軟淋淋, 可惜已經好飽, 冇機會 refill有芝麻的紫菜汁及西柚汁就用來配椰菜絲~有碗芝麻係比我自己磨碎佢, 然後加豬扒醬, 來點豬扒及豬柳食~沙律醬, 介辣及海鹽就用來點炸蝦及炸蠔~試過咁多款醬汁, 我就鍾意海鹽多 d, 所以食食下我都只點海鹽, d 海鹽比我食晒, 搞到瑪莉冇得試 磨芝麻係幾新鮮又香, 不過配埋佢 d 豬扒醬就唔合我口味, 醬汁太多, 太花巧, 只有沙律醬海鹽比較好味~ 偶爾一次就無妨, 真係好熱氣~ 若有下次的話, 我會食炸蠔及炸帶子 豬柳及豬扒試過就算吧~ …Read More

當天是星期四，book 左位 12: 30pmwaitress 係電話入面講到明只會 hold 10mins我心諗 : 「嘩 ! 呢間餐廳都幾大牌下啵 ! 」當日落左地庫之後，我盲中中咁直行。點知撞左去第二間日本野。原來落左去之後轉右先係 ~我地 6 個人被安排住係卡位度。靚就靚，不過出入有 d 麻煩，肥少少都坐唔入 ~ 同埋著裙的會好易被張 chair 刮到大脾。講番 d 野食同服務，我覺得佢服務 ok 。有笑容 ~ 只不過係門口等左好耐都未有人帶位，同埋講野快左 d，feel 到佢好急咁樣。waitress 解釋 2 款點椰菜的醬，我覺得紫菜味正 d ^^D 芝麻俾我地即磨，磨完之後加個醬落去點炸豬排。好好好香 !炸軟殼蟹 - 超水準。D 蟹有膏嫁 ! 又唔油~ 一上臺我地就將佢分屍。炸豬排拉麵 - 湯底我比較喜歡拉麵 888 果種，不過麵身就 ok。豬排夠大塊 ! lunch set $ 88 ，絕對唔係 1 人份量 !叉燒拉麵 - 有三塊叉燒，但比起炸物，這個拉麵平平無奇。唔值 $ 82 !另外叫左個定食 $ 138 ( 白飯 & 椰菜可以隨意 refill )同埋一個三人定食 $ 438 ( 有 3 隻蝦， 3 隻蠔，豬扒 and 不知明圓形炸物 )送西瓜 ( 好甜 ! 起沙嫁 ! 不過係跟定食送的，拉麵就無得送。佢見到你 6 個人但都唔會送多 d 俾你 )另一驚喜就係果度的 green tea 都幾有水準 ! 有好香的茶味 ! 加分 !價錢就唔係平，不過食物真係有水準。頂龍一個月食 2 次，咁樣荷包同喉嚨都唔會咁傷 !…Read More