和記海鮮飯店

近排洗錢多左，諗住食平dd，緊係睇下有咩小菜平靚正喇，睇睇下就去左和記（女朋友同我講果陣仲以為係電話果個和記）。女朋友話見到個個都食炸蝦餅，咁緊係試下喇！1。每件蝦餅好大件2。佢真係新鮮熱辣炸起比我地3。炸粉好薄，唔會食到好粉4。蝦肉同蝦膠好新鮮彈牙，比例夾得幾好5。好抵食6。（我第一眼以為係加大版麥樂雞）之後諗住再叫個骨（小菜必食），發現呢度竟然有個紫羅骨，即刻叫黎試下。1。紫薑波羅骨而家好少人整2。佢d骨係入味既3。酸甜度掌握得幾好，配個些少薑味，味覺幾豐富個人對呢樣小菜好有期待，所以都有2點可以做好d1。薑唔夠嫩，可以用嫩薑炒，口感更好2。我一開始以為佢會用金沙骨（咁平我可能大想頭左），點知只係普通肉排，有少少失望最後仲叫左個啫啫芥蘭（唔記得影相就食左），夠鑊氣，熟度剛好，唔會因爲個窩係熱既，搞到佢熟過頭。三樣小菜唔駛$200埋單，成班佬去一定會愛上！（是日同女朋友去無飲啤酒，但睇到大啤都平平地，而且款式好齊）…Read More

我地本身被燒鵝同炸蝦餅吸引而黎的....點知見到人地食緊羊腩煲，好好味咁....點好呢~2個人叫曬三樣又食吳曬!!冬天都係要補一補，揀左羊腩煲同炸蝦餅，羊腩煲仲有生菜跟tim~用火爐興住食既羊腩煲，味道剛剛好，吳太咸，吳太蘇，羊腩吳鞋吳UN，亦吳會膩到滯住食兩舊就停手。除左羊腩仲有枝竹，蘿蔔，馬蹄，花生...若然跟多D生菜就好啦～蝦餅出場啦～好香呀！金黃色既蝦餅表面係薄薄既吉列炸粉，爽口彈牙，一D都吳會死實實。蝦餅入面仲有D細細粒既墨魚碎架～好鮮味一D都吳油，食完一件即刻想多件呀！…Read More

凡事總有第一次，今晚，PJ發生了好幾個；第一次參加窮L飯局； 第一次食到一些超創新配搭菜式；第一次來這間飯店；也是第一次來渡船角這帶尋食。是晚4圍窮L 一齊團年，又熱又鬧，精采到呢！這裡出名燒鵝，斷估其燒味應該有番咁上下。先來個拼盤，燒肉皮脆，叉燒肥瘦適中，油雞滑亦入味，至於燻蹄~ 我對面位窮L兄笑說話有陣臭腳味，即係夠味la，good。聽聞這裏的燉湯亦出名，八大盅沙參生魚湯4 圍窮L分，味鮮，我飲了三大碗，阿J 就比條生魚賣相嚇親...接住連黎幾個小菜；百花釀豆腐- 先不要看賣相，蝦膠彈牙，豆腐連個汁餸飯一流，廿九幾隻手舉起叫"靚仔"，壯觀。豉汁蒸鱔- 新鮮肥美，豉汁香，阿J 今次就比個鱔魚頭嚇親...跟住呢味夠哂新鮮感，真係估你唔到廚房大佬；豆苗我食得多，搭潤腸就真係一次，又幾夾喎，學到野喇。接著呢味都係不要看表面，蒜汁蝦球- 肉爽有蝦味，大大隻，加埋個香濃蒜汁，又係註定同白飯成一對的組合，廿九幾隻手又再擧起... 今次無野嚇親阿J，只係個汁佢無興趣。估計這裡盛產蝦，今晚第三道菜用上它做主角- 炸蝦餅，火喉炸得剛好，蝦餅彈牙香囗，嗜蝦的我食得樂在其中，但不好熱氣炸物的阿J 就繼續埋首在其"靚仔"同豆苗中。終於到這裡的明物出場- 明爐燒鵝，名不虛傳，皮脆肉香，不過這隻鵝明顯做開健身，脂肪比例較少。跟住這道菜，是不少麻甩的＂飛彿＂-小炒王，這種老牌飯店煮出有水準的小炒王是常識吧，食得正㷫起，冷不防身旁的阿J問我奇實小炒王是什麼東西，攪乜大伙兒食得咁爽...最後兩道餸，由於已經好飽，我只是輕嚐: 洋蔥豬扒同埋乾炒肉片河; 豬扒夠腍洋蔥香，肉片河就好一般啦。致於阿J ，仍在考究小炒王有什麼吸引之處...窮L飯局果然唔係浪得虛名，咁多野食每人都係＄200，服！仲要有抽獎環節，中獎與否事小，看到一眾窮L們的興奮神情就已值回票價了，我仲要有份參與其中，你話爽唔爽！十多年前PJ 因為鍾意周圍食而認識了一班志同道合的Openricer，十年磨一劍，現在的他們有些已是獨當一面的人氣blogger，衷心多謝南瓜兄的安排。窮L 們，有緣再見！…Read More

今晚同家人慶生，所以選擇了這家在佐敦的傳統飯店吃飯。這家飯店附近其實已成為一個食店雲集的地區，但各店百花齊放，令各大食家可以一飽口福。而這店就相對歷史較悠久，可見佢真的有實力，才能屹立不到。由於和一家人食生日飯，當然食要食好啲。而其中有幾樣菜值得推介。半隻燒鵝：相對燒鴨，食燒鵝的真的買少見少，因價錢較貴，但佢的燒鵝與深井的真的有得揮，佢好像是自家燒的燒鵝，所以夠香，而且鵝都夠滑，所以真的好正。燒腩仔：個皮真的好脆，真的脆到薯片一樣，但腩肉沒有油膩感，真的係高質素的燒腩仔。炸蝦餅：相對可能有魚肉，或較假的蝦餅外，佢選用較多蝦肉，真的啖啖蝦肉，加上鮮炸，配上薄薄的外皮，令我一試難忘。鹹菜豬肚湯：白白的湯頭，配上香香的胡椒味和足料乾淨的豬肚和鹹菜，又下火又好飲。其他菜式都係十分有鑊氣，又足料又抵食，雖然沒有華麗的裝修，亦是家庭式較港式的服務，但真的食左一餐充滿港式傳統的晚餐。有時舊食店都有好東西，我們需要好好尋找，好好保存。…Read More